ACT 9
9
शौलदी मन परिवर्तन
1शौल यरुशलेम शहरला प्रभुन शिष्यलान इंगाना पण धमकाय मतेद इंगा जेमता मतेशेदेंक प्रयत्न शेयदु, आंका वाड महायाजक तीकुड फोया. 2शौल दिमिष्क शहर इंदुड यहुदी सभास्थानलोन महायाजक तीकेल ख्रिस्तन शिष्यलान फट्टेदेंक इल्ला अधिकार पत्रल आडग्या की, जर वानकी आंदु यवाड पण इ दावा मिंदा नडशेतोड, मंग वाड मनशी उंटे का आंडीद, शिकते तर वाड वारनी कट्टी यरुशलेम शहरकी येकेन दावाला. 3इंगा शौल दिमिष्क देगार वच्या आप्पुड येकायेकी, मोडाम लोन्केल शेंगेम फेद्दाद यलगु वान आजुबाजुक चमकाशा; 4शौल भुमी मिंदा फड्या इंगा वगा आवाज वान जताक माटलाडेताप्पुड वाड इन्या, “हे शौल, हे शौल, नु नाद छळ येनटीक शेस्ताव?” 5शौल आन्या, “प्रभु नु यवाड उंडाव?” आदी आवाज आन्या, “निन येशुड उंडान, यवानदी नु छळ शेस्तुनाव वाड निने उंडान; 6इप्पुड लेय, इंगा नगरलोंग फो, निक येम शेशेद उंडाद, आदी निक आंदु यवाड तरी शप्पी.” 7या मंदी शौल जताक उंडीर, वार आंदु शांत नीला फडीर, येनटीक की वारकी आवाज तर वद्दु, पण वारकी यवाडुच कमसाक फो. 8शौल भुमी मिंदकेल लेशा, वाड कंडलु तेरशा, पण वानकी येमीच कमसाकुंदु, आंका या मंदी वान जताक उंडीर वार वानदी शेय फट्टी वान दिमिष्क शहरकी येका फोईर. 9मुड नाळा नंताक शौलकी येमीच कमसाकुंदु, इंगा वाड येमीच तिनालेद इंगा तागालेद.
शौलदी बाप्तिस्मा
प्रेषित 22:6-16; 26:12-18
10दिमिष्कला येशुन वगा शिष्य उंड्या वानदी फेर हनन्या उंड्या; प्रभुड वान जताक दृष्टांतला माटलाड्या इंगा आन्या, “हे हनन्या.” हनन्याड उत्तर इच्या, “निन इंदु उंडान, प्रभु.” 11प्रभुड हनन्यान आन्या, “लेय इंगा सरळ फेर दावाता यहूदान इल्लु फो इंगा तार्सास शहरकेल वच्चीने शौल फेरोन मनशी बद्दल आडगु सध्या वाड आंदु उंडाड; इंगा प्रार्थना शेस्तुनाड. 12शौल दृष्टांतला सुशा की हनन्या फेरोड मनशी वान तीकुड वच्चीगास ना मिंदा शेय फेटतुनाड इंगा वानकी वापस कमशेदेंक आंट्या.” 13पण हनन्याड उत्तर इच्या, “हे प्रभु, निन आ मनशी बद्दल शेंगेम मंदी नोरकेल इनीनान; यरुशलेम शहरलोन नी पवित्र मंदी जताक वाड यंता वाईट रितीता वागाशा. 14इंगा इप्पुड यवार नी फेर मिंदा विश्वास फेटतार इल्लोन मंदीन कट्टीगास येकेन फोयेदेंक महायाजकला तीकेल अधिकार पत्र तिस्कुनी इ शौल इंदुक वच्चीनाड.” 15पण प्रभुड आन्या, “फो, राजालकी इंगा यहुदी लेनोरकी इंगा इस्राएल बिळ्ळा मुंदार नाद फेर येका फोयेदेंक वाड ना निवडासने पात्र उंडाड. 16ना फेर इचांग याय माटलु वानकी सहन शेयाबेक आय्यी, आय निन वानकी सुपीच्यान,” 17हनन्याड यल्या इंगा यहूदान इल्लुक फोया, वाड शौल नत्ती मिंदा शेय फेट्या इंगा आन्या, “हे शौल, तम्मुडा, प्रभु येशुड नीक इक्काड वच्चेताप्पुड दावाला दर्शन इच्या वाडे नन्नु नी तीकुड आंपीनाड, दिनिचांग की, नीक वापस कमसाला इंगा नु पवित्र आत्माता परिपुर्ण कावाला.” 18मंग लगेच फक्कु लेका शौल कंडला लोन्केल येम तरी किंदा फड्या, इंगा वानकी वापस कमशेदेंक आंट्या शौल आंदुकेल लेशा बाप्तिस्मा तिस्कुन्या. 19मंग वाड आन्नाम तिनीनेंका वान शरीरला ताकत वच्या, शौल काही नाळ दिमिष्कलोन शिष्यल जताक निलच्या.
शौल तीकेल येशु ख्रिस्तद प्रचार
20मंग शौल सरळ सभास्थानला फोई येशुन फेरता घोषणा शेशेदेंक आंट्या, की येशुड इड परमेश्वर कोडकु उंडाड. 21या मंदी शौलुय माटलु इनीर वार आंदारकी शेंगेम नवल वाटाशा इंगा वार आनीर, “यरुशलेम शहरलोन या मंदीद येशुन फेर मिंदा विश्वास उंडाद, वार आंदारदी नाश शेशेदेंक सुशेतोड इडे लेड येम? वाड येशुन शिष्यलान फट्टेदेंक इंदुक वच्चीनाड इंगा वाड वारनी यरुशलेम शहरलोन महायाजकला मुंदार नीला फडा मतेतोड उंडाड.” 22पण शौल शेंगेम जास्त सामर्थ्यशाली आयकेन फोया, वाड इदी सिद्ध शेशा की येशुडे ख्रिस्त उंडाड इंगा वानी सबुतलु इंता पक्का उंड्या. की दिमिष्कलोन यहुदी मंदी वान जताक जगडाम आडी शकायाक फोईर. 23काही नाळा बाद, यहुदी मंदी शौलदी जेम तिस्कुनेद योजना शेशीर. 24पण शौलकी वार योजना बद्दल यरका आय फोया; वार तर वानदी जेम तिस्कुनेदेंक मोब्बुफगुल शहर फाटक मिंदा टपाशी कुसुंदुर. 25पण यवारकी शौल नेरपीन्या इल्लोन काही शिष्यल मोब्बुलोन वेळला वान डाल्याला कुसनामती शहरपनाह मिंदकेल किंदीक इडशीर.
यरुशलेमला शौल
26मंग शौल यरुशलेम शहरकी फोया आंदु विश्वासी मंदीला कुडेद वाड प्रयत्न शेशा, पण वार वानकी यरस्कुंदुर वारकी विश्वासे कुसनाकुंदु, की शौल खरेमे येशुन शिष्य आयनाड. 27पण बर्णबाड शौलकी मदत शेशा इंगा वान येकेन प्रेषितला तीकुड फोया. बर्णबाड शप्या की, शौल प्रभुन दिमिष्क दावाता सुशीनाड प्रभुड वान यल्ला माटलाड्या इदी पण वाड पुर्ण शप्या, मंग वाड प्रेषितलाक शप्या की शौल शेंगेम हिम्मतता दिमिष्क इंदुड मंदीक येशुन बद्दल सुवार्ता शप्या. 28मंग शौल शिष्यला जताक आंदु निलच्या, वाड यरुशलेम शहरला आन्नी तीकुड फोया. इंगा हिम्मतता प्रभुनदी सुवार्ता शप्पेदेंक आंट्या. 29शौल नेहमी ग्रीक भाषा माटलाडेतोर यहुदी मंदी जताक माटलाडदु वाड वार जताक वादविवाद शेयदु, पण वार वान मतशेद प्रयत्न शेयदुर. 30यप्पुड विश्वासी मंदी इदी इनीर, वार वान कैसरीयाक येका फोईर, मंग यंकसार वान आंदुकेल तार्सासकी आंपीर.
31इल्ला आंता यहुदिया प्रांत, गालील प्रांत, शोमरोन इ प्रदेशलोन मंडळीक शांती शिक्या; इंगा मंडळी पवित्र आत्मा शांतीला इंगा परमेश्वर यरपुला वाढास्केन फोया. 32मंग इल्ला आय्या की, पेत्रड यरुशलेम शहर देगार आन्नी उळाक तिरगुका लोद इ नगरलोन परमेश्वर पवित्र मंदी तीकुड वच्या. 33लोद इंदु वानकी ऐनेयास फेरोड मनशी शिक्या, वानकी लकवा आंटीन्या आंका वाड अपंग आय फोयन्या इंगा योड यंडलाकेल पलंग मिंदा फडीनोड उंड्या. 34पेत्र वान आन्या, “हे ऐनेयास येशु ख्रिस्त निन्नु शिंगार शेस्तुनाड; लेय नीद गोदडी शिंगार शेय.” आप्पुड वाड लगेच नीला फड्या. 35लोदला निलचेतोर इंगा शारोनला निलचेतोर आंता मंदी वान सुशीर, आप्पुड वार आंदार प्रभुन तीकुड तिरगीर.
दुर्कसदानकी जीवनदान
36यापो शहरला येशुन वगा शिष्य निलदु, दानदी फेर तबिथा उंड्या, (ग्रीक भाषाला दानदी फेर “दुर्कस” उंड्या, दानदी अर्थ हरण) आदी नेहमी मंदी इचांग शिंगार फनुल शेयदु इंगा गरीबोरकी दानधर्म शेयदु. 37यप्पुड पेत्र लोदला उंड्या, आप्पुड तबिथाद बिमार फड्या इंगा सच्ची फोया; मंदी दानदी फय कडगी दान माडी मिंदुड वगा खोलीला फेट्टीर. 38यापो इंदुड शिष्यल इनीर की, पेत्र लोदला उंडाड, लोद इदी उर यापो देगार उंडाद, आंका वार इद्दार मनसुलान आंपीर, वार वानकी विनंती शेशी आनीर, “कृपा शेशी मा तीकुड लग्गान दा.” 39आप्पुड पेत्र लेशा इंगा वार जताक फोया, यप्पुड वाड आंदुक पोहचाशा आप्पुड वार वान माडी मिंदुड वगा खोलीलोंग येका फोईर. इंगा आंदार विधवा आंड्योर येडस्केन वान देगार नीला फडीर, दुर्कसदी जित्ता उंड्या आप्पुड याय झगाल आदी कुरशीन्या आय वार पेत्रक सुपीर. 40पेत्रड खोली लोन्केल आंदारनी बैटीक तिशा, इंगा वाड मोकाळ टेकाशी प्रार्थना शेशा इंगा दुर्कसदान फिनग्या तीकुड सुशी आन्या, “हे तबिथा लेय” आप्पुड आदी दानी कंडलु तेरशा, यप्पुड आदी पेत्रन सुशा आप्पुड आदी लेशी कुसन्या. 41वाड दानकी स्वताद शेय इच्ची नीला फडेदेंक मदत शेशा, मंग वाड पवित्र मंदीन इंगा विधवा आंड्योरनी खोलीला फिलच्या वाड तबीथादान वारकी सुप्या, आदी जित्ता उंड्या. 42इदी माटा पुर्ण यापोलोन मंदीक यरका आय्या, इंगा दांटल्योन शेंगेम मंदी प्रभुन मिंदा विश्वास फेट्टीर. 43यंकसार इल्ला आय्या की, पेत्र यापोला तोलुद धंदा शेशेतोन शिमोन फेरोन मनशी देगार शेंगेम नाळ निलच्या.
Currently Selected:
ACT 9: WNT
Highlight
Share
Compare
Copy
Want to have your highlights saved across all your devices? Sign up or sign in
ACT 9
9
शौलदी मन परिवर्तन
1शौल यरुशलेम शहरला प्रभुन शिष्यलान इंगाना पण धमकाय मतेद इंगा जेमता मतेशेदेंक प्रयत्न शेयदु, आंका वाड महायाजक तीकुड फोया. 2शौल दिमिष्क शहर इंदुड यहुदी सभास्थानलोन महायाजक तीकेल ख्रिस्तन शिष्यलान फट्टेदेंक इल्ला अधिकार पत्रल आडग्या की, जर वानकी आंदु यवाड पण इ दावा मिंदा नडशेतोड, मंग वाड मनशी उंटे का आंडीद, शिकते तर वाड वारनी कट्टी यरुशलेम शहरकी येकेन दावाला. 3इंगा शौल दिमिष्क देगार वच्या आप्पुड येकायेकी, मोडाम लोन्केल शेंगेम फेद्दाद यलगु वान आजुबाजुक चमकाशा; 4शौल भुमी मिंदा फड्या इंगा वगा आवाज वान जताक माटलाडेताप्पुड वाड इन्या, “हे शौल, हे शौल, नु नाद छळ येनटीक शेस्ताव?” 5शौल आन्या, “प्रभु नु यवाड उंडाव?” आदी आवाज आन्या, “निन येशुड उंडान, यवानदी नु छळ शेस्तुनाव वाड निने उंडान; 6इप्पुड लेय, इंगा नगरलोंग फो, निक येम शेशेद उंडाद, आदी निक आंदु यवाड तरी शप्पी.” 7या मंदी शौल जताक उंडीर, वार आंदु शांत नीला फडीर, येनटीक की वारकी आवाज तर वद्दु, पण वारकी यवाडुच कमसाक फो. 8शौल भुमी मिंदकेल लेशा, वाड कंडलु तेरशा, पण वानकी येमीच कमसाकुंदु, आंका या मंदी वान जताक उंडीर वार वानदी शेय फट्टी वान दिमिष्क शहरकी येका फोईर. 9मुड नाळा नंताक शौलकी येमीच कमसाकुंदु, इंगा वाड येमीच तिनालेद इंगा तागालेद.
शौलदी बाप्तिस्मा
प्रेषित 22:6-16; 26:12-18
10दिमिष्कला येशुन वगा शिष्य उंड्या वानदी फेर हनन्या उंड्या; प्रभुड वान जताक दृष्टांतला माटलाड्या इंगा आन्या, “हे हनन्या.” हनन्याड उत्तर इच्या, “निन इंदु उंडान, प्रभु.” 11प्रभुड हनन्यान आन्या, “लेय इंगा सरळ फेर दावाता यहूदान इल्लु फो इंगा तार्सास शहरकेल वच्चीने शौल फेरोन मनशी बद्दल आडगु सध्या वाड आंदु उंडाड; इंगा प्रार्थना शेस्तुनाड. 12शौल दृष्टांतला सुशा की हनन्या फेरोड मनशी वान तीकुड वच्चीगास ना मिंदा शेय फेटतुनाड इंगा वानकी वापस कमशेदेंक आंट्या.” 13पण हनन्याड उत्तर इच्या, “हे प्रभु, निन आ मनशी बद्दल शेंगेम मंदी नोरकेल इनीनान; यरुशलेम शहरलोन नी पवित्र मंदी जताक वाड यंता वाईट रितीता वागाशा. 14इंगा इप्पुड यवार नी फेर मिंदा विश्वास फेटतार इल्लोन मंदीन कट्टीगास येकेन फोयेदेंक महायाजकला तीकेल अधिकार पत्र तिस्कुनी इ शौल इंदुक वच्चीनाड.” 15पण प्रभुड आन्या, “फो, राजालकी इंगा यहुदी लेनोरकी इंगा इस्राएल बिळ्ळा मुंदार नाद फेर येका फोयेदेंक वाड ना निवडासने पात्र उंडाड. 16ना फेर इचांग याय माटलु वानकी सहन शेयाबेक आय्यी, आय निन वानकी सुपीच्यान,” 17हनन्याड यल्या इंगा यहूदान इल्लुक फोया, वाड शौल नत्ती मिंदा शेय फेट्या इंगा आन्या, “हे शौल, तम्मुडा, प्रभु येशुड नीक इक्काड वच्चेताप्पुड दावाला दर्शन इच्या वाडे नन्नु नी तीकुड आंपीनाड, दिनिचांग की, नीक वापस कमसाला इंगा नु पवित्र आत्माता परिपुर्ण कावाला.” 18मंग लगेच फक्कु लेका शौल कंडला लोन्केल येम तरी किंदा फड्या, इंगा वानकी वापस कमशेदेंक आंट्या शौल आंदुकेल लेशा बाप्तिस्मा तिस्कुन्या. 19मंग वाड आन्नाम तिनीनेंका वान शरीरला ताकत वच्या, शौल काही नाळ दिमिष्कलोन शिष्यल जताक निलच्या.
शौल तीकेल येशु ख्रिस्तद प्रचार
20मंग शौल सरळ सभास्थानला फोई येशुन फेरता घोषणा शेशेदेंक आंट्या, की येशुड इड परमेश्वर कोडकु उंडाड. 21या मंदी शौलुय माटलु इनीर वार आंदारकी शेंगेम नवल वाटाशा इंगा वार आनीर, “यरुशलेम शहरलोन या मंदीद येशुन फेर मिंदा विश्वास उंडाद, वार आंदारदी नाश शेशेदेंक सुशेतोड इडे लेड येम? वाड येशुन शिष्यलान फट्टेदेंक इंदुक वच्चीनाड इंगा वाड वारनी यरुशलेम शहरलोन महायाजकला मुंदार नीला फडा मतेतोड उंडाड.” 22पण शौल शेंगेम जास्त सामर्थ्यशाली आयकेन फोया, वाड इदी सिद्ध शेशा की येशुडे ख्रिस्त उंडाड इंगा वानी सबुतलु इंता पक्का उंड्या. की दिमिष्कलोन यहुदी मंदी वान जताक जगडाम आडी शकायाक फोईर. 23काही नाळा बाद, यहुदी मंदी शौलदी जेम तिस्कुनेद योजना शेशीर. 24पण शौलकी वार योजना बद्दल यरका आय फोया; वार तर वानदी जेम तिस्कुनेदेंक मोब्बुफगुल शहर फाटक मिंदा टपाशी कुसुंदुर. 25पण यवारकी शौल नेरपीन्या इल्लोन काही शिष्यल मोब्बुलोन वेळला वान डाल्याला कुसनामती शहरपनाह मिंदकेल किंदीक इडशीर.
यरुशलेमला शौल
26मंग शौल यरुशलेम शहरकी फोया आंदु विश्वासी मंदीला कुडेद वाड प्रयत्न शेशा, पण वार वानकी यरस्कुंदुर वारकी विश्वासे कुसनाकुंदु, की शौल खरेमे येशुन शिष्य आयनाड. 27पण बर्णबाड शौलकी मदत शेशा इंगा वान येकेन प्रेषितला तीकुड फोया. बर्णबाड शप्या की, शौल प्रभुन दिमिष्क दावाता सुशीनाड प्रभुड वान यल्ला माटलाड्या इदी पण वाड पुर्ण शप्या, मंग वाड प्रेषितलाक शप्या की शौल शेंगेम हिम्मतता दिमिष्क इंदुड मंदीक येशुन बद्दल सुवार्ता शप्या. 28मंग शौल शिष्यला जताक आंदु निलच्या, वाड यरुशलेम शहरला आन्नी तीकुड फोया. इंगा हिम्मतता प्रभुनदी सुवार्ता शप्पेदेंक आंट्या. 29शौल नेहमी ग्रीक भाषा माटलाडेतोर यहुदी मंदी जताक माटलाडदु वाड वार जताक वादविवाद शेयदु, पण वार वान मतशेद प्रयत्न शेयदुर. 30यप्पुड विश्वासी मंदी इदी इनीर, वार वान कैसरीयाक येका फोईर, मंग यंकसार वान आंदुकेल तार्सासकी आंपीर.
31इल्ला आंता यहुदिया प्रांत, गालील प्रांत, शोमरोन इ प्रदेशलोन मंडळीक शांती शिक्या; इंगा मंडळी पवित्र आत्मा शांतीला इंगा परमेश्वर यरपुला वाढास्केन फोया. 32मंग इल्ला आय्या की, पेत्रड यरुशलेम शहर देगार आन्नी उळाक तिरगुका लोद इ नगरलोन परमेश्वर पवित्र मंदी तीकुड वच्या. 33लोद इंदु वानकी ऐनेयास फेरोड मनशी शिक्या, वानकी लकवा आंटीन्या आंका वाड अपंग आय फोयन्या इंगा योड यंडलाकेल पलंग मिंदा फडीनोड उंड्या. 34पेत्र वान आन्या, “हे ऐनेयास येशु ख्रिस्त निन्नु शिंगार शेस्तुनाड; लेय नीद गोदडी शिंगार शेय.” आप्पुड वाड लगेच नीला फड्या. 35लोदला निलचेतोर इंगा शारोनला निलचेतोर आंता मंदी वान सुशीर, आप्पुड वार आंदार प्रभुन तीकुड तिरगीर.
दुर्कसदानकी जीवनदान
36यापो शहरला येशुन वगा शिष्य निलदु, दानदी फेर तबिथा उंड्या, (ग्रीक भाषाला दानदी फेर “दुर्कस” उंड्या, दानदी अर्थ हरण) आदी नेहमी मंदी इचांग शिंगार फनुल शेयदु इंगा गरीबोरकी दानधर्म शेयदु. 37यप्पुड पेत्र लोदला उंड्या, आप्पुड तबिथाद बिमार फड्या इंगा सच्ची फोया; मंदी दानदी फय कडगी दान माडी मिंदुड वगा खोलीला फेट्टीर. 38यापो इंदुड शिष्यल इनीर की, पेत्र लोदला उंडाड, लोद इदी उर यापो देगार उंडाद, आंका वार इद्दार मनसुलान आंपीर, वार वानकी विनंती शेशी आनीर, “कृपा शेशी मा तीकुड लग्गान दा.” 39आप्पुड पेत्र लेशा इंगा वार जताक फोया, यप्पुड वाड आंदुक पोहचाशा आप्पुड वार वान माडी मिंदुड वगा खोलीलोंग येका फोईर. इंगा आंदार विधवा आंड्योर येडस्केन वान देगार नीला फडीर, दुर्कसदी जित्ता उंड्या आप्पुड याय झगाल आदी कुरशीन्या आय वार पेत्रक सुपीर. 40पेत्रड खोली लोन्केल आंदारनी बैटीक तिशा, इंगा वाड मोकाळ टेकाशी प्रार्थना शेशा इंगा दुर्कसदान फिनग्या तीकुड सुशी आन्या, “हे तबिथा लेय” आप्पुड आदी दानी कंडलु तेरशा, यप्पुड आदी पेत्रन सुशा आप्पुड आदी लेशी कुसन्या. 41वाड दानकी स्वताद शेय इच्ची नीला फडेदेंक मदत शेशा, मंग वाड पवित्र मंदीन इंगा विधवा आंड्योरनी खोलीला फिलच्या वाड तबीथादान वारकी सुप्या, आदी जित्ता उंड्या. 42इदी माटा पुर्ण यापोलोन मंदीक यरका आय्या, इंगा दांटल्योन शेंगेम मंदी प्रभुन मिंदा विश्वास फेट्टीर. 43यंकसार इल्ला आय्या की, पेत्र यापोला तोलुद धंदा शेशेतोन शिमोन फेरोन मनशी देगार शेंगेम नाळ निलच्या.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in