GENESIS 34
34
Dina naSekem
1Ndele Dina, omona waLea, ou a dalela Jakob, okwa ya a ka talele po ovalikadi vomoshilongo. 2Opo nee Sekem, omona waHamor, Omuhevi, ohamba yoshikandjo, eshi e mu mona, ye okwe mu kwata ndele ta nangala naye kefininiko. 3Ndele omwenyo waye wa kwatafana naDina yaJakob. Ndele ye okwa li e hole okakadona aka nokwa hafifa omutima wokakadona. 4Sekem okwa popya naxe Hamor nokwa tya: “Indilile nge okakadona aka ka ninge omwalikadi wange.” 5Jakob eshi a uda nokutya, omona waye Dina okwa fifwa ohoni, ovana vaye ovamati ova li poimuna mofuka. Ndele Jakob okwa mwena fiyo otave uya po. 6Ndele Hamor, xe yaSekem, okwa ya kuJakob, a popye naye. 7Novana vaJakob ove uya va dja koufita. Vo eshi ve shi uda, ova uda onya nova handuka unene, shaashi ye okwa ninga oshififahoni muIsrael, eshi a nangala nomona waJakob. Osheshi oshilonga sha tya ngaha ihashi longwa nande.
8Opo nee Hamor okwa popya navo ndele ta ti: “Omumwange Sekem omwenyo waye okwe u mangeleka kokakadona komoludalo leni, hano mu peni omwalikadi waye. 9Ndele tu putulafaneni, nye otamu tu pe ovana veni oukadona, nye otamu putula ovana vetu oukadona. 10Kaleni pufye. Oshilongo oshosho, kaleni nokweendaenda musho nokulimonena omapya.” 11Ndele Sekem okwa lombwela xe yaDina novamwaxe: “Nandi filwe onghenda momesho eni nakeshe eshi tamu shi pula nge, ame ohandi ke shi yandja. 12Pulei nge ofuto ei mwa hala, nomilongelo, naame ohandi ke i mu pa ngaashi tamu lombwele nge; shamha handi pewa okakadona ka ninge omwalikadi wange.”
13Opo nee ovana vaJakob va nyamukula Sekem naxe Hamor nelungi, shaashi winya okwa fifa ohoni mumwaina Dina, 14ndele tava ti kuvo: “Fye itatu dulu oku shi ninga, tu yandje ngeno omumwameme okakadona komulumenhu ina pita etanda, osheshi oshinima osho oshififahoni kufye. 15Ashike ohatu dulu oku shi itavela, ngeenge ovalumenhu aveshe ava ve li mokati keni tava pitifwa etanda. 16Opo nee fye ohatu ke mu pa oukadona vetu nafye ohatu ka hombola oukadona veni. Ndele fye ohatu ka kala punye nokuninga oshiwana shimwe. 17Ndelenee ngeenge itamu tu pwilikine mu pite etanda, ohatu kufa ko omumwameme okakadona, ndele hatu di po.”
18Neendjovo davo oda li diwa momatwi aHamor nomomatwi aSekem, omona waye. 19Nomulumenhu omunyasha ina ongaonga oku shi ninga, osheshi ye okwa li e hole unene omona okakadona kaJakob, ndele ye okwa li a fimana komesho yavakwao meumbo laxe.
20Opo nee Hamor nomona waye Sekem va ya koshivelo shoshilando shavo ndele va popya novalumenhu vomoshilando shavo, tava ti: 21“Ovalumenhu venya ove na ombili nafye. Onghee nava itavelelwe okukala moshilongo nokweendaenda musho. Edu olinene ola mbwalangadja keembinga adishe nokuvo yo. Fye ohatu dulu okuhombola oukadona vavo, nafye natu yandjeni oukadona vetu kuvo. 22Ndelenee ovalumenhu venya otava itavele okukala pufye nokuninga oshiwana shimwe nafye, ashike ongeenge ovalumenhu aveshe ava ve li mokati ketu tava piti etanda, ngaashi venya va pita etanda. 23Oimuna yavo nomaliko avo noinamwenyo yavo aishe, itai ka ninga ngeno yetu? Natu itaveleni hano, opo va kale pufye.” 24Ndele vo ova pwilikina Hamor nomona waye Sekem, aveshe ava va pita mo moshivelo shoshilando. Novalumenhu aveshe va pitifwa etanda, aveshe ava va pita mo moshivelo shoshilando shaye.
Omadipao muSekem
25Ndelenee mefiku etitatu vo eshi va li nouyehame wokuvela, Simeon naLevi, ovana vavali vaJakob novamwaina vaDina, ova kufa keshe umwe eongamukonda laye, ndele vo va tondokela oshilando, manga inashi fekela sha, ndee vo va dipaa ovalumenhu aveshe. 26Vo ova dipaa yo Hamor, nomona waye Sekem keongamukonda. Opo nee va kufa mo Dina meumbo laSekem ndele va dja ko naye. 27Ovana ovamati vaJakob va tondokela oonakudipawa ndele va tinha oshilando, osheshi venya ova li va fifa ohoni mumwaina. 28Vo ova kufa po eedi davo noikombo yavo, neengobe davo neendongi davo edi da li moshilando naado da li moixwa. 29Nomamona avo aeshe novana vavo aveshe novalikadi vavo aveshe ve va twala eenghwate noshihakanwa, nosho yo aishe ei ya li momaumbo.
30Opo nee Jakob a lombwela Simeon naLevi ta ti: “Nye omwa twala nge momupya nomokuhandukilwa koonakukala moshilongo eshi nokOvakaanan nokOvaperesi. Ongudu yange oinini. Ngeenge va hangakene nge, otava ka dula nge, naame nepata lange otali ka kombwa po.” 31Opo nee vo va nyamukula tava ti: “Omolwashike hano ye a kala namumwameme, ngaashi ta ka kala nombwada?”
Currently Selected:
GENESIS 34: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
GENESIS 34
34
Dina naSekem
1Ndele Dina, omona waLea, ou a dalela Jakob, okwa ya a ka talele po ovalikadi vomoshilongo. 2Opo nee Sekem, omona waHamor, Omuhevi, ohamba yoshikandjo, eshi e mu mona, ye okwe mu kwata ndele ta nangala naye kefininiko. 3Ndele omwenyo waye wa kwatafana naDina yaJakob. Ndele ye okwa li e hole okakadona aka nokwa hafifa omutima wokakadona. 4Sekem okwa popya naxe Hamor nokwa tya: “Indilile nge okakadona aka ka ninge omwalikadi wange.” 5Jakob eshi a uda nokutya, omona waye Dina okwa fifwa ohoni, ovana vaye ovamati ova li poimuna mofuka. Ndele Jakob okwa mwena fiyo otave uya po. 6Ndele Hamor, xe yaSekem, okwa ya kuJakob, a popye naye. 7Novana vaJakob ove uya va dja koufita. Vo eshi ve shi uda, ova uda onya nova handuka unene, shaashi ye okwa ninga oshififahoni muIsrael, eshi a nangala nomona waJakob. Osheshi oshilonga sha tya ngaha ihashi longwa nande.
8Opo nee Hamor okwa popya navo ndele ta ti: “Omumwange Sekem omwenyo waye okwe u mangeleka kokakadona komoludalo leni, hano mu peni omwalikadi waye. 9Ndele tu putulafaneni, nye otamu tu pe ovana veni oukadona, nye otamu putula ovana vetu oukadona. 10Kaleni pufye. Oshilongo oshosho, kaleni nokweendaenda musho nokulimonena omapya.” 11Ndele Sekem okwa lombwela xe yaDina novamwaxe: “Nandi filwe onghenda momesho eni nakeshe eshi tamu shi pula nge, ame ohandi ke shi yandja. 12Pulei nge ofuto ei mwa hala, nomilongelo, naame ohandi ke i mu pa ngaashi tamu lombwele nge; shamha handi pewa okakadona ka ninge omwalikadi wange.”
13Opo nee ovana vaJakob va nyamukula Sekem naxe Hamor nelungi, shaashi winya okwa fifa ohoni mumwaina Dina, 14ndele tava ti kuvo: “Fye itatu dulu oku shi ninga, tu yandje ngeno omumwameme okakadona komulumenhu ina pita etanda, osheshi oshinima osho oshififahoni kufye. 15Ashike ohatu dulu oku shi itavela, ngeenge ovalumenhu aveshe ava ve li mokati keni tava pitifwa etanda. 16Opo nee fye ohatu ke mu pa oukadona vetu nafye ohatu ka hombola oukadona veni. Ndele fye ohatu ka kala punye nokuninga oshiwana shimwe. 17Ndelenee ngeenge itamu tu pwilikine mu pite etanda, ohatu kufa ko omumwameme okakadona, ndele hatu di po.”
18Neendjovo davo oda li diwa momatwi aHamor nomomatwi aSekem, omona waye. 19Nomulumenhu omunyasha ina ongaonga oku shi ninga, osheshi ye okwa li e hole unene omona okakadona kaJakob, ndele ye okwa li a fimana komesho yavakwao meumbo laxe.
20Opo nee Hamor nomona waye Sekem va ya koshivelo shoshilando shavo ndele va popya novalumenhu vomoshilando shavo, tava ti: 21“Ovalumenhu venya ove na ombili nafye. Onghee nava itavelelwe okukala moshilongo nokweendaenda musho. Edu olinene ola mbwalangadja keembinga adishe nokuvo yo. Fye ohatu dulu okuhombola oukadona vavo, nafye natu yandjeni oukadona vetu kuvo. 22Ndelenee ovalumenhu venya otava itavele okukala pufye nokuninga oshiwana shimwe nafye, ashike ongeenge ovalumenhu aveshe ava ve li mokati ketu tava piti etanda, ngaashi venya va pita etanda. 23Oimuna yavo nomaliko avo noinamwenyo yavo aishe, itai ka ninga ngeno yetu? Natu itaveleni hano, opo va kale pufye.” 24Ndele vo ova pwilikina Hamor nomona waye Sekem, aveshe ava va pita mo moshivelo shoshilando. Novalumenhu aveshe va pitifwa etanda, aveshe ava va pita mo moshivelo shoshilando shaye.
Omadipao muSekem
25Ndelenee mefiku etitatu vo eshi va li nouyehame wokuvela, Simeon naLevi, ovana vavali vaJakob novamwaina vaDina, ova kufa keshe umwe eongamukonda laye, ndele vo va tondokela oshilando, manga inashi fekela sha, ndee vo va dipaa ovalumenhu aveshe. 26Vo ova dipaa yo Hamor, nomona waye Sekem keongamukonda. Opo nee va kufa mo Dina meumbo laSekem ndele va dja ko naye. 27Ovana ovamati vaJakob va tondokela oonakudipawa ndele va tinha oshilando, osheshi venya ova li va fifa ohoni mumwaina. 28Vo ova kufa po eedi davo noikombo yavo, neengobe davo neendongi davo edi da li moshilando naado da li moixwa. 29Nomamona avo aeshe novana vavo aveshe novalikadi vavo aveshe ve va twala eenghwate noshihakanwa, nosho yo aishe ei ya li momaumbo.
30Opo nee Jakob a lombwela Simeon naLevi ta ti: “Nye omwa twala nge momupya nomokuhandukilwa koonakukala moshilongo eshi nokOvakaanan nokOvaperesi. Ongudu yange oinini. Ngeenge va hangakene nge, otava ka dula nge, naame nepata lange otali ka kombwa po.” 31Opo nee vo va nyamukula tava ti: “Omolwashike hano ye a kala namumwameme, ngaashi ta ka kala nombwada?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.