Markus 12:29-31

Yesu iyol ghasoniiŋ tooni ighe: “Tutuuŋ tau tiina kat iliiv tutuuŋ tisov, ene vene: ‘O yam Israela alooŋ! Tiina toit Maaron, i mon ta Maaron tauu. Tauvene lolom pa Tiina tsio Maaron. Ughur lolom tomania ŋgar tsio ve tapirim isov ila pani.’ “Ve tutuuŋ tiina ite tau imin ru pani, ene vene: ‘Lolom pa tamtamon ve ugham poghani zi, imin lolom pa taum.’ Tutuuŋ eta iliiv tutuuŋ ru tane mako.”