MAT 14
14
बाप्तिस्मा शेशेतोन योहानदी मृत्यू
1आ दिनमुलाला शासक हेरोद अंतीपा #14:1 हेरोद अंतीपा महान हेरोद कोडकुलाला वगा कोडकु. (मत्तय 2:1) शब्दावली सुडना. येशुन फनुला बद्दल इनी, 2वाड वान सेवकलान आन्या, “येशुड इड बाप्तिस्मा शेशेतोड योहान उंडाड. वाड सच्चीनोर लोन्केल लेशीनाड आंका वान लोना सामर्थ्य फनी शेस्तुनाद.” 3-4इल्ला आयन्या की, हेरोद योहाननी कट्टी तुरुंगला येशीन्या. येनटीक की योहान वान आनदु की, “नु नी तम्मुड फिलिप्प जिवंत उंडीनाप्पुड वान वडतीन फेटकुनेद बागा लेद.”#लेवी 18:16,21. 5दिनिचांग हेरोद वान मतेशेदेंक सुस्तुन्या, पण वाड मंदीक यरस्कुंदु येनटीक की मंदीद इल्ला विश्वास उंड्या की, योहान संदेष्टा उंडाड. 6पण हेरोद वाढदिवस नाबद हेरोदियादान कुतुर दरबारला नाचाशी हेरोदनी इंगा सुट्टालनी खुश शेशा. 7दिनिचांग वाड वट्टु येस्केन दानकी वचन इच्या, येम पण नु आडग्याव, निन निक इच्यान. 8आप्पुड दान आम्मा यल्ला दानकी शप्पीन्या आल्ला आदी आन्या, “बाप्तिस्मा इच्चेतोड योहानदी तलकाया तल्याला फेट्टी नाक इंदुक यकोची.” 9इदी इनीगास हेरोद राजाक शेंगेम वाईट वाटाशा. पण वाड वट्टु येस्केन इच्चीने वचन इचांग इंगा फिल्चीने मंदी इचांग वाड आदी इच्चेद आज्ञा शेशा. 10इंगा वाड तुरुंगला सैनिकलान आंपीगास योहानदी तलकाया कोसकाड्या. 11इंगा वार वानदी तलकाया कोशी पेटीला फेट्टी आ आनबिडाक यकोची इच्चीर. आदी दान आम्मा देगार यकोच्या. 12इंगा योहान शिष्यल वच्ची वानदी फिनग्या येकेन फोईर इंगा वान बुडशीर इंगा वार फोई येम घडाशा आदी येशुनकी शप्पीर.
पाच हजार मंदीक तिना मतेद
13यप्पुड येशुड योहान बद्दल इन्या वाड नावला कुसनीगास सुनसान ठिकाणलोंग यल्ली फोया. पण इदी इनी मंदी नगर लोन्केल वान यंका नडस्का फोईर. 14मंग यप्पुड वाड फेद्दाद मंदीद गर्दी सुशा. आप्पुड वानकी वार मिंदा दया वच्या इंगा यवार बिमार उंडीर वारनी वाड बागा शेशा. 15यप्पुड फद्दु मुनग्या वान शिष्यल वान देगार वच्ची आनीर, “इदी सुनसान जागा उंडाद इंगा तिनेद वेळ आयनाद. मंदी उळ्योंग फोई वार इचांग तिनेदेंक कोन्कुनाला आंका वारनी आंपकाड.” 16पण येशुड शिष्यलान आन्या, “वारकी फोयेद गरज लेद. मिरे वारकी येम तरी तिनेदेंक इंडा.” 17शिष्यल वान आनीर, पण मा देगार फक्त “आय्यीद रोट्याल इंगा रोंडे मिल उंडाय.” 18वाड आन्या, “आय ना देगार येका दांडा.” 19दिन बाद येशुड मंदीक गड्डी मिंदा कुसनेदेंक शप्या. वाड आय आय्यीद रोट्याल इंगा रोंड मिल तिस्केन फैनिक स्वर्ग तीकुड सुशी आटला इचांग परमेश्वरकी धन्यवाद इच्या. इंगा वाड रोट्याल तेंपी-तेम्पीगास शिष्यलकी इच्या इंगा शिष्यल मंदीक इच्चीर. 20इंगा आंता मंदी कडपु निंडा तिनीर. इंगा मिल्गीने तुकडाली वार बारा फुटकाल निंचकुनीर. 21तिनेतोर मंदीलाला आंड्योरनी इंगा बिळ्ळान इडशी पाच हजार मन्सुल उंडीर.#14:21 यहुदी संस्कृती नुसार मन्सुल इंगा आंड्योर अलग-अलग रोट्या तिनदुर, बिळ्ळु आंड्योर जताक तिनदुर इद्दे कारण उंडाद की मत्तय फक्त मन्सुला संख्या बद्दल राशीनाड.
येशुनदी नेळा मिंदा नडस्काम
22इदी आयनेंका लगेच येशुड वान शिष्यलान आन्या, निन मंदीन सागेस्तुनान आड नंताक मीर नावला कुसनी ना मुंदारकी गालील सरोवर आतुक फोना. 23मंदीन सागेशी वाड प्रार्थना शेशेदेंक वक्काडे कोंडा मिंदीक फोया, मोब्बु आय्या आप्पुड वाड आंदु वक्काडे उंड्या. 24इंगा शिष्यल इप्पुड नंताक कंटाम मिंदकेल शेंगेम धुराम उंडीर. घाली विरुद्ध दिशाता फारतुन्या आंका नाव लाटलाता हालास्तुन्या इंगा दिनिचांग वारकी नाव सांभाळीया दाकुंदु. 25आप्पुड नस्कुलोनी तीन ते सहा वागीन नडमा येशुड सरोवरला नेळा मिंदकेल नडस्का वार तीकुड वच्या. 26यप्पुड शिष्यल वान नेळा मिंदकेल नडशेताप्पुड सुशीर, “वारकी वाटाशा वाड दैयाम उंडाड.” आंका वार येरस्केन कीरलेदेंक आंटीर 27पण येशुड लगेच वारनी आन्या, “दम फटना, निन उंडान; यरस्कुनाकुंडा.”
28आप्पुड पेत्रड आन्या, हे प्रभु जर नु उंटे तर नाक नेळा मिंदकेल नी तीकुड वच्चेदेंक शप. 29येशुड आन्या, “दा.” आप्पुड पेत्र नावलेल दिगी नेळा मिंदा नडस्का येशुन तीकुड फोयेदेंक आंट्या. 30पण वाड नेळा मिंदा नडशेताप्पुड घालीन सुशी येरस्कुन्या इंगा मुनगेदेंक आंटीनेंका कीरली आन्या “हे प्रभु, नन्नु वाचायमत.” 31इंगा लगेच येशुड वानदी शेय मुंदारकी शेशी वान फट्या इंगा आन्या, “अरे अल्पविश्वासी, नु शक येनटीक शेस्ती?” 32इंगा यप्पुड वार इद्दार नावलोंग यक्कीर आप्पुड घाली थांबाशा. 33आप्पुड यवार शिष्यल नावला उंडीर वार वानकी वंगी नमन शेशी आनीर, “नु खरेमे परमेश्वर कोडकु उंडाव.”
गनेसरेतला येशुड
34यंकसार येशुड इंगा वान शिष्यल गालील सरोवर आतुक गनेसरेत शहरकी फोईर. 35आंदुटोर मंदी येशुन ओळखाशी आजुबाजुक उंडीने आन्नी प्रदेशलाक निरोप आंपीर इंगा वार आंता बिमार मंदीन वान देगार यकोचीर. 36इंगा मोमलान नी बट्टा कंटामनी मुट्टानी, इल्ला बिमार मंदी येशुनकी विनंती शेशीर, आप्पुड यंता मंदी वान मुट्टीर आंता मंदी बागा आय्यीर.
Currently Selected:
MAT 14: WNT
Highlight
Share
Compare
Copy
Want to have your highlights saved across all your devices? Sign up or sign in
MAT 14
14
बाप्तिस्मा शेशेतोन योहानदी मृत्यू
1आ दिनमुलाला शासक हेरोद अंतीपा #14:1 हेरोद अंतीपा महान हेरोद कोडकुलाला वगा कोडकु. (मत्तय 2:1) शब्दावली सुडना. येशुन फनुला बद्दल इनी, 2वाड वान सेवकलान आन्या, “येशुड इड बाप्तिस्मा शेशेतोड योहान उंडाड. वाड सच्चीनोर लोन्केल लेशीनाड आंका वान लोना सामर्थ्य फनी शेस्तुनाद.” 3-4इल्ला आयन्या की, हेरोद योहाननी कट्टी तुरुंगला येशीन्या. येनटीक की योहान वान आनदु की, “नु नी तम्मुड फिलिप्प जिवंत उंडीनाप्पुड वान वडतीन फेटकुनेद बागा लेद.”#लेवी 18:16,21. 5दिनिचांग हेरोद वान मतेशेदेंक सुस्तुन्या, पण वाड मंदीक यरस्कुंदु येनटीक की मंदीद इल्ला विश्वास उंड्या की, योहान संदेष्टा उंडाड. 6पण हेरोद वाढदिवस नाबद हेरोदियादान कुतुर दरबारला नाचाशी हेरोदनी इंगा सुट्टालनी खुश शेशा. 7दिनिचांग वाड वट्टु येस्केन दानकी वचन इच्या, येम पण नु आडग्याव, निन निक इच्यान. 8आप्पुड दान आम्मा यल्ला दानकी शप्पीन्या आल्ला आदी आन्या, “बाप्तिस्मा इच्चेतोड योहानदी तलकाया तल्याला फेट्टी नाक इंदुक यकोची.” 9इदी इनीगास हेरोद राजाक शेंगेम वाईट वाटाशा. पण वाड वट्टु येस्केन इच्चीने वचन इचांग इंगा फिल्चीने मंदी इचांग वाड आदी इच्चेद आज्ञा शेशा. 10इंगा वाड तुरुंगला सैनिकलान आंपीगास योहानदी तलकाया कोसकाड्या. 11इंगा वार वानदी तलकाया कोशी पेटीला फेट्टी आ आनबिडाक यकोची इच्चीर. आदी दान आम्मा देगार यकोच्या. 12इंगा योहान शिष्यल वच्ची वानदी फिनग्या येकेन फोईर इंगा वान बुडशीर इंगा वार फोई येम घडाशा आदी येशुनकी शप्पीर.
पाच हजार मंदीक तिना मतेद
13यप्पुड येशुड योहान बद्दल इन्या वाड नावला कुसनीगास सुनसान ठिकाणलोंग यल्ली फोया. पण इदी इनी मंदी नगर लोन्केल वान यंका नडस्का फोईर. 14मंग यप्पुड वाड फेद्दाद मंदीद गर्दी सुशा. आप्पुड वानकी वार मिंदा दया वच्या इंगा यवार बिमार उंडीर वारनी वाड बागा शेशा. 15यप्पुड फद्दु मुनग्या वान शिष्यल वान देगार वच्ची आनीर, “इदी सुनसान जागा उंडाद इंगा तिनेद वेळ आयनाद. मंदी उळ्योंग फोई वार इचांग तिनेदेंक कोन्कुनाला आंका वारनी आंपकाड.” 16पण येशुड शिष्यलान आन्या, “वारकी फोयेद गरज लेद. मिरे वारकी येम तरी तिनेदेंक इंडा.” 17शिष्यल वान आनीर, पण मा देगार फक्त “आय्यीद रोट्याल इंगा रोंडे मिल उंडाय.” 18वाड आन्या, “आय ना देगार येका दांडा.” 19दिन बाद येशुड मंदीक गड्डी मिंदा कुसनेदेंक शप्या. वाड आय आय्यीद रोट्याल इंगा रोंड मिल तिस्केन फैनिक स्वर्ग तीकुड सुशी आटला इचांग परमेश्वरकी धन्यवाद इच्या. इंगा वाड रोट्याल तेंपी-तेम्पीगास शिष्यलकी इच्या इंगा शिष्यल मंदीक इच्चीर. 20इंगा आंता मंदी कडपु निंडा तिनीर. इंगा मिल्गीने तुकडाली वार बारा फुटकाल निंचकुनीर. 21तिनेतोर मंदीलाला आंड्योरनी इंगा बिळ्ळान इडशी पाच हजार मन्सुल उंडीर.#14:21 यहुदी संस्कृती नुसार मन्सुल इंगा आंड्योर अलग-अलग रोट्या तिनदुर, बिळ्ळु आंड्योर जताक तिनदुर इद्दे कारण उंडाद की मत्तय फक्त मन्सुला संख्या बद्दल राशीनाड.
येशुनदी नेळा मिंदा नडस्काम
22इदी आयनेंका लगेच येशुड वान शिष्यलान आन्या, निन मंदीन सागेस्तुनान आड नंताक मीर नावला कुसनी ना मुंदारकी गालील सरोवर आतुक फोना. 23मंदीन सागेशी वाड प्रार्थना शेशेदेंक वक्काडे कोंडा मिंदीक फोया, मोब्बु आय्या आप्पुड वाड आंदु वक्काडे उंड्या. 24इंगा शिष्यल इप्पुड नंताक कंटाम मिंदकेल शेंगेम धुराम उंडीर. घाली विरुद्ध दिशाता फारतुन्या आंका नाव लाटलाता हालास्तुन्या इंगा दिनिचांग वारकी नाव सांभाळीया दाकुंदु. 25आप्पुड नस्कुलोनी तीन ते सहा वागीन नडमा येशुड सरोवरला नेळा मिंदकेल नडस्का वार तीकुड वच्या. 26यप्पुड शिष्यल वान नेळा मिंदकेल नडशेताप्पुड सुशीर, “वारकी वाटाशा वाड दैयाम उंडाड.” आंका वार येरस्केन कीरलेदेंक आंटीर 27पण येशुड लगेच वारनी आन्या, “दम फटना, निन उंडान; यरस्कुनाकुंडा.”
28आप्पुड पेत्रड आन्या, हे प्रभु जर नु उंटे तर नाक नेळा मिंदकेल नी तीकुड वच्चेदेंक शप. 29येशुड आन्या, “दा.” आप्पुड पेत्र नावलेल दिगी नेळा मिंदा नडस्का येशुन तीकुड फोयेदेंक आंट्या. 30पण वाड नेळा मिंदा नडशेताप्पुड घालीन सुशी येरस्कुन्या इंगा मुनगेदेंक आंटीनेंका कीरली आन्या “हे प्रभु, नन्नु वाचायमत.” 31इंगा लगेच येशुड वानदी शेय मुंदारकी शेशी वान फट्या इंगा आन्या, “अरे अल्पविश्वासी, नु शक येनटीक शेस्ती?” 32इंगा यप्पुड वार इद्दार नावलोंग यक्कीर आप्पुड घाली थांबाशा. 33आप्पुड यवार शिष्यल नावला उंडीर वार वानकी वंगी नमन शेशी आनीर, “नु खरेमे परमेश्वर कोडकु उंडाव.”
गनेसरेतला येशुड
34यंकसार येशुड इंगा वान शिष्यल गालील सरोवर आतुक गनेसरेत शहरकी फोईर. 35आंदुटोर मंदी येशुन ओळखाशी आजुबाजुक उंडीने आन्नी प्रदेशलाक निरोप आंपीर इंगा वार आंता बिमार मंदीन वान देगार यकोचीर. 36इंगा मोमलान नी बट्टा कंटामनी मुट्टानी, इल्ला बिमार मंदी येशुनकी विनंती शेशीर, आप्पुड यंता मंदी वान मुट्टीर आंता मंदी बागा आय्यीर.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in