ACT 7
7
महासभाला स्तेफनदी भाषण
1महायाजक आन्या, “इ माटलु खरेम उंडाय येम?” 2आप्पुड वाड आन्या, “हे तम्मुळ्ळालाला इंगा आब्बागारलाला, इनना, मना पुर्वज अब्राहाम हारान प्रांतला फोई निलवा काना मुंची मेसोपटेम्या देशला उंडेताप्पुड गौरवशाली परमेश्वर वानकी दर्शन इच्या.” 3इंगा आन्या, “नु स्वताद देश इंगा गोनगोत इडशी निन सुपीच्यान आ देशलोंग फो.” 4आप्पुड वाड खास्द्योर देश लोन्केल यल्ली हारान नगरला फोई निलच्या; मंग वान आब्बाड सच्चीनेंका परमेश्वर वान आंदुकेल तिशी इप्पुड मीर निलस्तार आ देशलोंग यकोच्या. 5पण परमेश्वर वानकी दांटल्या वतन इया लेकुंड्या. वानकी बिळ्ळु लेकुंडीर तरी पण परमेश्वर अब्राहामकी इंगा वान वंशजलाक भुमी मिंदा अधिकार इच्चेद अभिवचन इच्या.#उत्पत्ती 13:15; 15:18; 16:1; 14:7; निर्गम 2:5; 11:5. 6इंगा परमेश्वर इल्ला शप्या, वान बिळ्ळु इंगोगो काही देशला निलच्यार, इंगा आंदुड मंदी वारनी दास बनायमती चारशे वर्ष वार जताक वाईट वागाशार. 7मंग परमेश्वर आन्या, “या राष्ट्र गुलामीला वार उंड्यार दानदी न्याय निन शेशान इंगा दान नंतर वार आंदुकेल यल्ली इ जागाला नाद सेवा शेशार.” 8वाड अब्राहामकी सुंताद करार आंची इच्या यप्पुड अब्राहामकी इसहाक आय्या, वानदी वाड आठवा दिनमु नाबद सुंता शेशा मंग इसहाककी याकोब आय्या इंगा याकोबकी बारा कुलपतील आय्यीर.
9यंकसार कुलपतील योसेफ मिंदा कालदुर आंका वार वान गुलाम बनाशेदेंक मिसर देशला आम्मेस्काडीर, पण परमेश्वर वान जताक उंड्या.#उत्पत्ती 37:11; 37:28; 39:2-3. 10वाड वान आन्नी संकटला लोन्केल इडपीच्या, परमेश्वर योसेफकी बुद्धी इच्या इंगा वान मिसर देशलोन राजा फारोन मुंदार कृपापात्र बनायमत्या. दिनिचांग फारोड वान मिसर देश मिंदा इंगा वान इल्लु मिंदा राज्यपाल निवडाशा.#उत्पत्ती 39:21; उत्पत्ती 41:40; 41:43; 41:46; स्तोत्रसंहिता 104:21. 11मंग आंता मिसर इंगा कनान देशला दुष्काळ फड्या इंगा शेंगेम फेद्दा संकट वच्या इंगा मना पुर्वजलाक तिनेदेंक आन्नाम शिक्काकुंदु.#उत्पत्ती 41:44-45; 42:5. 12आप्पुड मिसर देशला आन्नाम उंडाद, इदी इनी याकोब मना पुर्वजलान वगातुक मिसरकी आंप्या.#उत्पत्ती 42:2. 13मंग इंगोगो तुक योसेफ वान तम्मुळ्ळाक शप्या की वाड वार तम्मुड उंडाड; इंगा योसेफदी कुळ फारो राजानकी यरका आय्या. 14आप्पुड योसेफ वान आब्बान याकोबनी इंगा वान गोनगोतनी, आंटे पंचाहत्तर मंदीन मिसरकी फिल्चकुन्या. 15आप्पुड याकोब मिसर देशकी फोया; इंगा आंदु वाड, इंगा मना पुर्वजलु सच्ची फोईर. 16वारी फिनग्याल शकेमकी येकेन फोई आ कबरला फेट्टेदेंक वच्या, यादान अब्राहाम शकेमला हमोर कोडकु तीकेल कोन्कुन्या.#उत्पत्ती 23:16; उत्पत्ती 33:19; 49:29-30; 50:13; यहोशवा 24:32.
17मंग परमेश्वर अब्राहामकी याद अभिवचन इच्चीन्या आदी पुर्ण आय्येद वेळ यल्ला-यल्ला देगार वच्या, आल्ला-आल्ला मिसर देशला मना मंदीद संख्या वाढास्केन फोई वार शेंगेम आय फोईर. 18आप्पुड मिसर देशला इंगोगोड राजा आय्या, यवानकी योसेफ बद्दल येमीच यरका लेकुंड्या. 19आ राजाड मना जाती जताक चालाकी शेशी मना आब्बा तातागार जताक इंता वाईट वागाशा की वारकी वार बिळ्ळान फेकेयाबेक आय्या दिनिचांग की वार बतकाराद.#निर्गम 1:1-9; 1:18; 1:22. 20आप्पुड मोशेनदी जन्म आय्या, वाड परमेश्वर कंडलाता शेंगेम शिंगार उंड्या; वान आम्मा-आब्बाड मुड नेलाल नंताक इल्काडा वानदी पालन पोषण शेशीर.#निर्गम 2:2. 21पण यप्पुड वान फेकेस्काडीर, आप्पुड फारोन कुतुर वान यत्या, इंगा स्वता कोडकु लेका वान साक्या.#निर्गम 2:5; 2:19. 22मोशेड मिसर मंदीद आंता ज्ञान नेरस्कुन्या; इंगा वाड भाषणला इंगा फनीला पराक्रमी उंड्या.
23यप्पुड मोशेड चाळीस यंडलावोड आय्या, आप्पुड मना इस्राएली तम्मुळ्ळाद भेट तिस्कुनाला इल्ला वान मनला वच्या.#निर्गम 2:11. 24आप्पुड मोशेड इस्राएली मनशी जताक अन्याय आयतुनाद, इल्ला सुशी वान वाचायमत्या इंगा मिसरी मनशीन मतेस्काडीगास वानदी बदला तिस्कुन्या:#7:24 निर्गम 2:12; 25मोशेड विचार शेशा की वान इस्राएली तम्मुळ्ळाक तेल्ची की परमेश्वर वान शेयता वारनी इडपीच्ची, पण वारकी तेल्वालेद. 26मंग इंगोगो नाड काही इस्राएली मंदी जगडाम आडेताप्पुड वाड आंदुक वच्या इंगा वार समेट शेयाला आंका वारकी समजायमत्या, की हे मित्रलाला, मीर तम्मुळ्ळु उंडार; वगामेगार मिंदा अन्याय येनटीक शेस्तार? 27आप्पुड यवाड वान शेजारी जताक अन्याय शेयदु, वाड वान दोब्बीगास इल्ला आन्या, निन्नु मा मिंदा अधिकारी इंगा न्यायाधीश यवाड निवडाशीनाड? 28निन्ना नु यल्ला मिसऱ्यान मतेस्ती, आल्ले नन्नु पण मतेशेदेंक सुस्तुनाव येम?#निर्गम 2:13-14. 29इदी माटा इनीगास मोशेड फारी फोया इंगा मिद्यान देशला परदेशी आय्यी निलच्या; आंदु वानकी इद्दार कोडकुल आय्यीर.#निर्गम 2:15-22; 18:3-4.
30मंग चाळीस यंडलु आयनेंका, सिनाय पर्वत मिंदुड जंगलला वगा आग्गी झुडपुला वगा स्वर्गदुत वानकी दर्शन इच्या. 31मंग मोशेड आदी सुशीगास शेंगेम आश्चर्य चकीत आय्या; इंगा इदी दृश्य सुशेदेंक वाड दान देगार फोया, आप्पुड प्रभुनदी वाणी आय्या की, 32“निन नी पुर्वजला परमेश्वर, अब्राहाम परमेश्वर, इसहाक परमेश्वर, इंगा याकोब परमेश्वर उंडान.” आप्पुड मोशेड थरथर नडगेदेंक आंट्या इंता की आक्काड सुशेद पण वानदी हिम्मत कालेद. 33आप्पुड प्रभु परमेश्वर वान आन्या, “नु नी काळा लोनी शप्पुल ती, येनटीक की या भुमी मिंदा नु नीला फडीनाव आदी पवित्र भुमी उंडाद.#निर्गम 3:5. 34मिसर देशलोन ना मंदीद संकट निन खरेखरेम सुशीनान; वारदी येडशेद निन इनीनान; वारनी इडपीच्चेदेंक निन दिगीनान तर इप्पुड नड, निन निन्नु मिसर देशलोंग आंपतान.”#निर्गम 2:24; 3:7-10.
35निन्नु मा मिंदा अधिकारी इंगा न्यायाधीश यवाड निवडाशीनाड, इल्ला आनी, “या मोशेन वार नाकारीच्चीनीर?” वाने परमेश्वर अधिकारी इंगा मुक्तीदाता बनायमती, आ स्वर्गदुत तीकेल यवाड वानकी झुडपुला दर्शन इच्चीन्या, आंप्या. 36वाडे मिसर देशला, तांबडा समुद्रला, इंगा मरु भुमीला चाळीस यंडलु अद्भुत फनुल इंगा चिन्हल शेशी सुपीच्ची आ मंदीन बैटीक यकोच्या. 37इड वाडे मोशेड उंडाड, यवाड इस्राएल मंदीन आन्या, 'परमेश्वर मी तम्मुळ्ळा लोन्केल, ना लेका वगा संदेष्ट्यान मी इचांग लेपी.'#अनुवाद 18:15-18. 38इड वाडे उंडाड यवाड मरु भुमीला मंडळी जताक उंड्या इंगा सिनाय पर्वत मिंदा मोशेन जताक माटलाडे स्वर्गदुत जताक उंड्या इंगा मना पुर्वजला जताक उंड्या. मनाक इच्चेदेंक परमेश्वर देगार केल जिवंत वचनलु प्राप्त वानके मनाक इच्चेदेंक जिवंत वचनलु शिक्कीनाय. 39वानदी इनेद मना पुर्वजलाद इच्छा लेकुंड्या; तर वार वान नाकारीच्चीर इंगा वारदी मन मिसर देश तीकुड तिप्पी, 40वार अहरोननी आनीर, “मा मुंदार नडशार इल्लोन द्यावारलु माक बनायमती इ. येनटीक की यवाड मोमलान मिसर देश लोन्केल यकोच्या आ मोशेनदी येम आय्या, इदी माक यरका लेद.” 41मंग वार यद्दुकोड्याद मुर्ती बनाय मतीर, इंगा आ मुर्ती मुंदार बली इच्चीर; इंगा वार शेयता बनाय मतीने मुर्ती इचांग आनंद शेशीर. 42आप्पुड परमेश्वर वार तीकेल मुती तीपकुन्या इंगा वारनी मोडामलोन नक्षत्रलाद पुजा शेशेदेंक इडस्काड्या; दीन बद्दल संदेष्ट्याल पुस्तकला राशीनेद उंडाद 'हे इस्राएल मंदीलाला, मीर चाळीस यंडलु मरु भुमीला बलिदानलु इंगा यज्ञल नाक यकपीचतीर येम?
43मीर तर मोलख द्यावार मंडपनी इंगा मी द्यावार रेफान सुक्कान आंटे आ मुर्तीलान याय मीर पुजा शेशेदेंक बनाय मतींटीर, मी गुजुमला मिंदा यतकेन तिरगुदुर. दिनिचांग निन मिमलान बाबेल आतुक येका फोई फेट्यान.
44साक्षीद मंडप मरु भुमीला मना आब्बा तातागार नडमा उंड्या; यल्ला वाड ठराय मतीन्या, यवाड मोशेन आनीन्या याद आकार नु सुस्ती दान लेका दिन बनायामत. 45आदी मंडप मुंदार पिढीलोन पुर्वजलाक शिक्या, इंगा वार दान यहोशवान नेतृत्वला इ देशलोंग यकोचीर. इदी देश यहुदी लेनोर मंदी ताबाला उंड्या इंगा परमेश्वर वारनी मना पुर्वजला मुंदाटेल गेदमेशा इंगा दाविद राजान वेळ नंताक आल्ले फेट्या. 46दाविद मिंदा परमेश्वरदी कृपादृष्टी आय्या; इंगा वाड याकोबान परमेश्वर इचांग मंडप बनायमतेद परवानगी आडग्या. 47इंगा शलमोन वान इचांग भवन कट्ट्या. 48तरी सर्वसमर्थ परमेश्वर शेयता कट्टीने भवनला निलवाड; यल्ला की संदेष्ट्याड आनीनाड.
49प्रभुड आंटाड, मोडाम नाद सिंहासन उंडाद इंगा पृथ्वी नाय काळ फेट्टेद जागा उंडाद. मीर ना इचांग यल्लोनदी इल्लु कट्ट्यार? इंगा नाद आराम शेशेद जागा याद उंडी? 50इ आन्नीच माटलु ना शेयता बनाय मतीनेय लेव येम#यशया 66:1-2.?
51“हे घमंडी इंगा मनता इंगा गुम्मालता सुंता कालेनोरे मंदीलाला, मीर तर पवित्र आत्माद नेहमी विरोध शेस्तार. यल्ला मी पुर्वजलु शेयदुर, आल्ले मीर पण शेस्तार. 52संदेष्ट्याल लोन्केल यवारकी मी पुर्वजलु त्रास इयालेद? यवार आ नितीमान मनशी आगमन बद्दल पहिलाने घोषणा शेशीनीर वारदी वार जेम तिस्कुनीर; इंगा इप्पुड आ नितीमान मनशीन फट्टी इच्चेतोर इंगा जेमता मतेशेतोर आयनार. 53मिक स्वर्गदुतला तीकेल नियमशास्त्र तर शिक्या, पण मीर दानदी पालन शेयाक फोयतीर.”
स्तेफनदी मृत्यू
54वानी माटलु इनीगास वारकी शेंगेम कोफाम वच्या इंगा वार फंडलु कोरकेदेंक आंटीर. 55पण वाड पवित्र आत्माता पुर्ण आय्यी मोडाम तीकुड सुशा, आप्पुड परमेश्वरदी तेज इंगा परमेश्वर मंची शेय तीकुड येशुड नीला फडीनोड वानकी कमशा. 56इंगा वाड आन्या, “सुडना, मोडाम उघडाशीनेद इंगा मनशी कोडकु परमेश्वर मंची शेय तीकुड नीला फडीनोड नाक कमस्तुनाड.” 57आप्पुड वार बेग्गे कीरली, इंगा गुम्माल बंद शेशी, आंदार कुडी वान फय मिंदीक फारका फोईर; 58इंगा वान शहर बैटीक तिशी राळ मतेदेंक आंटीर: इंगा साक्षीदारलु वारी बट्टाल तिशी शौल फेरोन वगा जवान मोगाबिडा काळा देगार फेट्टीर. 59वार राळ मतेताप्पुड स्तेफन प्रभुन प्रार्थना शेशी आन्या, “हे प्रभु येशु, ना आत्माद स्वीकार शेय.” 60मंग मोकाळलु टेकाशी वाड बेग्गे कीरली आन्या, “हे प्रभु, इदी पाप इर तीकुड कोल्वाक,” इल्ला आनी, वाड सच्ची फोया.
Currently Selected:
ACT 7: WNT
Highlight
Share
Compare
Copy
Want to have your highlights saved across all your devices? Sign up or sign in
ACT 7
7
महासभाला स्तेफनदी भाषण
1महायाजक आन्या, “इ माटलु खरेम उंडाय येम?” 2आप्पुड वाड आन्या, “हे तम्मुळ्ळालाला इंगा आब्बागारलाला, इनना, मना पुर्वज अब्राहाम हारान प्रांतला फोई निलवा काना मुंची मेसोपटेम्या देशला उंडेताप्पुड गौरवशाली परमेश्वर वानकी दर्शन इच्या.” 3इंगा आन्या, “नु स्वताद देश इंगा गोनगोत इडशी निन सुपीच्यान आ देशलोंग फो.” 4आप्पुड वाड खास्द्योर देश लोन्केल यल्ली हारान नगरला फोई निलच्या; मंग वान आब्बाड सच्चीनेंका परमेश्वर वान आंदुकेल तिशी इप्पुड मीर निलस्तार आ देशलोंग यकोच्या. 5पण परमेश्वर वानकी दांटल्या वतन इया लेकुंड्या. वानकी बिळ्ळु लेकुंडीर तरी पण परमेश्वर अब्राहामकी इंगा वान वंशजलाक भुमी मिंदा अधिकार इच्चेद अभिवचन इच्या.#उत्पत्ती 13:15; 15:18; 16:1; 14:7; निर्गम 2:5; 11:5. 6इंगा परमेश्वर इल्ला शप्या, वान बिळ्ळु इंगोगो काही देशला निलच्यार, इंगा आंदुड मंदी वारनी दास बनायमती चारशे वर्ष वार जताक वाईट वागाशार. 7मंग परमेश्वर आन्या, “या राष्ट्र गुलामीला वार उंड्यार दानदी न्याय निन शेशान इंगा दान नंतर वार आंदुकेल यल्ली इ जागाला नाद सेवा शेशार.” 8वाड अब्राहामकी सुंताद करार आंची इच्या यप्पुड अब्राहामकी इसहाक आय्या, वानदी वाड आठवा दिनमु नाबद सुंता शेशा मंग इसहाककी याकोब आय्या इंगा याकोबकी बारा कुलपतील आय्यीर.
9यंकसार कुलपतील योसेफ मिंदा कालदुर आंका वार वान गुलाम बनाशेदेंक मिसर देशला आम्मेस्काडीर, पण परमेश्वर वान जताक उंड्या.#उत्पत्ती 37:11; 37:28; 39:2-3. 10वाड वान आन्नी संकटला लोन्केल इडपीच्या, परमेश्वर योसेफकी बुद्धी इच्या इंगा वान मिसर देशलोन राजा फारोन मुंदार कृपापात्र बनायमत्या. दिनिचांग फारोड वान मिसर देश मिंदा इंगा वान इल्लु मिंदा राज्यपाल निवडाशा.#उत्पत्ती 39:21; उत्पत्ती 41:40; 41:43; 41:46; स्तोत्रसंहिता 104:21. 11मंग आंता मिसर इंगा कनान देशला दुष्काळ फड्या इंगा शेंगेम फेद्दा संकट वच्या इंगा मना पुर्वजलाक तिनेदेंक आन्नाम शिक्काकुंदु.#उत्पत्ती 41:44-45; 42:5. 12आप्पुड मिसर देशला आन्नाम उंडाद, इदी इनी याकोब मना पुर्वजलान वगातुक मिसरकी आंप्या.#उत्पत्ती 42:2. 13मंग इंगोगो तुक योसेफ वान तम्मुळ्ळाक शप्या की वाड वार तम्मुड उंडाड; इंगा योसेफदी कुळ फारो राजानकी यरका आय्या. 14आप्पुड योसेफ वान आब्बान याकोबनी इंगा वान गोनगोतनी, आंटे पंचाहत्तर मंदीन मिसरकी फिल्चकुन्या. 15आप्पुड याकोब मिसर देशकी फोया; इंगा आंदु वाड, इंगा मना पुर्वजलु सच्ची फोईर. 16वारी फिनग्याल शकेमकी येकेन फोई आ कबरला फेट्टेदेंक वच्या, यादान अब्राहाम शकेमला हमोर कोडकु तीकेल कोन्कुन्या.#उत्पत्ती 23:16; उत्पत्ती 33:19; 49:29-30; 50:13; यहोशवा 24:32.
17मंग परमेश्वर अब्राहामकी याद अभिवचन इच्चीन्या आदी पुर्ण आय्येद वेळ यल्ला-यल्ला देगार वच्या, आल्ला-आल्ला मिसर देशला मना मंदीद संख्या वाढास्केन फोई वार शेंगेम आय फोईर. 18आप्पुड मिसर देशला इंगोगोड राजा आय्या, यवानकी योसेफ बद्दल येमीच यरका लेकुंड्या. 19आ राजाड मना जाती जताक चालाकी शेशी मना आब्बा तातागार जताक इंता वाईट वागाशा की वारकी वार बिळ्ळान फेकेयाबेक आय्या दिनिचांग की वार बतकाराद.#निर्गम 1:1-9; 1:18; 1:22. 20आप्पुड मोशेनदी जन्म आय्या, वाड परमेश्वर कंडलाता शेंगेम शिंगार उंड्या; वान आम्मा-आब्बाड मुड नेलाल नंताक इल्काडा वानदी पालन पोषण शेशीर.#निर्गम 2:2. 21पण यप्पुड वान फेकेस्काडीर, आप्पुड फारोन कुतुर वान यत्या, इंगा स्वता कोडकु लेका वान साक्या.#निर्गम 2:5; 2:19. 22मोशेड मिसर मंदीद आंता ज्ञान नेरस्कुन्या; इंगा वाड भाषणला इंगा फनीला पराक्रमी उंड्या.
23यप्पुड मोशेड चाळीस यंडलावोड आय्या, आप्पुड मना इस्राएली तम्मुळ्ळाद भेट तिस्कुनाला इल्ला वान मनला वच्या.#निर्गम 2:11. 24आप्पुड मोशेड इस्राएली मनशी जताक अन्याय आयतुनाद, इल्ला सुशी वान वाचायमत्या इंगा मिसरी मनशीन मतेस्काडीगास वानदी बदला तिस्कुन्या:#7:24 निर्गम 2:12; 25मोशेड विचार शेशा की वान इस्राएली तम्मुळ्ळाक तेल्ची की परमेश्वर वान शेयता वारनी इडपीच्ची, पण वारकी तेल्वालेद. 26मंग इंगोगो नाड काही इस्राएली मंदी जगडाम आडेताप्पुड वाड आंदुक वच्या इंगा वार समेट शेयाला आंका वारकी समजायमत्या, की हे मित्रलाला, मीर तम्मुळ्ळु उंडार; वगामेगार मिंदा अन्याय येनटीक शेस्तार? 27आप्पुड यवाड वान शेजारी जताक अन्याय शेयदु, वाड वान दोब्बीगास इल्ला आन्या, निन्नु मा मिंदा अधिकारी इंगा न्यायाधीश यवाड निवडाशीनाड? 28निन्ना नु यल्ला मिसऱ्यान मतेस्ती, आल्ले नन्नु पण मतेशेदेंक सुस्तुनाव येम?#निर्गम 2:13-14. 29इदी माटा इनीगास मोशेड फारी फोया इंगा मिद्यान देशला परदेशी आय्यी निलच्या; आंदु वानकी इद्दार कोडकुल आय्यीर.#निर्गम 2:15-22; 18:3-4.
30मंग चाळीस यंडलु आयनेंका, सिनाय पर्वत मिंदुड जंगलला वगा आग्गी झुडपुला वगा स्वर्गदुत वानकी दर्शन इच्या. 31मंग मोशेड आदी सुशीगास शेंगेम आश्चर्य चकीत आय्या; इंगा इदी दृश्य सुशेदेंक वाड दान देगार फोया, आप्पुड प्रभुनदी वाणी आय्या की, 32“निन नी पुर्वजला परमेश्वर, अब्राहाम परमेश्वर, इसहाक परमेश्वर, इंगा याकोब परमेश्वर उंडान.” आप्पुड मोशेड थरथर नडगेदेंक आंट्या इंता की आक्काड सुशेद पण वानदी हिम्मत कालेद. 33आप्पुड प्रभु परमेश्वर वान आन्या, “नु नी काळा लोनी शप्पुल ती, येनटीक की या भुमी मिंदा नु नीला फडीनाव आदी पवित्र भुमी उंडाद.#निर्गम 3:5. 34मिसर देशलोन ना मंदीद संकट निन खरेखरेम सुशीनान; वारदी येडशेद निन इनीनान; वारनी इडपीच्चेदेंक निन दिगीनान तर इप्पुड नड, निन निन्नु मिसर देशलोंग आंपतान.”#निर्गम 2:24; 3:7-10.
35निन्नु मा मिंदा अधिकारी इंगा न्यायाधीश यवाड निवडाशीनाड, इल्ला आनी, “या मोशेन वार नाकारीच्चीनीर?” वाने परमेश्वर अधिकारी इंगा मुक्तीदाता बनायमती, आ स्वर्गदुत तीकेल यवाड वानकी झुडपुला दर्शन इच्चीन्या, आंप्या. 36वाडे मिसर देशला, तांबडा समुद्रला, इंगा मरु भुमीला चाळीस यंडलु अद्भुत फनुल इंगा चिन्हल शेशी सुपीच्ची आ मंदीन बैटीक यकोच्या. 37इड वाडे मोशेड उंडाड, यवाड इस्राएल मंदीन आन्या, 'परमेश्वर मी तम्मुळ्ळा लोन्केल, ना लेका वगा संदेष्ट्यान मी इचांग लेपी.'#अनुवाद 18:15-18. 38इड वाडे उंडाड यवाड मरु भुमीला मंडळी जताक उंड्या इंगा सिनाय पर्वत मिंदा मोशेन जताक माटलाडे स्वर्गदुत जताक उंड्या इंगा मना पुर्वजला जताक उंड्या. मनाक इच्चेदेंक परमेश्वर देगार केल जिवंत वचनलु प्राप्त वानके मनाक इच्चेदेंक जिवंत वचनलु शिक्कीनाय. 39वानदी इनेद मना पुर्वजलाद इच्छा लेकुंड्या; तर वार वान नाकारीच्चीर इंगा वारदी मन मिसर देश तीकुड तिप्पी, 40वार अहरोननी आनीर, “मा मुंदार नडशार इल्लोन द्यावारलु माक बनायमती इ. येनटीक की यवाड मोमलान मिसर देश लोन्केल यकोच्या आ मोशेनदी येम आय्या, इदी माक यरका लेद.” 41मंग वार यद्दुकोड्याद मुर्ती बनाय मतीर, इंगा आ मुर्ती मुंदार बली इच्चीर; इंगा वार शेयता बनाय मतीने मुर्ती इचांग आनंद शेशीर. 42आप्पुड परमेश्वर वार तीकेल मुती तीपकुन्या इंगा वारनी मोडामलोन नक्षत्रलाद पुजा शेशेदेंक इडस्काड्या; दीन बद्दल संदेष्ट्याल पुस्तकला राशीनेद उंडाद 'हे इस्राएल मंदीलाला, मीर चाळीस यंडलु मरु भुमीला बलिदानलु इंगा यज्ञल नाक यकपीचतीर येम?
43मीर तर मोलख द्यावार मंडपनी इंगा मी द्यावार रेफान सुक्कान आंटे आ मुर्तीलान याय मीर पुजा शेशेदेंक बनाय मतींटीर, मी गुजुमला मिंदा यतकेन तिरगुदुर. दिनिचांग निन मिमलान बाबेल आतुक येका फोई फेट्यान.
44साक्षीद मंडप मरु भुमीला मना आब्बा तातागार नडमा उंड्या; यल्ला वाड ठराय मतीन्या, यवाड मोशेन आनीन्या याद आकार नु सुस्ती दान लेका दिन बनायामत. 45आदी मंडप मुंदार पिढीलोन पुर्वजलाक शिक्या, इंगा वार दान यहोशवान नेतृत्वला इ देशलोंग यकोचीर. इदी देश यहुदी लेनोर मंदी ताबाला उंड्या इंगा परमेश्वर वारनी मना पुर्वजला मुंदाटेल गेदमेशा इंगा दाविद राजान वेळ नंताक आल्ले फेट्या. 46दाविद मिंदा परमेश्वरदी कृपादृष्टी आय्या; इंगा वाड याकोबान परमेश्वर इचांग मंडप बनायमतेद परवानगी आडग्या. 47इंगा शलमोन वान इचांग भवन कट्ट्या. 48तरी सर्वसमर्थ परमेश्वर शेयता कट्टीने भवनला निलवाड; यल्ला की संदेष्ट्याड आनीनाड.
49प्रभुड आंटाड, मोडाम नाद सिंहासन उंडाद इंगा पृथ्वी नाय काळ फेट्टेद जागा उंडाद. मीर ना इचांग यल्लोनदी इल्लु कट्ट्यार? इंगा नाद आराम शेशेद जागा याद उंडी? 50इ आन्नीच माटलु ना शेयता बनाय मतीनेय लेव येम#यशया 66:1-2.?
51“हे घमंडी इंगा मनता इंगा गुम्मालता सुंता कालेनोरे मंदीलाला, मीर तर पवित्र आत्माद नेहमी विरोध शेस्तार. यल्ला मी पुर्वजलु शेयदुर, आल्ले मीर पण शेस्तार. 52संदेष्ट्याल लोन्केल यवारकी मी पुर्वजलु त्रास इयालेद? यवार आ नितीमान मनशी आगमन बद्दल पहिलाने घोषणा शेशीनीर वारदी वार जेम तिस्कुनीर; इंगा इप्पुड आ नितीमान मनशीन फट्टी इच्चेतोर इंगा जेमता मतेशेतोर आयनार. 53मिक स्वर्गदुतला तीकेल नियमशास्त्र तर शिक्या, पण मीर दानदी पालन शेयाक फोयतीर.”
स्तेफनदी मृत्यू
54वानी माटलु इनीगास वारकी शेंगेम कोफाम वच्या इंगा वार फंडलु कोरकेदेंक आंटीर. 55पण वाड पवित्र आत्माता पुर्ण आय्यी मोडाम तीकुड सुशा, आप्पुड परमेश्वरदी तेज इंगा परमेश्वर मंची शेय तीकुड येशुड नीला फडीनोड वानकी कमशा. 56इंगा वाड आन्या, “सुडना, मोडाम उघडाशीनेद इंगा मनशी कोडकु परमेश्वर मंची शेय तीकुड नीला फडीनोड नाक कमस्तुनाड.” 57आप्पुड वार बेग्गे कीरली, इंगा गुम्माल बंद शेशी, आंदार कुडी वान फय मिंदीक फारका फोईर; 58इंगा वान शहर बैटीक तिशी राळ मतेदेंक आंटीर: इंगा साक्षीदारलु वारी बट्टाल तिशी शौल फेरोन वगा जवान मोगाबिडा काळा देगार फेट्टीर. 59वार राळ मतेताप्पुड स्तेफन प्रभुन प्रार्थना शेशी आन्या, “हे प्रभु येशु, ना आत्माद स्वीकार शेय.” 60मंग मोकाळलु टेकाशी वाड बेग्गे कीरली आन्या, “हे प्रभु, इदी पाप इर तीकुड कोल्वाक,” इल्ला आनी, वाड सच्ची फोया.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in