संत.मरकुस 14
14
ईसु के गोगोएःग रेनअः उखी
(संत.मत्ती 26:1–5; संत.लुकास 22:1–2)
1 #
उइठ 12:1–27
बरसिङ तयोम पासका परब हेतरअ बे आमचुर खाता लाःड रेनअः परब ताहीना, हेतरअ बड़े पुरोहितकु, धरम पुथी सि-सिखावकु, हुनी के एतान लकान हेड़े केते साबीयाबु हेतरअ गुजियाबु, मेन केते ऊखी नाम रे ताहिनाकु। 2“बकिर नोःआँ पासका परब रेदो एरोआ, कोवान दो होड़कु झमेला केआकु,” मेनोः केनाकु।
मियांड आउराईत सोहों सुनूम के ईसु रे दुल लःअय
(संत.मत्ती 26:6–13; संत.जोहन 12:1–8)
3 #
सं.लुका 7:37,38 तेकर ईसु बैथनिया रिनी सिमोन छुँत घाव ऊनी आला ओड़ाअ रे घोटो जोम दुड़ूः ताहिनाय हिमीन रे, मियांड आउराईत संगमारमर टुकू रेनअः सीसी रे जटामासी खांटी राड़ङया सोहों सुनूम के आगु केते हीःग नेनाय, तेकर होना सीसी के रापुःड केते ईसु आला बोहोअ रे दुल लःअय। 4बकिर मिहोंड़-बनहोंड़ अपन मन रे खीस केते “नोःआँ फाड़ी राड़ङया सोहों सुनूम के एतान लःअय सिथिया केदाकु मेनोः तानाकु? 5नोःआँ सोहों सुनूम दो पे साय चाँदी ठर्ड़रा#14:5 पे साय चाँदी ठर्ड़रा मि बरीस रेनअः कमाई बराबईर एदनाअ। तरअः बगरा रे आखरिंग केते रांगेःग होड़ के एमोअ लकान ताहिना।” मेन केते हुनी आउराईत के एगेर दियाकु।
6तेकर ईसु “बाईपे! एतान लःअय नुई के सताव दियापे? नुई दो ईङ लःअय बेस काम कामी तदाय,” बेता लिकुआय। 7#कन 15:11“रांगेःगकु दो जिनगी भाईर आपे लोः ताही कोआकु, हेतरअ आपे जहान बेरा होअः एमा किकुआपे, बकिर ईङ आपे लोः जिनगी भाईर इरिंग ताहिनोआँ। 8नुई के जे ककामी ताहीना, होना कामी लःअय, नुई ईङ के तेतेपेःड रेनअः ते तेयार तरअः पहिल रे होड़ो तिंग रे सोहों सुनूम के दुल तदाय। 9ईङ आपे के सचे कंहड़ीओ दिपीईंग, गोटा दुनिया रे बेस खभाईर के परचार केआकु, होनाःड़े नुई आउराईत कामी लःअय के उ-उईहार लःअय उदूः किकुआकु।”
जहुदा, ईसु के ससःब ची लःअय तेयार नेनाय
(संत.मत्ती 26:14–16; संत.लुकास 22:3–6; संत.जोहन 11:45–53)
10तेकर ईसु आलकु बारह चेला रेगी मिहोंड़ जहुदा इसकारयोती बड़े पुरोहितकु दुबाःड़े हुनी के हुंकू आला तीः रे धोखा ते ससःब ची लःअय सेन नेनाय। 11हेतरअ हुंकू नोःआँ आयुम केते रिझ नेनाकु तेकर हुनी के ढिबुवा एमा मेआले मेन केते वादा थिलाआकु। तेकर हुनी ईसु के ससःब ची लःअय घाईत नाम रे ताही नेनाय।
चेलाकु लोः पासका रेनअः आखरी भोज जोजोम
(संत.मत्ती 26:17–25; संत.लुकास 22:7–14,21–23; संत.जोहन 13:21–30)
12बे आमचुर लाःड रेनअः परब तरअः पहिल हिला, पासका परब लःअय भेंड़ा छउना के बलिदान एमे केनाकु, हेन हिला हुनी आलकु चेला “आम लःअय ओकाःड़े पासका परब मनाव लःअय तेयारे आले?,” मेन केते कुली लियाकु।
13ईसु बनहोंड़ चेला के बेता लिकनाय “आबेन सहर सेन बेन, होंड़े मिहोंड़ घाईला रे दाअः ईदी ई नाम कियाबेन हुनी के ओतोङ ईदी बेन। 14तेकर हुनी जे ओड़ाअ रे बोलाय, हिना ओड़ाअ मुंवार के ‘गुरू कंहड़ीआय, ईङ चेला तिंग लोः पासका भोज जोमेईङ होना गुतिया ओड़ाअ ओकाःड़े एदनाअ? मेन केते कुली बेन’, बेता लिकनाय। 15हुनी आबेन के सिंगराव लआ तेंग रे सेंड़ाः केन कुड़िया उदूः केबेनाय, हिना रे आबु लःअय तेयारेपे।”
16चेला किन उडुंग केते सहर सेन नेना किन, हेतरअ जे लकान गुरू कंहड़ी ताही लःअय, हेंकान गी नाम लआकिन, हेतरअ हुंकू हिना रे पासका रअः भोज सरा जमा लअकु।
17तेकर आयुःब नेना, हिमीन रे बारहों चेला ताय लोः हीःग नेनाय। 18#सिरिंग 41:9तेकर हुंकू दुड़ूः केते घोटो जोमे केनाकु, हिमीन रे, “आपे रे मिहोंड़, जे ईङ लोः घोटो जोम तनाय हुनी ईङ के साःब चि किङाय, ईङ आपे के सचेगी कंहड़ीः दिपीईङ, कंहड़ी लःअय।”
19तेकर हुंकू ऊदास नाकु, हेतरअ हुंकू मि-मिहोंड़ केते हुनी के, “हुनी ईङ हेके एतान, मेन केते कुलीः दियाकु?”
20ईसु “हुंकू के आपे बारा रे मिहोंड़ हेके, जे ईङ लोः घोटो जोजोम लःअय थरिया रे तीः सूअ दाय, मेन केते कंहड़ी रूवाड़ोः लिकुआय। 21होड़ होपोन दो, हुनी बारे जे लकान धरम पुथी रे लिखा लअः एदनाअ हिना लकान गी गोएःग कोआय, बकिर हुनी होड़ के हाय, जे होड़ होपोन के सःब चिकयाय, हुनी एरे जनम ताही कोआ हिना गी हुनी लःअय बेस ताहिना।”
ईसु परभु भोज दोहो लःअय
(संत.मत्ती 26:26–30; संत.लुकास 22:14–20; 1 कुरिन्थी 11:23–25)
22हुंकू जोजोम केनाकु हिमीन रेगी, हुनी लाःड ईदी लःअय, हेतरअ धन्यवाद रेनअः बिनती केते केचाअ लःअय, तेकर हुंकू के एमा केते कंहड़ीः लिकुआय, “ने, नोःआँ ईङ आला होड़ो हेके।” 23तेकर कटोरा रे अंगुर रस के ईदी लःअय, हेतरअ परमेसर के धन्यवाद केते, हुंकू के एमा लिकुआय, तेकर हुंकू जामाकु होना के नु लअकु। 24#उइठ 24:8; जिर 31:31–34तेकर “नोःआँ ईङ आला मयोम हेके जे जामाकु लःअय तु ताना, ईङ आला मयोम परमेसर आला करार रेनअः चिनहा हेके, मेन लःअय। 25हेतरअ ईङ आपे के सचेगी कंहड़ी तानिङ, ईङ परमेसर आला राईज रे अंगुर रेनअः रस इरिंग नुयाँ हुमिन जगुत नावाँ इरिंग नुयाँ।”
26तेकर हुंकू भजन सिरिंग#14:26 सिरिंग पासका रे भजन संहिता तरअः सिरिंगे केनाकु सिरिंग ते जैतुन बुरु रे रकाःब नेनाकु।
ईसु पतरस के चेताव लियाय
(संत.मत्ती 26:31–35; संत.लुकास 22:31–34)
27 #
जखरि 13:7
तब ईसु हुंकू के बेता लिकुआय, “आपे जामा ठोकोर जोम केआपे एता लःअय ची नोकान धरम पुथी रे लिखा लअः एदनाअ ची, ‘ईङ चरवाहा के गुजियींग तेकर भेंड़ा छितीर-बितीर कोआकु, कंहड़ी लःअय।’ 28#सं.मत्ती 28:16बकिर ईङ जिवीःड-बिरिःड केते आपे तरअः पहिल रे गलील सेन कोईङ।”
29पतरस ईसु के बेता लियाय, “जामाकु बाई केते सेन कोआकु, बकिर ईङ ठोकोर इरिंग जोमेआ।”
30आम के सचेगी बेताः दिमीईंङ “तिहिङ निदा गी बार खेप खोखरो रा-राअः जगुत पे खेप ईङ के आम काईङ पड़ीआ बेता कि कुआम, पतरस के बेता लियाय।”
31बकिर पतरस “ईङ के आम लोः चाहे गोजोः होअः पड़ाअः, रे होः ईङ आम के काईङ पड़ीआ मेन इरिंग कंहड़ीआ,” मेन केते जोड़ एम केते कंहड़ी लःअय, हिना लकान आउरो चेला ताय कु होअः कंहड़ी लअकु।
गेतसमनी रे बि-बिनती
(संत.मत्ती 26:36–46; संत.लुकास 22:39–46)
32तेकर हुंकू गेतसमनी नुमू रेनअः ठाँव रे सोदोर नेनाकु, हेतरअ “ईङ होनाःड़े सेन केते बिनती यींग आपे निआँड़े दुड़ूः ताहिन पे, मेन केते ईसु आएंग आलकु चेला के बेता लिकुआय।” 33हेतरअ हुनी पतरस, तेकर याकुब हेतरअ जोहन के आएंग लोः ईदी लिकनाय तेकर हुनी बिपाईत रे मुरुक अकल-बकल योअ तनाय, 34तेकर हुनी “ईङ आला मन मुरुक उदास एदनाअ, नुमिन मन ची ईङ के गोजोः लकान आदायोः ताना, आपे निआँड़े ताही नोःपे हेतरअ चौंचित ताहिन पे, बेता लिकुआय।”
35तेकर हुनी कटिःग मड़ांग सेन केते, ओत रे ईकड़ुम लःअय, हेतरअ हुयाव सकाअ होले नोःआँ बिपाईत रेनअः घड़ी ईङ तरअः ओचोअ जुनोअः, मेन केते बिनती लःअय। 36तेकर हुनी “ए बा,” “ए बाबा! आम तरअः जामा हुयाव सकाअ, नोःआँ डुभनी के ईङ दुबाःड़े तरअः ओचोअ गुलतामे बकिर ईङ आला मन लकान कोवान, आम रअः मन लकान हुयाअः, मेन लःअय।”
37तेकर हुनी हीःग नेनाय हेतरअ हुंकू के निन्दोः नेल केते “हे सिमोन, आम निन्दोः तनाम? मि घंटा होअः काम लुड़ीःग दाड़ी लआ,” मेन केते पतरस के बेता लियाय। 38“आलपे निन्द कोअ बिनती एकाय पे, हेतरअ परीकछा रे आलपे नुर कोअ, आतमा दो तेयार एदनाअ बकिर होड़ो नरजोर एदनाअ।”
39तेकर ईसु आउर गी सेन रूवाड़ नेनाय हेतरअ हिना कड़ी रेगी बिनती लःअय। 40हुनी आउर गी रूवाड़ हीःग नेनाय, रे होः हुंकू के निन्दोः नाम लिकुआय, हुंकू निन्द रे लुलुड़ीःग काकु दाड़ी केना, हेतरअ एतान कंहड़ी रूवाड़े आले मेन के काकु पाड़ी केना।
41तेकर ईसु पे खेप रे हीःग केते हुंकू के बेता लिकुआय, “नहाअः होअः निन्दोः तनापे? देगे नहाअः दो साथाःपे! नेलेपे नहाअः गी होना घड़ी हीःग ना! मनवा होपोन के पापीकु आला तीः रे सःब चिकया कु। 42बिरिःड पे दु नेलीपे, ईङ के सा-सःब चिई वाला हीःग सोदोर नाय।”
ईसु धोखा ते सःब ची नेनाय
(संत.मत्ती 26:47–56; संत.लुकास 22:47–53; संत.जोहन 18:3–12)
43ईसु नोकान कंहड़ी केनाय तोरन, बारहों चेलाकु रे मिहोंड़ जहुदा हीःग नेनाय, हेतरअ आएंग लोः बड़े पुरोहितकु हेतरअ धरम पुथी सि-सिखावकु तेकर पुरखा रिनकु सेंयाड़कु पखा तरअः ढेरी बगरा होड़, तलवाईर तेकर हापा सःब केते हीःग सोदोर नेनाकु। 44“हेतरअ जेके ईङ चुमायींग हिनी हेके, हुनी के आपे सःब केते बेस केन ईदीपे,” मेन केते ईसु के ससःब चिई उदूः ताही लिकुआय। 45हुनी हीःग तोरन ईसु दुबाःड़े सेन केते कंहड़ी लःअय “ए गुरू! ए गुरू!,” मेन केते चुमा लियाय। 46तेकर हुंकू ईसु के सःब केते कबजा रे लियाकु। 47तेकर ईसु लोः तिंगु ताही नेनाकु रे मिहोंड़ तलवाईर ताय के उडुंग केते महापुरोहित आली बंधाउवा आला लुतूर के मांअ केते खांड़ा गिड़ीः ची केदाय। 48तेकर ईसु “आपे ईङ के, रे-रेःग होड़ मेन केते ससःब लःअय तलवाईर हेतरअ हापा सःब केते उडुंग तनापे? 49#सं.लुका 19:47; 21:37ईङ दो रोज दिन बड़े बिनती ओड़ाअ रेनअः राच रे आपे लोः ताही केते उदूः कु केनिङ, हिमीन रे आपे कापे सःब लिङा, बकिर नोःआँ पबितर धरम पुथी रे लिखा लअः बात पुरायोः लःअय नोकान हुयाव नेना।”
50तेकर जामा चेला हुनी के नीर बाईःग तु लियाकु।
51मियांड कोड़ा एसेन होड़ो मलमल गेन्दरअ ऊयु केते ईसु पखा नेनाय, तेकर होड़कु हुनी के सःब लियाकु। 52बकिर हुनी मलमल गेन्दरअ के गिड़ी केते एसेन होड़ो नीर नेनाय।
महापुरोहित दुबाःड़े ईसु के ईदी लियाकु
(संत.मत्ती 26:57–68; संत.लुकास 22:54–55,63–71; संत.जोहन 18:13,14,19–24)
53तेकर हुंकू ईसु के महापुरोहित आला ओड़ाअ ईदी लियाकु, हेतरअ जामा बड़े पुरोहित तेकर पुरखा रिनकु सेंयाड़कु तेकर धरम पुथी सि-सिखावकु होनाःड़े जवार नेनाकु। 54हेतरअ पतरस लंका-लंका महापुरोहित आला राच जगुत हुनी के ओतोङ ईदी लियाय, हेतरअ बोलो केते सिपाहीकु लोः दुड़ूः केते सेंगेल जिरोगोअ केनाय। 55हेतरअ बड़े पुरोहित तेकर जाहुदी पंचाईत रिनकु जामाकु, ईसु के गो-गोएःग लःअय गोवाह कु नामे केना, बकिर काकु नाम दाड़ी लआ। 56जामाकु हुनी बिरोध रे ऊलटी गोवाह कु एमे केना, बकिर हुंकू आला गोवाह मियांड लकान का ताहिना।
57तेकर मिहोंड़-बनहोंड़ बिरिःड केते हुनी तेङ रे नोकान ऊलटी गोवाह कु एम लअः। 58#सं.जोह 2:19“नुई तरअः ‘आले नोकान कंहड़ी आयुम तदाले, ईङ नोःआँ तीः रे बनाव लअः बड़े बिनती ओड़ाअ के धासायीङ तेकर पे रोज रे एटाअ बेगार तीः रे एटाअ बनाव रूवाड़े ईङ,’” मेन तदाय। 59नोःआँ गोवाह होअः हुंकू आला मियांड लकान का ताहिना।
60तेकर महापुरोहित तलारे तिंगु केते “आम जेतना रअः एतान होअः काम कंहड़ी रूवाड़ दा?” नुकू आम बिरोध रे एतान गोवाह कु एम दा मेन केते ईसु के कुली लियाय।
61रे होः गी हुनी चुपचाप ताहिः नाय, हेतरअ जेतना रअः काय कंहड़ी रूवाड़ लआ, तेकर महापुरोहित “आम स्तुति लाईक परमेसर आली होपोन ख्रीस्त हेके एतान?,” मेन केते कुली लियाय।
62 #
दानि 7:13
ईसु “हाँ ईङ हेके,” हेतरअ “आपे होड़ होपोन के जामा तरअः सवांग किनी आला जोम पखा दुड़ूः ऊनी हेतरअ सिरमा रे रिम्बिल लोः हिजोअः नेल किङापे,” बेता लिकुआय।
63हेतरअ दो, महापुरोहित गेन्दरअ ताय के चिरा केते, “नहाअः दो आउर एतान गोवाह चाही? कंहड़ी लःअय। 64#लेवी 24:16आपे नुई तरअः नोःआँ परमेसर रआ निन्दा कंहड़ी आयुम लआपे नी, आपे आला एतान बिचार एदनाअ” हुंकू जामा नुई दोसीदार एदानिया नुई के गोगोएःग एदनाअ, मेन लअकु।
65तेकर हुनी के ओके दो बेःग तेपेःड दियाकु, हेतरअ ओके दो मेःड मुहांड़ ताय के तोल ऊकु केते मुटकाव केते, “ओके मुटकाव लेमेआय आम आगमजानी मे बेता लियाकु,” हेतरअ सिपाहीकु सःब केते चाटकांड़ लियाकु।
पतरस काईङ पाड़ी ताना बेता लिकुआय
(संत.मत्ती 26:69–75; संत.लुकास 22:56–62; संत.जोहन 18:15–18,25–27)
66तेकर पतरस लतार राच रे ताहिनाय, हिमीन रे महापुरोहित आली धाँगड़ीन मे से मिहोंड़ होनाःड़े हीःग नेनाय। 67तेकर पतरस के सेंगेल जिरोगोअ नेल लियाय, हेतरअ लुड़ीःग बिःड किदयाय, तेकर “आम होअः दो हुनी नासरत रिनी ईसु लोः ताहिनाम,” बेता लियाय।
68बकिर हुनी “ईङ काईङ पाड़ी ताना तेकर आम एतान कंहड़ी तनाम के काईङ बुझाः ताना,” बेता लियाय तेकर पतरस बाहरी सिनिङ दुवार पखा उडुंग नाय, हेतरअ खोखरो राअः केदाय।
69हुनी धाँगड़ीन हुनी के लुड़ीःग केते “नुई दो हिंकु लोःगी एदानिया,” मेन केते हिनाःड़े तिंगु ऊनकु के कंहड़ी एटेगोः किद कुआय। 70रे होः हुनी काईङ पड़ीआ बेता लिकुआय। तेकर आउर घड़ीक तयोम रे होनाःड़े तिंगु ऊनकु “सथेगी आम होअः हिंकु कु लोः एदान मेआ, आम होअः दो गलीली हेके,” मेन केते पतरस के बेता लियाकु।
71बकिर हुनी सर्पाः तनाय हेतरअ किरया जोम दाय “आपे कंहड़ी तनापे हुनी होड़ के ईङ काईङ पड़ीआ,” बेता लिकुआय।
72तेकर कंहड़ी केनाय हिमीन रे, खोखरो आउर मिसा राअः केदाय, हेतरअ ईसु बेता ताही लियाय के उईहार केदाय, “ची आम खोखरो बार खेप अनौरी रा-राअः जगुत आम ईङ के पे खेप काईङ पड़ीआ मेन केआम,” बेता ताही लियाय, होना के फहाम केते पतरस ईयाम दाय।
Currently Selected:
संत.मरकुस 14: ASR
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
संत.मरकुस 14
14
ईसु के गोगोएःग रेनअः उखी
(संत.मत्ती 26:1–5; संत.लुकास 22:1–2)
1 #
उइठ 12:1–27
बरसिङ तयोम पासका परब हेतरअ बे आमचुर खाता लाःड रेनअः परब ताहीना, हेतरअ बड़े पुरोहितकु, धरम पुथी सि-सिखावकु, हुनी के एतान लकान हेड़े केते साबीयाबु हेतरअ गुजियाबु, मेन केते ऊखी नाम रे ताहिनाकु। 2“बकिर नोःआँ पासका परब रेदो एरोआ, कोवान दो होड़कु झमेला केआकु,” मेनोः केनाकु।
मियांड आउराईत सोहों सुनूम के ईसु रे दुल लःअय
(संत.मत्ती 26:6–13; संत.जोहन 12:1–8)
3 #
सं.लुका 7:37,38 तेकर ईसु बैथनिया रिनी सिमोन छुँत घाव ऊनी आला ओड़ाअ रे घोटो जोम दुड़ूः ताहिनाय हिमीन रे, मियांड आउराईत संगमारमर टुकू रेनअः सीसी रे जटामासी खांटी राड़ङया सोहों सुनूम के आगु केते हीःग नेनाय, तेकर होना सीसी के रापुःड केते ईसु आला बोहोअ रे दुल लःअय। 4बकिर मिहोंड़-बनहोंड़ अपन मन रे खीस केते “नोःआँ फाड़ी राड़ङया सोहों सुनूम के एतान लःअय सिथिया केदाकु मेनोः तानाकु? 5नोःआँ सोहों सुनूम दो पे साय चाँदी ठर्ड़रा#14:5 पे साय चाँदी ठर्ड़रा मि बरीस रेनअः कमाई बराबईर एदनाअ। तरअः बगरा रे आखरिंग केते रांगेःग होड़ के एमोअ लकान ताहिना।” मेन केते हुनी आउराईत के एगेर दियाकु।
6तेकर ईसु “बाईपे! एतान लःअय नुई के सताव दियापे? नुई दो ईङ लःअय बेस काम कामी तदाय,” बेता लिकुआय। 7#कन 15:11“रांगेःगकु दो जिनगी भाईर आपे लोः ताही कोआकु, हेतरअ आपे जहान बेरा होअः एमा किकुआपे, बकिर ईङ आपे लोः जिनगी भाईर इरिंग ताहिनोआँ। 8नुई के जे ककामी ताहीना, होना कामी लःअय, नुई ईङ के तेतेपेःड रेनअः ते तेयार तरअः पहिल रे होड़ो तिंग रे सोहों सुनूम के दुल तदाय। 9ईङ आपे के सचे कंहड़ीओ दिपीईंग, गोटा दुनिया रे बेस खभाईर के परचार केआकु, होनाःड़े नुई आउराईत कामी लःअय के उ-उईहार लःअय उदूः किकुआकु।”
जहुदा, ईसु के ससःब ची लःअय तेयार नेनाय
(संत.मत्ती 26:14–16; संत.लुकास 22:3–6; संत.जोहन 11:45–53)
10तेकर ईसु आलकु बारह चेला रेगी मिहोंड़ जहुदा इसकारयोती बड़े पुरोहितकु दुबाःड़े हुनी के हुंकू आला तीः रे धोखा ते ससःब ची लःअय सेन नेनाय। 11हेतरअ हुंकू नोःआँ आयुम केते रिझ नेनाकु तेकर हुनी के ढिबुवा एमा मेआले मेन केते वादा थिलाआकु। तेकर हुनी ईसु के ससःब ची लःअय घाईत नाम रे ताही नेनाय।
चेलाकु लोः पासका रेनअः आखरी भोज जोजोम
(संत.मत्ती 26:17–25; संत.लुकास 22:7–14,21–23; संत.जोहन 13:21–30)
12बे आमचुर लाःड रेनअः परब तरअः पहिल हिला, पासका परब लःअय भेंड़ा छउना के बलिदान एमे केनाकु, हेन हिला हुनी आलकु चेला “आम लःअय ओकाःड़े पासका परब मनाव लःअय तेयारे आले?,” मेन केते कुली लियाकु।
13ईसु बनहोंड़ चेला के बेता लिकनाय “आबेन सहर सेन बेन, होंड़े मिहोंड़ घाईला रे दाअः ईदी ई नाम कियाबेन हुनी के ओतोङ ईदी बेन। 14तेकर हुनी जे ओड़ाअ रे बोलाय, हिना ओड़ाअ मुंवार के ‘गुरू कंहड़ीआय, ईङ चेला तिंग लोः पासका भोज जोमेईङ होना गुतिया ओड़ाअ ओकाःड़े एदनाअ? मेन केते कुली बेन’, बेता लिकनाय। 15हुनी आबेन के सिंगराव लआ तेंग रे सेंड़ाः केन कुड़िया उदूः केबेनाय, हिना रे आबु लःअय तेयारेपे।”
16चेला किन उडुंग केते सहर सेन नेना किन, हेतरअ जे लकान गुरू कंहड़ी ताही लःअय, हेंकान गी नाम लआकिन, हेतरअ हुंकू हिना रे पासका रअः भोज सरा जमा लअकु।
17तेकर आयुःब नेना, हिमीन रे बारहों चेला ताय लोः हीःग नेनाय। 18#सिरिंग 41:9तेकर हुंकू दुड़ूः केते घोटो जोमे केनाकु, हिमीन रे, “आपे रे मिहोंड़, जे ईङ लोः घोटो जोम तनाय हुनी ईङ के साःब चि किङाय, ईङ आपे के सचेगी कंहड़ीः दिपीईङ, कंहड़ी लःअय।”
19तेकर हुंकू ऊदास नाकु, हेतरअ हुंकू मि-मिहोंड़ केते हुनी के, “हुनी ईङ हेके एतान, मेन केते कुलीः दियाकु?”
20ईसु “हुंकू के आपे बारा रे मिहोंड़ हेके, जे ईङ लोः घोटो जोजोम लःअय थरिया रे तीः सूअ दाय, मेन केते कंहड़ी रूवाड़ोः लिकुआय। 21होड़ होपोन दो, हुनी बारे जे लकान धरम पुथी रे लिखा लअः एदनाअ हिना लकान गी गोएःग कोआय, बकिर हुनी होड़ के हाय, जे होड़ होपोन के सःब चिकयाय, हुनी एरे जनम ताही कोआ हिना गी हुनी लःअय बेस ताहिना।”
ईसु परभु भोज दोहो लःअय
(संत.मत्ती 26:26–30; संत.लुकास 22:14–20; 1 कुरिन्थी 11:23–25)
22हुंकू जोजोम केनाकु हिमीन रेगी, हुनी लाःड ईदी लःअय, हेतरअ धन्यवाद रेनअः बिनती केते केचाअ लःअय, तेकर हुंकू के एमा केते कंहड़ीः लिकुआय, “ने, नोःआँ ईङ आला होड़ो हेके।” 23तेकर कटोरा रे अंगुर रस के ईदी लःअय, हेतरअ परमेसर के धन्यवाद केते, हुंकू के एमा लिकुआय, तेकर हुंकू जामाकु होना के नु लअकु। 24#उइठ 24:8; जिर 31:31–34तेकर “नोःआँ ईङ आला मयोम हेके जे जामाकु लःअय तु ताना, ईङ आला मयोम परमेसर आला करार रेनअः चिनहा हेके, मेन लःअय। 25हेतरअ ईङ आपे के सचेगी कंहड़ी तानिङ, ईङ परमेसर आला राईज रे अंगुर रेनअः रस इरिंग नुयाँ हुमिन जगुत नावाँ इरिंग नुयाँ।”
26तेकर हुंकू भजन सिरिंग#14:26 सिरिंग पासका रे भजन संहिता तरअः सिरिंगे केनाकु सिरिंग ते जैतुन बुरु रे रकाःब नेनाकु।
ईसु पतरस के चेताव लियाय
(संत.मत्ती 26:31–35; संत.लुकास 22:31–34)
27 #
जखरि 13:7
तब ईसु हुंकू के बेता लिकुआय, “आपे जामा ठोकोर जोम केआपे एता लःअय ची नोकान धरम पुथी रे लिखा लअः एदनाअ ची, ‘ईङ चरवाहा के गुजियींग तेकर भेंड़ा छितीर-बितीर कोआकु, कंहड़ी लःअय।’ 28#सं.मत्ती 28:16बकिर ईङ जिवीःड-बिरिःड केते आपे तरअः पहिल रे गलील सेन कोईङ।”
29पतरस ईसु के बेता लियाय, “जामाकु बाई केते सेन कोआकु, बकिर ईङ ठोकोर इरिंग जोमेआ।”
30आम के सचेगी बेताः दिमीईंङ “तिहिङ निदा गी बार खेप खोखरो रा-राअः जगुत पे खेप ईङ के आम काईङ पड़ीआ बेता कि कुआम, पतरस के बेता लियाय।”
31बकिर पतरस “ईङ के आम लोः चाहे गोजोः होअः पड़ाअः, रे होः ईङ आम के काईङ पड़ीआ मेन इरिंग कंहड़ीआ,” मेन केते जोड़ एम केते कंहड़ी लःअय, हिना लकान आउरो चेला ताय कु होअः कंहड़ी लअकु।
गेतसमनी रे बि-बिनती
(संत.मत्ती 26:36–46; संत.लुकास 22:39–46)
32तेकर हुंकू गेतसमनी नुमू रेनअः ठाँव रे सोदोर नेनाकु, हेतरअ “ईङ होनाःड़े सेन केते बिनती यींग आपे निआँड़े दुड़ूः ताहिन पे, मेन केते ईसु आएंग आलकु चेला के बेता लिकुआय।” 33हेतरअ हुनी पतरस, तेकर याकुब हेतरअ जोहन के आएंग लोः ईदी लिकनाय तेकर हुनी बिपाईत रे मुरुक अकल-बकल योअ तनाय, 34तेकर हुनी “ईङ आला मन मुरुक उदास एदनाअ, नुमिन मन ची ईङ के गोजोः लकान आदायोः ताना, आपे निआँड़े ताही नोःपे हेतरअ चौंचित ताहिन पे, बेता लिकुआय।”
35तेकर हुनी कटिःग मड़ांग सेन केते, ओत रे ईकड़ुम लःअय, हेतरअ हुयाव सकाअ होले नोःआँ बिपाईत रेनअः घड़ी ईङ तरअः ओचोअ जुनोअः, मेन केते बिनती लःअय। 36तेकर हुनी “ए बा,” “ए बाबा! आम तरअः जामा हुयाव सकाअ, नोःआँ डुभनी के ईङ दुबाःड़े तरअः ओचोअ गुलतामे बकिर ईङ आला मन लकान कोवान, आम रअः मन लकान हुयाअः, मेन लःअय।”
37तेकर हुनी हीःग नेनाय हेतरअ हुंकू के निन्दोः नेल केते “हे सिमोन, आम निन्दोः तनाम? मि घंटा होअः काम लुड़ीःग दाड़ी लआ,” मेन केते पतरस के बेता लियाय। 38“आलपे निन्द कोअ बिनती एकाय पे, हेतरअ परीकछा रे आलपे नुर कोअ, आतमा दो तेयार एदनाअ बकिर होड़ो नरजोर एदनाअ।”
39तेकर ईसु आउर गी सेन रूवाड़ नेनाय हेतरअ हिना कड़ी रेगी बिनती लःअय। 40हुनी आउर गी रूवाड़ हीःग नेनाय, रे होः हुंकू के निन्दोः नाम लिकुआय, हुंकू निन्द रे लुलुड़ीःग काकु दाड़ी केना, हेतरअ एतान कंहड़ी रूवाड़े आले मेन के काकु पाड़ी केना।
41तेकर ईसु पे खेप रे हीःग केते हुंकू के बेता लिकुआय, “नहाअः होअः निन्दोः तनापे? देगे नहाअः दो साथाःपे! नेलेपे नहाअः गी होना घड़ी हीःग ना! मनवा होपोन के पापीकु आला तीः रे सःब चिकया कु। 42बिरिःड पे दु नेलीपे, ईङ के सा-सःब चिई वाला हीःग सोदोर नाय।”
ईसु धोखा ते सःब ची नेनाय
(संत.मत्ती 26:47–56; संत.लुकास 22:47–53; संत.जोहन 18:3–12)
43ईसु नोकान कंहड़ी केनाय तोरन, बारहों चेलाकु रे मिहोंड़ जहुदा हीःग नेनाय, हेतरअ आएंग लोः बड़े पुरोहितकु हेतरअ धरम पुथी सि-सिखावकु तेकर पुरखा रिनकु सेंयाड़कु पखा तरअः ढेरी बगरा होड़, तलवाईर तेकर हापा सःब केते हीःग सोदोर नेनाकु। 44“हेतरअ जेके ईङ चुमायींग हिनी हेके, हुनी के आपे सःब केते बेस केन ईदीपे,” मेन केते ईसु के ससःब चिई उदूः ताही लिकुआय। 45हुनी हीःग तोरन ईसु दुबाःड़े सेन केते कंहड़ी लःअय “ए गुरू! ए गुरू!,” मेन केते चुमा लियाय। 46तेकर हुंकू ईसु के सःब केते कबजा रे लियाकु। 47तेकर ईसु लोः तिंगु ताही नेनाकु रे मिहोंड़ तलवाईर ताय के उडुंग केते महापुरोहित आली बंधाउवा आला लुतूर के मांअ केते खांड़ा गिड़ीः ची केदाय। 48तेकर ईसु “आपे ईङ के, रे-रेःग होड़ मेन केते ससःब लःअय तलवाईर हेतरअ हापा सःब केते उडुंग तनापे? 49#सं.लुका 19:47; 21:37ईङ दो रोज दिन बड़े बिनती ओड़ाअ रेनअः राच रे आपे लोः ताही केते उदूः कु केनिङ, हिमीन रे आपे कापे सःब लिङा, बकिर नोःआँ पबितर धरम पुथी रे लिखा लअः बात पुरायोः लःअय नोकान हुयाव नेना।”
50तेकर जामा चेला हुनी के नीर बाईःग तु लियाकु।
51मियांड कोड़ा एसेन होड़ो मलमल गेन्दरअ ऊयु केते ईसु पखा नेनाय, तेकर होड़कु हुनी के सःब लियाकु। 52बकिर हुनी मलमल गेन्दरअ के गिड़ी केते एसेन होड़ो नीर नेनाय।
महापुरोहित दुबाःड़े ईसु के ईदी लियाकु
(संत.मत्ती 26:57–68; संत.लुकास 22:54–55,63–71; संत.जोहन 18:13,14,19–24)
53तेकर हुंकू ईसु के महापुरोहित आला ओड़ाअ ईदी लियाकु, हेतरअ जामा बड़े पुरोहित तेकर पुरखा रिनकु सेंयाड़कु तेकर धरम पुथी सि-सिखावकु होनाःड़े जवार नेनाकु। 54हेतरअ पतरस लंका-लंका महापुरोहित आला राच जगुत हुनी के ओतोङ ईदी लियाय, हेतरअ बोलो केते सिपाहीकु लोः दुड़ूः केते सेंगेल जिरोगोअ केनाय। 55हेतरअ बड़े पुरोहित तेकर जाहुदी पंचाईत रिनकु जामाकु, ईसु के गो-गोएःग लःअय गोवाह कु नामे केना, बकिर काकु नाम दाड़ी लआ। 56जामाकु हुनी बिरोध रे ऊलटी गोवाह कु एमे केना, बकिर हुंकू आला गोवाह मियांड लकान का ताहिना।
57तेकर मिहोंड़-बनहोंड़ बिरिःड केते हुनी तेङ रे नोकान ऊलटी गोवाह कु एम लअः। 58#सं.जोह 2:19“नुई तरअः ‘आले नोकान कंहड़ी आयुम तदाले, ईङ नोःआँ तीः रे बनाव लअः बड़े बिनती ओड़ाअ के धासायीङ तेकर पे रोज रे एटाअ बेगार तीः रे एटाअ बनाव रूवाड़े ईङ,’” मेन तदाय। 59नोःआँ गोवाह होअः हुंकू आला मियांड लकान का ताहिना।
60तेकर महापुरोहित तलारे तिंगु केते “आम जेतना रअः एतान होअः काम कंहड़ी रूवाड़ दा?” नुकू आम बिरोध रे एतान गोवाह कु एम दा मेन केते ईसु के कुली लियाय।
61रे होः गी हुनी चुपचाप ताहिः नाय, हेतरअ जेतना रअः काय कंहड़ी रूवाड़ लआ, तेकर महापुरोहित “आम स्तुति लाईक परमेसर आली होपोन ख्रीस्त हेके एतान?,” मेन केते कुली लियाय।
62 #
दानि 7:13
ईसु “हाँ ईङ हेके,” हेतरअ “आपे होड़ होपोन के जामा तरअः सवांग किनी आला जोम पखा दुड़ूः ऊनी हेतरअ सिरमा रे रिम्बिल लोः हिजोअः नेल किङापे,” बेता लिकुआय।
63हेतरअ दो, महापुरोहित गेन्दरअ ताय के चिरा केते, “नहाअः दो आउर एतान गोवाह चाही? कंहड़ी लःअय। 64#लेवी 24:16आपे नुई तरअः नोःआँ परमेसर रआ निन्दा कंहड़ी आयुम लआपे नी, आपे आला एतान बिचार एदनाअ” हुंकू जामा नुई दोसीदार एदानिया नुई के गोगोएःग एदनाअ, मेन लअकु।
65तेकर हुनी के ओके दो बेःग तेपेःड दियाकु, हेतरअ ओके दो मेःड मुहांड़ ताय के तोल ऊकु केते मुटकाव केते, “ओके मुटकाव लेमेआय आम आगमजानी मे बेता लियाकु,” हेतरअ सिपाहीकु सःब केते चाटकांड़ लियाकु।
पतरस काईङ पाड़ी ताना बेता लिकुआय
(संत.मत्ती 26:69–75; संत.लुकास 22:56–62; संत.जोहन 18:15–18,25–27)
66तेकर पतरस लतार राच रे ताहिनाय, हिमीन रे महापुरोहित आली धाँगड़ीन मे से मिहोंड़ होनाःड़े हीःग नेनाय। 67तेकर पतरस के सेंगेल जिरोगोअ नेल लियाय, हेतरअ लुड़ीःग बिःड किदयाय, तेकर “आम होअः दो हुनी नासरत रिनी ईसु लोः ताहिनाम,” बेता लियाय।
68बकिर हुनी “ईङ काईङ पाड़ी ताना तेकर आम एतान कंहड़ी तनाम के काईङ बुझाः ताना,” बेता लियाय तेकर पतरस बाहरी सिनिङ दुवार पखा उडुंग नाय, हेतरअ खोखरो राअः केदाय।
69हुनी धाँगड़ीन हुनी के लुड़ीःग केते “नुई दो हिंकु लोःगी एदानिया,” मेन केते हिनाःड़े तिंगु ऊनकु के कंहड़ी एटेगोः किद कुआय। 70रे होः हुनी काईङ पड़ीआ बेता लिकुआय। तेकर आउर घड़ीक तयोम रे होनाःड़े तिंगु ऊनकु “सथेगी आम होअः हिंकु कु लोः एदान मेआ, आम होअः दो गलीली हेके,” मेन केते पतरस के बेता लियाकु।
71बकिर हुनी सर्पाः तनाय हेतरअ किरया जोम दाय “आपे कंहड़ी तनापे हुनी होड़ के ईङ काईङ पड़ीआ,” बेता लिकुआय।
72तेकर कंहड़ी केनाय हिमीन रे, खोखरो आउर मिसा राअः केदाय, हेतरअ ईसु बेता ताही लियाय के उईहार केदाय, “ची आम खोखरो बार खेप अनौरी रा-राअः जगुत आम ईङ के पे खेप काईङ पड़ीआ मेन केआम,” बेता ताही लियाय, होना के फहाम केते पतरस ईयाम दाय।
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0