प्रेरित.कामी 2
2
पेन्तेकोस्त हिला पबितर आतमा रआ अड़गुन
1 #
लेवी 23:15–21; कन 16:9–11 जब पेन्तेकोस्त#2:1 पेन्तेकोस्त पास्का परब तयोम पचासवां हिला के पेन्तेकोस्त मेन गेआकु। रअः दिन सोदोर ना आउर जामा बिसवासीकु मि एड़े जवार थिनाकु, 2दो अचाका गर्ड़रा लकान सांय-सांय सिरमा तरअः साड़ी आयुम नेना, तेकर गोटा ओड़ाअ जे दुबाःड़े दुड़ूः थिनाकु आंवजाईर ना। 3आउर हुंकू के सेंगेल लकान आलांग हाटिङोः नेल नेना आउर जामेकु तेङ रे हीःग केते तिंगुः ना। 4हुंकू जामे पबितर आतमा रे पेरेःग नाकु, तेकर जे लकान पबितर आतमा क-कंहड़ी लःअय सवांग एमा लिकुआय, हुंकू हिना लकान एटाअ-एटाअ भाखा कंहड़ीः दाकु।
5हिमीन बेरा सिरमा लतार रअः जामा जाईत हीःग उनकु धरमी होड़कु आउर जाहुदीकु, हिमीन बेरा जिरोसलेम रे तहीनोः केनाकु 6होना साड़ी आयुम नेना दो ढेर होड़ तुन्दराः नाकु, आउर बिसवासीकु हुंकू आला भाखा रेगी कंहड़ी तानाकु के आयुम केते बायाव नाकु। 7हुंकू मुरुक छकित नाकु, आउर मोकाव केते कंहड़ीः दाकु, “नुकू जे कंहड़ी तानाकु हुंकू जामाकु गलीलीकु नलागे एतान? 8दो आबु आला जामेकु अपन-अपन जनम ठाँव रेनअः नुकू होड़ अपन भाखा रे एतान लकान कंहड़ीः दाकु? 9आबु जे पारथी, तेकर मेदी, आउर एलामी, आउर मेसोपोटामिया, आउर जाहुदिया, आउर कप्पदुकिया, आउर पोनतुस, आउर आसिया, 10तेकर फ्रुगिया आउर पंफुलिया, तेकर मिसर आउर लेविया राईज जे कुरेने रेनअः हेनाःड ते एदनाअ। आउर रोमी रिनकु, 11आउर क्रेते रिनकु, अरब तरअः हीःग उनकु, जाहुदी, आउर जाहुदी मत के मनाअ-कु, अपन-अपन भाखा रे हुंकू तरअः आबु परमेसर आला सेंड़ा-सेंड़ा कामी रेनअः बखनाव आयुम दाबु!” 12तेकर जामेकु छकित केते मोकाव नाकु आउर आकु-आकु एटाअ होड़ के, “नोःआँ एतान हुयाअः ताना मेन केते कंहड़ीः दाकु?”
13बकिर एटाअ होड़कु लन्दा केते, “नुकू दो नावाँ मदिरा नु केते बुल नाकु मेन केते कंहड़ी केनाकु!”
पतरस आला भासन
14पतरस ग्यारहो झन लोः तिंगु केते, जोर से जाहुदी बोकोकु, आउर “जिरोसलेम रे तहीनोः कु जामा, आपे ईङ आला कंहड़ी के बढ़ियाँः केन आयुमेपे बेता लिकुआय, आउर नोःआँ पड़ीपे ची, 15जे लकान आपे समझाअ तनापे, नुकू काकु बुल ताना, एता लःअय ची नहाअः दो निदवा रेनअः नाव गी बजाव ताना। 16बकिर नोःआँ होना कंहड़ी हेके जेकर बारे योएल आगमजानी कंहड़ी तदाय,
17 #
जोए 2:28–32
“‘अन्तोः बेरा नोकान हुयाव कोआ ची,
ईङ अपन आतमा जामे होड़ तेङ रे अड़गु यींग।
आपे आलकु कोड़ा आउर कुड़ी चेंगाकु आगमजानी केआकु,
आउर आपे आलकु जवानकु दर्सन नेल केआकु,
आउर पुरखाकु सपना नेल केआकु,
मेन केते परमेसर कंहड़ीः दाय बेता लिकुआय।
18हिमीन बेरा ईङ अपन धाँगड़-धाँगड़ीन तेङ रे,
अपन आतमा अड़गु यींग,
तेकर हुंकू आगमजानी केआकु।
19ईङ तेङ सिरमा रे छकरित कामी देखायीङ,
आउर लतार ओत रे चिनहा देखायीङ।
मयोम तेकर सेंगेल आउर सुकूल रेनअः रिम्बिल देखायीङ,
20परभु आला महान तेकर आगम तरस मरसलोः हिला हिजोअ तरअः पहिल,
सिंङ बोंगा घुंज-घुंज अंधार,
आउर चानु मयोम लकान कोआय।
21तेकर जे, परभु आला नुमू रे गोहराव कोआकु हिंकु बंचाव कोआकु।’
22“ए इसराइली बोकोकु ईङ आला कंहड़ी के बेस केन आयुमेपे, आपे अपने हारतेगी पाड़ी आपे ची, परमेसर नासरत नुमू रिनी ईसु आला तीः तरअः, आपे आला तलारे समरथ काम छकरित कामी उदूः केते तेकर चिनहा समरथ रअः काम कामी थिलाआय। नोःआँ काम तरअः परमेसर नोःआँ साबित लःअय ची, परमेसर ईसु के खुदे कुलगोःड ताही लियाय। 23#सं.मत्ती 27:35; सं.मर 15:24; सं.लुका 23:33; सं.जोह 19:18हिनी ईसु के जे परमेसर आला ठहराव लअः जोजना, तेकर पहिल रअः बुधी मोताबिक सःब ची लियाकु; तेकर आपे पापीकु आला तीः तरअः कुरूस रे रकाःब केते गोएःग लियापे। 24#सं.मत्ती 28:5,6; सं.मर 16:6; सं.लुका 24:5बकिर हिनी ईसु के, परमेसर मराईन रअः खिलपाईत के मेटाव केते, हुनी के दोबारा जिवीःड लियाय, एता लःअय ची मराईन ईसु के अपन कबजा रे एरे दोहो दड़ीआ। 25#सिरिंग 16:8–11एता लःअय ची दाऊद हुनी बारे नोकान कंहड़ीयाय,
“‘परभु जामा बेरा ईङ आला मेःड तरअः मड़ांग ताहीनोआय,
हुनी ईङ आला जोम पखा एदानिया, हिना लःअय ईङ डिढ़गार तहीनोः ईङ।
26हिना लःअय मन तिंग रिझना,
आउर ईङ आला बात खुसी रे पेरेःग ना।
तेकर होड़ो तिंग होः,
आसरा रे बनाल ताही कोआ,
27एता लःअय ची आतमा तिंग के अधोलोक रे एरोम बाईया,
अपन पबितर होड़ के एरोम सेयाअ चिया।
28आम ईङ के जिनगी रअः होरा उदूः तदाम,
आम आला हाजिरोः तरअः खुसी रे पेरेःग केआय।’
29“ए बोकोकु, ईङ डिड़ से कुलपति दाऊद बारे कंहड़ी दड़ीईङ ची, हुनी दो गोएःग नेनाय तेकर तेपेःड होः तेपेःड लियाकु, आउर हुनी आला मारघटा नहाअः जगुत आबु दुबाःड़े एदनाअ। 30#सिरिंग 132:11; 2 समु 7:12,13हुनी आगमजानी ताही नेनाय, परमेसर हुनी तरअः किरया जोम थिलाआय ची, ईङ आम आला खानदान मेसे जाहें मिहोंड़ के हुनी आला राईज गदी रे दुड़ूः गियींग, सेके हुनी पाड़ी केनाय। 31हिना लःअय हुनी आगमजानी हुयाव केते, ख्रीस्त जिवीःड-बिरिडोः रअः बारे पाड़ी केनाय, दाऊद रअः बारे नोकान कंहड़ी तदाय,
“‘ची हुनी आला जीव ना दो अधोलोक रे बाई नेना,
आउर ना ची हुनी आला होड़ो सेया दाड़ी नेना।’
32निई ईसु के परमेसर जिवीःड बिरिःड लियाय, जेकर आले गोवाह एदान लेआ। 33नहाअः दो हुनी परमेसर आला जोम पखा दुड़ूः उनी एदानिया आउर बाबा तरअः वादा लअः पबितर आतमा नाम केते, होना आतमा के आले के एम तदाय। जेके आपे आयुम दापे आउर नेल दापे। 34#सिरिंग 110:1दाऊद दो खुद सिरमा काय सेन ताना, बकिर हुनी कंहड़ीआय,
‘परभु ईङ आली परभु के,
आम तब तक ईङ आला जोम पखा दुड़ूः मे बेता लियाय,
35जब तक ईङ आम आलकु मुदाई कु के आम आला जांगा तरी रे काईङ रौंदाव कु।’
36“हिना लःअय इसराइल घराना रिनकु एकदम पाड़ी जुनोः कु ची, हिनी ईसु के जेके आपे कुरूस रे रकाःब लियापे, परमेसर हुनी केहोः परभु आउर ख्रीस्त ठहराव लियाय!”
37हिमीन रे आ-आयुमकु आला मन ताकु पाईघालव ना, आउर पतरस तेकर एटाअ प्रेरितकु के, “तब दो बोकोकु आले एतानेआले?,” मेन केते कुली लिकुआकु।
38पतरस हुंकू के बेता लिकुआय, “आपे मेसे जामेकु मन रूवाड़ेपे, आउर अपन-अपन पाप रअः छमा लःअय ईसु ख्रीस्त आला नुमू रे दाअः तरअः बतिस्मा ईदीपे, दो आपे पबितर आतमा रअः दान नाम केआपे। 39एता लःअय ची नोःआँ वादा, आपे तेकर आपे आलकु बंसवाईर आउर हुंकू जामा लंका रिनकु होड़कु लःअय होः, जेके आबु आली परभु परमेसर आएंग दुबाःड़े राअः किकुआय।”
40पतरस ढेर नोकान कंहड़ी तरअः गोवाही एमा केते समझाव लिकुआय, ची अपन के नोःआँ पापी परिया तरअः बंचाव ताहिनपे बेता लिकुआय। 41जे पतरस आला कंहड़ी के पतियाव नेनाकु, हुंकू दाअः रे डुबाअ रेनअः बतिस्मा ईदी लअकु, तेकर हेनेन हिला पे हजार लकान होड़ हुंकू लोः मेसा नेनाकु। 42आउर हुंकू प्रेरितकु तरअः उपदेस आ-आयुम रे, तेकर संगति दोहो रे आउर परभु भोज रे, आउर लगातार बि-बिनती रे गातियोअ केनाकु।
बिसवासीकु आला संगति
43प्रेरितकु छकरित कामी हेतरअ चिनहा उदूः गे केनाकु, हिना लःअय जामे होड़ एड़े बोर भिनाव ना। 44#प्रे.कामी 4:32–35आउर जामे बिसवासीकु मि-जामुक कोअते तहीनोः केनाकु, आउर हुंकू आला जामा जिनीस सझेदार तहीनोः केना। 45हुंकू अपन-अपन खरचा, तेकर जिनीस आखरिंग केते, जेके जाईसन दरकार पड़ाअ केना, हिना लकान जामेकु के हाटिङोः कु केनाकु 46हुंकू रोज दिन मिलाव केते बड़े बिनती ओड़ाअ रे जवारोः केनाकु, आउर ओड़ाअ-ओड़ाअ लाःड केचागे केनाकु आउर सोझ मन रे रिझते, साँघे-साँघे घोटो हाटिङ जोमे केनाकु 47आउर हुंकू परमेसर आला स्तुति केनाकु, आउर जामे होड़कु हुंकू तरअः खुस तहीनोः केनाकु आउर जे उधार नामे केनाकु हुंकू के, परभु रोज दिन हुंकू लोः मेसा गुल ताकु केनाय।
Currently Selected:
प्रेरित.कामी 2: ASR
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
प्रेरित.कामी 2
2
पेन्तेकोस्त हिला पबितर आतमा रआ अड़गुन
1 #
लेवी 23:15–21; कन 16:9–11 जब पेन्तेकोस्त#2:1 पेन्तेकोस्त पास्का परब तयोम पचासवां हिला के पेन्तेकोस्त मेन गेआकु। रअः दिन सोदोर ना आउर जामा बिसवासीकु मि एड़े जवार थिनाकु, 2दो अचाका गर्ड़रा लकान सांय-सांय सिरमा तरअः साड़ी आयुम नेना, तेकर गोटा ओड़ाअ जे दुबाःड़े दुड़ूः थिनाकु आंवजाईर ना। 3आउर हुंकू के सेंगेल लकान आलांग हाटिङोः नेल नेना आउर जामेकु तेङ रे हीःग केते तिंगुः ना। 4हुंकू जामे पबितर आतमा रे पेरेःग नाकु, तेकर जे लकान पबितर आतमा क-कंहड़ी लःअय सवांग एमा लिकुआय, हुंकू हिना लकान एटाअ-एटाअ भाखा कंहड़ीः दाकु।
5हिमीन बेरा सिरमा लतार रअः जामा जाईत हीःग उनकु धरमी होड़कु आउर जाहुदीकु, हिमीन बेरा जिरोसलेम रे तहीनोः केनाकु 6होना साड़ी आयुम नेना दो ढेर होड़ तुन्दराः नाकु, आउर बिसवासीकु हुंकू आला भाखा रेगी कंहड़ी तानाकु के आयुम केते बायाव नाकु। 7हुंकू मुरुक छकित नाकु, आउर मोकाव केते कंहड़ीः दाकु, “नुकू जे कंहड़ी तानाकु हुंकू जामाकु गलीलीकु नलागे एतान? 8दो आबु आला जामेकु अपन-अपन जनम ठाँव रेनअः नुकू होड़ अपन भाखा रे एतान लकान कंहड़ीः दाकु? 9आबु जे पारथी, तेकर मेदी, आउर एलामी, आउर मेसोपोटामिया, आउर जाहुदिया, आउर कप्पदुकिया, आउर पोनतुस, आउर आसिया, 10तेकर फ्रुगिया आउर पंफुलिया, तेकर मिसर आउर लेविया राईज जे कुरेने रेनअः हेनाःड ते एदनाअ। आउर रोमी रिनकु, 11आउर क्रेते रिनकु, अरब तरअः हीःग उनकु, जाहुदी, आउर जाहुदी मत के मनाअ-कु, अपन-अपन भाखा रे हुंकू तरअः आबु परमेसर आला सेंड़ा-सेंड़ा कामी रेनअः बखनाव आयुम दाबु!” 12तेकर जामेकु छकित केते मोकाव नाकु आउर आकु-आकु एटाअ होड़ के, “नोःआँ एतान हुयाअः ताना मेन केते कंहड़ीः दाकु?”
13बकिर एटाअ होड़कु लन्दा केते, “नुकू दो नावाँ मदिरा नु केते बुल नाकु मेन केते कंहड़ी केनाकु!”
पतरस आला भासन
14पतरस ग्यारहो झन लोः तिंगु केते, जोर से जाहुदी बोकोकु, आउर “जिरोसलेम रे तहीनोः कु जामा, आपे ईङ आला कंहड़ी के बढ़ियाँः केन आयुमेपे बेता लिकुआय, आउर नोःआँ पड़ीपे ची, 15जे लकान आपे समझाअ तनापे, नुकू काकु बुल ताना, एता लःअय ची नहाअः दो निदवा रेनअः नाव गी बजाव ताना। 16बकिर नोःआँ होना कंहड़ी हेके जेकर बारे योएल आगमजानी कंहड़ी तदाय,
17 #
जोए 2:28–32
“‘अन्तोः बेरा नोकान हुयाव कोआ ची,
ईङ अपन आतमा जामे होड़ तेङ रे अड़गु यींग।
आपे आलकु कोड़ा आउर कुड़ी चेंगाकु आगमजानी केआकु,
आउर आपे आलकु जवानकु दर्सन नेल केआकु,
आउर पुरखाकु सपना नेल केआकु,
मेन केते परमेसर कंहड़ीः दाय बेता लिकुआय।
18हिमीन बेरा ईङ अपन धाँगड़-धाँगड़ीन तेङ रे,
अपन आतमा अड़गु यींग,
तेकर हुंकू आगमजानी केआकु।
19ईङ तेङ सिरमा रे छकरित कामी देखायीङ,
आउर लतार ओत रे चिनहा देखायीङ।
मयोम तेकर सेंगेल आउर सुकूल रेनअः रिम्बिल देखायीङ,
20परभु आला महान तेकर आगम तरस मरसलोः हिला हिजोअ तरअः पहिल,
सिंङ बोंगा घुंज-घुंज अंधार,
आउर चानु मयोम लकान कोआय।
21तेकर जे, परभु आला नुमू रे गोहराव कोआकु हिंकु बंचाव कोआकु।’
22“ए इसराइली बोकोकु ईङ आला कंहड़ी के बेस केन आयुमेपे, आपे अपने हारतेगी पाड़ी आपे ची, परमेसर नासरत नुमू रिनी ईसु आला तीः तरअः, आपे आला तलारे समरथ काम छकरित कामी उदूः केते तेकर चिनहा समरथ रअः काम कामी थिलाआय। नोःआँ काम तरअः परमेसर नोःआँ साबित लःअय ची, परमेसर ईसु के खुदे कुलगोःड ताही लियाय। 23#सं.मत्ती 27:35; सं.मर 15:24; सं.लुका 23:33; सं.जोह 19:18हिनी ईसु के जे परमेसर आला ठहराव लअः जोजना, तेकर पहिल रअः बुधी मोताबिक सःब ची लियाकु; तेकर आपे पापीकु आला तीः तरअः कुरूस रे रकाःब केते गोएःग लियापे। 24#सं.मत्ती 28:5,6; सं.मर 16:6; सं.लुका 24:5बकिर हिनी ईसु के, परमेसर मराईन रअः खिलपाईत के मेटाव केते, हुनी के दोबारा जिवीःड लियाय, एता लःअय ची मराईन ईसु के अपन कबजा रे एरे दोहो दड़ीआ। 25#सिरिंग 16:8–11एता लःअय ची दाऊद हुनी बारे नोकान कंहड़ीयाय,
“‘परभु जामा बेरा ईङ आला मेःड तरअः मड़ांग ताहीनोआय,
हुनी ईङ आला जोम पखा एदानिया, हिना लःअय ईङ डिढ़गार तहीनोः ईङ।
26हिना लःअय मन तिंग रिझना,
आउर ईङ आला बात खुसी रे पेरेःग ना।
तेकर होड़ो तिंग होः,
आसरा रे बनाल ताही कोआ,
27एता लःअय ची आतमा तिंग के अधोलोक रे एरोम बाईया,
अपन पबितर होड़ के एरोम सेयाअ चिया।
28आम ईङ के जिनगी रअः होरा उदूः तदाम,
आम आला हाजिरोः तरअः खुसी रे पेरेःग केआय।’
29“ए बोकोकु, ईङ डिड़ से कुलपति दाऊद बारे कंहड़ी दड़ीईङ ची, हुनी दो गोएःग नेनाय तेकर तेपेःड होः तेपेःड लियाकु, आउर हुनी आला मारघटा नहाअः जगुत आबु दुबाःड़े एदनाअ। 30#सिरिंग 132:11; 2 समु 7:12,13हुनी आगमजानी ताही नेनाय, परमेसर हुनी तरअः किरया जोम थिलाआय ची, ईङ आम आला खानदान मेसे जाहें मिहोंड़ के हुनी आला राईज गदी रे दुड़ूः गियींग, सेके हुनी पाड़ी केनाय। 31हिना लःअय हुनी आगमजानी हुयाव केते, ख्रीस्त जिवीःड-बिरिडोः रअः बारे पाड़ी केनाय, दाऊद रअः बारे नोकान कंहड़ी तदाय,
“‘ची हुनी आला जीव ना दो अधोलोक रे बाई नेना,
आउर ना ची हुनी आला होड़ो सेया दाड़ी नेना।’
32निई ईसु के परमेसर जिवीःड बिरिःड लियाय, जेकर आले गोवाह एदान लेआ। 33नहाअः दो हुनी परमेसर आला जोम पखा दुड़ूः उनी एदानिया आउर बाबा तरअः वादा लअः पबितर आतमा नाम केते, होना आतमा के आले के एम तदाय। जेके आपे आयुम दापे आउर नेल दापे। 34#सिरिंग 110:1दाऊद दो खुद सिरमा काय सेन ताना, बकिर हुनी कंहड़ीआय,
‘परभु ईङ आली परभु के,
आम तब तक ईङ आला जोम पखा दुड़ूः मे बेता लियाय,
35जब तक ईङ आम आलकु मुदाई कु के आम आला जांगा तरी रे काईङ रौंदाव कु।’
36“हिना लःअय इसराइल घराना रिनकु एकदम पाड़ी जुनोः कु ची, हिनी ईसु के जेके आपे कुरूस रे रकाःब लियापे, परमेसर हुनी केहोः परभु आउर ख्रीस्त ठहराव लियाय!”
37हिमीन रे आ-आयुमकु आला मन ताकु पाईघालव ना, आउर पतरस तेकर एटाअ प्रेरितकु के, “तब दो बोकोकु आले एतानेआले?,” मेन केते कुली लिकुआकु।
38पतरस हुंकू के बेता लिकुआय, “आपे मेसे जामेकु मन रूवाड़ेपे, आउर अपन-अपन पाप रअः छमा लःअय ईसु ख्रीस्त आला नुमू रे दाअः तरअः बतिस्मा ईदीपे, दो आपे पबितर आतमा रअः दान नाम केआपे। 39एता लःअय ची नोःआँ वादा, आपे तेकर आपे आलकु बंसवाईर आउर हुंकू जामा लंका रिनकु होड़कु लःअय होः, जेके आबु आली परभु परमेसर आएंग दुबाःड़े राअः किकुआय।”
40पतरस ढेर नोकान कंहड़ी तरअः गोवाही एमा केते समझाव लिकुआय, ची अपन के नोःआँ पापी परिया तरअः बंचाव ताहिनपे बेता लिकुआय। 41जे पतरस आला कंहड़ी के पतियाव नेनाकु, हुंकू दाअः रे डुबाअ रेनअः बतिस्मा ईदी लअकु, तेकर हेनेन हिला पे हजार लकान होड़ हुंकू लोः मेसा नेनाकु। 42आउर हुंकू प्रेरितकु तरअः उपदेस आ-आयुम रे, तेकर संगति दोहो रे आउर परभु भोज रे, आउर लगातार बि-बिनती रे गातियोअ केनाकु।
बिसवासीकु आला संगति
43प्रेरितकु छकरित कामी हेतरअ चिनहा उदूः गे केनाकु, हिना लःअय जामे होड़ एड़े बोर भिनाव ना। 44#प्रे.कामी 4:32–35आउर जामे बिसवासीकु मि-जामुक कोअते तहीनोः केनाकु, आउर हुंकू आला जामा जिनीस सझेदार तहीनोः केना। 45हुंकू अपन-अपन खरचा, तेकर जिनीस आखरिंग केते, जेके जाईसन दरकार पड़ाअ केना, हिना लकान जामेकु के हाटिङोः कु केनाकु 46हुंकू रोज दिन मिलाव केते बड़े बिनती ओड़ाअ रे जवारोः केनाकु, आउर ओड़ाअ-ओड़ाअ लाःड केचागे केनाकु आउर सोझ मन रे रिझते, साँघे-साँघे घोटो हाटिङ जोमे केनाकु 47आउर हुंकू परमेसर आला स्तुति केनाकु, आउर जामे होड़कु हुंकू तरअः खुस तहीनोः केनाकु आउर जे उधार नामे केनाकु हुंकू के, परभु रोज दिन हुंकू लोः मेसा गुल ताकु केनाय।
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0