EXODUS 2
2
Okudalwa kwaMoses nokuxupifwa kwaye
1Nomulumenhu umwe womepata laLevi okwa ya nokwa hombola omona waLevi. 2Nomwalikadi a ninga oufimba nokwa dala okaana okamati. Ndele ye eshi a mona nokutya, ko okawa, ye e ka holeka eehani nhatu. 3Ndelenee ye eshi ina dula vali oku ka holeka, okwe ka kufila okakefa komanenge nokwe ka hotifa eka, nokwa nangeka mo okaana ndele te ka tula momanenge pomunghulo waNil. 4Nomumwaina wako okakadona okwa li kwinya konima kanini, e ka mone nhumbi taka ningwa. 5Ndele okakadona omona waFarao okwa ya kuNil e ke likoshe mo, fimbo ovapiya vaye ovakainhu va endaenda komunghulo waNil. Ndele ye eshi a mona ko okakefa momanenge, okwa tuma ko omupiya waye nokwe ka kufa ko. 6Ye eshi e ka tuula, okwa mona okaana, ndele tala, ko oka li okaana okamati taka lili. Ndele ye okwe ka fila onghenda ndele ta ti: “Aka okamwe kounona oumati vOvaheberi.” 7Opo nee omumwaina wako okakadona ka tya komona okakadona kaFarao: “Owa hala ndi ku kongele omunyamifi movalikadi Ovaheberi, ye a nyamife okaana?” 8Ndele okakadona omona waFarao okwe mu nyamukula ta ti: “Heeno”. Okakadona oka tondoka noka ifana ina yokaana. 9Opo nee okakadona omona waFarao e mu lombwela ta ti: “Tambula okaana aka okamati u ka nyamifile nge nohandi ke ku futa. Nomwalikadi okwa tambula okamati nokwe ka nyamifa.” 10Ndelenee okaana eshi ka kula, okwe ka twala kokakadona omona waFarao. Nokwa ninga omona waye omumati. Ndele ye okwe mu luka Moses ndele ta ti: “Ame onde mu kufa momeva.”
11Ndele opa ningwa pomafiku enya Moses eshi a kula, okwa ya a ka talele po ovakwao, ovamwaxe nokwa mona oshilonga shavo shidjuu. Nokwa mona omulumenhu Omuegipiti nhumbi a denga omulumenhu Omuheberi, umwe womovakwao. 12Ndele ye okwa lengalenga kombinga nombinga ndele eshi a mona pehe na ovanhu, ye okwa dipaa Omuegipiti ndele te mu fudike medu. 13Mefiku lomongula ye okwa ya ko vali, ndele pa li ovalumenhu vavali Ovaheberi va dengafana. Opo nee ye a pula kwaau e noushima: “Oshike to dengele omukweni?” 14Ndele ye okwa nyamukula ta ti: “Olyelye e ku tula po u kale omwene nomutokoli wetu? Wa hala ngeno okudipaa nge, ngaashi wa dipaa Omuegipiti?” Ndele Moses okwa tila ndele ta ti: “Oshili, oshinima sha shiivika.”
Moses ta i onhapo kedu laMidian
15Ndele Farao eshi e di kundana, ye a konga Moses e mu dipae. Ndelenee Moses okwa yaFarao onhapo nokwa tula medu laMidian, ndele a kala omutumba pomufima umwe.
16Ndele omupristeli waMidian okwa li e novana oukadona vaheyali. Vo ove uya komufima okuteka omeva nokuxwiila oimuna yaxe. 17Ndelenee ovafita ve uya nove va taataa mo. Opo nee Moses okwa fikama nokwe va kwafa, ndele ta xwiile oimuna yavo. 18Ndele eshi ve uya kuxe yavo Rehuel ye okwa tya: “Ongahelipi mwa endelela nena?” 19Ndele vo tava nyamukula: “Omulumenhu Omuegipiti okwe tu popila kovafita. Nokwe tu tekela omeva ndele a xwiila oimuna.” 20Opo ye ta ti kovana vaye oukadona: “Ye oku li peni? Omolwashike mwe mu fiila ko? Mu ifaneni ye e uye okulya omungome.” 21Ndele Moses okwa hokwa po nokwa kala pomulumenhu ou, ndele ye okwe mu pa omona okakadona Sippora. 22Ndele ye eshi a dala okaana okamati, Moses okwe ka luka Gersom. Osheshi ye a tile: “Ame nda kala ngaashi omunailongo koilongo.”
23Ndele efimbo lile eshi la pita po, ohamba yaEgipiti oya fya. NOvaisraeli ova kuwa nokulila omolwoupika. Ndele onghuwo yavo molwoupika wavo oya fika kuKalunga. 24Ndele Kalunga okwa uda ekemo lavo, naKalunga okwa dimbulukwa ehangano laye naAbraham naIsak naJakob. 25Ndele Kalunga okwa tala Ovaisraeli, nokwe va kalela noshisho.
Currently Selected:
EXODUS 2: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
EXODUS 2
2
Okudalwa kwaMoses nokuxupifwa kwaye
1Nomulumenhu umwe womepata laLevi okwa ya nokwa hombola omona waLevi. 2Nomwalikadi a ninga oufimba nokwa dala okaana okamati. Ndele ye eshi a mona nokutya, ko okawa, ye e ka holeka eehani nhatu. 3Ndelenee ye eshi ina dula vali oku ka holeka, okwe ka kufila okakefa komanenge nokwe ka hotifa eka, nokwa nangeka mo okaana ndele te ka tula momanenge pomunghulo waNil. 4Nomumwaina wako okakadona okwa li kwinya konima kanini, e ka mone nhumbi taka ningwa. 5Ndele okakadona omona waFarao okwa ya kuNil e ke likoshe mo, fimbo ovapiya vaye ovakainhu va endaenda komunghulo waNil. Ndele ye eshi a mona ko okakefa momanenge, okwa tuma ko omupiya waye nokwe ka kufa ko. 6Ye eshi e ka tuula, okwa mona okaana, ndele tala, ko oka li okaana okamati taka lili. Ndele ye okwe ka fila onghenda ndele ta ti: “Aka okamwe kounona oumati vOvaheberi.” 7Opo nee omumwaina wako okakadona ka tya komona okakadona kaFarao: “Owa hala ndi ku kongele omunyamifi movalikadi Ovaheberi, ye a nyamife okaana?” 8Ndele okakadona omona waFarao okwe mu nyamukula ta ti: “Heeno”. Okakadona oka tondoka noka ifana ina yokaana. 9Opo nee okakadona omona waFarao e mu lombwela ta ti: “Tambula okaana aka okamati u ka nyamifile nge nohandi ke ku futa. Nomwalikadi okwa tambula okamati nokwe ka nyamifa.” 10Ndelenee okaana eshi ka kula, okwe ka twala kokakadona omona waFarao. Nokwa ninga omona waye omumati. Ndele ye okwe mu luka Moses ndele ta ti: “Ame onde mu kufa momeva.”
11Ndele opa ningwa pomafiku enya Moses eshi a kula, okwa ya a ka talele po ovakwao, ovamwaxe nokwa mona oshilonga shavo shidjuu. Nokwa mona omulumenhu Omuegipiti nhumbi a denga omulumenhu Omuheberi, umwe womovakwao. 12Ndele ye okwa lengalenga kombinga nombinga ndele eshi a mona pehe na ovanhu, ye okwa dipaa Omuegipiti ndele te mu fudike medu. 13Mefiku lomongula ye okwa ya ko vali, ndele pa li ovalumenhu vavali Ovaheberi va dengafana. Opo nee ye a pula kwaau e noushima: “Oshike to dengele omukweni?” 14Ndele ye okwa nyamukula ta ti: “Olyelye e ku tula po u kale omwene nomutokoli wetu? Wa hala ngeno okudipaa nge, ngaashi wa dipaa Omuegipiti?” Ndele Moses okwa tila ndele ta ti: “Oshili, oshinima sha shiivika.”
Moses ta i onhapo kedu laMidian
15Ndele Farao eshi e di kundana, ye a konga Moses e mu dipae. Ndelenee Moses okwa yaFarao onhapo nokwa tula medu laMidian, ndele a kala omutumba pomufima umwe.
16Ndele omupristeli waMidian okwa li e novana oukadona vaheyali. Vo ove uya komufima okuteka omeva nokuxwiila oimuna yaxe. 17Ndelenee ovafita ve uya nove va taataa mo. Opo nee Moses okwa fikama nokwe va kwafa, ndele ta xwiile oimuna yavo. 18Ndele eshi ve uya kuxe yavo Rehuel ye okwa tya: “Ongahelipi mwa endelela nena?” 19Ndele vo tava nyamukula: “Omulumenhu Omuegipiti okwe tu popila kovafita. Nokwe tu tekela omeva ndele a xwiila oimuna.” 20Opo ye ta ti kovana vaye oukadona: “Ye oku li peni? Omolwashike mwe mu fiila ko? Mu ifaneni ye e uye okulya omungome.” 21Ndele Moses okwa hokwa po nokwa kala pomulumenhu ou, ndele ye okwe mu pa omona okakadona Sippora. 22Ndele ye eshi a dala okaana okamati, Moses okwe ka luka Gersom. Osheshi ye a tile: “Ame nda kala ngaashi omunailongo koilongo.”
23Ndele efimbo lile eshi la pita po, ohamba yaEgipiti oya fya. NOvaisraeli ova kuwa nokulila omolwoupika. Ndele onghuwo yavo molwoupika wavo oya fika kuKalunga. 24Ndele Kalunga okwa uda ekemo lavo, naKalunga okwa dimbulukwa ehangano laye naAbraham naIsak naJakob. 25Ndele Kalunga okwa tala Ovaisraeli, nokwe va kalela noshisho.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.