ROM 15
15
बलवान इंगा कमजोर
1दिनिचांग मनाम यवार विश्वासला बलवान उंडाम, यवार कमजोर उंडार वारदी मदत शेयाला इंगा स्वतान संतुष्ट शेयाराद. 2मना दिंटल्योन्टोड प्रत्येक मनशी विश्वास फेटेतोन इचांग येम शिंगार उंडाद आदी शेयाला, इंगा वानदी विश्वास मजबुत आय्येदेंक वान संतुष्ट शेयाला. 3येनटीक की ख्रिस्तड पण स्वतान संतुष्ट शेया लेड, पण यल्ला पवित्र शास्त्रला राशीनेद उंडाद, “यवार नीद निंदा शेशीर, वार नाद पण निंदा शेशीर” आल्ले कानीच्या.#स्तोत्रसंहिता 69:9. 4येनटीक की याय माटलु पहिला पवित्र शास्त्रला राशेदेंक वच्या आय्यी मना शिक्षण इचांग राशेदेंक वच्या; आंटे मनाम धीर्यामता पवित्र शास्त्र तीकेल शिक्कीने उत्तेजनता आशा फेट्टाला. 5इप्पुड निन प्रार्थना शेस्तान की, यवाड धीर्याम इंगा उत्तेजन इस्ताड, वाड परमेश्वर मिक इल्ला वरदान इयाला की मीर ख्रिस्त येशुनलेका वगामेगार जताक वगामन कावाला; 6आंटे, यवाड मना प्रभु येशु ख्रिस्तन परमेश्वर इंगा आब्बाड उंडाड वानदी मीर वगामनता इंगा वगा आवाजता गौरव शेयना.
ख्रिस्त यहुदी इंगा यहुदी लेनोर मंदीद भरोसा
7दिनिचांग परमेश्वर गौरव इचांग यल्ला ख्रिस्तड मनालनी स्वीकार शेशा आल्ले मीर पण वगामेगारनी स्वीकार शेयना. 8येनटीक की निन आंटान की, ख्रिस्त परमेश्वर सत्य इचांग सुंता आयनोर सेवक आय्या; आंटे इदी सुपीचेदेंक की परमेश्वर वार पुर्वजलाक जे अभिवचन इच्चीन्या आदी वाड पुर्ण शेशी; 9इंगा परमेश्वर दया इचांग यहुदी लेनोर वानदी गौरव शेयाला इल्ला पवित्र शास्त्रला राशीनेद उंडाद की,
“दिनिचांग निन राष्ट्र-राष्ट्रला नीद स्तुती शेशान,
इंगा नी फेरुद स्तोत्र फाड्यान.”#2 शमुवेल 22:50; स्तोत्रसंहिता 18:49.
10इंगा वापस वाड आंटाड की,
“हे यहुदी लेनोर मंदीलाला, वान प्रजा जताक आनंद शेयना.”
11इंगा वगा जागाला पवित्र शास्त्रला इल्ला राशीनेद उंडाद की,
“हे आंता यहुदी लेनोर मंदीलाला, परमेश्वरदी स्तवन शेयना,
आंता मंदी वानदी स्तुती शेयना.”#स्तोत्रसंहिता 117:1.
12इंगा, यशया संदेष्ट्याड पण पवित्र शास्त्रला रास्ताड की,
“इशाय#15:12 इशाय दाविद राजा आब्बाड उंड्याकी अंकुर फुट्टी,
इंगा यवाड यहुदी लेनोर मंदी मिंदा अधिकार शेशेदेंक नीला फडी;
वान मिंदा यहुदी लेनोर मंदी आशा फेट्यार.”#यशया 11:11.
13इंगा इप्पुड निन प्रार्थना शेस्तान की आशा इच्चेतोड परमेश्वर मिमलान विश्वासता, आनंदता इंगा शांतीता पुर्णपणे निंचाला, दिनिचांग की पवित्र आत्मा सामर्थ्यता मीर आशाला वाढास्केन फोवाला.
निष्कर्ष: वैयक्तिक संदेश — 15:14—16:27
पौल यहुदी लेनोर इचांग येशुन वगा सेवक
14हे ना आक्का तम्मुळ्ळालाला, नाक मी बद्दल नक्की यरका उंडाद की, मिक पुर्णपणे यरका उंडाद की मिक येम शेयाबेक इंगा मीर वगामेगारकी नेरपी शकास्तार. 15पण निन मिक ध्यानाम इयाला आंका, मिक काही जागाला, जास्त हिम्मतता राशीनान; येनटीक की नाक परमेश्वर इच्चीने कृपा इचांग निन मिक राशीनान 16की, निन यहुदी लेनोर इचांग ख्रिस्त येशुन सेवक आय्यी, निन परमेश्वर तीकेल सुवार्ता प्रसार शेशेदेंक वगा याजक लेका सेवा शेयाला; दिनिचांग की यहुदी लेनोर मंदीद अर्पण, पवित्र आत्मा तीकेल पवित्र आय्यीगास मान्य कावाला.
17दानिचांग नाक परमेश्वर बद्दल माटलाद, ख्रिस्त येशुन तीकेल घमंडकी कारण उंडाद. 18येनटीक आ माटलान इडशी नाक इंगा यादुच माटा बद्दल आनेद हिम्मत लेद. याय ख्रिस्त यहुदी लेनोर मंदी अधिनता इचांग वचन, इंगा कर्मलाता 19चिन्हलाता इंगा अद्भुत फनुला सामर्थ्यता, पवित्र आत्मा सामर्थ्यता ना तीकेले शेशा; इड नंताक की निन यरुशलेम शहरकेल आन्नी तीकुड इल्लुरीकम प्रांत नंताक ख्रिस्तन सुवार्ताद पुर्णपणे प्रसार शेस्तीन. 20पण इंगोगोन जोता मिंदा इल्लु कट्टेतोड कावाराद आंका नाद वक्काटे इच्छा उंड्या की, ख्रिस्तद फेर यंदु तिस्कुना कुंदुर, इल्लोन जागालला निन सुवार्ता प्रसार शेयाला. 21दिनिचांग पवित्र शास्त्रला येम राशीनेद उंडाद दान निन पुर्ण शेशी शकायाला,
“यवारकी परमेश्वर बद्दल शप्पीनेद लेकुंड्या वार मंदी सुशार,
इंगा यवार इना लेकुंडीर वारकी तेल्ची.”#यशया 52:15.
रोमकी फोयेद पौलदी योजना
22दिनिचांग नाक मी तीकुड वच्चेदेंक शेंगेम अडचणलु वच्या. 23पण इप्पुड इ प्रांतलाला सुवार्ता शप्पेद नाद फनी आय फोयनाद आंका, मी तीकुड दावाला इल्ला नाद शेंगेम वर्षकेल इच्छा उंड्या आंका, 24निन स्पेन देशकी फोयेताप्पुड मी तीकुड वच्यान; येनटीक की निन इल्ला आशा शेस्तान की, मी तीकुड वच्ची मी संगतीद आनंद तिस्कुनी नेंका, नाद इच्छा उंडाद की मीर स्पेन देश प्रवासला नाद मदत शेयाला. 25पण परमेश्वर मंदीद सेवा शेशेदेंक निन इप्पुड यरुशलेम शहरकी फोयतुनान. 26येनटीक की मासेदोनिया इंगा अखया प्रांतलोन मंडळीक इदी शिंगार वाटाशा की, यरुशलेम शहरला निलचेतोर, परमेश्वर मंदी यवार गरीब उंडार वार इचांग येमाना मदत शेयाला. 27इदी वार स्वता इच्छाता शेशीर, पण वार यरुशलेम शहरला निलचेतोर कर्जदार उंडार; येनटीक की जर यहुदी लेनोर मंदी वार आत्मिक माटलाला भागीदार आयनार, तर शारीरिक माटलाला वारदी सेवा शेशेद इदी वारदी कर्तव्य उंडाद. 28दिनिचांग निन इ दुडलु याय यरुशलेम शहरला निलचेतोर परमेश्वर मंदी मदत इचांग जमा शेशीनेय उंडाय आय इच्चेदेंक पहिला यरुशलेम शहरकी फोयतुनान, इदी आयनेंका निन मिमलान भेटाशी स्पेन देशकी फोयान. 29इंगा निन यप्पुड मी तीकुड वच्यान आप्पुड ख्रिस्त मनाक पुर्णपणे आशिर्वाद इच्ची इदी नाक विश्वास उंडाद.
प्रार्थना शेशेद विनंती
30हे ना आक्का तम्मुळ्ळालाला, निन मना प्रभु येशु ख्रिस्तद इंगा पवित्र आत्मा प्रेमदी ध्यानाम शेशी इच्ची, मिक विनंती शेस्तान की, ना लढाईला, मीर ना इचांग परमेश्वरकी पुर्ण मनता प्रार्थना शेस्केन उंडा; 31दिनिचांग की, यहुदियाला यवार अविश्वासी मंदी उंडार वार शेयता नाद सुटका कावाला इंगा यरुशलेमलोन परमेश्वर मंदी इचांग याद नाद सेवा उंडाद आदी वारकी मान्य कावाला; 32दिनिचांग की परमेश्वर इच्छाता निन आनंदता मी तीकुड दावाला इंगा मी जताक नाक शांती शिक्काला.
33इप्पुड निन प्रार्थना शेस्तान की, शांती इच्चेतोड परमेश्वर मी आंदार जताक उंडाला. आमेन.
Currently Selected:
ROM 15: WNT
Highlight
Share
Compare
Copy
Want to have your highlights saved across all your devices? Sign up or sign in
ROM 15
15
बलवान इंगा कमजोर
1दिनिचांग मनाम यवार विश्वासला बलवान उंडाम, यवार कमजोर उंडार वारदी मदत शेयाला इंगा स्वतान संतुष्ट शेयाराद. 2मना दिंटल्योन्टोड प्रत्येक मनशी विश्वास फेटेतोन इचांग येम शिंगार उंडाद आदी शेयाला, इंगा वानदी विश्वास मजबुत आय्येदेंक वान संतुष्ट शेयाला. 3येनटीक की ख्रिस्तड पण स्वतान संतुष्ट शेया लेड, पण यल्ला पवित्र शास्त्रला राशीनेद उंडाद, “यवार नीद निंदा शेशीर, वार नाद पण निंदा शेशीर” आल्ले कानीच्या.#स्तोत्रसंहिता 69:9. 4येनटीक की याय माटलु पहिला पवित्र शास्त्रला राशेदेंक वच्या आय्यी मना शिक्षण इचांग राशेदेंक वच्या; आंटे मनाम धीर्यामता पवित्र शास्त्र तीकेल शिक्कीने उत्तेजनता आशा फेट्टाला. 5इप्पुड निन प्रार्थना शेस्तान की, यवाड धीर्याम इंगा उत्तेजन इस्ताड, वाड परमेश्वर मिक इल्ला वरदान इयाला की मीर ख्रिस्त येशुनलेका वगामेगार जताक वगामन कावाला; 6आंटे, यवाड मना प्रभु येशु ख्रिस्तन परमेश्वर इंगा आब्बाड उंडाड वानदी मीर वगामनता इंगा वगा आवाजता गौरव शेयना.
ख्रिस्त यहुदी इंगा यहुदी लेनोर मंदीद भरोसा
7दिनिचांग परमेश्वर गौरव इचांग यल्ला ख्रिस्तड मनालनी स्वीकार शेशा आल्ले मीर पण वगामेगारनी स्वीकार शेयना. 8येनटीक की निन आंटान की, ख्रिस्त परमेश्वर सत्य इचांग सुंता आयनोर सेवक आय्या; आंटे इदी सुपीचेदेंक की परमेश्वर वार पुर्वजलाक जे अभिवचन इच्चीन्या आदी वाड पुर्ण शेशी; 9इंगा परमेश्वर दया इचांग यहुदी लेनोर वानदी गौरव शेयाला इल्ला पवित्र शास्त्रला राशीनेद उंडाद की,
“दिनिचांग निन राष्ट्र-राष्ट्रला नीद स्तुती शेशान,
इंगा नी फेरुद स्तोत्र फाड्यान.”#2 शमुवेल 22:50; स्तोत्रसंहिता 18:49.
10इंगा वापस वाड आंटाड की,
“हे यहुदी लेनोर मंदीलाला, वान प्रजा जताक आनंद शेयना.”
11इंगा वगा जागाला पवित्र शास्त्रला इल्ला राशीनेद उंडाद की,
“हे आंता यहुदी लेनोर मंदीलाला, परमेश्वरदी स्तवन शेयना,
आंता मंदी वानदी स्तुती शेयना.”#स्तोत्रसंहिता 117:1.
12इंगा, यशया संदेष्ट्याड पण पवित्र शास्त्रला रास्ताड की,
“इशाय#15:12 इशाय दाविद राजा आब्बाड उंड्याकी अंकुर फुट्टी,
इंगा यवाड यहुदी लेनोर मंदी मिंदा अधिकार शेशेदेंक नीला फडी;
वान मिंदा यहुदी लेनोर मंदी आशा फेट्यार.”#यशया 11:11.
13इंगा इप्पुड निन प्रार्थना शेस्तान की आशा इच्चेतोड परमेश्वर मिमलान विश्वासता, आनंदता इंगा शांतीता पुर्णपणे निंचाला, दिनिचांग की पवित्र आत्मा सामर्थ्यता मीर आशाला वाढास्केन फोवाला.
निष्कर्ष: वैयक्तिक संदेश — 15:14—16:27
पौल यहुदी लेनोर इचांग येशुन वगा सेवक
14हे ना आक्का तम्मुळ्ळालाला, नाक मी बद्दल नक्की यरका उंडाद की, मिक पुर्णपणे यरका उंडाद की मिक येम शेयाबेक इंगा मीर वगामेगारकी नेरपी शकास्तार. 15पण निन मिक ध्यानाम इयाला आंका, मिक काही जागाला, जास्त हिम्मतता राशीनान; येनटीक की नाक परमेश्वर इच्चीने कृपा इचांग निन मिक राशीनान 16की, निन यहुदी लेनोर इचांग ख्रिस्त येशुन सेवक आय्यी, निन परमेश्वर तीकेल सुवार्ता प्रसार शेशेदेंक वगा याजक लेका सेवा शेयाला; दिनिचांग की यहुदी लेनोर मंदीद अर्पण, पवित्र आत्मा तीकेल पवित्र आय्यीगास मान्य कावाला.
17दानिचांग नाक परमेश्वर बद्दल माटलाद, ख्रिस्त येशुन तीकेल घमंडकी कारण उंडाद. 18येनटीक आ माटलान इडशी नाक इंगा यादुच माटा बद्दल आनेद हिम्मत लेद. याय ख्रिस्त यहुदी लेनोर मंदी अधिनता इचांग वचन, इंगा कर्मलाता 19चिन्हलाता इंगा अद्भुत फनुला सामर्थ्यता, पवित्र आत्मा सामर्थ्यता ना तीकेले शेशा; इड नंताक की निन यरुशलेम शहरकेल आन्नी तीकुड इल्लुरीकम प्रांत नंताक ख्रिस्तन सुवार्ताद पुर्णपणे प्रसार शेस्तीन. 20पण इंगोगोन जोता मिंदा इल्लु कट्टेतोड कावाराद आंका नाद वक्काटे इच्छा उंड्या की, ख्रिस्तद फेर यंदु तिस्कुना कुंदुर, इल्लोन जागालला निन सुवार्ता प्रसार शेयाला. 21दिनिचांग पवित्र शास्त्रला येम राशीनेद उंडाद दान निन पुर्ण शेशी शकायाला,
“यवारकी परमेश्वर बद्दल शप्पीनेद लेकुंड्या वार मंदी सुशार,
इंगा यवार इना लेकुंडीर वारकी तेल्ची.”#यशया 52:15.
रोमकी फोयेद पौलदी योजना
22दिनिचांग नाक मी तीकुड वच्चेदेंक शेंगेम अडचणलु वच्या. 23पण इप्पुड इ प्रांतलाला सुवार्ता शप्पेद नाद फनी आय फोयनाद आंका, मी तीकुड दावाला इल्ला नाद शेंगेम वर्षकेल इच्छा उंड्या आंका, 24निन स्पेन देशकी फोयेताप्पुड मी तीकुड वच्यान; येनटीक की निन इल्ला आशा शेस्तान की, मी तीकुड वच्ची मी संगतीद आनंद तिस्कुनी नेंका, नाद इच्छा उंडाद की मीर स्पेन देश प्रवासला नाद मदत शेयाला. 25पण परमेश्वर मंदीद सेवा शेशेदेंक निन इप्पुड यरुशलेम शहरकी फोयतुनान. 26येनटीक की मासेदोनिया इंगा अखया प्रांतलोन मंडळीक इदी शिंगार वाटाशा की, यरुशलेम शहरला निलचेतोर, परमेश्वर मंदी यवार गरीब उंडार वार इचांग येमाना मदत शेयाला. 27इदी वार स्वता इच्छाता शेशीर, पण वार यरुशलेम शहरला निलचेतोर कर्जदार उंडार; येनटीक की जर यहुदी लेनोर मंदी वार आत्मिक माटलाला भागीदार आयनार, तर शारीरिक माटलाला वारदी सेवा शेशेद इदी वारदी कर्तव्य उंडाद. 28दिनिचांग निन इ दुडलु याय यरुशलेम शहरला निलचेतोर परमेश्वर मंदी मदत इचांग जमा शेशीनेय उंडाय आय इच्चेदेंक पहिला यरुशलेम शहरकी फोयतुनान, इदी आयनेंका निन मिमलान भेटाशी स्पेन देशकी फोयान. 29इंगा निन यप्पुड मी तीकुड वच्यान आप्पुड ख्रिस्त मनाक पुर्णपणे आशिर्वाद इच्ची इदी नाक विश्वास उंडाद.
प्रार्थना शेशेद विनंती
30हे ना आक्का तम्मुळ्ळालाला, निन मना प्रभु येशु ख्रिस्तद इंगा पवित्र आत्मा प्रेमदी ध्यानाम शेशी इच्ची, मिक विनंती शेस्तान की, ना लढाईला, मीर ना इचांग परमेश्वरकी पुर्ण मनता प्रार्थना शेस्केन उंडा; 31दिनिचांग की, यहुदियाला यवार अविश्वासी मंदी उंडार वार शेयता नाद सुटका कावाला इंगा यरुशलेमलोन परमेश्वर मंदी इचांग याद नाद सेवा उंडाद आदी वारकी मान्य कावाला; 32दिनिचांग की परमेश्वर इच्छाता निन आनंदता मी तीकुड दावाला इंगा मी जताक नाक शांती शिक्काला.
33इप्पुड निन प्रार्थना शेस्तान की, शांती इच्चेतोड परमेश्वर मी आंदार जताक उंडाला. आमेन.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in