GENESIS 48
48
Jakob ta nangeke noupuna ovana vaJosef
1Komesho yoinima ei vo ova shiivifila Josef tava ti: “Tala, xo ota vele.” Opo nee ye okwa kufa ovana vaye vavali ovamati, Manasse naEfraim pamwe naye. 2Ndele vo ova lombwela Jakob, tava ti: “Tala, omumwoye Josef ote uya kwoove.” Opo nee Jakob okwe liongela eenghono daye ndele ta kala omutumba kombete yaye. 3Ndele Jakob okwa lombwela Josef ta ti: “Kalunga Omunaenghono adishe okwe liholola kwaame muLus, moshilongo shaKaanan, nokwa nangeka nge noupuna, 4ndele okwa lombwela nge ta ti: ‘Tala, Ame ohandi ke ku dalifa oludalo ndele handi ku hapupalifa ndele to ningi eemhunga doiwana, noludalo loye ohandi li pe edu eli, li ninge lavo fiyo alushe.’ 5Ovamwoye vavali, ve ku dalelwa muEgipiti, fimbo inandi uya kwoove kuEgipiti, vo ovange: Efraim naManasse. Vo otava ka kala vange ngaashi Ruben naSimeon. 6Ovamwoye we va dala va shikula venya, ovoye. Oitukulilwa yaavenya otai lukilwa ovamwaxe. 7Ndele ame eshi nda dja muPaddan, Rakel okwa fila moshilongo shaKaanan mondjila, eshi pa li ashike okanano kanini okufika kuEfrat.” Oko nde mu paka pomunghulo wondjila yokuya kuEfrat nokutya, Betlehem.
8Israel eshi a mona ovana ovamati vaJosef okwa tya: “Ovo oolyelye?” 9Ndele Josef okwa nyamukula xe ndele ta ti: “Ovo ovana vange Kalunga e va pela nge apa.” Ndele Jakob ta ti: “Va eta oku kwaame ndi shiive oku va nangeka noupuna.” 10Ndelenee omesho aIsrael a li a twika oshiwiwili molwoukulupe, ke wete ko. Ndele Josef eshi e va eta kuye, ye okwe va fipa komilungu nokwe va papatela momaoko. 11Ndele Israel okwa lombwela Josef: “Ame kanda li nde shi diladila vali okumona oshipala shoye, ndele tala, Kalunga okwa monifa nge oludalo loye yo.” 12Opo nee Josef okwe va kufa ko komatundji aye, nokwa twa eengolo koshipala shaye nokwe linyongamena poshi. 13Opo nee Josef okwe va kwata ava aveshe vavali; Efraim okwe mu kwatifa olulyo laye la taalela olumosho laIsrael. Manasse okwe mu kwatifa olumosho laye la taalela olulyo laIsrael, nosho hano ngaha okwe va twala kuye. 14Ndele Israel okwa twala ko olulyo laye ndele te li tenheke komutwe waEfraim, nande ye okwa li ondenge yamukwao, nolumosho laye kwe li tenheka komutwe waManasse. Hano a shiyakanifa omake aye, osheshi Manasse okwa li omukulunhu kumukwao. 15Ndele ye okwa nangeka noupuna Josef, ndele ta ti:
“Kalunga, Oove Kalunga ootatekulu Abraham naIsak,
va endaenda koshipala shoye,
Kalunga, ou wa li Omufita wange,
okudja kokudalwa kwange fiyo onena eli,
16Omweengeli, ou a xupifa nge moudjuu keshe,
oye na nangeke noupuna ovana ava ovamati,
nedina lange nolootatekulu Abraham naIsak
nali kale li na omwenyo muvo,
vo ove na okuhapupala
vahapu vahapu kombada yedu!”
17Josef eshi a mona xe a tenheka eke laye lokolulyo komutwe waEfraim, kasha li she mu wapalela, onghee okwa kwata eke laxe e li lundulule, li dje ko komutwe waEfraim, ye e li tenhekulule komutwe waManasse. 18Josef okwa lombwela xe: “Ahowe, tate, osheshi ou oshiveli, olulyo loye li tenheka komutwe waye.” 19Xe okwa anya ndele ta ti: “Ondi shi shii, mumwange, ondi shi shii! Nomuye otamu di oshiwana, naye yo ota ka ninga munene a fimana. Ndelenee ondenge yaye otai mu dulu, noludalo laye tali ka ninga oiwana.” 20Ndele ye okwe va nangeka noupuna mefiku tuu olo ndele ta ti: “Ovaisraeli nava tumbule edina loye, ngeenge tava nangeke noupuna ndele tava popi tava ti: ‘Kalunga ne ku fefife Efraim naManasse.’ ” Nosho ngaha a tula Efraim komesho yaManasse. 21Ndele Israel okwa lombwela Josef ta ti: “Ame ondi li pokufya, ndelenee Kalunga ota kala pamwe nanye, ndele te mu shunifa koshilongo shooxokulu. 22Ndele ame ohandi ku pe oshikandjo shi dule shovamwaxo, osho nda kwata mOvaamori keenghono deongamukonda nouta.”
Currently Selected:
GENESIS 48: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
GENESIS 48
48
Jakob ta nangeke noupuna ovana vaJosef
1Komesho yoinima ei vo ova shiivifila Josef tava ti: “Tala, xo ota vele.” Opo nee ye okwa kufa ovana vaye vavali ovamati, Manasse naEfraim pamwe naye. 2Ndele vo ova lombwela Jakob, tava ti: “Tala, omumwoye Josef ote uya kwoove.” Opo nee Jakob okwe liongela eenghono daye ndele ta kala omutumba kombete yaye. 3Ndele Jakob okwa lombwela Josef ta ti: “Kalunga Omunaenghono adishe okwe liholola kwaame muLus, moshilongo shaKaanan, nokwa nangeka nge noupuna, 4ndele okwa lombwela nge ta ti: ‘Tala, Ame ohandi ke ku dalifa oludalo ndele handi ku hapupalifa ndele to ningi eemhunga doiwana, noludalo loye ohandi li pe edu eli, li ninge lavo fiyo alushe.’ 5Ovamwoye vavali, ve ku dalelwa muEgipiti, fimbo inandi uya kwoove kuEgipiti, vo ovange: Efraim naManasse. Vo otava ka kala vange ngaashi Ruben naSimeon. 6Ovamwoye we va dala va shikula venya, ovoye. Oitukulilwa yaavenya otai lukilwa ovamwaxe. 7Ndele ame eshi nda dja muPaddan, Rakel okwa fila moshilongo shaKaanan mondjila, eshi pa li ashike okanano kanini okufika kuEfrat.” Oko nde mu paka pomunghulo wondjila yokuya kuEfrat nokutya, Betlehem.
8Israel eshi a mona ovana ovamati vaJosef okwa tya: “Ovo oolyelye?” 9Ndele Josef okwa nyamukula xe ndele ta ti: “Ovo ovana vange Kalunga e va pela nge apa.” Ndele Jakob ta ti: “Va eta oku kwaame ndi shiive oku va nangeka noupuna.” 10Ndelenee omesho aIsrael a li a twika oshiwiwili molwoukulupe, ke wete ko. Ndele Josef eshi e va eta kuye, ye okwe va fipa komilungu nokwe va papatela momaoko. 11Ndele Israel okwa lombwela Josef: “Ame kanda li nde shi diladila vali okumona oshipala shoye, ndele tala, Kalunga okwa monifa nge oludalo loye yo.” 12Opo nee Josef okwe va kufa ko komatundji aye, nokwa twa eengolo koshipala shaye nokwe linyongamena poshi. 13Opo nee Josef okwe va kwata ava aveshe vavali; Efraim okwe mu kwatifa olulyo laye la taalela olumosho laIsrael. Manasse okwe mu kwatifa olumosho laye la taalela olulyo laIsrael, nosho hano ngaha okwe va twala kuye. 14Ndele Israel okwa twala ko olulyo laye ndele te li tenheke komutwe waEfraim, nande ye okwa li ondenge yamukwao, nolumosho laye kwe li tenheka komutwe waManasse. Hano a shiyakanifa omake aye, osheshi Manasse okwa li omukulunhu kumukwao. 15Ndele ye okwa nangeka noupuna Josef, ndele ta ti:
“Kalunga, Oove Kalunga ootatekulu Abraham naIsak,
va endaenda koshipala shoye,
Kalunga, ou wa li Omufita wange,
okudja kokudalwa kwange fiyo onena eli,
16Omweengeli, ou a xupifa nge moudjuu keshe,
oye na nangeke noupuna ovana ava ovamati,
nedina lange nolootatekulu Abraham naIsak
nali kale li na omwenyo muvo,
vo ove na okuhapupala
vahapu vahapu kombada yedu!”
17Josef eshi a mona xe a tenheka eke laye lokolulyo komutwe waEfraim, kasha li she mu wapalela, onghee okwa kwata eke laxe e li lundulule, li dje ko komutwe waEfraim, ye e li tenhekulule komutwe waManasse. 18Josef okwa lombwela xe: “Ahowe, tate, osheshi ou oshiveli, olulyo loye li tenheka komutwe waye.” 19Xe okwa anya ndele ta ti: “Ondi shi shii, mumwange, ondi shi shii! Nomuye otamu di oshiwana, naye yo ota ka ninga munene a fimana. Ndelenee ondenge yaye otai mu dulu, noludalo laye tali ka ninga oiwana.” 20Ndele ye okwe va nangeka noupuna mefiku tuu olo ndele ta ti: “Ovaisraeli nava tumbule edina loye, ngeenge tava nangeke noupuna ndele tava popi tava ti: ‘Kalunga ne ku fefife Efraim naManasse.’ ” Nosho ngaha a tula Efraim komesho yaManasse. 21Ndele Israel okwa lombwela Josef ta ti: “Ame ondi li pokufya, ndelenee Kalunga ota kala pamwe nanye, ndele te mu shunifa koshilongo shooxokulu. 22Ndele ame ohandi ku pe oshikandjo shi dule shovamwaxo, osho nda kwata mOvaamori keenghono deongamukonda nouta.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.