Lukas 3:4-6

Ŋgar tau Yoan ighamu, ene itaghon saveeŋ tau igheen ila rau to propet Isaia na. Isaav tauvene: Ŋeer ee iboboob izi nugh ŋginaaŋa ighe: “Agharaat eez pa Ŋeer Tiina. Apaduduŋai eez ta naol ne pani le tiduduuŋ. Nugh naol isov tau ŋgolopa ŋgolopa na, apavon zi le tizaa raraate. Ve loloz tomania nugh mbua tisov, aghel zi le tizi raraate. Eez tau kookakooka na, agharaat zi le tiduduuŋ. Ve eez naol tau tisaghat na, agharaat zi le popoia. Leso tamtamon tisov to taan tighit katin uraat tau Maaron pale ighamu leso igham mulin zi.”