GENESIS 17
17
Abram ta lukululwa
1Omido daAbram eshi da ninga omilongo omugoi nomugoi, Omwene okwe mu lihololela ndele te mu lombwele ta ti: “Aame Kalunga Omunaenghono adishe! Kala nokweenda koshipala shange, opo u kale omuyuki. 2Ndele Ame nda hala okuninga ehangano pokati ketu naave noku ku hapupalifa neenghono.” 3Opo nee Abram okwa wila eombe ndele Kalunga okwa popya naye ta ti: 4“Tala, ehangano lange otali kala naave, ndele ove oto ka ninga xe yoiwana ihapu. 5Onghee hano ito ifanwa vali Abram, ndelenee Abraham, osheshi Ame ohandi ku ningi xe yoiwana ihapu. 6Ndele Ame ohandi ku pe oludalo lihapu unene: Ame ohandi ke ku ninga oiwana, neehamba otadi ka holoka mwoove. 7Ndele Ame ohandi ka ninga ehangano pokati ketu naave nomaludalo oye komapupi nomapupi ao, ngaashi ehangano laalushe, ndi kale Kalunga koye naKalunga koludalo loye tali ku shikula. 8Ndele Ame ohandi ku pe, noludalo tali ku shikula, edu eli loweendanandjila woye, edu alishe laKaanan, li ninge loye fiyo alushe. Ndele Ame ohandi ka kala Kalunga kavo.”
Ehangano lokupita etanda
9Kalunga okwa lombwela vali Abraham ta ti: “Ndelenee ove noludalo loye omu na okudiinina ehangano lange komapupi nomapupi. 10Ehangano lange eli mu na oku li diinina, eli li li pokati ketu nanye nopokati ketu noludalo loye tali ku shikula, nokutya, okamati keshe mokati keni otaka ka pitifwa etanda, 11nye omu na okuteta ko oshipa shokoxulo youlumenhu, ndele eshi oshi na okukala edidiliko lehangano lopokati ketu nanye. 12Okamati komafiku ahetatu keshe mokati keni oke na okupita etanda; okamati keshe komepata leni. Ou a dalelwa meumbo loye, naau a landwa noimaliwa kovanailongo, ou ehe fi womepata leni, 13ou a dalelwa meumbo loye naau we mu landa noimaliwa, oku na okupita etanda. Osho ngaha ehangano lange tali didilikwa mombelela yeni ngaashi ehangano laalushe. 14Ndele omulumenhu ou ina pita etanda, e na oshipa shokoxulo youlumenhu waye inashi tetwa ko, omunhu e li ngaha na kombwe mo muvakwao. Ye okwa teya ehangano lange.”
15Kalunga okwa lombwela vali Abraham ta ti: “Sarai, omwalikadi woye, ino mu ifana vali Sarai, ndele edina laye nali ninge Sara. 16Ndele Ame ohandi ke mu nangeka noupuna, ndele handi ku pe muye okaana okamati. Heeno, Ame ohandi ke mu nangeka noupuna, opo ye a ka ninge oiwana, neehamba doiwana tadi ka dja muye.” 17Opo nee Abraham okwa wila eombe ndele ta yolo, ndele te lipopile momutima waye: “Omunamido efele limwe ota ka dalelwa vali okaana? NaSara oku na omido omilongo omugoi, ota dala tuu vali?” 18Ndele Abraham okwa lombwela Kalunga: “Ngeno Ismael a kale e nomwenyo koshipala shoye!”
Okudalwa kwaIsak taku udanekwa
19Opo nee Kalunga okwa nyamukula ta ti: “Oshili, omwalikadi woye, Sara, ote ke ku dalela okaana okamati, ndele ou na oku ka luka Isak. Ndele Ame ohandi ka ninga ehangano nako, ehangano laalushe noludalo tali ka shikula. 20Neindilo ove we li indilila Ismael onde li uda. Tala, Ame ohandi mu nangeke noupuna ndele handi mu pe oludalo ndele handi mu hapupalifa neenghono. Muye otamu ka dja eehamba omulongo nambali, ndele Ame ohandi ke mu ninga oshiwana shinene. 21Ndelenee ehangano lange Ame ohandi ke li ninga naIsak, Sara ote ke mu ku dalela momudo tau uya pefimbo tuu eli.” 22Ndele Kalunga eshi a mana okupopya naye, okwa dja po puAbraham ndele ta i pombada.
Epitotanda
23Opo nee Abraham okwa kufa omona waye Ismael naaveshe ava va dalelwa meumbo laye, naaveshe ava va landwa noimaliwa, ovalumenhu aveshe mokati kovanhu vomeumbo laye, ndele te va kenghe mefiku tuu olo, ngaashi Kalunga e mu lombwela. 24Ndele omido daAbraham da li omilongo omugoi nomugoi, oshipa shonhele youlumenhu waye eshi sha tetwa ko. 25Ndele omido daIsmael, omona waye omumati da li omulongo nanhatu, oshipa shonhele youlumenhu waye eshi sha tetwa ko. 26Mefiku tuu olo limwe Abraham nomona waye Ismael omo va kenghwa, 27ndele ovalumenhu aveshe vomeumbo laye, ovo va dalelwa meumbo laye, novanailongo ava va landwa noimaliwa, ova kenghwa pamwe naye.
Currently Selected:
GENESIS 17: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
GENESIS 17
17
Abram ta lukululwa
1Omido daAbram eshi da ninga omilongo omugoi nomugoi, Omwene okwe mu lihololela ndele te mu lombwele ta ti: “Aame Kalunga Omunaenghono adishe! Kala nokweenda koshipala shange, opo u kale omuyuki. 2Ndele Ame nda hala okuninga ehangano pokati ketu naave noku ku hapupalifa neenghono.” 3Opo nee Abram okwa wila eombe ndele Kalunga okwa popya naye ta ti: 4“Tala, ehangano lange otali kala naave, ndele ove oto ka ninga xe yoiwana ihapu. 5Onghee hano ito ifanwa vali Abram, ndelenee Abraham, osheshi Ame ohandi ku ningi xe yoiwana ihapu. 6Ndele Ame ohandi ku pe oludalo lihapu unene: Ame ohandi ke ku ninga oiwana, neehamba otadi ka holoka mwoove. 7Ndele Ame ohandi ka ninga ehangano pokati ketu naave nomaludalo oye komapupi nomapupi ao, ngaashi ehangano laalushe, ndi kale Kalunga koye naKalunga koludalo loye tali ku shikula. 8Ndele Ame ohandi ku pe, noludalo tali ku shikula, edu eli loweendanandjila woye, edu alishe laKaanan, li ninge loye fiyo alushe. Ndele Ame ohandi ka kala Kalunga kavo.”
Ehangano lokupita etanda
9Kalunga okwa lombwela vali Abraham ta ti: “Ndelenee ove noludalo loye omu na okudiinina ehangano lange komapupi nomapupi. 10Ehangano lange eli mu na oku li diinina, eli li li pokati ketu nanye nopokati ketu noludalo loye tali ku shikula, nokutya, okamati keshe mokati keni otaka ka pitifwa etanda, 11nye omu na okuteta ko oshipa shokoxulo youlumenhu, ndele eshi oshi na okukala edidiliko lehangano lopokati ketu nanye. 12Okamati komafiku ahetatu keshe mokati keni oke na okupita etanda; okamati keshe komepata leni. Ou a dalelwa meumbo loye, naau a landwa noimaliwa kovanailongo, ou ehe fi womepata leni, 13ou a dalelwa meumbo loye naau we mu landa noimaliwa, oku na okupita etanda. Osho ngaha ehangano lange tali didilikwa mombelela yeni ngaashi ehangano laalushe. 14Ndele omulumenhu ou ina pita etanda, e na oshipa shokoxulo youlumenhu waye inashi tetwa ko, omunhu e li ngaha na kombwe mo muvakwao. Ye okwa teya ehangano lange.”
15Kalunga okwa lombwela vali Abraham ta ti: “Sarai, omwalikadi woye, ino mu ifana vali Sarai, ndele edina laye nali ninge Sara. 16Ndele Ame ohandi ke mu nangeka noupuna, ndele handi ku pe muye okaana okamati. Heeno, Ame ohandi ke mu nangeka noupuna, opo ye a ka ninge oiwana, neehamba doiwana tadi ka dja muye.” 17Opo nee Abraham okwa wila eombe ndele ta yolo, ndele te lipopile momutima waye: “Omunamido efele limwe ota ka dalelwa vali okaana? NaSara oku na omido omilongo omugoi, ota dala tuu vali?” 18Ndele Abraham okwa lombwela Kalunga: “Ngeno Ismael a kale e nomwenyo koshipala shoye!”
Okudalwa kwaIsak taku udanekwa
19Opo nee Kalunga okwa nyamukula ta ti: “Oshili, omwalikadi woye, Sara, ote ke ku dalela okaana okamati, ndele ou na oku ka luka Isak. Ndele Ame ohandi ka ninga ehangano nako, ehangano laalushe noludalo tali ka shikula. 20Neindilo ove we li indilila Ismael onde li uda. Tala, Ame ohandi mu nangeke noupuna ndele handi mu pe oludalo ndele handi mu hapupalifa neenghono. Muye otamu ka dja eehamba omulongo nambali, ndele Ame ohandi ke mu ninga oshiwana shinene. 21Ndelenee ehangano lange Ame ohandi ke li ninga naIsak, Sara ote ke mu ku dalela momudo tau uya pefimbo tuu eli.” 22Ndele Kalunga eshi a mana okupopya naye, okwa dja po puAbraham ndele ta i pombada.
Epitotanda
23Opo nee Abraham okwa kufa omona waye Ismael naaveshe ava va dalelwa meumbo laye, naaveshe ava va landwa noimaliwa, ovalumenhu aveshe mokati kovanhu vomeumbo laye, ndele te va kenghe mefiku tuu olo, ngaashi Kalunga e mu lombwela. 24Ndele omido daAbraham da li omilongo omugoi nomugoi, oshipa shonhele youlumenhu waye eshi sha tetwa ko. 25Ndele omido daIsmael, omona waye omumati da li omulongo nanhatu, oshipa shonhele youlumenhu waye eshi sha tetwa ko. 26Mefiku tuu olo limwe Abraham nomona waye Ismael omo va kenghwa, 27ndele ovalumenhu aveshe vomeumbo laye, ovo va dalelwa meumbo laye, novanailongo ava va landwa noimaliwa, ova kenghwa pamwe naye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.