संत.मरकुस 8
8
चाईर हजार होड़ के खियाव लिकुआय।
(संत.मत्ती 15:32–39)
1हिमीन बेरा आउर मुसिङ मुरुक तुन्दरा होड़ जुमाव नेनाकु, तेकर हुंकू दुबाःड़े जोजोम लःअय एतान होअः का ताही नेना, तेकर ईसु चेला ताय के हेनाःड राअः केते बेता लिकुआय। 2“नुकू तुन्दरा होड़ के नेल केते ईङ सोगअ तानिङ एता लःअय ची, नुकू पे रोज तरअः ईङ लोः एदान कुआ, हेतरअ नुकू दुबाःड़े जोजोम लःअय एतान होअः कानोआँ। 3जदि ईङ नुकू के रांगेःग ते ओड़ाअ कुलगोःड कुईंग होले दो होरा रेगी थकाव केते ताही कोआकु, एता लःअय ची नुकू मेसे रे जाहें-जाहें लंका तरअः हीःग तनाकु।”
4“नोःआँ सुमसान ठाँव रे ओके ओका तरअः नुमिन बगरा होड़ लःअय, लाःड आगु केआय, नुकू जोम केते बी कोआकु?” मेन केते चेला ताय कंहड़ी रूवाड़ोः लियाकु।
5“आपे दुबाःड़े ऊकिन केन लाःड एदनाअ,” मेन केते चेला ताय के कुली लिकुआय? हुंकू “सात गोड़ एदनाआ,” बेता लियाकु।
6तेकर हुनी होड़कु के ओत रे दुड़ूः आचु लिकुआय, हेतरअ होना सात गोड़ लाःड के ईदी लःअय, हेतरअ परमेसर के धन्यवाद एमा केते होना लाःड के केचाअ लःअय, हेतरअ होड़ के पोरसाः कुआकु, मेन केते हुनी चेला ताय के एमा ईदी लिकुआय, तेकर हुंकू पोरसाः लिकुआकु। 7तेकर हुंकू दुबाःड़े बरिया लकान छोटे हाकु होअः ताही नेनाकु, हुनी परमेसर के धन्यवाद एमा केते हाकु केहोः हाटिङोः कुपे मेन केते आचु लिकुआय। 8तेकर हुंकू भाईर लाहीःग जोम बी नेनाकु, हेतरअ चेला ताय सारेःग ओना लाःड के, सात खाईचलअ हाऊर केते पेरेःग लअकु। 9हुंकू चाईर हजार लकान होड़ जोम लअकु, तेकर ईसु हुंकू के बिदा लिकुआय। 10हेतरअ हुनी तुरते चेला ताय लोः डोंगा रे देःग केते दालमनुता परदेस सोदोर नेनाय।
फरीसीकु सिरमा रेनअः चिनहा कोय केनाकु
(संत.मत्ती 16:1–4)
11 #
सं.मत्ती 12:38; सं.लुका 11:16 थोड़ेक फरीसीकु हीःग केते ईसु के कुली केनाकु, हेतरअ प-परीकछा लःअय हुनी तरअः सिरमा रेनअः मियांड चिनहा कोय केनाकु 12#सं.मत्ती 12:39; सं.लुका 11:29हुनी आतमा रे जोड़ से साँस ईदी केते, “नोःआँ परिया रिनकु होड़ एतान लःअय चिनहा नामेआकु? ईङ आपे के सचेगी कंहड़ी ऊ दिपीईङ, नोःआँ परिया रिनकु होड़ के एतान चिनहा होअः एमोअ कनोआँ” बेता लिकुआय। 13तेकर हुनी हुंकू के बाई केते डोंगा रे देःग नेनाय हेतरअ डाहा होना पखी सेनोः नाय।
फरीसीकु आला लाःड जो जोजो खाता जिनीस तरअः बंचाव केते तहिनपे
(संत.मत्ती 16:5–12)
14ईसु आलकु चेला लाःड ईइदी रिड़िःग ताही लअकु, हेतरअ डोंगा रे हुंकू दुबाःड़े मियांड ठुका लाःड ताहिना। 15#सं.लुका 12:1हेतरअ हुनी “फरीसीकु तेकर हेरोदकु आला, लाःड जो जोजो खाता जिनीस तरअः बंचाव केते ताहिनोः पे,” बेता लिकुआय।
16“हुंकू, आबु दुबाःड़े लाःड कनोआँ,” मेन केते आकु-आकु कंहड़ी उपड़ीनोः तानाकु।
17होना के पाड़ी केते ईसु बेता लिकुआय, “आपे एतान लःअय आपे-आपे नोकान उईहार दापे, ची आबु दुबाःड़े लाःड कनोआँ, आपे नहाअः जगुत होअः कापे पड़ीआ? हेतरअ कापे समझाआ? आपे आला मन नहाअः जगुत कठोर गीआ एतान? 18#जिर 5:21; जहेज 12:2; सं.मर 4:12मेःड ताहीनोः तुली होअः कापे नेलेआ हेतरअ लुतूर ताहीनोः तुली होअः कापे आयुमेआ एतान? हेतरअ कापे फहाम दा एतान? 19जे हिला ईङ पाँच हजार होड़ लःअय पाँच गोड़ लाःड के केचाअ ताही लिईङ, हिमीन रे आपे ऊकिन खाईचलअ सारेःग ओना लाःड के हाऊर ताहिलःपे?,” हुंकू “बारा दाऊड़ा” बेता लियाकु।
20“हेतरअ जे बेरा चाईर हजार होड़ लःअय सात गोड़ लाःड ताहीना, हिमीन रे आपे ऊकिन खाईचलअ केचाअ लाःड के हाऊर ताहिलाःपे?,” बेता लिकुआय। “हिमीन रे हुंकू सात खाईचलअ” बेता लियाकु।
21“आपे नहाअः जगुत कापे बुझाआ एतान?” बेता लिकुआय।
बैतसैदा रे मियांड अंधरा के छोड़ाव लियाय।
22हुंकू बैतसैदा रे हीःग नेनाकु हिमीन रे थोड़ेक होड़ मियांड अंधरा के ईसु दुबाःड़े आगु लियाकु, तेकर नुई के छुवाँई मे, मेन केते ईसु के गोहराव नेनाकु। 23तेकर हुनी अंधरा के तियाअ केते डिही तरअः बाहरी ते ईदी लियाय, हेतरअ हुनी आला मेःड रे बेःग केते छुवाँव लःअय, तेकर “आम काईटको नेल दाड़ी तनाम?” मेन केते कुली लियाय।
24हुनी मड़ांग लुड़ीःग केते, “ईङ होड़कु, के नेल दिकुईङ, हुंकू सिंङ दंड़ान ताना लकान नेलोः तानाकु,” मेन लःअय।
25हुनी आउर मिसा हुनी आला मेःड के टुंड़ाअ लःअय, हेतरअ हुनी अंधरा बेस केन नेल लःअय दो, हुनी छुटाव आमीन नाय, हेतरअ जामा जाईत के पहिल लकान नेल फारीयाव केदाय। 26ईसु, हुनी के “नोःआँ डिही के आलुम तीका के”, बेता केते सोझाईर ओड़ाअ भेजाव लियाय।
पतरस ईसु के आम ख्रीस्त हेके बेता लियाय
(संत.मत्ती 16:13–20; संत.लुकास 9:18–21)
27ईसु हेतरअ चेला ताय कैसरिया फिलिप्पी रेनअः हेनाःड तअः डिही रे सेन नेनाकु, हेतरअ “होड़कु ईङ बारे एतान मेन गेआकु?” मेन केते होरा रे चेला ताय के कुली लिकुआय। 28#सं.मर 6:14,15; सं.लुका 9:7,8तेकर हुंकू हुनी के “जोहन बतिस्मा एमोई, हेतरअ ओके-ओके दो इलियस, हेतरअ ओके आगमजानीकु रे मियांड मेन गेआकु,” मेन केते कंहड़ी रूवाड़ोः लियाकु।
29 #
सं.जोह 6:68,69 “दो आपे ईङ के एतान मेन गेआपे?” मेन केते ईसु कुली लिकुआय। पतरस, “आम ख्रीस्त#8:29 ख्रीस्त राजा पड़ीयोः लःअय परमेसर आली सिद लिनी उधार करता, जे अपन होड़ के पाप तरअः बाबनचावी। हेके” बेता लियाय। 30तेकर हुनी चेताव केते, “ईङ बारे नोःआँ जेतना के ओके केहोः आलपे उदूः बाड़ाके,” बेता लिकुआय।
आएंग गोजोः बारे उउदूः
(संत.मत्ती 16:21–23; संत.लुकास 9:22)
31तेकर ईसु, “होड़ होपोन के मुरुक बिपाईत स-सहाव हुयाव कोआ, हेतरअ पुरखाकु, महापुरोहितकु, हेतरअ धरम पुथी सि-सिखावकु, हुनी के तुछ#8:31 तुछ घींड़ समझाअ समझाव केते गोएःग कियाकु, हेतरअ हुनी पे रोज तयोम जिवीःड बिरिःड कोआय,” मेन केते उदूः कुकेनाय।
32तेकर हुनी नोःआँ बात के सोझाईर कंहड़ी केदाय, तेकर दो पतरस हुनी के एटाअ ते ईदी केते मुरुक डपटाव दियाय। 33बकिर हुनी ऊलटाव केते चेला ताय पखा लुड़ीःग लःअय हेतरअ पतरस के डपटाव केते बेता लियाय, “ए सैतान ईङ दुबाःड़े तरअः ओचोः जुनोः मे, आम दो परमेसर आला बात के कोवान, होड़कु आला बात रे मन लगायाम” बेता लियाय।
ईसु तयोम-तयोम सेनोः रेनअः माने
(संत.मत्ती 16:24–28; संत.लुकास 9:23–27)
34 #
सं.मत्ती 10:38; सं.लुका 14:27 तेकर ईसु, हुंकू तुन्दरा होड़ हेतरअ चेला ताय समेत के आएंग दुबाःड़े राअः केते, “जे ईङ के ओ-ओतोंग नामापे, हुंकू अपन जामा जिनीस के बाई केते अपन कुरूस गोअ केते #8:34 कुरूस गोअ केतेअपन दुख बिपाईत सहाव केते ईसु रआ तयोम सेनोः।ईङ के ओतोङिङ पे” बेता लिकुआय। 35#सं.मत्ती 10:39; सं.लुका 17:33; सं.जोह 12:25जे अपन जीव के बा-बंचाव नामाय हुनी अपन जीव के आःड केआय, बकिर जे ईङ हेतरअ बेस खभाईर लःअय जीव ताय के आडेआय हुनी नाम केआय। 36“जदि होड़, गोटा दुनिया के नाम केते अपन जीव के आडेआय रेदो हुनी के एतान फयदा कोआ?” 37आएंग आला जीव रेनअः बदली रे होड़ एतान एम केआय? 38नोःआँ बेरा जे ब्यबिचार कामीकु हेतरअ पापीकु ताला रे, ईङ हेतरअ ईङ आला कंहड़ी चलते लाजोआकु होले, होड़ होपोन होअः आपाते लोः महिमा रे पबितर सिरमादूत लोः हिजोआय हिमीन रे, हुनी होअः हुंकू के लाज कोआय।
Currently Selected:
संत.मरकुस 8: ASR
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
संत.मरकुस 8
8
चाईर हजार होड़ के खियाव लिकुआय।
(संत.मत्ती 15:32–39)
1हिमीन बेरा आउर मुसिङ मुरुक तुन्दरा होड़ जुमाव नेनाकु, तेकर हुंकू दुबाःड़े जोजोम लःअय एतान होअः का ताही नेना, तेकर ईसु चेला ताय के हेनाःड राअः केते बेता लिकुआय। 2“नुकू तुन्दरा होड़ के नेल केते ईङ सोगअ तानिङ एता लःअय ची, नुकू पे रोज तरअः ईङ लोः एदान कुआ, हेतरअ नुकू दुबाःड़े जोजोम लःअय एतान होअः कानोआँ। 3जदि ईङ नुकू के रांगेःग ते ओड़ाअ कुलगोःड कुईंग होले दो होरा रेगी थकाव केते ताही कोआकु, एता लःअय ची नुकू मेसे रे जाहें-जाहें लंका तरअः हीःग तनाकु।”
4“नोःआँ सुमसान ठाँव रे ओके ओका तरअः नुमिन बगरा होड़ लःअय, लाःड आगु केआय, नुकू जोम केते बी कोआकु?” मेन केते चेला ताय कंहड़ी रूवाड़ोः लियाकु।
5“आपे दुबाःड़े ऊकिन केन लाःड एदनाअ,” मेन केते चेला ताय के कुली लिकुआय? हुंकू “सात गोड़ एदनाआ,” बेता लियाकु।
6तेकर हुनी होड़कु के ओत रे दुड़ूः आचु लिकुआय, हेतरअ होना सात गोड़ लाःड के ईदी लःअय, हेतरअ परमेसर के धन्यवाद एमा केते होना लाःड के केचाअ लःअय, हेतरअ होड़ के पोरसाः कुआकु, मेन केते हुनी चेला ताय के एमा ईदी लिकुआय, तेकर हुंकू पोरसाः लिकुआकु। 7तेकर हुंकू दुबाःड़े बरिया लकान छोटे हाकु होअः ताही नेनाकु, हुनी परमेसर के धन्यवाद एमा केते हाकु केहोः हाटिङोः कुपे मेन केते आचु लिकुआय। 8तेकर हुंकू भाईर लाहीःग जोम बी नेनाकु, हेतरअ चेला ताय सारेःग ओना लाःड के, सात खाईचलअ हाऊर केते पेरेःग लअकु। 9हुंकू चाईर हजार लकान होड़ जोम लअकु, तेकर ईसु हुंकू के बिदा लिकुआय। 10हेतरअ हुनी तुरते चेला ताय लोः डोंगा रे देःग केते दालमनुता परदेस सोदोर नेनाय।
फरीसीकु सिरमा रेनअः चिनहा कोय केनाकु
(संत.मत्ती 16:1–4)
11 #
सं.मत्ती 12:38; सं.लुका 11:16 थोड़ेक फरीसीकु हीःग केते ईसु के कुली केनाकु, हेतरअ प-परीकछा लःअय हुनी तरअः सिरमा रेनअः मियांड चिनहा कोय केनाकु 12#सं.मत्ती 12:39; सं.लुका 11:29हुनी आतमा रे जोड़ से साँस ईदी केते, “नोःआँ परिया रिनकु होड़ एतान लःअय चिनहा नामेआकु? ईङ आपे के सचेगी कंहड़ी ऊ दिपीईङ, नोःआँ परिया रिनकु होड़ के एतान चिनहा होअः एमोअ कनोआँ” बेता लिकुआय। 13तेकर हुनी हुंकू के बाई केते डोंगा रे देःग नेनाय हेतरअ डाहा होना पखी सेनोः नाय।
फरीसीकु आला लाःड जो जोजो खाता जिनीस तरअः बंचाव केते तहिनपे
(संत.मत्ती 16:5–12)
14ईसु आलकु चेला लाःड ईइदी रिड़िःग ताही लअकु, हेतरअ डोंगा रे हुंकू दुबाःड़े मियांड ठुका लाःड ताहिना। 15#सं.लुका 12:1हेतरअ हुनी “फरीसीकु तेकर हेरोदकु आला, लाःड जो जोजो खाता जिनीस तरअः बंचाव केते ताहिनोः पे,” बेता लिकुआय।
16“हुंकू, आबु दुबाःड़े लाःड कनोआँ,” मेन केते आकु-आकु कंहड़ी उपड़ीनोः तानाकु।
17होना के पाड़ी केते ईसु बेता लिकुआय, “आपे एतान लःअय आपे-आपे नोकान उईहार दापे, ची आबु दुबाःड़े लाःड कनोआँ, आपे नहाअः जगुत होअः कापे पड़ीआ? हेतरअ कापे समझाआ? आपे आला मन नहाअः जगुत कठोर गीआ एतान? 18#जिर 5:21; जहेज 12:2; सं.मर 4:12मेःड ताहीनोः तुली होअः कापे नेलेआ हेतरअ लुतूर ताहीनोः तुली होअः कापे आयुमेआ एतान? हेतरअ कापे फहाम दा एतान? 19जे हिला ईङ पाँच हजार होड़ लःअय पाँच गोड़ लाःड के केचाअ ताही लिईङ, हिमीन रे आपे ऊकिन खाईचलअ सारेःग ओना लाःड के हाऊर ताहिलःपे?,” हुंकू “बारा दाऊड़ा” बेता लियाकु।
20“हेतरअ जे बेरा चाईर हजार होड़ लःअय सात गोड़ लाःड ताहीना, हिमीन रे आपे ऊकिन खाईचलअ केचाअ लाःड के हाऊर ताहिलाःपे?,” बेता लिकुआय। “हिमीन रे हुंकू सात खाईचलअ” बेता लियाकु।
21“आपे नहाअः जगुत कापे बुझाआ एतान?” बेता लिकुआय।
बैतसैदा रे मियांड अंधरा के छोड़ाव लियाय।
22हुंकू बैतसैदा रे हीःग नेनाकु हिमीन रे थोड़ेक होड़ मियांड अंधरा के ईसु दुबाःड़े आगु लियाकु, तेकर नुई के छुवाँई मे, मेन केते ईसु के गोहराव नेनाकु। 23तेकर हुनी अंधरा के तियाअ केते डिही तरअः बाहरी ते ईदी लियाय, हेतरअ हुनी आला मेःड रे बेःग केते छुवाँव लःअय, तेकर “आम काईटको नेल दाड़ी तनाम?” मेन केते कुली लियाय।
24हुनी मड़ांग लुड़ीःग केते, “ईङ होड़कु, के नेल दिकुईङ, हुंकू सिंङ दंड़ान ताना लकान नेलोः तानाकु,” मेन लःअय।
25हुनी आउर मिसा हुनी आला मेःड के टुंड़ाअ लःअय, हेतरअ हुनी अंधरा बेस केन नेल लःअय दो, हुनी छुटाव आमीन नाय, हेतरअ जामा जाईत के पहिल लकान नेल फारीयाव केदाय। 26ईसु, हुनी के “नोःआँ डिही के आलुम तीका के”, बेता केते सोझाईर ओड़ाअ भेजाव लियाय।
पतरस ईसु के आम ख्रीस्त हेके बेता लियाय
(संत.मत्ती 16:13–20; संत.लुकास 9:18–21)
27ईसु हेतरअ चेला ताय कैसरिया फिलिप्पी रेनअः हेनाःड तअः डिही रे सेन नेनाकु, हेतरअ “होड़कु ईङ बारे एतान मेन गेआकु?” मेन केते होरा रे चेला ताय के कुली लिकुआय। 28#सं.मर 6:14,15; सं.लुका 9:7,8तेकर हुंकू हुनी के “जोहन बतिस्मा एमोई, हेतरअ ओके-ओके दो इलियस, हेतरअ ओके आगमजानीकु रे मियांड मेन गेआकु,” मेन केते कंहड़ी रूवाड़ोः लियाकु।
29 #
सं.जोह 6:68,69 “दो आपे ईङ के एतान मेन गेआपे?” मेन केते ईसु कुली लिकुआय। पतरस, “आम ख्रीस्त#8:29 ख्रीस्त राजा पड़ीयोः लःअय परमेसर आली सिद लिनी उधार करता, जे अपन होड़ के पाप तरअः बाबनचावी। हेके” बेता लियाय। 30तेकर हुनी चेताव केते, “ईङ बारे नोःआँ जेतना के ओके केहोः आलपे उदूः बाड़ाके,” बेता लिकुआय।
आएंग गोजोः बारे उउदूः
(संत.मत्ती 16:21–23; संत.लुकास 9:22)
31तेकर ईसु, “होड़ होपोन के मुरुक बिपाईत स-सहाव हुयाव कोआ, हेतरअ पुरखाकु, महापुरोहितकु, हेतरअ धरम पुथी सि-सिखावकु, हुनी के तुछ#8:31 तुछ घींड़ समझाअ समझाव केते गोएःग कियाकु, हेतरअ हुनी पे रोज तयोम जिवीःड बिरिःड कोआय,” मेन केते उदूः कुकेनाय।
32तेकर हुनी नोःआँ बात के सोझाईर कंहड़ी केदाय, तेकर दो पतरस हुनी के एटाअ ते ईदी केते मुरुक डपटाव दियाय। 33बकिर हुनी ऊलटाव केते चेला ताय पखा लुड़ीःग लःअय हेतरअ पतरस के डपटाव केते बेता लियाय, “ए सैतान ईङ दुबाःड़े तरअः ओचोः जुनोः मे, आम दो परमेसर आला बात के कोवान, होड़कु आला बात रे मन लगायाम” बेता लियाय।
ईसु तयोम-तयोम सेनोः रेनअः माने
(संत.मत्ती 16:24–28; संत.लुकास 9:23–27)
34 #
सं.मत्ती 10:38; सं.लुका 14:27 तेकर ईसु, हुंकू तुन्दरा होड़ हेतरअ चेला ताय समेत के आएंग दुबाःड़े राअः केते, “जे ईङ के ओ-ओतोंग नामापे, हुंकू अपन जामा जिनीस के बाई केते अपन कुरूस गोअ केते #8:34 कुरूस गोअ केतेअपन दुख बिपाईत सहाव केते ईसु रआ तयोम सेनोः।ईङ के ओतोङिङ पे” बेता लिकुआय। 35#सं.मत्ती 10:39; सं.लुका 17:33; सं.जोह 12:25जे अपन जीव के बा-बंचाव नामाय हुनी अपन जीव के आःड केआय, बकिर जे ईङ हेतरअ बेस खभाईर लःअय जीव ताय के आडेआय हुनी नाम केआय। 36“जदि होड़, गोटा दुनिया के नाम केते अपन जीव के आडेआय रेदो हुनी के एतान फयदा कोआ?” 37आएंग आला जीव रेनअः बदली रे होड़ एतान एम केआय? 38नोःआँ बेरा जे ब्यबिचार कामीकु हेतरअ पापीकु ताला रे, ईङ हेतरअ ईङ आला कंहड़ी चलते लाजोआकु होले, होड़ होपोन होअः आपाते लोः महिमा रे पबितर सिरमादूत लोः हिजोआय हिमीन रे, हुनी होअः हुंकू के लाज कोआय।
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0