प्रेरित.कामी 21
21
पौलुस रअः जिरोसालेम सेनोः
1हुंकू तरअः बिदा ईदी केते, आले जहाज रे दुड़ूः केते, सोझ कोस सहर सोदोर नेनाले, आउर दोसरा हिला रोदस सहर हीःग नेनाले आउर होनाःड़े तरअः पतारा सहर सेनोः नले। 2पतारा सहर रे मियांड जहाज भेटाव नेना, जे फनीके सेनोः वाला ताही नेना, हिना लःअय होना रे रकाःब केते सेनोः नले। 3जब साईप्रस टापु नेल नेना दो, आले होना के पेंका पखा बाई केते, आले सिरिया राईज पखा सेन नेनाले, आउर सूर रे अड़गु नेनाले, एता लःअय ची होनाःड़े जहाज रअः माल आआड़गु ताही नेना। 4आले चेलाकु लोः भेंट केते, सात रोज आले होनाःड़े ताही नेनाले, तेकर हुंकू आतमा रअः आगवाई रे जिरोसलेम रे होः आलुम सेन कोअ मेन केते, पौलुस के बेता इकाई केनाकु 5जब दिन पुराव ना दो, आले होनाःड़े तरअः सेनोः नले, तब जामाकु अपन आउराईत आउर चेंगाकु संहित आले के, सहर रेनअः बाहरी जगुत सोदोर तु-लेलेआकु आउर आले समुदर दौंड़ी रे इकड़ुम केते बिनती लआले। 6तेकर आले हुंकू तरअः बिदा केते, आले दो जहाज रे रकाःब नेनाले, आउर हुंकू अपन-अपन ओड़ाअ रूवाड़ नाकु।
7तब आले सूर तरअः दाअः रेनअः होरा चबा केते, पतुलिमयिस सहर रे सोदोर नेनाले, तेकर बोकोकु के जोहार केते, हुंकू लोः मुसिङ ताही नेनाले। 8#प्रे.कामी 6:5; 8:5दोसरा हिला होनाःड़े तरअः आले कैसरिया रे हीःग नेनाले, तेकर बेस खभाईर पापरचारी फिलिप्पुस नुमू आला ओड़ाअ रे ताही नेनाले, जे सातो झन मेसे ताही नेनाय। 9हुनी आलकु चाईर झन डिंड़ा कुड़ी ताही नेनाकु, जेके आगमजानी रेनअः बराकाईत भेटाव ताही नेना। 10#प्रे.कामी 11:28आले के होनाःड़े ताहीनोः ढेर दिन हुयाव ना, दो अगाबुस नुमू रिनी मियांड आगमजानी जाहुदिया तरअः हीःग नेनाय, 11हुनी आले दुबाःड़े हीःग केते, पौलुस आला कसनार के ईदी केते, तेकर अपन तीः जांगा तोल केते, “जे होड़ आला नोःआँ मयांग तोला हेके, जाहुदीकु हुनी के जिरोसलेम रे निआँ लकान तोल कियाकु, तेकर एटाअ जाईतकु आला तीः रे जिमा कियाकु, नोकान पबितर आतमा कंहड़ीयाय,” मेन केते बेता लिकुआय।
12नोःआँ बात आयुम केते आले आउर होनाःड़े रिनकु होड़कु लोः, आम जिरोसलेम आलुम सेन मेन केते गोहराव नेनाले। 13बकिर पौलुस, “आपे एतान दापे? ची ईयाम-ईयाम ईङ आला मन के टोटागेआपे? ईङ दो परभु ईसु आला नुमू लःअय जिरोसलेम रे तोलोअ भाईर लःअय कोवान, बकिर गोजोः लःअय होः तेयार एदानिङा मेन केते कंहड़ी रूवाड़ोः लिकुआय।”
14हुनी के आले काले मनाव दाड़ी लिया, हिना लःअय आले “परभु आला मरजी पुरायोअ” नोकान कंहड़ी केते काले साड़ी नेना।
15थोड़ेक दिन तयोम आले, अपन मोटा-झोटा तोल केते जिरोसलेम सेनोः नले। 16कैसरिया सहर रिनकु थोड़ेक चेलाकु आले लोः हीःग नेनाकु, आउर आले के साईप्रस टापु रिनी मानसोन आला ओड़ाअ ईदी ले-लेआकु, मानसोन पहिल रिनी मारी चेला ताही नेनाय, तेकर आले हुनी दुबाःड़े ठहराअ वाला ताही नेनाले।
पौलुस आला याकुब लोः भेंटोः
17जब आले जिरोसलेम सोदोर नेनाले दो, बोकोकु रिझते आले के पाईरघाव ले-लेआकु। 18दोसरा हिला पौलुस आले लोः याकुब दुबाःड़े भेंटोः सेन नेनाय, होनाःड़े जामा अगुवा जवार थिनाकु। 19पौलुस हुंकू के जोहार केते तेकर जे-जे काम परमेसर हुनी आला सेवा तरअः एटाअ जाईतकु ताला रे कामीः ची थिलाआय, मि-मियांड केते जामा के उदूः लिकुआय। 20हुंकू नोःआँ आयुम केते परमेसर आला बड़ाई लअकु, तेकर पौलुस के, “बोको! आम नेल दाम ची हजारो जाहुदी बिसवासी बनाव नाकु तेकर हुंकू जामा धरम पुथी रेनअः कनहुन के मुरुक मनाअ वाला हेके बेता लियाकु। 21हुंकू आम रअः बारे आयुम तदाकु ची, आम एटाअ जाईतकु तलारे ताहीनोः जामा जाहुदीकु के, मुसा आला सिकछा के बाई गुल तापे मेन केते, हुंकू के बेता कुआम, आपे ना दो अपन चेंगा आला खतनायपे आउर ना मारी दसतुर रे चलाअ पे नोकान गुन सिखाव कुआम? 22नहाअः दो एतान चिकेआय? आम हीःग तनाम सेके होड़कु आयुम के-गीआकु। 23#गन 6:13–21हिना लःअय आम आले आला कंहड़ी के आयुमेमे। नोआँड़े चाईर झन एदान कुआ जे गछाव ईदी तदाकु। 24नुकू लोः बड़े बिनती ओड़ाअ सेन केते, सुधीकरन रअः दसतुर रे गतियोः मे। तेकर हुंकू लःअय बोहोअ होयोअ ची लःअय खरचा एमा कुमे, नोःआँ लकान जामा पाड़ी केआकु, ची जे बात हुंकू के आम रअः बारे उदूः तदकुआकु होना जामा झुठा हेके। बकिर आम खुदे मुसा आला कनहुन के मनाव केते होना मोताबिक चलाआम। 25#प्रे.कामी 15:29जे जगुत एटाअ जाईत बिसवासीकु आला सवाल एदनाअ ची, आले चिठी लिखा केते आले अपन नोःआँ फैसला एमा तद कुआले ची, हुंकू देवी कु आला मुरती रे रकाःब लआ सिकार आउर मयोम तेकर होटोः आँईठाव गोएःग उनकु जनवरकु आला सिकार के आलपे जोम के तेकर बेलाज कामी तरअः बंचाव ताहिनापे।” 26दोसरा हिला पौलुस हुंकू होड़ के ईदी लिकुआय, हुंकू लोः सुधीकरन रअः दसतुर के पुराव केते, हुनी बड़े बिनती ओड़ाअ रे बोलो नेनाय, तेकर ओका हिला सुधीकरन रअः समय पुराव ताना सेके तेकर हुंकू मेसे जामाकु लःअय भेंट ओका हिला रकाःब ची केआय सेके उदूओ लिकुआय।
पौलुस के ससःब
27सात दिन रेनअः समय पुरायोअ ताही नेना, ची एसिया रिनकु जाहुदीकु पौलुस के बड़े बिनती ओड़ाअ रे नेल केते, जामा होड़कु के उकसाव लिकुआकु, तेकर नोकान गुल केते हुनी के सःब लियाकु। 28“ए इसराइलीकु मदाईत लेपे। नुई हिनी होड़ हेके जे होड़कु के तेकर कनहुन के तेकर नोःआँ ठाँव रेनअः बिरोध रे जामा एड़े होड़कु के सिखाव कुआय, नहाअः दो नोआँड़े एटाअ जाईतकु केहोः बड़े बिनती ओड़ाअ रे आगु केते, हुनी नोःआँ पबितर ठाँव के छुँत केदाय।” 29#प्रे.कामी 20:4एता लःअय ची हुंकू नोःआँ तरअः पहिल रे इफिसुस रे ताहिनोअ वाला तोरोफिमुस के, पौलुस लोः सहर रे नेल थिलयाकु, पौलुस हुनी के बड़े बिनती ओड़ाअ रे आगु थिलयाय समझअ केनाकु।
30तब गोटा सहर रिनकु खब-डबाव नाकु, तेकर होड़कु चागुरदा तरअः नीर-यअते हीःग जवार नाकु, हुंकू पौलुस के बड़े बिनती ओड़ाअ तरअः सःब केते बाहरी ते ओर आगु लियाकु, तेकर बड़े बिनती ओड़ाअ रेनअः दुवार के तुरते जापुःड केदाकु। 31हुंकू पौलुस के गोगोएःग नाम केनाकु, ची रोमी पलटनकु आली बड़े अगुवा के गोटा जिरोसलेम खब-डबाव ना मेन केते खभाईर सोदोर ना। 32हुनी तुरते पलटनकु के आउर सुबेदारकु के ईदी केते तुन्दरा होड़ रे नीर बोलो नेनाय। तेकर हुंकू पलटनकु आली सरदार के तेकर पलटनकु के नेल केते पौलुस के हु-हुमाअ बाई लियाकु। 33तब पलटनकु आली सरदार हेनाःड हीःग केते पौलुस के सःब लियाय तेकर हुनी के बरिया सिक्काड़ रे तोतोल रेनअः हुकूम एमा लिकुआय, तब सरदार नुई ओके हेके तेकर नुई एतान तदाय? मेन केते कुली लिकुआय। 34बकिर तुन्दराकु तरअः ओके एतान दो ओके एतान गुले केनाकु गुलगबाड़ रअः चलते सरदार सचे के काय पाड़ी दाड़ी लआ दो, हुनी पौलुस के छावनी रे इईदी रेनअः हुकूम एमा लिकुआय। 35जब हुनी सिहड़ी रे सोदोर नेनाय दो तुन्दराकु खिजराव थिनाकु रअः चलते सिपाहीकु के हुनी के तुलांग केते ईइदी पड़ाव नेना। 36एता लःअय ची तुन्दरा होड़कु, हुनी के गोजीपे, गोजीपे, गुल यआते तयोम-तयोम हिजोअ केनाकु।
37जे बेरा सिपाहीकु पौलुस के छावनी रअः भीतरी ईदी केनाकु दो, पौलुस सरदार के, “आम तरअः जहानअ क-कंहड़ी रअः हुकूम एदनाअ?” मेन केते पौलुस कुली लियाय। आउर सरदार, “आम युनानी भाखा पाड़ीआम एतान?” मेन केते कंहड़ी रूवाड़ोः लियाय। 38“दो आम हुनी मिसरी नलागे एतान? जे थोड़ेक दिन पहिल बिबिदोरोह लःअय चाईर हजार हांथेयार सःब लिनकु होड़ के बुरु रे ईदी लिकुआय?”
39पौलुस बेता लियाय, “ईङ दो किलकिया रेनअः नामी सहर तरसुस रिनी ताहीनोः वाला जाहुदी होड़ हेके। ईङ आम तरअः गोहरअ तानिङ ची ईङ के होड़कु लोः बात चाईंङ मे।”
40जब हुनी के आचु लियाय दो, पौलुस सिहड़ी रे तिंगु केते, तीः रे सिड़िग्या ताहिनापे मेन केते होड़कु के अड़िःग लिकुआय, जब हुंकू जामा सिड़िग्याः नाकु दो पौलुस हुंकू के इब्रानी भाखा रे कंहड़ी एहेःब लःअय,
Currently Selected:
प्रेरित.कामी 21: ASR
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
प्रेरित.कामी 21
21
पौलुस रअः जिरोसालेम सेनोः
1हुंकू तरअः बिदा ईदी केते, आले जहाज रे दुड़ूः केते, सोझ कोस सहर सोदोर नेनाले, आउर दोसरा हिला रोदस सहर हीःग नेनाले आउर होनाःड़े तरअः पतारा सहर सेनोः नले। 2पतारा सहर रे मियांड जहाज भेटाव नेना, जे फनीके सेनोः वाला ताही नेना, हिना लःअय होना रे रकाःब केते सेनोः नले। 3जब साईप्रस टापु नेल नेना दो, आले होना के पेंका पखा बाई केते, आले सिरिया राईज पखा सेन नेनाले, आउर सूर रे अड़गु नेनाले, एता लःअय ची होनाःड़े जहाज रअः माल आआड़गु ताही नेना। 4आले चेलाकु लोः भेंट केते, सात रोज आले होनाःड़े ताही नेनाले, तेकर हुंकू आतमा रअः आगवाई रे जिरोसलेम रे होः आलुम सेन कोअ मेन केते, पौलुस के बेता इकाई केनाकु 5जब दिन पुराव ना दो, आले होनाःड़े तरअः सेनोः नले, तब जामाकु अपन आउराईत आउर चेंगाकु संहित आले के, सहर रेनअः बाहरी जगुत सोदोर तु-लेलेआकु आउर आले समुदर दौंड़ी रे इकड़ुम केते बिनती लआले। 6तेकर आले हुंकू तरअः बिदा केते, आले दो जहाज रे रकाःब नेनाले, आउर हुंकू अपन-अपन ओड़ाअ रूवाड़ नाकु।
7तब आले सूर तरअः दाअः रेनअः होरा चबा केते, पतुलिमयिस सहर रे सोदोर नेनाले, तेकर बोकोकु के जोहार केते, हुंकू लोः मुसिङ ताही नेनाले। 8#प्रे.कामी 6:5; 8:5दोसरा हिला होनाःड़े तरअः आले कैसरिया रे हीःग नेनाले, तेकर बेस खभाईर पापरचारी फिलिप्पुस नुमू आला ओड़ाअ रे ताही नेनाले, जे सातो झन मेसे ताही नेनाय। 9हुनी आलकु चाईर झन डिंड़ा कुड़ी ताही नेनाकु, जेके आगमजानी रेनअः बराकाईत भेटाव ताही नेना। 10#प्रे.कामी 11:28आले के होनाःड़े ताहीनोः ढेर दिन हुयाव ना, दो अगाबुस नुमू रिनी मियांड आगमजानी जाहुदिया तरअः हीःग नेनाय, 11हुनी आले दुबाःड़े हीःग केते, पौलुस आला कसनार के ईदी केते, तेकर अपन तीः जांगा तोल केते, “जे होड़ आला नोःआँ मयांग तोला हेके, जाहुदीकु हुनी के जिरोसलेम रे निआँ लकान तोल कियाकु, तेकर एटाअ जाईतकु आला तीः रे जिमा कियाकु, नोकान पबितर आतमा कंहड़ीयाय,” मेन केते बेता लिकुआय।
12नोःआँ बात आयुम केते आले आउर होनाःड़े रिनकु होड़कु लोः, आम जिरोसलेम आलुम सेन मेन केते गोहराव नेनाले। 13बकिर पौलुस, “आपे एतान दापे? ची ईयाम-ईयाम ईङ आला मन के टोटागेआपे? ईङ दो परभु ईसु आला नुमू लःअय जिरोसलेम रे तोलोअ भाईर लःअय कोवान, बकिर गोजोः लःअय होः तेयार एदानिङा मेन केते कंहड़ी रूवाड़ोः लिकुआय।”
14हुनी के आले काले मनाव दाड़ी लिया, हिना लःअय आले “परभु आला मरजी पुरायोअ” नोकान कंहड़ी केते काले साड़ी नेना।
15थोड़ेक दिन तयोम आले, अपन मोटा-झोटा तोल केते जिरोसलेम सेनोः नले। 16कैसरिया सहर रिनकु थोड़ेक चेलाकु आले लोः हीःग नेनाकु, आउर आले के साईप्रस टापु रिनी मानसोन आला ओड़ाअ ईदी ले-लेआकु, मानसोन पहिल रिनी मारी चेला ताही नेनाय, तेकर आले हुनी दुबाःड़े ठहराअ वाला ताही नेनाले।
पौलुस आला याकुब लोः भेंटोः
17जब आले जिरोसलेम सोदोर नेनाले दो, बोकोकु रिझते आले के पाईरघाव ले-लेआकु। 18दोसरा हिला पौलुस आले लोः याकुब दुबाःड़े भेंटोः सेन नेनाय, होनाःड़े जामा अगुवा जवार थिनाकु। 19पौलुस हुंकू के जोहार केते तेकर जे-जे काम परमेसर हुनी आला सेवा तरअः एटाअ जाईतकु ताला रे कामीः ची थिलाआय, मि-मियांड केते जामा के उदूः लिकुआय। 20हुंकू नोःआँ आयुम केते परमेसर आला बड़ाई लअकु, तेकर पौलुस के, “बोको! आम नेल दाम ची हजारो जाहुदी बिसवासी बनाव नाकु तेकर हुंकू जामा धरम पुथी रेनअः कनहुन के मुरुक मनाअ वाला हेके बेता लियाकु। 21हुंकू आम रअः बारे आयुम तदाकु ची, आम एटाअ जाईतकु तलारे ताहीनोः जामा जाहुदीकु के, मुसा आला सिकछा के बाई गुल तापे मेन केते, हुंकू के बेता कुआम, आपे ना दो अपन चेंगा आला खतनायपे आउर ना मारी दसतुर रे चलाअ पे नोकान गुन सिखाव कुआम? 22नहाअः दो एतान चिकेआय? आम हीःग तनाम सेके होड़कु आयुम के-गीआकु। 23#गन 6:13–21हिना लःअय आम आले आला कंहड़ी के आयुमेमे। नोआँड़े चाईर झन एदान कुआ जे गछाव ईदी तदाकु। 24नुकू लोः बड़े बिनती ओड़ाअ सेन केते, सुधीकरन रअः दसतुर रे गतियोः मे। तेकर हुंकू लःअय बोहोअ होयोअ ची लःअय खरचा एमा कुमे, नोःआँ लकान जामा पाड़ी केआकु, ची जे बात हुंकू के आम रअः बारे उदूः तदकुआकु होना जामा झुठा हेके। बकिर आम खुदे मुसा आला कनहुन के मनाव केते होना मोताबिक चलाआम। 25#प्रे.कामी 15:29जे जगुत एटाअ जाईत बिसवासीकु आला सवाल एदनाअ ची, आले चिठी लिखा केते आले अपन नोःआँ फैसला एमा तद कुआले ची, हुंकू देवी कु आला मुरती रे रकाःब लआ सिकार आउर मयोम तेकर होटोः आँईठाव गोएःग उनकु जनवरकु आला सिकार के आलपे जोम के तेकर बेलाज कामी तरअः बंचाव ताहिनापे।” 26दोसरा हिला पौलुस हुंकू होड़ के ईदी लिकुआय, हुंकू लोः सुधीकरन रअः दसतुर के पुराव केते, हुनी बड़े बिनती ओड़ाअ रे बोलो नेनाय, तेकर ओका हिला सुधीकरन रअः समय पुराव ताना सेके तेकर हुंकू मेसे जामाकु लःअय भेंट ओका हिला रकाःब ची केआय सेके उदूओ लिकुआय।
पौलुस के ससःब
27सात दिन रेनअः समय पुरायोअ ताही नेना, ची एसिया रिनकु जाहुदीकु पौलुस के बड़े बिनती ओड़ाअ रे नेल केते, जामा होड़कु के उकसाव लिकुआकु, तेकर नोकान गुल केते हुनी के सःब लियाकु। 28“ए इसराइलीकु मदाईत लेपे। नुई हिनी होड़ हेके जे होड़कु के तेकर कनहुन के तेकर नोःआँ ठाँव रेनअः बिरोध रे जामा एड़े होड़कु के सिखाव कुआय, नहाअः दो नोआँड़े एटाअ जाईतकु केहोः बड़े बिनती ओड़ाअ रे आगु केते, हुनी नोःआँ पबितर ठाँव के छुँत केदाय।” 29#प्रे.कामी 20:4एता लःअय ची हुंकू नोःआँ तरअः पहिल रे इफिसुस रे ताहिनोअ वाला तोरोफिमुस के, पौलुस लोः सहर रे नेल थिलयाकु, पौलुस हुनी के बड़े बिनती ओड़ाअ रे आगु थिलयाय समझअ केनाकु।
30तब गोटा सहर रिनकु खब-डबाव नाकु, तेकर होड़कु चागुरदा तरअः नीर-यअते हीःग जवार नाकु, हुंकू पौलुस के बड़े बिनती ओड़ाअ तरअः सःब केते बाहरी ते ओर आगु लियाकु, तेकर बड़े बिनती ओड़ाअ रेनअः दुवार के तुरते जापुःड केदाकु। 31हुंकू पौलुस के गोगोएःग नाम केनाकु, ची रोमी पलटनकु आली बड़े अगुवा के गोटा जिरोसलेम खब-डबाव ना मेन केते खभाईर सोदोर ना। 32हुनी तुरते पलटनकु के आउर सुबेदारकु के ईदी केते तुन्दरा होड़ रे नीर बोलो नेनाय। तेकर हुंकू पलटनकु आली सरदार के तेकर पलटनकु के नेल केते पौलुस के हु-हुमाअ बाई लियाकु। 33तब पलटनकु आली सरदार हेनाःड हीःग केते पौलुस के सःब लियाय तेकर हुनी के बरिया सिक्काड़ रे तोतोल रेनअः हुकूम एमा लिकुआय, तब सरदार नुई ओके हेके तेकर नुई एतान तदाय? मेन केते कुली लिकुआय। 34बकिर तुन्दराकु तरअः ओके एतान दो ओके एतान गुले केनाकु गुलगबाड़ रअः चलते सरदार सचे के काय पाड़ी दाड़ी लआ दो, हुनी पौलुस के छावनी रे इईदी रेनअः हुकूम एमा लिकुआय। 35जब हुनी सिहड़ी रे सोदोर नेनाय दो तुन्दराकु खिजराव थिनाकु रअः चलते सिपाहीकु के हुनी के तुलांग केते ईइदी पड़ाव नेना। 36एता लःअय ची तुन्दरा होड़कु, हुनी के गोजीपे, गोजीपे, गुल यआते तयोम-तयोम हिजोअ केनाकु।
37जे बेरा सिपाहीकु पौलुस के छावनी रअः भीतरी ईदी केनाकु दो, पौलुस सरदार के, “आम तरअः जहानअ क-कंहड़ी रअः हुकूम एदनाअ?” मेन केते पौलुस कुली लियाय। आउर सरदार, “आम युनानी भाखा पाड़ीआम एतान?” मेन केते कंहड़ी रूवाड़ोः लियाय। 38“दो आम हुनी मिसरी नलागे एतान? जे थोड़ेक दिन पहिल बिबिदोरोह लःअय चाईर हजार हांथेयार सःब लिनकु होड़ के बुरु रे ईदी लिकुआय?”
39पौलुस बेता लियाय, “ईङ दो किलकिया रेनअः नामी सहर तरसुस रिनी ताहीनोः वाला जाहुदी होड़ हेके। ईङ आम तरअः गोहरअ तानिङ ची ईङ के होड़कु लोः बात चाईंङ मे।”
40जब हुनी के आचु लियाय दो, पौलुस सिहड़ी रे तिंगु केते, तीः रे सिड़िग्या ताहिनापे मेन केते होड़कु के अड़िःग लिकुआय, जब हुंकू जामा सिड़िग्याः नाकु दो पौलुस हुंकू के इब्रानी भाखा रे कंहड़ी एहेःब लःअय,
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0