संत.लुकास 10
10
ईसु बहातर चेलाकु के कुलगोःड लिकुआय
1नोःआँ तयोम परभु बहातर एटाअ चेला दोहो केते आएंग के सेनोः ताहीना होना जामा डिही टोला रे बाबनहोड़ केते, आएंग सेनोः तरअः पहिल कुलगोःड लिकुआय। 2#सं.मत्ती 9:37,38तेकर ईसु हुंकू के बेता लिकुआय, “इरोअ लःअय दो ढेर एदनाअ, बकिर बनहींयार थोड़ेः केनाकु हिना लःअय आपे आम आला इरोअ लःअय बनहींयार के कुलगोःड कुमे मेन केते ओत मुंवार लोः गोहरअ पे बेता लिकुआय। 3#सं.मत्ती 10:16जु सेनपे! ईङ आपे के भेंड़ाकु लकान हुंर्ड़राकु तलारे कुलगोःड दिपीईङ। 4हिना लःअय आपे थाईलः ना बाटुवा ना खड़पा आलपे ईदी; आउर ना होरा रे ओके के होः आलपे जोहार किकु। 5जे ओड़ाअ रे बोलापे दो, पहिल रे, ‘नोःआँ ओड़ाअ रेनअः सानती हुयाअः बेता कुपे।’ 6तेकर सुख सानती नामे लकान, होंड़े एदानकु रेदो आपे आला सुख सानती ताही कोआ; कोवान दो, होना आपे रे रूवाड़ हीःग कोआ। 7#1 कुरि 9:14; 1 तिमु 5:18हिना ओड़ाअ रेगी ताहीनोः पे, हुंकू जे एमा पेआकु हिना के जोम नुईपे, एता लःअय ची बनहींयार के अपन बानी भेटाअः चाही ओड़ाअ-ओड़ाअ आलपे ताही कोओ। 8जे सहर रे बोलो योआपे तेकर होनाःड़े रिनकु सोवागत पेआकु, दो जे एमा पेआकु हिना के जोमपे। 9तेकर होंड़े गेगेराङ कु के बेस कुपे, तेकर ‘परमेसर आला राईज आपे हेनाःड हीःग सोदोर ना बेता कुपे।’ 10#प्रे.कामी 13:51बकिर आपे जे सहर रे बोलापे तेकर होंड़े रिनकु होड़ काकु सोवागत पेरेदोकु, दो हुंकू आला खिरकी रे उडुंग केते, 11#सं.मत्ती 10:7–14; सं.मर 6:8–11; सं.लुका 9:3–5‘आले आला जांगा रे लटकाव ओना आपे आला सहर रेनअः तरवा रआ धुड़ी आपे मड़ांग रे चेचेताव लःअय झड़ाव गुल ताआले। सेरे होः परमेसर आला राईज आपे हेनाःड हीःग सोदोर ताना नीआँपे पाड़ी बेता लिकुआय।’ 12#एहेः 19:24–28; सं.मत्ती 11:24; सं.मत्ती 10:15ईङ आपे के बेताः दिपीईङ, फैसला हिला होना सहर रिनकु होड़कु आला दसा, सोदोम रिनकु होड़कु आला दसा तरअः ढेर बेहाल हुयाव कोआ!
अबिसवासी सहर
(संत.मत्ती 11:20–24)
13 #
जसा 23:1–18; जहेज 26:1—28:26; जोए 3:4–8; आमो 1:9,10; जखरि 9:2–4 “हाय खुराजीन! सहर रिनकु होड़, हाय बैतसैदा! सहर रिनकु होड़ नुमिन समरथ रेनअः काम आम रे कामी लअः एदनाअ होना काम जदि सूर आउर सैदा सहर रे कामी लआ ताही कोआ, होले सोक रेनअः गेन्दरअ उयुअ केते, आउर तोरेःग रे दुड़ूः केते, ओका हिलागी मन रूवाड़ ताकेआकु! 14बकिर नेयाय हिला आबेन आला दसा तरअः सूर हेतरअ सैदा रेनअः दसा जादे सासहाव लकान कोआ। 15#जसा 14:13–15हे कफरनहुम! रिनकु होड़कु आपे के सिरमा जगुत आलगाव केपेआकु एतान? कोवान, आपे के पताल रे गिड़ी केपेआकु।”
16 #
सं.मत्ती 10:40; सं.मर 9:37; सं.लुका 9:48; सं.जोह 13:20 ईसु चेला ताय के बेता लिकुआय, “आपे आला कंहड़ी आयुमेआय हुनी ईङ आला आयुमेआय; तेकर जे आपे के घिंड़ोआय हुनी ईङ के घिंड़ोआय; हेतरअ ईङ के घिंड़ोआय हुनी ईङ आली भेभेजावी के घिंड़ोआय।”
बहातर चेलाकु रूवाड़ नेनाकु
17तेकर हुंकू बहातर चेला रिझ याःते रूवाड़ नेनाकु। हेतरअ हीःग केते ईसु के, “ए परभु आम आला नुमू रे मुवाँ आतमाकु होः आले आला कंहड़ी के मनाअ कु,” बेता लियाकु!
18तेकर ईसु, “ईङ सैतान के बिजली लकान सिरमा तरअः उयुगोः नेली किनिङ बेता लिकुआय। 19#सिरिंग 91:13नेलेपे, ईङ बिंङकु हेतरअ बिछी के तिका सेसेरेःड रेनअः, तेकर बैरी आला जामा सवांग के हाहाराव रेनअः हक एमा तदपेईङ, हेतरअ आपे के एतान होः हराकाईत एरे दड़ीआ। 20रे होः मुवाँ आतमाकु आले के मनाआकु मेन केते आलपे रिझ कोओ; बकिर आपे आला नुमू सिरमा रे लिखा लअः एदनाअ नोःआँ लःअय रिझोःपे” बेता लिकुआय।
ईसु रिझ नेनाय
(संत.मत्ती 11:25–27; 13:16,17)
21हिमीन रेगी ईसु पबितर आतमा रे पेरेःग केते रिझ नेनाय हेतरअ कंहड़ी लःअय, “ए बाबा, सिरमा हेतरअ ओत रिनी परभु नोःआँ बात के गेयानीकु हेतरअ समझदारकु तरअः ऊकु लआम तेकर निरबुधी होड़ के उदूः लिकुआम हिना लःअय धन्यवाद दिमीईङ। ए बाबा, आमके निआँ बेस अदा नेना।
22 #
सं.जोह 3:35;
सं.जोह 10:15
“बाबा तिंग जामा जिनीस सोंपावओ तदिङाय। हेतरअ आपा के बाई केते होपोन ओके हेके सेके ओके होः काकु पड़ीआ, तेकर होपोन के बाई केते आपा ओके हेके सेके ओके होः काकु पड़ीआ, तेकर जेके होपोन उदूः कुआय हुंकू पाड़ीआकु।”
23तेकर चेला ताय पखा मुहांड़ केते एकले रे बेता लिकुआय, “आपे धनया एदान पेआ जे नोःआँ जामा बात के नेनेल लःअय बढ़ियाँ मोका भेटाव नेना! 24एता लःअय ची ईङ आपे के सचे बेताः दिपीईङ, आपे जे नेलेआपे, होना के ढेर आगमजानीकु हेतरअ राजाकु नेनेल नाम केनाकु, बकिर काकु नेल दाड़ी लआ तेकर आपे आयुमेआपे बात के आ-आयुम नाम केनाकु बकिर काकु आयुम दाड़ी लआ” बेता लिकुआय।
मयादार सामरी आला गाम
25 #
सं.मत्ती 22:35–40; सं.मर 12:28–34 तेकर नेलेपे मियांड धरम पुथी सि-सिखावकु रे मिहोंड़ बिरिःड केते हुनी के प-परखाव लःअय कुली केते। “ए गुरू, का-अन्तोः जिनगी जिवीडोः, नानाम लःअय एतानेईंग” बेता लियाय।
26तेकर ईसु, “मुसा आला कनहुन रे एतान लिखा लअः एदनाअ? आम होना रे एतान लकान पढ़ा आम?” बेता लियाय।
27 #
कन 6:5;
लेवी 19:18
तेकर हुनी, “‘परभु आम अपन परमेसर के अपन गोटा बुका तरअः आउर गोटा सवांग तरअः तेकर गोटा जीव तरअः,’ तेकर अपन मन तरअः दुलार कुमे, ‘अपन खुड़-खिरकी रिनकु के, अपन लकान दुलार कुमे’” मेन केते कंहड़ी रूवाड़ोः लियाय।
28 #
लेवी 18:5
ईसु हुनी के बेता लियाय, “बढ़ियाँ कंहड़ी रूवाड़ोः तदिंङाम,” “आम निआँ लकानेआम होले का-अन्तोः जिनगी नाम केआम” बेता लियाय।
29बकिर हुनी आएंग के धरमी उउदूः लःअय, “ईङ आली खुड़-खिरकी रिनी ओके हेके?” मेन केते ईसु के कुली लियाय।
30ईसु नोकान कंहड़ी रूवाड़ोः लियाय, “मियांड होड़ जिरोसलेम तरअः जेरीहो सेनोः केनाय, तेकर हुनी के डाकु घेराव लियाकु, हेतरअ हुनी के एसेन होड़ो केते हुमाअ दरमारुवा केते रेःग लियाकु, तेकर बाईःग तु लियाकु। 31होना तयोम हेन होरा रे मियांड पुरोहित सेनोः केनाय; बकिर हुनी के नेल केते, दौंड़ी केते परोम सेनोः नाय। 32निआँ लकान मियांड लेवी जे बड़े बिनती ओड़ाअ रे से-सेवाई होः होना ठाँव रे सोदोर नेनाय, तेकर हुनी होः नेल केते दौंड़ी केते परोम सेनोः नाय। 33#2 इति 28:15बकिर मियांड समारिया रिनी होरा डिड़ोई, होना ठाँव रे सोदोर नेनाय, तेकर हुनी के नेल केते सोग अदा लिया। 34हुनी हेनाःड केते हुनी आला घाव रे, सुनूम हेतरअ अंगुर रस दुल केते होना के तोल लःअय; हेतरअ हुनी आएंग आली जनवर रे रकाःब केते डेरा ओड़ाअ ईदी लियाय, तेकर हुनी सेवा-सुसार लियाय। 35दोसरा हिला हुनी बरिया चाँदी ठर्ड़रा उडुंग केते डेरा ओड़ाअ मुंवार के एमा लियाय। हेतरअ ‘नुई के सेवा सुसारीमे तेकर नोःआँ तरअः जादे खारचायोः रेदो, होना के ईङ रूवाड़ोः ईङ हिमीन रे एमाअ तुमी ईङ,’” बेता लियाय।
36नहाअः एतान बुझाः तनाम, “जे डाकु तरअः छेका ताहिनाय, हुनी होड़ आली, नुकू पेने होड़ रे हुनी आली खुड़-खिरकी रिनी ओके पाड़ी नेनाय।” नोकान मेन केते ईसु हुनी के कुली लियाय।
37हुनी धरम पुथी सि-सिखावी, “हुनी जे हुनी के दया लियाय” मेन केते कंहड़ी रूवाड़ोः लियाय।
तेकर ईसु, हुनी के “जु आम, होः हेकानेमे” बेता लियाय।
मरथा हेतरअ मरियम आला ओड़ाअ रे ईसु
38 #
सं.जोह 11:1
जब ईसु तेकर चेला ताय लोः सेनोः केनाकु, हिमीन रे हुनी मियांड डिही रे बोलो नेनाय, तेकर मरथा नुमू रिनी मियांड कुड़ी आएंग ओड़ाअ रे मन मरजाईद लियाय। 39तेकर मरियम नुमू रिनी मरथा आली मियांड बहिन थिनाय, हुनी परभु आला जांगा दुबाःड़े दुड़ूः केते हुनी आला कंहड़ी के आयुमे केनाय। 40बकिर मरथा सुसार-सुसार ते हदियाव नाय, तेकर ईसु दुबाःड़े सेन केते, “ए परभु, बहिन तिंग ईङ के एकले सुसार चिअ दिङाय, आम के फिकिर कनोआँ एतान? हुनी ईङ के गतींङाय आचुईमे” बेता लियाय!
41बकिर परभु, “मरथा, ए मरथा! आम ढेर बात लःअय फिकीरे आम हेतरअ हदिया आम, 42बकिर मियांड बात दरकार एदनाअ। मरियम दो होना बेस हिसा के निबाड़ केदाय, होना हुनी तरअः एरे रेगोआ” मेन केते कंहड़ी रूवाड़ोः लियाय।
Currently Selected:
संत.लुकास 10: ASR
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
संत.लुकास 10
10
ईसु बहातर चेलाकु के कुलगोःड लिकुआय
1नोःआँ तयोम परभु बहातर एटाअ चेला दोहो केते आएंग के सेनोः ताहीना होना जामा डिही टोला रे बाबनहोड़ केते, आएंग सेनोः तरअः पहिल कुलगोःड लिकुआय। 2#सं.मत्ती 9:37,38तेकर ईसु हुंकू के बेता लिकुआय, “इरोअ लःअय दो ढेर एदनाअ, बकिर बनहींयार थोड़ेः केनाकु हिना लःअय आपे आम आला इरोअ लःअय बनहींयार के कुलगोःड कुमे मेन केते ओत मुंवार लोः गोहरअ पे बेता लिकुआय। 3#सं.मत्ती 10:16जु सेनपे! ईङ आपे के भेंड़ाकु लकान हुंर्ड़राकु तलारे कुलगोःड दिपीईङ। 4हिना लःअय आपे थाईलः ना बाटुवा ना खड़पा आलपे ईदी; आउर ना होरा रे ओके के होः आलपे जोहार किकु। 5जे ओड़ाअ रे बोलापे दो, पहिल रे, ‘नोःआँ ओड़ाअ रेनअः सानती हुयाअः बेता कुपे।’ 6तेकर सुख सानती नामे लकान, होंड़े एदानकु रेदो आपे आला सुख सानती ताही कोआ; कोवान दो, होना आपे रे रूवाड़ हीःग कोआ। 7#1 कुरि 9:14; 1 तिमु 5:18हिना ओड़ाअ रेगी ताहीनोः पे, हुंकू जे एमा पेआकु हिना के जोम नुईपे, एता लःअय ची बनहींयार के अपन बानी भेटाअः चाही ओड़ाअ-ओड़ाअ आलपे ताही कोओ। 8जे सहर रे बोलो योआपे तेकर होनाःड़े रिनकु सोवागत पेआकु, दो जे एमा पेआकु हिना के जोमपे। 9तेकर होंड़े गेगेराङ कु के बेस कुपे, तेकर ‘परमेसर आला राईज आपे हेनाःड हीःग सोदोर ना बेता कुपे।’ 10#प्रे.कामी 13:51बकिर आपे जे सहर रे बोलापे तेकर होंड़े रिनकु होड़ काकु सोवागत पेरेदोकु, दो हुंकू आला खिरकी रे उडुंग केते, 11#सं.मत्ती 10:7–14; सं.मर 6:8–11; सं.लुका 9:3–5‘आले आला जांगा रे लटकाव ओना आपे आला सहर रेनअः तरवा रआ धुड़ी आपे मड़ांग रे चेचेताव लःअय झड़ाव गुल ताआले। सेरे होः परमेसर आला राईज आपे हेनाःड हीःग सोदोर ताना नीआँपे पाड़ी बेता लिकुआय।’ 12#एहेः 19:24–28; सं.मत्ती 11:24; सं.मत्ती 10:15ईङ आपे के बेताः दिपीईङ, फैसला हिला होना सहर रिनकु होड़कु आला दसा, सोदोम रिनकु होड़कु आला दसा तरअः ढेर बेहाल हुयाव कोआ!
अबिसवासी सहर
(संत.मत्ती 11:20–24)
13 #
जसा 23:1–18; जहेज 26:1—28:26; जोए 3:4–8; आमो 1:9,10; जखरि 9:2–4 “हाय खुराजीन! सहर रिनकु होड़, हाय बैतसैदा! सहर रिनकु होड़ नुमिन समरथ रेनअः काम आम रे कामी लअः एदनाअ होना काम जदि सूर आउर सैदा सहर रे कामी लआ ताही कोआ, होले सोक रेनअः गेन्दरअ उयुअ केते, आउर तोरेःग रे दुड़ूः केते, ओका हिलागी मन रूवाड़ ताकेआकु! 14बकिर नेयाय हिला आबेन आला दसा तरअः सूर हेतरअ सैदा रेनअः दसा जादे सासहाव लकान कोआ। 15#जसा 14:13–15हे कफरनहुम! रिनकु होड़कु आपे के सिरमा जगुत आलगाव केपेआकु एतान? कोवान, आपे के पताल रे गिड़ी केपेआकु।”
16 #
सं.मत्ती 10:40; सं.मर 9:37; सं.लुका 9:48; सं.जोह 13:20 ईसु चेला ताय के बेता लिकुआय, “आपे आला कंहड़ी आयुमेआय हुनी ईङ आला आयुमेआय; तेकर जे आपे के घिंड़ोआय हुनी ईङ के घिंड़ोआय; हेतरअ ईङ के घिंड़ोआय हुनी ईङ आली भेभेजावी के घिंड़ोआय।”
बहातर चेलाकु रूवाड़ नेनाकु
17तेकर हुंकू बहातर चेला रिझ याःते रूवाड़ नेनाकु। हेतरअ हीःग केते ईसु के, “ए परभु आम आला नुमू रे मुवाँ आतमाकु होः आले आला कंहड़ी के मनाअ कु,” बेता लियाकु!
18तेकर ईसु, “ईङ सैतान के बिजली लकान सिरमा तरअः उयुगोः नेली किनिङ बेता लिकुआय। 19#सिरिंग 91:13नेलेपे, ईङ बिंङकु हेतरअ बिछी के तिका सेसेरेःड रेनअः, तेकर बैरी आला जामा सवांग के हाहाराव रेनअः हक एमा तदपेईङ, हेतरअ आपे के एतान होः हराकाईत एरे दड़ीआ। 20रे होः मुवाँ आतमाकु आले के मनाआकु मेन केते आलपे रिझ कोओ; बकिर आपे आला नुमू सिरमा रे लिखा लअः एदनाअ नोःआँ लःअय रिझोःपे” बेता लिकुआय।
ईसु रिझ नेनाय
(संत.मत्ती 11:25–27; 13:16,17)
21हिमीन रेगी ईसु पबितर आतमा रे पेरेःग केते रिझ नेनाय हेतरअ कंहड़ी लःअय, “ए बाबा, सिरमा हेतरअ ओत रिनी परभु नोःआँ बात के गेयानीकु हेतरअ समझदारकु तरअः ऊकु लआम तेकर निरबुधी होड़ के उदूः लिकुआम हिना लःअय धन्यवाद दिमीईङ। ए बाबा, आमके निआँ बेस अदा नेना।
22 #
सं.जोह 3:35;
सं.जोह 10:15
“बाबा तिंग जामा जिनीस सोंपावओ तदिङाय। हेतरअ आपा के बाई केते होपोन ओके हेके सेके ओके होः काकु पड़ीआ, तेकर होपोन के बाई केते आपा ओके हेके सेके ओके होः काकु पड़ीआ, तेकर जेके होपोन उदूः कुआय हुंकू पाड़ीआकु।”
23तेकर चेला ताय पखा मुहांड़ केते एकले रे बेता लिकुआय, “आपे धनया एदान पेआ जे नोःआँ जामा बात के नेनेल लःअय बढ़ियाँ मोका भेटाव नेना! 24एता लःअय ची ईङ आपे के सचे बेताः दिपीईङ, आपे जे नेलेआपे, होना के ढेर आगमजानीकु हेतरअ राजाकु नेनेल नाम केनाकु, बकिर काकु नेल दाड़ी लआ तेकर आपे आयुमेआपे बात के आ-आयुम नाम केनाकु बकिर काकु आयुम दाड़ी लआ” बेता लिकुआय।
मयादार सामरी आला गाम
25 #
सं.मत्ती 22:35–40; सं.मर 12:28–34 तेकर नेलेपे मियांड धरम पुथी सि-सिखावकु रे मिहोंड़ बिरिःड केते हुनी के प-परखाव लःअय कुली केते। “ए गुरू, का-अन्तोः जिनगी जिवीडोः, नानाम लःअय एतानेईंग” बेता लियाय।
26तेकर ईसु, “मुसा आला कनहुन रे एतान लिखा लअः एदनाअ? आम होना रे एतान लकान पढ़ा आम?” बेता लियाय।
27 #
कन 6:5;
लेवी 19:18
तेकर हुनी, “‘परभु आम अपन परमेसर के अपन गोटा बुका तरअः आउर गोटा सवांग तरअः तेकर गोटा जीव तरअः,’ तेकर अपन मन तरअः दुलार कुमे, ‘अपन खुड़-खिरकी रिनकु के, अपन लकान दुलार कुमे’” मेन केते कंहड़ी रूवाड़ोः लियाय।
28 #
लेवी 18:5
ईसु हुनी के बेता लियाय, “बढ़ियाँ कंहड़ी रूवाड़ोः तदिंङाम,” “आम निआँ लकानेआम होले का-अन्तोः जिनगी नाम केआम” बेता लियाय।
29बकिर हुनी आएंग के धरमी उउदूः लःअय, “ईङ आली खुड़-खिरकी रिनी ओके हेके?” मेन केते ईसु के कुली लियाय।
30ईसु नोकान कंहड़ी रूवाड़ोः लियाय, “मियांड होड़ जिरोसलेम तरअः जेरीहो सेनोः केनाय, तेकर हुनी के डाकु घेराव लियाकु, हेतरअ हुनी के एसेन होड़ो केते हुमाअ दरमारुवा केते रेःग लियाकु, तेकर बाईःग तु लियाकु। 31होना तयोम हेन होरा रे मियांड पुरोहित सेनोः केनाय; बकिर हुनी के नेल केते, दौंड़ी केते परोम सेनोः नाय। 32निआँ लकान मियांड लेवी जे बड़े बिनती ओड़ाअ रे से-सेवाई होः होना ठाँव रे सोदोर नेनाय, तेकर हुनी होः नेल केते दौंड़ी केते परोम सेनोः नाय। 33#2 इति 28:15बकिर मियांड समारिया रिनी होरा डिड़ोई, होना ठाँव रे सोदोर नेनाय, तेकर हुनी के नेल केते सोग अदा लिया। 34हुनी हेनाःड केते हुनी आला घाव रे, सुनूम हेतरअ अंगुर रस दुल केते होना के तोल लःअय; हेतरअ हुनी आएंग आली जनवर रे रकाःब केते डेरा ओड़ाअ ईदी लियाय, तेकर हुनी सेवा-सुसार लियाय। 35दोसरा हिला हुनी बरिया चाँदी ठर्ड़रा उडुंग केते डेरा ओड़ाअ मुंवार के एमा लियाय। हेतरअ ‘नुई के सेवा सुसारीमे तेकर नोःआँ तरअः जादे खारचायोः रेदो, होना के ईङ रूवाड़ोः ईङ हिमीन रे एमाअ तुमी ईङ,’” बेता लियाय।
36नहाअः एतान बुझाः तनाम, “जे डाकु तरअः छेका ताहिनाय, हुनी होड़ आली, नुकू पेने होड़ रे हुनी आली खुड़-खिरकी रिनी ओके पाड़ी नेनाय।” नोकान मेन केते ईसु हुनी के कुली लियाय।
37हुनी धरम पुथी सि-सिखावी, “हुनी जे हुनी के दया लियाय” मेन केते कंहड़ी रूवाड़ोः लियाय।
तेकर ईसु, हुनी के “जु आम, होः हेकानेमे” बेता लियाय।
मरथा हेतरअ मरियम आला ओड़ाअ रे ईसु
38 #
सं.जोह 11:1
जब ईसु तेकर चेला ताय लोः सेनोः केनाकु, हिमीन रे हुनी मियांड डिही रे बोलो नेनाय, तेकर मरथा नुमू रिनी मियांड कुड़ी आएंग ओड़ाअ रे मन मरजाईद लियाय। 39तेकर मरियम नुमू रिनी मरथा आली मियांड बहिन थिनाय, हुनी परभु आला जांगा दुबाःड़े दुड़ूः केते हुनी आला कंहड़ी के आयुमे केनाय। 40बकिर मरथा सुसार-सुसार ते हदियाव नाय, तेकर ईसु दुबाःड़े सेन केते, “ए परभु, बहिन तिंग ईङ के एकले सुसार चिअ दिङाय, आम के फिकिर कनोआँ एतान? हुनी ईङ के गतींङाय आचुईमे” बेता लियाय!
41बकिर परभु, “मरथा, ए मरथा! आम ढेर बात लःअय फिकीरे आम हेतरअ हदिया आम, 42बकिर मियांड बात दरकार एदनाअ। मरियम दो होना बेस हिसा के निबाड़ केदाय, होना हुनी तरअः एरे रेगोआ” मेन केते कंहड़ी रूवाड़ोः लियाय।
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0