GENESIS 37
37
Eendjodi daJosef
1Ndele Jakob okwa kala moshilongo shinya, xe a li mo omunailongo, medu laKaanan. 2Eli ehepaululo lepata laJakob:
Josef eshi a wanifa omido omulongo naheyali okwa li ha lifa eedi pamwe novamwaxe. Ye okwa li omunyasha natango, nokwa kala pamwe novana vaBilha novaSilpa, ovalikadi vaxe. Ndele Josef okwa hepaululila xe eendjovo dii da popiwa kuvo. 3Ndele Israel okwa li e hole Josef komesho yovana vaye aveshe ovamati. Osheshi ye okwa li omona waye womoukulupe waye, ndele Israel okwe mu hondjifila oshikutu shile shi nomaoko male. 4Ovamwaxe eshi va mona nokutya, oku holike kuxe komesho yovamwaxe aveshe, vo ove mu tonda, ndele inava shiiva vali okupopya naye nombili.
5Josef okwa twa yo ondjodi, ndee okwe i hepaululila ovamwaxe. Onghee tuu vo ve mu tonda unene. 6Osheshi ye okwe va lombwela ta ti: “Pwilikineni ondjodi ei nda twa. 7Taleni, fye otwa li twa manga oipandi yoilya mepya, opo divadiva oshipandi shange osha kala ofika, fimbo oipandi yeni ye uya ye shi dingilila, ndele yo oye linyongamena koshipandi shange.” 8Opo nee ovamwaxe ove mu lombwela tava ti: “Ove oto ke tu pangela mbela ile oto ka ninga ohamba yetu?” Ndele ove mu tonda unene shi dule nale, molweendjodi daye nomolweendjovo daye. 9Efiku limwe ye okwa twa vali ondjodi imwe, ndele te i hepaululile ovamwaxe ndele ta ti: “Taleni, ame onda twa vali ondjodi: etango nohani neenyofi omulongo naimwe de linyongamena koshipala shange.” 10Ye eshi e shi hepaululila xe novamwaxe, xe okwe mu handukila ndele ta ti kuye: “Ondjodi oyo wa twa oya tya ngahelipi oyo? Fye nanyoko novamwaxo otu na mbela okuuya tu wile eombe koshipala shoye?” 11Ndele ovamwaxe ove mu twila ondubo, ndelenee xe okwa dimbulukwa eendjovo odo.
Josef ta landwa po kOvaismael
12Ndele ovamwaxe va ya va ka life eedi daxe popepi naSekem. 13Opo nee Israel okwa lombwela Josef ta ti: “Ovamwaxo otava lifa oimuna popepi naSekem.” Ila, ndi ku tume kuvo. Ndele ye okwe mu nyamukula ta ti: “Aame ou!” 14Opo nee ye okwe mu lombwela ta ti: “Inda hano u ka tale ovamwaxo nhumbi ve li, noimuna nhumbi i li, opo u aluke u shiivifile nge.” Osho ngaha hano ye okwe mu tuma a dja mefilu laHebron ndele te uya kuSekem. 15Omulumenhu umwe okwe mu shakeneka moixwa, nomulumenhu okwe mu pula ta ti: “Oto kongo shike?” 16Ndele ye okwa nyamukula ta ti: “Ame ohandi kongo ovamwatate. Lombwele nge apa tava lifa oimuna.” 17Opo nee omulumenhu okwe mu lombwela: “Vo ova dja po apa, osheshi ame nda uda tava ti: ‘Natu yeni kuDotan.’ ” Ndele Josef okwa shikula ovamwaxe nokwe va hanga muDotan. 18Ndele vo ove mu monena kokule. Ndelenee fimbo ye ina fika kuvo, vo ova pangela omhangela mekengelelo ve mu dipae. 19Ndele vo ova tongafana tava ti: “Omutwi weendjodi oyoo ta di oko! 20Ne uye tu mu dipaeni fye tu mu ekele melambo, ndele hatu ti kutya oshifitukuti she mu lya po; tu tale nee eendjodi daye eshi tadi wanifwa.” 21Opo nee Ruben eshi e shi uda okwe mu xupifa mo momake avo eshi a tya: “Inatu mu dipaeni.” 22Ruben okwe va lombwela vali ta ti: “Inamu tilashi ohonde. Mu ekeleni melambo eli li li mofuka, ndelenee nye inamu mu kuma neke,” opo ye a shiive oku mu xupifa momake avo noku mu shunifa kuxe. 23Ndele Josef eshi e uya kovamwaxe, ova dula Josef oshikutu shaye shi na omaoko male osho a li a djala. 24Ndele vo ove mu kufa ndele ove mu ekela melambo.
25Ndele tava kala omutumba tava li eendja. Ndele vo eshi va yelula omesho, ova mona divadiva osheendo shOvaismaeli tashi di kuGilead notashi yuka kuEgipiti. Eengamelo davo da li da humbata eka, nomaadi abalsam noidimba yomirha. 26Opo nee Juda okwa lombwela ovamwaxe ta ti: “Otashi tu kwafa shike ngeenge hatu dipaa omumwatate, ndele hatu holeke ohonde yaye? 27Ileni, natu mu landife po kOvaismael, ndelenee inatu mu kumeni nomake, osheshi ye omumwatate, onhumba yetu.” Novamwaxe ve mu uda. 28Ndele ovashingifi vokuMidian eshi va enda po, vo ova kufa Josef melambo ndele ve mu landifa po kOvaismael neesekeli doshisiliveli omilongo mbali. Ndele vo ova twala Josef kuEgipiti.
29Opo nee Ruben eshi e uya kelambo, Josef ine mu hanga mo melambo! Onghee ye okwa pombaula oshikutu shaye, 30ndele ye okwa ya kovamwaxe ndele ta ti: “Omumati ke mo! Ame ohandi yuka peni?”
Jakob ta lili eefya daJosef
31Opo nee vo ova kufa oshikutu shaJosef ndee va dipaa oshikombo ndele va dedaula oshikutu mohonde, 32ndele vo ova kufa oshikutu eshi shile ndele tave shi tumine xe neendjovo edi: “Oshikutu eshi otwe shi toola. Tala nawa, ngeenge osho oshikutu shomumwoye.” 33Ndele ye eshi e shi tala okwa tya: “Oshikutu oshomumwange! Oshifitukuti she mu lya! A nyanyaulwa. Josef a nyanyaulwa!” 34Opo nee Jakob okwa pombaula oikutu yaye ndee okwa djala oshikutu sheefya moshiya. Ndele ye okwa lila omona waye omafiku mahapu. 35Novana vaye ovamati aveshe noukadona vaye aveshe va kendabala oku mu hekeleka, ndele ye okwa anya okuhekelekwa, ndele ta ti: “Ahowe, ohandi ka ya komumwange moshovafi nokunyika oluhodi!” Osho ngaha xe okwe mu lila. 36Ovamidian ova twala Josef kuEgipiti ndele tave mu landifa po kuPotifar, elenga ekulunhu lomatanga ovanangeli vaFarao.
Currently Selected:
GENESIS 37: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
GENESIS 37
37
Eendjodi daJosef
1Ndele Jakob okwa kala moshilongo shinya, xe a li mo omunailongo, medu laKaanan. 2Eli ehepaululo lepata laJakob:
Josef eshi a wanifa omido omulongo naheyali okwa li ha lifa eedi pamwe novamwaxe. Ye okwa li omunyasha natango, nokwa kala pamwe novana vaBilha novaSilpa, ovalikadi vaxe. Ndele Josef okwa hepaululila xe eendjovo dii da popiwa kuvo. 3Ndele Israel okwa li e hole Josef komesho yovana vaye aveshe ovamati. Osheshi ye okwa li omona waye womoukulupe waye, ndele Israel okwe mu hondjifila oshikutu shile shi nomaoko male. 4Ovamwaxe eshi va mona nokutya, oku holike kuxe komesho yovamwaxe aveshe, vo ove mu tonda, ndele inava shiiva vali okupopya naye nombili.
5Josef okwa twa yo ondjodi, ndee okwe i hepaululila ovamwaxe. Onghee tuu vo ve mu tonda unene. 6Osheshi ye okwe va lombwela ta ti: “Pwilikineni ondjodi ei nda twa. 7Taleni, fye otwa li twa manga oipandi yoilya mepya, opo divadiva oshipandi shange osha kala ofika, fimbo oipandi yeni ye uya ye shi dingilila, ndele yo oye linyongamena koshipandi shange.” 8Opo nee ovamwaxe ove mu lombwela tava ti: “Ove oto ke tu pangela mbela ile oto ka ninga ohamba yetu?” Ndele ove mu tonda unene shi dule nale, molweendjodi daye nomolweendjovo daye. 9Efiku limwe ye okwa twa vali ondjodi imwe, ndele te i hepaululile ovamwaxe ndele ta ti: “Taleni, ame onda twa vali ondjodi: etango nohani neenyofi omulongo naimwe de linyongamena koshipala shange.” 10Ye eshi e shi hepaululila xe novamwaxe, xe okwe mu handukila ndele ta ti kuye: “Ondjodi oyo wa twa oya tya ngahelipi oyo? Fye nanyoko novamwaxo otu na mbela okuuya tu wile eombe koshipala shoye?” 11Ndele ovamwaxe ove mu twila ondubo, ndelenee xe okwa dimbulukwa eendjovo odo.
Josef ta landwa po kOvaismael
12Ndele ovamwaxe va ya va ka life eedi daxe popepi naSekem. 13Opo nee Israel okwa lombwela Josef ta ti: “Ovamwaxo otava lifa oimuna popepi naSekem.” Ila, ndi ku tume kuvo. Ndele ye okwe mu nyamukula ta ti: “Aame ou!” 14Opo nee ye okwe mu lombwela ta ti: “Inda hano u ka tale ovamwaxo nhumbi ve li, noimuna nhumbi i li, opo u aluke u shiivifile nge.” Osho ngaha hano ye okwe mu tuma a dja mefilu laHebron ndele te uya kuSekem. 15Omulumenhu umwe okwe mu shakeneka moixwa, nomulumenhu okwe mu pula ta ti: “Oto kongo shike?” 16Ndele ye okwa nyamukula ta ti: “Ame ohandi kongo ovamwatate. Lombwele nge apa tava lifa oimuna.” 17Opo nee omulumenhu okwe mu lombwela: “Vo ova dja po apa, osheshi ame nda uda tava ti: ‘Natu yeni kuDotan.’ ” Ndele Josef okwa shikula ovamwaxe nokwe va hanga muDotan. 18Ndele vo ove mu monena kokule. Ndelenee fimbo ye ina fika kuvo, vo ova pangela omhangela mekengelelo ve mu dipae. 19Ndele vo ova tongafana tava ti: “Omutwi weendjodi oyoo ta di oko! 20Ne uye tu mu dipaeni fye tu mu ekele melambo, ndele hatu ti kutya oshifitukuti she mu lya po; tu tale nee eendjodi daye eshi tadi wanifwa.” 21Opo nee Ruben eshi e shi uda okwe mu xupifa mo momake avo eshi a tya: “Inatu mu dipaeni.” 22Ruben okwe va lombwela vali ta ti: “Inamu tilashi ohonde. Mu ekeleni melambo eli li li mofuka, ndelenee nye inamu mu kuma neke,” opo ye a shiive oku mu xupifa momake avo noku mu shunifa kuxe. 23Ndele Josef eshi e uya kovamwaxe, ova dula Josef oshikutu shaye shi na omaoko male osho a li a djala. 24Ndele vo ove mu kufa ndele ove mu ekela melambo.
25Ndele tava kala omutumba tava li eendja. Ndele vo eshi va yelula omesho, ova mona divadiva osheendo shOvaismaeli tashi di kuGilead notashi yuka kuEgipiti. Eengamelo davo da li da humbata eka, nomaadi abalsam noidimba yomirha. 26Opo nee Juda okwa lombwela ovamwaxe ta ti: “Otashi tu kwafa shike ngeenge hatu dipaa omumwatate, ndele hatu holeke ohonde yaye? 27Ileni, natu mu landife po kOvaismael, ndelenee inatu mu kumeni nomake, osheshi ye omumwatate, onhumba yetu.” Novamwaxe ve mu uda. 28Ndele ovashingifi vokuMidian eshi va enda po, vo ova kufa Josef melambo ndele ve mu landifa po kOvaismael neesekeli doshisiliveli omilongo mbali. Ndele vo ova twala Josef kuEgipiti.
29Opo nee Ruben eshi e uya kelambo, Josef ine mu hanga mo melambo! Onghee ye okwa pombaula oshikutu shaye, 30ndele ye okwa ya kovamwaxe ndele ta ti: “Omumati ke mo! Ame ohandi yuka peni?”
Jakob ta lili eefya daJosef
31Opo nee vo ova kufa oshikutu shaJosef ndee va dipaa oshikombo ndele va dedaula oshikutu mohonde, 32ndele vo ova kufa oshikutu eshi shile ndele tave shi tumine xe neendjovo edi: “Oshikutu eshi otwe shi toola. Tala nawa, ngeenge osho oshikutu shomumwoye.” 33Ndele ye eshi e shi tala okwa tya: “Oshikutu oshomumwange! Oshifitukuti she mu lya! A nyanyaulwa. Josef a nyanyaulwa!” 34Opo nee Jakob okwa pombaula oikutu yaye ndee okwa djala oshikutu sheefya moshiya. Ndele ye okwa lila omona waye omafiku mahapu. 35Novana vaye ovamati aveshe noukadona vaye aveshe va kendabala oku mu hekeleka, ndele ye okwa anya okuhekelekwa, ndele ta ti: “Ahowe, ohandi ka ya komumwange moshovafi nokunyika oluhodi!” Osho ngaha xe okwe mu lila. 36Ovamidian ova twala Josef kuEgipiti ndele tave mu landifa po kuPotifar, elenga ekulunhu lomatanga ovanangeli vaFarao.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.