प्रेरित.कामी 15
15
जिरोसालेम रे पहिला बड़े सभा
1 #
लेवी 12:3
हेतरअ थोड़ेक जाहुदिया तरअः अन्ताकिया रे हीःग केते, “जदि मुसा तरअः हीःग दराआ होना दसतुर लकान आपे आला खतना एरे हुयाआ दो, आपे के उधार एरे भेटाआ,” मेन केते बोकोकु के सिखाव दिकुआकु। 2जब पौलुस तेकर बरनाबस हुंकू लोः ढेर कंहड़ी उपड़ीङ हेतरअ झगड़अ ना दो, पौलुस आउर बरनाबस हुंकू अन्ताकिया रिनकु थोड़ेक होड़ लोः नोःआँ बात रअः बारे रे प्रेरितकु तेकर अगुवाकु दुबाःड़े जिरोसलेम सेनोः लःअय ठहराव लअकु।
3अन्ताकिया कलीसिया रिनकु हुंकिन के विदा केते, तेकर हुंकिन फनीके आउर समारिया रे बोलो यअते सेन नेनाकिन। हिमीन बेरा बिसवासीकु के नोःआँ खभाईर उदूः लआकिन ची, एटाअ जाईतकु परमेसर पखा मन रूवाड़ दाकु नोःआँ बात आयुम केते, जामे बोकोकु मुरुक खुस नाकु। 4जे बेरा हुंकू जिरोसलेम सोदोर नेनाकु दो, कलीसिया कु, प्रेरितकु, तेकर अगुवाकु, हुंकू के पाईरघव लिकुआकु, तेकर परमेसर हुंकू लोः एतान-एतान काम कामी लःअय के उदूः लिकुआकु। 5बकिर फरीसी खुड़हा रिनकु थोड़ेक होड़, जे बिसवास थिलआकु, हुंकू बिरिःड केते, “एटाअ जाईतकु के ख-खतना लःअय, तेकर मुसा आला कनहुन के मनाअ लःअय हुकूम एमोअ चाही” मेन केते कंहड़ी लअकु।
6प्रेरित आउर अगुवाकु नोःआँ बात रेनअः बारे बिबिचार लःअय जवार नेनाकु। 7#प्रे.कामी 10:1–43जब ढेर कंहड़ी उपड़ीङ हुयाव ना दो, पतरस बिरिःड केते कंहड़ी लःअय, “ए बोकोकु, आपे पड़ीआपे ची, ढेर दिन हुयाव ना, परमेसर ईङ के आपे मेसे रे निबाड़ तदिङाय। ईङ आला आहा तरअः एटाअ जाईतकु बेस खभाईर रअः बचन के आयुम केते बिसवासे-कु। 8#प्रे.कामी 10:44; 2:4परमेसर होड़कु आला मन के पाड़ीआय, हुनी हुंकू के आबु लकान गी पबितर आतमा एम केते गोवाही एम लःअय। 9परमेसर रे बिसवास रअः दोवासते हुंकू आला मन के सुध लःअय, आउर जाहुदीकु हेतरअ एटाअ जाईतकु रे, छेद काय दोहो लआ। 10आपे जे जुवाठ के ना दो आबु आलकु पुरखाकु गोगोअ रेनअः सवांग दोहोय केनाकु, आउर ना दो आबु, होना के चेलाकु आला खांध रे लादी केते, आपे एता लःअय परमेसर आला परीकछा एदीअ दापे? 11हाँ आले बिसवासे आले ची परभु ईसु आला दया तरअः गी, आबु के उधार भेटाव ताना जे लकान हुंकू केहोः।”
12तब जामा सिड़िग्याः नाकु, आउर हुंकू बरनाबस हेतरअ पौलुस आला बात के आयुम दाकु। जे होना चिनहा तेकर छकरित कामी रआ बारे उदूः कु केनाकिन, जेके परमेसर हुंकू तरअः एटाअ जाईतकु ताला रे देखाव थिलाआय के उदूः कु केनाकिन। 13जब हुंकिन कंहड़ी चबा लआकिन दो, “बोकोकु ईङ आला बात के आयुमेपे,” मेन केते याकुब कंहड़ी लःअय! 14“पहिल खेप परमेसर एता लकान एटाअ जाईतकु रे, अपन लःअय मियांड होड़ चुचुनाव लःअय दया लःअय मेन केते सिमोन आले के उदूः तडलेआय। 15नोःआँ रे आगमजानीकु आला बात होः जुमाआ, जे लकान ची लिखा लअः एदनाअ।
16 #
आमो 9:11,12 “‘नोःआँ तयोम ईङ रूवाड़ केते,
दाऊद आला राईज के फिन बनाव समहायीङ।
होना तहास-नहास नेना के फिन बनाव केते,
होना के तिंगु यींग।
17जेकर से ची मनवा जाईत बंचाव उनकु,
जामा एटाअ जाईतकु चाहे पुरा दुनिया रिनकु, जे ईङ आला नुमू रिनकु कहलाआकु, परभु आला खोजाईर रे लगाव तहिनोः कु। नोःआँ कंहड़ी हुनी परभु आला हेके जे नोःआँ कामी पुरायाय।
18नुई हिनी परभु कंहड़ीयाय, जे जुग-जुग तरअः नोःआँ बात के उदूः आगु तदाय।’
19“हिना लःअय ईङ आला नोःआँ फैसला एदनाअ, ची एटाअ जाईतकु रे जे होड़ परमेसर पखा फिराआकु, आबु हुंकू के बिपाईत एरबु एमा कुआ। 20#उइठ 34:15–17; लेवी 18:6–23; लेवी 17:10–16बकिर हुंकू मुरती रे रकाःब लअः जोजमअ, होटोः आँईठाव गोएःग उनी जनवर आला सिकार हेतरअ मयोम आउर बेलाज काम तरअः लंका ताहिन कु मेन केते चिठी लिखा केते, हुंकू के हुकूम एमा गुल ताकु। 21एता लःअय ची पुरखा तरअः सहर-सहर रे, मुसा आला धरम पुथी रेनअः परचार हुयाअः ताना आउर हुनी आला धरम पुथी जामा सथाअ हिला बिनती ओड़ाअ रे पढ़ाव केते सुनायाकु।”
एटाअ जाईत बिसवासीकु लःअय चिठी
22तब जामा कलीसिया तरअः सलाह इदी केते, प्रेरितकु तेकर अगुवा सलाह नेनाकु ची, आबु मेसे रे थोड़ेक के निबाड़ केते, पौलुस तेकर बरनाबस लोः अन्ताकिया भेजाव कु मेन केते प्रेरितकु तेकर अगुवाकु सलाह नेनाकु। हुंकू बनहोंड़ के चुनाव लिकुआकु, जे बोकोकु रे नामी ताही नेनाय जहुदा के, जेके बरसबा बेताई केनाकु तेकर सिलास के। 23तेकर हुंकू नोकान चिठी लिखा केते,
“हुंकिन आला तीः रे एम कुलगोःड लअकु ची, अन्ताकिया तेकर सिरिया आउर किलकिया रे ताहीनोः कु एटाअ जाईत बोकोकु के, प्रेरित आउर अगुवाकु आपे आलकु बोकोकु पखा तरअः जोहार। 24आले आयुम तदाले ची, आले मेसे रे थोड़ेक होड़ आपे दुबाःड़े सेन केते, आपे के अपन बात तरअः हदियाव केदपेआकु, आउर आपे आला मन के दुबिधा केदाकु, बकिर आले हुंकू के नोकान हुकूम काले एमा थिलकुआ। 25हिना लःअय आले मि-जामुक केते, फैसला लआले ची, थोड़ेके होड़कु के निबाड़ केते अपन दुलार बरनाबस आउर पौलुस लोः आपे दुबाःड़े कुलगोःड कुआले, 26बरनाबस आउर पौलुस नुकिन नोकान होड़ हेके, जे अपन जीव के आबु आली परभु ईसु ख्रीस्त आला नुमू लःअय, जोखिम रे लगाव तदाकिन। 27हिना लःअय जहुदा तेकर सिलास के आपे दुबाःड़े कुलगोःड दिकनाले, जे खुदे अपन आहा तरअः होः, नोःआँ बात के कंहड़ी उदूः केआकिन, जे आले लिखाः दाले। 28पबितर आतमा के तेकर आले के होः ची नोःआँ जुनजुना बात के बाई केते, आपे तेङ रे आउर बोझा एमोअ, उचित का आदा नेना। 29ची आपे मुरती रे रकाःब लआ जिनीस कुन तरअः तेकर मयोम तरअः तेकर होटोः आँईठाव गोएःग लिनकु जनवर आला सिकार आउर बेलाज काम तरअः लंका ताहिनपे। नोःआँ तरअः लंका ताहिन रेदोपे, आपे आला भलाई कोआ, दागे खान बिदा मेन केते लिखा भेजाव लअकु।”
30तेकर हुंकू बिदा केते अन्ताकिया सोदोर नेनाकु, तेकर बिसवासी बोकोकु के जवार केते, होना चिठी के हुंकू के एमा लिकुआकु। 31हुंकू नोकान चिठी पढ़ाव केते, होना ढाढ़स रअः बात तरअः मुरुक रिझ नाकु। 32जहुदा तेकर सिलास खुदे आगमजानी ताही नेनाकिन, ढेर बात तरअः बोकोकु के समझाव केते, केटेःग लिकुआकिन। 33हुंकू थोड़ेक दिन होनाःड़े ताही नेनाकु, होना तयोम हुंकू बोकोकु एड़े तरअः सानती से, जे हुंकू के कुलगोःड थिलकुआकु, हुंकू होड़ दुबाःड़े रूवाड़ सेनोः लःअय विदा नेनाकु। 34बकिर सिलास के होनाःड़े ताहीनोः बेस अदा लिया।
35पौलुस तेकर बरनाबस होः अन्ताकिया रेगी थोड़ेक दिन ताहिः नाकिन तेकर ढेर एटाअ होड़कु लोः परभु आला बचन के सिखाव कु केनाकिन, आउर परचारे केनाकिन।
पौलुस आउर बरनाबस आला मन-मुटाव
36थोड़ेक दिन तयोम, “जे-जे सहर रे आलांग परभु आला बचन के सुनाव थिलाअलांग, दु फिन होनाःड़े सेन केते, अपन बोकोकु एता लकान एदान कुआ के नेल कुआलांग मेन केते,” पौलुस बरनाबस के बेता लियाय। 37बरनाबस जोहन के होः, जेके मरकुस बेताई केनाकु आएंग लोः ईइदी नाम केनाय, 38#प्रे.कामी 13:13जे होड़ पंफुलिया रे आलगे केते, हुंकिन के कामी काय गतिओ थिलकिना लःअय, हुनी के अपन लोः ईइदी बेस कनोआँ नोकान पौलुस आला बिचार ताही नेना। 39नोःआँ चलते हुंकिन ताला रे नोकान बिचार का जुमाव नेना ची, हुंकिन बनाहोंड़ रे आलगेअ नाकिन तेकर बरनाबस मरकुस के आएंग लोः इदी केते जहाज रे साईप्रस सेनोः नाय, 40बकिर पौलुस सिलास के चुनाव लियाय, तेकर बोकोकु तरअः परभु रअः दया रे सोंपाव केते होनाःड़े तरअः सेनोः नाय। 41तेकर हुनी सिरिया आउर किलकिया रे दांड़ा यअते तेकर कलीसिया के ढाढ़स तोलोः लिकुआय।
Currently Selected:
प्रेरित.कामी 15: ASR
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
प्रेरित.कामी 15
15
जिरोसालेम रे पहिला बड़े सभा
1 #
लेवी 12:3
हेतरअ थोड़ेक जाहुदिया तरअः अन्ताकिया रे हीःग केते, “जदि मुसा तरअः हीःग दराआ होना दसतुर लकान आपे आला खतना एरे हुयाआ दो, आपे के उधार एरे भेटाआ,” मेन केते बोकोकु के सिखाव दिकुआकु। 2जब पौलुस तेकर बरनाबस हुंकू लोः ढेर कंहड़ी उपड़ीङ हेतरअ झगड़अ ना दो, पौलुस आउर बरनाबस हुंकू अन्ताकिया रिनकु थोड़ेक होड़ लोः नोःआँ बात रअः बारे रे प्रेरितकु तेकर अगुवाकु दुबाःड़े जिरोसलेम सेनोः लःअय ठहराव लअकु।
3अन्ताकिया कलीसिया रिनकु हुंकिन के विदा केते, तेकर हुंकिन फनीके आउर समारिया रे बोलो यअते सेन नेनाकिन। हिमीन बेरा बिसवासीकु के नोःआँ खभाईर उदूः लआकिन ची, एटाअ जाईतकु परमेसर पखा मन रूवाड़ दाकु नोःआँ बात आयुम केते, जामे बोकोकु मुरुक खुस नाकु। 4जे बेरा हुंकू जिरोसलेम सोदोर नेनाकु दो, कलीसिया कु, प्रेरितकु, तेकर अगुवाकु, हुंकू के पाईरघव लिकुआकु, तेकर परमेसर हुंकू लोः एतान-एतान काम कामी लःअय के उदूः लिकुआकु। 5बकिर फरीसी खुड़हा रिनकु थोड़ेक होड़, जे बिसवास थिलआकु, हुंकू बिरिःड केते, “एटाअ जाईतकु के ख-खतना लःअय, तेकर मुसा आला कनहुन के मनाअ लःअय हुकूम एमोअ चाही” मेन केते कंहड़ी लअकु।
6प्रेरित आउर अगुवाकु नोःआँ बात रेनअः बारे बिबिचार लःअय जवार नेनाकु। 7#प्रे.कामी 10:1–43जब ढेर कंहड़ी उपड़ीङ हुयाव ना दो, पतरस बिरिःड केते कंहड़ी लःअय, “ए बोकोकु, आपे पड़ीआपे ची, ढेर दिन हुयाव ना, परमेसर ईङ के आपे मेसे रे निबाड़ तदिङाय। ईङ आला आहा तरअः एटाअ जाईतकु बेस खभाईर रअः बचन के आयुम केते बिसवासे-कु। 8#प्रे.कामी 10:44; 2:4परमेसर होड़कु आला मन के पाड़ीआय, हुनी हुंकू के आबु लकान गी पबितर आतमा एम केते गोवाही एम लःअय। 9परमेसर रे बिसवास रअः दोवासते हुंकू आला मन के सुध लःअय, आउर जाहुदीकु हेतरअ एटाअ जाईतकु रे, छेद काय दोहो लआ। 10आपे जे जुवाठ के ना दो आबु आलकु पुरखाकु गोगोअ रेनअः सवांग दोहोय केनाकु, आउर ना दो आबु, होना के चेलाकु आला खांध रे लादी केते, आपे एता लःअय परमेसर आला परीकछा एदीअ दापे? 11हाँ आले बिसवासे आले ची परभु ईसु आला दया तरअः गी, आबु के उधार भेटाव ताना जे लकान हुंकू केहोः।”
12तब जामा सिड़िग्याः नाकु, आउर हुंकू बरनाबस हेतरअ पौलुस आला बात के आयुम दाकु। जे होना चिनहा तेकर छकरित कामी रआ बारे उदूः कु केनाकिन, जेके परमेसर हुंकू तरअः एटाअ जाईतकु ताला रे देखाव थिलाआय के उदूः कु केनाकिन। 13जब हुंकिन कंहड़ी चबा लआकिन दो, “बोकोकु ईङ आला बात के आयुमेपे,” मेन केते याकुब कंहड़ी लःअय! 14“पहिल खेप परमेसर एता लकान एटाअ जाईतकु रे, अपन लःअय मियांड होड़ चुचुनाव लःअय दया लःअय मेन केते सिमोन आले के उदूः तडलेआय। 15नोःआँ रे आगमजानीकु आला बात होः जुमाआ, जे लकान ची लिखा लअः एदनाअ।
16 #
आमो 9:11,12 “‘नोःआँ तयोम ईङ रूवाड़ केते,
दाऊद आला राईज के फिन बनाव समहायीङ।
होना तहास-नहास नेना के फिन बनाव केते,
होना के तिंगु यींग।
17जेकर से ची मनवा जाईत बंचाव उनकु,
जामा एटाअ जाईतकु चाहे पुरा दुनिया रिनकु, जे ईङ आला नुमू रिनकु कहलाआकु, परभु आला खोजाईर रे लगाव तहिनोः कु। नोःआँ कंहड़ी हुनी परभु आला हेके जे नोःआँ कामी पुरायाय।
18नुई हिनी परभु कंहड़ीयाय, जे जुग-जुग तरअः नोःआँ बात के उदूः आगु तदाय।’
19“हिना लःअय ईङ आला नोःआँ फैसला एदनाअ, ची एटाअ जाईतकु रे जे होड़ परमेसर पखा फिराआकु, आबु हुंकू के बिपाईत एरबु एमा कुआ। 20#उइठ 34:15–17; लेवी 18:6–23; लेवी 17:10–16बकिर हुंकू मुरती रे रकाःब लअः जोजमअ, होटोः आँईठाव गोएःग उनी जनवर आला सिकार हेतरअ मयोम आउर बेलाज काम तरअः लंका ताहिन कु मेन केते चिठी लिखा केते, हुंकू के हुकूम एमा गुल ताकु। 21एता लःअय ची पुरखा तरअः सहर-सहर रे, मुसा आला धरम पुथी रेनअः परचार हुयाअः ताना आउर हुनी आला धरम पुथी जामा सथाअ हिला बिनती ओड़ाअ रे पढ़ाव केते सुनायाकु।”
एटाअ जाईत बिसवासीकु लःअय चिठी
22तब जामा कलीसिया तरअः सलाह इदी केते, प्रेरितकु तेकर अगुवा सलाह नेनाकु ची, आबु मेसे रे थोड़ेक के निबाड़ केते, पौलुस तेकर बरनाबस लोः अन्ताकिया भेजाव कु मेन केते प्रेरितकु तेकर अगुवाकु सलाह नेनाकु। हुंकू बनहोंड़ के चुनाव लिकुआकु, जे बोकोकु रे नामी ताही नेनाय जहुदा के, जेके बरसबा बेताई केनाकु तेकर सिलास के। 23तेकर हुंकू नोकान चिठी लिखा केते,
“हुंकिन आला तीः रे एम कुलगोःड लअकु ची, अन्ताकिया तेकर सिरिया आउर किलकिया रे ताहीनोः कु एटाअ जाईत बोकोकु के, प्रेरित आउर अगुवाकु आपे आलकु बोकोकु पखा तरअः जोहार। 24आले आयुम तदाले ची, आले मेसे रे थोड़ेक होड़ आपे दुबाःड़े सेन केते, आपे के अपन बात तरअः हदियाव केदपेआकु, आउर आपे आला मन के दुबिधा केदाकु, बकिर आले हुंकू के नोकान हुकूम काले एमा थिलकुआ। 25हिना लःअय आले मि-जामुक केते, फैसला लआले ची, थोड़ेके होड़कु के निबाड़ केते अपन दुलार बरनाबस आउर पौलुस लोः आपे दुबाःड़े कुलगोःड कुआले, 26बरनाबस आउर पौलुस नुकिन नोकान होड़ हेके, जे अपन जीव के आबु आली परभु ईसु ख्रीस्त आला नुमू लःअय, जोखिम रे लगाव तदाकिन। 27हिना लःअय जहुदा तेकर सिलास के आपे दुबाःड़े कुलगोःड दिकनाले, जे खुदे अपन आहा तरअः होः, नोःआँ बात के कंहड़ी उदूः केआकिन, जे आले लिखाः दाले। 28पबितर आतमा के तेकर आले के होः ची नोःआँ जुनजुना बात के बाई केते, आपे तेङ रे आउर बोझा एमोअ, उचित का आदा नेना। 29ची आपे मुरती रे रकाःब लआ जिनीस कुन तरअः तेकर मयोम तरअः तेकर होटोः आँईठाव गोएःग लिनकु जनवर आला सिकार आउर बेलाज काम तरअः लंका ताहिनपे। नोःआँ तरअः लंका ताहिन रेदोपे, आपे आला भलाई कोआ, दागे खान बिदा मेन केते लिखा भेजाव लअकु।”
30तेकर हुंकू बिदा केते अन्ताकिया सोदोर नेनाकु, तेकर बिसवासी बोकोकु के जवार केते, होना चिठी के हुंकू के एमा लिकुआकु। 31हुंकू नोकान चिठी पढ़ाव केते, होना ढाढ़स रअः बात तरअः मुरुक रिझ नाकु। 32जहुदा तेकर सिलास खुदे आगमजानी ताही नेनाकिन, ढेर बात तरअः बोकोकु के समझाव केते, केटेःग लिकुआकिन। 33हुंकू थोड़ेक दिन होनाःड़े ताही नेनाकु, होना तयोम हुंकू बोकोकु एड़े तरअः सानती से, जे हुंकू के कुलगोःड थिलकुआकु, हुंकू होड़ दुबाःड़े रूवाड़ सेनोः लःअय विदा नेनाकु। 34बकिर सिलास के होनाःड़े ताहीनोः बेस अदा लिया।
35पौलुस तेकर बरनाबस होः अन्ताकिया रेगी थोड़ेक दिन ताहिः नाकिन तेकर ढेर एटाअ होड़कु लोः परभु आला बचन के सिखाव कु केनाकिन, आउर परचारे केनाकिन।
पौलुस आउर बरनाबस आला मन-मुटाव
36थोड़ेक दिन तयोम, “जे-जे सहर रे आलांग परभु आला बचन के सुनाव थिलाअलांग, दु फिन होनाःड़े सेन केते, अपन बोकोकु एता लकान एदान कुआ के नेल कुआलांग मेन केते,” पौलुस बरनाबस के बेता लियाय। 37बरनाबस जोहन के होः, जेके मरकुस बेताई केनाकु आएंग लोः ईइदी नाम केनाय, 38#प्रे.कामी 13:13जे होड़ पंफुलिया रे आलगे केते, हुंकिन के कामी काय गतिओ थिलकिना लःअय, हुनी के अपन लोः ईइदी बेस कनोआँ नोकान पौलुस आला बिचार ताही नेना। 39नोःआँ चलते हुंकिन ताला रे नोकान बिचार का जुमाव नेना ची, हुंकिन बनाहोंड़ रे आलगेअ नाकिन तेकर बरनाबस मरकुस के आएंग लोः इदी केते जहाज रे साईप्रस सेनोः नाय, 40बकिर पौलुस सिलास के चुनाव लियाय, तेकर बोकोकु तरअः परभु रअः दया रे सोंपाव केते होनाःड़े तरअः सेनोः नाय। 41तेकर हुनी सिरिया आउर किलकिया रे दांड़ा यअते तेकर कलीसिया के ढाढ़स तोलोः लिकुआय।
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0