Ovagalati 3
3
Oveta ne eitavelo
1Vagalati n̯e ovahima! Aan̯i ngwee mu uvalaleka? Ame mbe mu thitululila nawa Jesus Kristus hiaa t̯a komutjaakano. 2Hime hala ndji tyee mun̯e hootjohi okutya mwa pewa Ombepo yaKalunga, mena lyokutya mwa undapa himwa heelwa koveta ne omena lyokutya mwa tyaa Ondaka yaKalunga, hamu itavele? 3Nan̯i n̯e muvahima? Mwa uta moMbepo yaKalunga, napano mamu hala okwaandela monkalo yountu? 4Iya nan̯i mwe litwiila tji vala momaudheu omengi, andaa nan̯i okuliulithwa vala? 5Kalunga hime mu pa Ombepo ye, ha undapa ovilingankono mokati ken̯i, omena lyokutya mwa kambulitha oveta ne omena lyokutya mwa itavela himwa tyaa?
6 Omusonekwa ngahi mau popi, himau tyaa: “Abraham wa itavela muKalunga, mena lyokutya wa itavela, Kalunga we mu tala okutya omuvyuuki.”#Gen. 15:6; Rom. 4:3 7Iya napano iwen̯i okutya mbava itavela, owo ve li ovanwaAbraham.#Rom. 4:16 8Omusonekwa wa popya ae lukulu okutya Kalunga ovapaani me ke ve ninga ovavyuuki mena lyeitavelo. Iya Omusonekwa wa teethela Abraham ae lukulu ondaka ombwa, hau tyaa: “Oviwan̯a avihe mavi ka pewa elao mena lyoye.”#Gen. 12:3 9Abraham wa itavela, ha pewa elao, iya mbava itavela, mava pewa elao ngaAbraham hiaa pewa elao.
10Avehe mbava soka okutya mava hwithile po oveta, mava thingwa, mena lyokutya omusonekwa mau tyaa: “Auhe ngoka nguhama hwithile po ovipuka avihe mbyoka mbyaa sonekwa membo lyoveta, ma thingwa.”#Deut. 27:26 11Iya napano tja kohoka okutya kape na nguma ningi omuvyuuki kotjipala tjaKalunga mena lyokuhwithila po oveta. Omusonekwa mau tyaa: “Omuvyuuki ma ka kala nomwenyo mena lyeitavelo.”#Hab. 2:4 12Oveta kai na tja neitavelo, iya ngume i hwithile po, ma kala nomwenyo mena lyayo.#Lev. 18:5
13Kristus hiaa thingwa, we tu yowola moveta, ahamatu thingwa. Ye wa thingwa poluvedhe lwetu, mena lyokutya omusonekwa mau tyaa: “Auhe nguma yendjelela momuti, wa thingwa.”#Deut. 21:23 14Kristus we tu yowola, opo elao ndyaa pewa Abraham, li yandjwe kovapaani okupitila muKristus Jesus, mena lyeitavelo tu pewe Ombepo Ondhilikwa ndjitwa udhikilwa.
Oveta neudhiko
15Vakwetu, me popi monkalo yountu, hitja popiwa naa nawa, hatji tokolwa, kape na tja uke nguma ulu oku tji lundulula ne okuwedha po. 16Kalunga wa udhikila Abraham noluyumuko lwe eudhiko. Omusonekwa kaau tyaa: “Nomaluyumuko e”, okutya ngaile ovantu ovengi, iya “oluyumuko lwoye”, matji tya omuntu umo aika, omuntu ngoka oKristus. 17Ame me hala okupopya okutya Kalunga wa twaa po ewaneneno pokati kawo naAbraham, ye he li kambulitha. Oveta ndjoka ndjee ya kon̯ima yodhombula omathele ane nomilongo vitatu, kaai ulu okuteya ewaneneno ndyoka, hái han̯auna po eudhiko lyaKalunga.#Eks. 12:40 18Iya epingo andaa mali dhi moveta, ngaile kaali dhi uke meudhiko. Iya Kalunga epingo we li yandja otjali kuAbraham mena lyeudhiko.#Rom. 4:14
19Iya ontanto yoveta oyatji? Ya wedhwa po mena lyoulundhi, i kale po katee oluyumuko ndwaa pewa eudhiko malu ya. Oveta ya tuwa po okupitila movaengeli, hai yandjwa mokuwoko kwomuwan̯en̯eki. 20Iya mpape na omuntu umo kaapa hepa omuwan̯en̯eki, Kalunga yuumo vala.
Otjilinga tjoveta
21Iya oveta i kondjetha omaudhiko aKalunga? Aai, nokanunu. Iya ngaile pa yandjwa oveta ndjii yandja omwenyo, ngai ouvyuuki mau dhi tjatjili moveta. 22Iya Omusonekwa mau tya ovipuka avihe vi li kohi youlundhi, opo mboka mbava itavela, va pewe hiva udhikilwa, andaa va itavele muJesus Kristus.
23Iya tainkolo oluvedhe lweitavelo háluye ya, twa li odhonkwatwa dhoveta, katee eitavelo lya holololwa. 24Oveta ye tu yunga katee Kristus e ya, opo tu ningwe ovavyuuki keitavelo. 25Iya napano eitavelo lye ya, katu li uke kohi yokuyungwa.
26Iya n̯e amuhe muKristus Jesus mudhondele dhaKalunga mena lyeitavelo. 27Iya n̯e amuhe mbamwa tjatjelwa muKristus, mwa dhala Kristus. 28Iya kape na tja uke okapungulula okutya hengu Omujuda ne Omugreka ne omupika ne nguhe thi omupika ne omulumentu ne omukadhintu, iya n̯e amuhe muvamo muKristus Jesus. 29Iya andaa muvaKristus, okutya mumbuto yaAbraham, mamu ka pewa soka Kalunga hiee mu udhikila.#Rom. 4:13
Currently Selected:
Ovagalati 3: DBNT
Highlight
Copy
Compare
Share
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.
Ovagalati 3
3
Oveta ne eitavelo
1Vagalati n̯e ovahima! Aan̯i ngwee mu uvalaleka? Ame mbe mu thitululila nawa Jesus Kristus hiaa t̯a komutjaakano. 2Hime hala ndji tyee mun̯e hootjohi okutya mwa pewa Ombepo yaKalunga, mena lyokutya mwa undapa himwa heelwa koveta ne omena lyokutya mwa tyaa Ondaka yaKalunga, hamu itavele? 3Nan̯i n̯e muvahima? Mwa uta moMbepo yaKalunga, napano mamu hala okwaandela monkalo yountu? 4Iya nan̯i mwe litwiila tji vala momaudheu omengi, andaa nan̯i okuliulithwa vala? 5Kalunga hime mu pa Ombepo ye, ha undapa ovilingankono mokati ken̯i, omena lyokutya mwa kambulitha oveta ne omena lyokutya mwa itavela himwa tyaa?
6 Omusonekwa ngahi mau popi, himau tyaa: “Abraham wa itavela muKalunga, mena lyokutya wa itavela, Kalunga we mu tala okutya omuvyuuki.”#Gen. 15:6; Rom. 4:3 7Iya napano iwen̯i okutya mbava itavela, owo ve li ovanwaAbraham.#Rom. 4:16 8Omusonekwa wa popya ae lukulu okutya Kalunga ovapaani me ke ve ninga ovavyuuki mena lyeitavelo. Iya Omusonekwa wa teethela Abraham ae lukulu ondaka ombwa, hau tyaa: “Oviwan̯a avihe mavi ka pewa elao mena lyoye.”#Gen. 12:3 9Abraham wa itavela, ha pewa elao, iya mbava itavela, mava pewa elao ngaAbraham hiaa pewa elao.
10Avehe mbava soka okutya mava hwithile po oveta, mava thingwa, mena lyokutya omusonekwa mau tyaa: “Auhe ngoka nguhama hwithile po ovipuka avihe mbyoka mbyaa sonekwa membo lyoveta, ma thingwa.”#Deut. 27:26 11Iya napano tja kohoka okutya kape na nguma ningi omuvyuuki kotjipala tjaKalunga mena lyokuhwithila po oveta. Omusonekwa mau tyaa: “Omuvyuuki ma ka kala nomwenyo mena lyeitavelo.”#Hab. 2:4 12Oveta kai na tja neitavelo, iya ngume i hwithile po, ma kala nomwenyo mena lyayo.#Lev. 18:5
13Kristus hiaa thingwa, we tu yowola moveta, ahamatu thingwa. Ye wa thingwa poluvedhe lwetu, mena lyokutya omusonekwa mau tyaa: “Auhe nguma yendjelela momuti, wa thingwa.”#Deut. 21:23 14Kristus we tu yowola, opo elao ndyaa pewa Abraham, li yandjwe kovapaani okupitila muKristus Jesus, mena lyeitavelo tu pewe Ombepo Ondhilikwa ndjitwa udhikilwa.
Oveta neudhiko
15Vakwetu, me popi monkalo yountu, hitja popiwa naa nawa, hatji tokolwa, kape na tja uke nguma ulu oku tji lundulula ne okuwedha po. 16Kalunga wa udhikila Abraham noluyumuko lwe eudhiko. Omusonekwa kaau tyaa: “Nomaluyumuko e”, okutya ngaile ovantu ovengi, iya “oluyumuko lwoye”, matji tya omuntu umo aika, omuntu ngoka oKristus. 17Ame me hala okupopya okutya Kalunga wa twaa po ewaneneno pokati kawo naAbraham, ye he li kambulitha. Oveta ndjoka ndjee ya kon̯ima yodhombula omathele ane nomilongo vitatu, kaai ulu okuteya ewaneneno ndyoka, hái han̯auna po eudhiko lyaKalunga.#Eks. 12:40 18Iya epingo andaa mali dhi moveta, ngaile kaali dhi uke meudhiko. Iya Kalunga epingo we li yandja otjali kuAbraham mena lyeudhiko.#Rom. 4:14
19Iya ontanto yoveta oyatji? Ya wedhwa po mena lyoulundhi, i kale po katee oluyumuko ndwaa pewa eudhiko malu ya. Oveta ya tuwa po okupitila movaengeli, hai yandjwa mokuwoko kwomuwan̯en̯eki. 20Iya mpape na omuntu umo kaapa hepa omuwan̯en̯eki, Kalunga yuumo vala.
Otjilinga tjoveta
21Iya oveta i kondjetha omaudhiko aKalunga? Aai, nokanunu. Iya ngaile pa yandjwa oveta ndjii yandja omwenyo, ngai ouvyuuki mau dhi tjatjili moveta. 22Iya Omusonekwa mau tya ovipuka avihe vi li kohi youlundhi, opo mboka mbava itavela, va pewe hiva udhikilwa, andaa va itavele muJesus Kristus.
23Iya tainkolo oluvedhe lweitavelo háluye ya, twa li odhonkwatwa dhoveta, katee eitavelo lya holololwa. 24Oveta ye tu yunga katee Kristus e ya, opo tu ningwe ovavyuuki keitavelo. 25Iya napano eitavelo lye ya, katu li uke kohi yokuyungwa.
26Iya n̯e amuhe muKristus Jesus mudhondele dhaKalunga mena lyeitavelo. 27Iya n̯e amuhe mbamwa tjatjelwa muKristus, mwa dhala Kristus. 28Iya kape na tja uke okapungulula okutya hengu Omujuda ne Omugreka ne omupika ne nguhe thi omupika ne omulumentu ne omukadhintu, iya n̯e amuhe muvamo muKristus Jesus. 29Iya andaa muvaKristus, okutya mumbuto yaAbraham, mamu ka pewa soka Kalunga hiee mu udhikila.#Rom. 4:13
Dhimba New Testament © Bible Society in Namibia, 2010.