GENESIS 50
50
Okupakwa kwaJakob
1Opo nee Josef okwa wila koshipala shaxe ndele okwe mu lila nokwe mu fipa komilungu. 2Ndele Josef okwa lombwela ovapiya vaye ovahakuli, va vaeke xe nomaadi abalsam. Novahakuli va vaeka Israel nomaadi abalsam. 3Omafiku omilongo nhee a pita po, osheshi omafiku e fike opo oo a wana mokuvaeka nabalsam. NOvaegipiti ve mu lila omafiku omilongo heyali.
4Nomafiku okulila eefya eshi a pita po, Josef okwa popya neumbo laFarao ndele ta ti: “Ame ngeenge nda filwa onghenda momesho eni, ka popileni nge koshipala shaFarao, mu tye: 5‘Tate okwa anifa nge ndele ta ti: “Tala, ame onda yuka kefyo. Nye omu na okupaka nge mekololo nde li lihokelele medu laKaanan.” Nandi itavelelwe okuya ndi ka pake tate. Opo nee ame ohandi ka aluka.’ ” 6Ndele Farao okwa tya: “Inda u ka pake xo ngaashi ye e ku anifa.” 7Opo nee Josef okwa fikama ta i a ka pake xe, ndele ovapiya aveshe vaFarao, omalenga eumbo laye ova ya pamwe naye, nomalenga aeshe omakulunhu omoshilongo shaEgipiti. 8Nosho yo eumbo alishe laJosef novamwaxe neumbo alishe laxe. Ounona vavo aveke needi neengobe va fiya moshikandjo Gosen. 9Ndele okwa ya ko nomatemba oita novalondi veenghambe pamwe naye, opa li hano osheendo shinene unene. 10Ndele vo eshi va fika kuGoren-Atad, ei i li koushilo waJordan, ova ninga oshivilo shinene sheefya, ndele va lila eefya dinene. Ndele ye okwe va lombwela eefya daxe di lilwe omafiku aheyali. 11Ovakaanan oonakukala moshilongo eshi va uda eefya tadi lilwa mu Goren-Atad ova popya tava ti: “Oku na eefya dOvaegipiti tadi lilwa.” Onghee onhele oyo hai ifanwa Abel Misraim, ya li moushilo waJordan.
12Ndele ovana vaye ovamati va wanifa ngaashi ye e va lombwelele: 13ovana vaye ovamati ve mu twala koshilongo shaKaanan, ndele ve mu paka mekololo lonhele yedu laMakpela, onhele tuu ei Abraham a landele ombila yefyuululo kuEfron, Omuheti, moushilo wokuMamre. 14Opo nee Josef okwa shuna kuEgipiti, ye mwene novamwaxe naaveshe ava va ile pamwe naye eshi a ka paka xe.
Ovamwaxe vaJosef tave lininipike ndele tava yombamekwa
15Ovamwaxe vaJosef eshi va mona xe a fya vo otava ti: “Kashiimba Josef ota hovele oku tu handukila noku tu shunifa owii molwowii aushe twe mu ningila!” 16Onghee hano va tumina Josef ondaka ei: “Xo, fimbo ina fya, okwe tu lombwela eendjovo edi: 17nye omu na okulombwela Josef tamu ti: ‘Akutu, tu fila onghenda. Dima po etauluko lovamwaxo netimba lavo, eshi ve ku ningile nai.’ Ndelenee paife, tu dimina po etauluko letu, fye ava ovapiya vaKalunga kaxo.” Ndele Josef okwa lila, eshi va popya naye. 18Ndele ovamwaxe voovene navo ova ya ndele va wila eombe koshipala shaye ndele tava ti: “Tala, fye ovapika voye.” 19Ndele Josef okwe va nyamukula ta ti: “Inamu tila. Aame ndi li ponhele yaKalunga? 20Heeno, nye omwa diladilila nge owii, ndelenee Kalunga okwe u alulila kouwa, a longe eshi shi li po, oshiwana shinene e shi xupifile omwenyo. 21Hano inamu kala mwa tila. Ame ohandi ke mu kalela noshisho, nye noludalo leni.” Osho ngaha ye e va hekeleka nokutulumukifa omitima davo.
22Ndele Josef okwa kala muEgipiti ye neumbo laxe. Ndele Josef a kala nomwenyo omido efele nomulongo. 23Ndele Josef okwa mona ovatekulu vaEfraim. Nosho yo ovana vaMakir, omona waManasse, ova dalwa fimbo Josef kwa li e nomwenyo.
Efyo laJosef
24Ndele Josef okwa lombwela ovamwaxe ta ti: “Ame ohandi ka fya, ndelenee Kalunga te mu diinine ndele te mu twala koshilongo eshi moshilongo shinya Ye a udanekela nokwaana Abraham naIsak naJakob.” 25Ndele Josef okwa anifa ovana vaIsrael ndele ta ti: “Kalunga ngeenge te mu kongo, kufeni omakipa ange aa, a twaleni ko.” 26Ndele Josef okwa fya e nomido efele nomulongo. Ndele ve mu vaeka nomuvavo wabalsam, ndele ve mu tula moshikefa muEgipiti.
Currently Selected:
GENESIS 50: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
GENESIS 50
50
Okupakwa kwaJakob
1Opo nee Josef okwa wila koshipala shaxe ndele okwe mu lila nokwe mu fipa komilungu. 2Ndele Josef okwa lombwela ovapiya vaye ovahakuli, va vaeke xe nomaadi abalsam. Novahakuli va vaeka Israel nomaadi abalsam. 3Omafiku omilongo nhee a pita po, osheshi omafiku e fike opo oo a wana mokuvaeka nabalsam. NOvaegipiti ve mu lila omafiku omilongo heyali.
4Nomafiku okulila eefya eshi a pita po, Josef okwa popya neumbo laFarao ndele ta ti: “Ame ngeenge nda filwa onghenda momesho eni, ka popileni nge koshipala shaFarao, mu tye: 5‘Tate okwa anifa nge ndele ta ti: “Tala, ame onda yuka kefyo. Nye omu na okupaka nge mekololo nde li lihokelele medu laKaanan.” Nandi itavelelwe okuya ndi ka pake tate. Opo nee ame ohandi ka aluka.’ ” 6Ndele Farao okwa tya: “Inda u ka pake xo ngaashi ye e ku anifa.” 7Opo nee Josef okwa fikama ta i a ka pake xe, ndele ovapiya aveshe vaFarao, omalenga eumbo laye ova ya pamwe naye, nomalenga aeshe omakulunhu omoshilongo shaEgipiti. 8Nosho yo eumbo alishe laJosef novamwaxe neumbo alishe laxe. Ounona vavo aveke needi neengobe va fiya moshikandjo Gosen. 9Ndele okwa ya ko nomatemba oita novalondi veenghambe pamwe naye, opa li hano osheendo shinene unene. 10Ndele vo eshi va fika kuGoren-Atad, ei i li koushilo waJordan, ova ninga oshivilo shinene sheefya, ndele va lila eefya dinene. Ndele ye okwe va lombwela eefya daxe di lilwe omafiku aheyali. 11Ovakaanan oonakukala moshilongo eshi va uda eefya tadi lilwa mu Goren-Atad ova popya tava ti: “Oku na eefya dOvaegipiti tadi lilwa.” Onghee onhele oyo hai ifanwa Abel Misraim, ya li moushilo waJordan.
12Ndele ovana vaye ovamati va wanifa ngaashi ye e va lombwelele: 13ovana vaye ovamati ve mu twala koshilongo shaKaanan, ndele ve mu paka mekololo lonhele yedu laMakpela, onhele tuu ei Abraham a landele ombila yefyuululo kuEfron, Omuheti, moushilo wokuMamre. 14Opo nee Josef okwa shuna kuEgipiti, ye mwene novamwaxe naaveshe ava va ile pamwe naye eshi a ka paka xe.
Ovamwaxe vaJosef tave lininipike ndele tava yombamekwa
15Ovamwaxe vaJosef eshi va mona xe a fya vo otava ti: “Kashiimba Josef ota hovele oku tu handukila noku tu shunifa owii molwowii aushe twe mu ningila!” 16Onghee hano va tumina Josef ondaka ei: “Xo, fimbo ina fya, okwe tu lombwela eendjovo edi: 17nye omu na okulombwela Josef tamu ti: ‘Akutu, tu fila onghenda. Dima po etauluko lovamwaxo netimba lavo, eshi ve ku ningile nai.’ Ndelenee paife, tu dimina po etauluko letu, fye ava ovapiya vaKalunga kaxo.” Ndele Josef okwa lila, eshi va popya naye. 18Ndele ovamwaxe voovene navo ova ya ndele va wila eombe koshipala shaye ndele tava ti: “Tala, fye ovapika voye.” 19Ndele Josef okwe va nyamukula ta ti: “Inamu tila. Aame ndi li ponhele yaKalunga? 20Heeno, nye omwa diladilila nge owii, ndelenee Kalunga okwe u alulila kouwa, a longe eshi shi li po, oshiwana shinene e shi xupifile omwenyo. 21Hano inamu kala mwa tila. Ame ohandi ke mu kalela noshisho, nye noludalo leni.” Osho ngaha ye e va hekeleka nokutulumukifa omitima davo.
22Ndele Josef okwa kala muEgipiti ye neumbo laxe. Ndele Josef a kala nomwenyo omido efele nomulongo. 23Ndele Josef okwa mona ovatekulu vaEfraim. Nosho yo ovana vaMakir, omona waManasse, ova dalwa fimbo Josef kwa li e nomwenyo.
Efyo laJosef
24Ndele Josef okwa lombwela ovamwaxe ta ti: “Ame ohandi ka fya, ndelenee Kalunga te mu diinine ndele te mu twala koshilongo eshi moshilongo shinya Ye a udanekela nokwaana Abraham naIsak naJakob.” 25Ndele Josef okwa anifa ovana vaIsrael ndele ta ti: “Kalunga ngeenge te mu kongo, kufeni omakipa ange aa, a twaleni ko.” 26Ndele Josef okwa fya e nomido efele nomulongo. Ndele ve mu vaeka nomuvavo wabalsam, ndele ve mu tula moshikefa muEgipiti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.