Lukas 24
24
Eimuko lyaJesus kout̯e
(Mat. 28:1-10; Mark. 16:1-8; Joh. 20:1-10)
1Iya omuhuka omunene wetango lyolutenga lyotjivike ovakadhintu va ya kombila, ave na ovidhimba mbyaa longekedhwa. 2Iya va vadha ewe alya alangatethwa po pombila. 3Iya hiva hiti mo, kava vadhele mo otjivimbi tjaMuhona Jesus. 4Tainkolo va li ave limbililwa, puwo pa kulama ovalumentu vavali mbava li ava dhala omidhalo mbimavi laima. 5Iya ovakadhintu va li ava tila, have lit̯imike ovipala vyawo pohi. Ovalumentu ve ve heela hava tyaa: “Omena lyatji mamu taendha omunamwenyo movat̯e? 6Ke mo hemu, wa imunwa kout̯e. Thipaluken̯i odhondaka ndhoka ndhee mu heela, tainkolo a li moGalilea,#Mat. 16:21; 17:22-23; 20:18-19; Mark. 8:31; 9:31; 10:33-34; Luk. 9:22; 18:31-33 7hiaa tile: ‘Omuna wOmuntu ma ka yandjwa momawoko ovalundhi, ha ka papelwa komutjaakano, iya etango etyatatu ma ka imunwa kout̯e.’ ”
8Iya ovakadhintu va thipaluka odhondaka dhe. 9Iya hiva dhi po pombila, ovipuka hembi avihe have ke vi hipululila ovalongwa hembenya omulongo naumo novakwawo avehe. 10Mboka mbave tji hipululila ovayapostoli hoowomba: OMaria Magdalena naJohanna naMaria, ina yaJakob, novakadhintu ovakwawo mbava li pamo nawo. 11Iya ovayapostoli odhondaka dhovakadhintu kave dhi itavelele, dha li vala ngodhongano. 12Iya Petrus wa kulama, ha ka dhamukila kombila. Hiaa vandamene mo, wa mona mo otjitopa tjoliina atjiika. Iya wa tjuna konganda, ae kuminwa soka hitja ningwa.
Mondjila yokoEmmaus
(Mark. 16:12-13)
13Iya etango lyatjo tuu ndyoka vavali owomovalongwa va li mondjila amava i kokalongo haka tiwa Emmaus, odhokilometa omulongo nambali okudha koJerusalem. 14Hava tompola ovipuka mbyoka avihe mbyaa ningwa ko. 15Tainkolo va li amava tompola ovipuka hembi, Jesus omwene we ya kuwo, ha ende pamo nawo. 16Iya ve mu mona, atjaa kave mu dhimbukile. 17Jesus we ve pula ha tyaa: “Mamu ende amamu tompola tji?”
Wo va kulama nomienyo mbyaa etetha onkenda. 18Umo owomuwo nguu tiwa oKleopas we mu pula ha tyaa: “Oove vala aika omuyenda moJerusalem nguho i ovipuka mbyaa ningwa mo pomatango nga?”
19Jesus we ve pula ha tyaa: “Ovipuka ovitji?”
Va yaka hava tyaa: “Ovipuka mbyaa ningilwa Jesus Omunasareta. Omulumentu hengu wa li omuprofeti omunankono movilinga nomodhondaka kotjipala tjaKalunga nokovantu avehe. 20Iya ovayambethi ovanene novatumini vetu ve mu yandja, a koyelwe et̯o, ve mu papela komutjaakano. 21Iya nt̯e twe liun̯ikile okutya hengu oye ma ka yowola Israel. Ndino ae etango etyatatu, ovipuka mbyoka avihe hivya ningwa. 22Iya ovakadhintu vamo owomunt̯e ve tu kumitha, hiva i omuhuka omunene kombila, 23kava mwene ko otjivimbi. Va tjuna, hava tya va mono emoneko lyovaengeli, mbave ve heela okutya Jesus u na omwenyo. 24Vamo owomunt̯e va ile kombila, have i vadha ngahi va hipululilwa kovakadhintu, atjaa ye omwene kave mu mwene.”
25Jesus we ve heela ha tyaa: “Utatyei, ovahima novat̯e woutheno komienyo okwiitavela mbyoka mbyaa popiwa kovaprofeti. 26Ovipuka havyo vi li vyo mbyoka okutya Messias wa thele okutatethwa, tainkolo héya ya metumbalo lye?” 27Jesus wa uta muMoses nomovaprofeti avehe, he ve thitululile mbyoka avihe omisonekwa mbivya popya ouhunga naye.
28Hiva hweene popedhi nokalongo hoka huva vadhwa amava i, Jesus wa ngala nguma pon̯oka po. 29Iya ve mu tumin̯in̯a hava tyaa: “Kala punt̯e, mena lyokutya kwa toko, netango lya hiti.” Jesus wa ya monganda, a kale puwo. 30Iya hiva li amava li pamo, wa itha po omungome ha pandula, he u nyembula, he ve pa wo. 31Iya omeho awo a pathumuka, have mu dhimbuka. Iya wa henuka po puwo. 32Ve liheela hava tyaa: “Omitima vyetu kavi pupyalele hiaa popi nant̯e mondjila, he tu thitululile omisonekwa?”
33Iya powola yatjo vala mpoka va kulama, hava tjuna koJerusalem. Hoka oko va vadha omulongo naumo mbava ongana pamo novakwawo vamo. 34Wo ve ve heela hava tyaa: “Otjatjili, Muhona wa imunwa kout̯e, we liholololele Simon.”
35Nahembenya vavali va hipululila ovakwawo ovipuka mbyaa ningwa mondjila, nahive mu dhimbuka hiee ve nyembulila omungome.
Jesus me liholololele ovalongwa ve
(Mat. 28:16-20; Mark. 16:14-18; Joh. 20:19-23; Ovil. 1:6-8)
36Tainkolo ovalongwa va li amave lihipululile ovipuka hembi, Jesus omwene wa kulama mokati kawo, he ve heele ha tyaa: “Ouwa ngau kale nan̯e.”
37Wo va li ava uluma hava tila, mena lyokutya va soka okutya pamo va mono otjilulu. 38Iya Jesus we ve heela ha tyaa: “Mwa tilile tji? Omena lyatji mu na omalimbililo momitima vyen̯i? 39Talen̯i omawoko andje nodhompadhi dhandje, mu tangan̯eke okutya aame omwene hengu. Nt̯in̯a ndjen̯i, mu mone okutya otjilulu katji na tja odhontumba nomat̯ipa, ngahi mu ndwete hindji na vyo.”
40Hiaa popi nyahi, we ve yulikila omawoko e nodhompadhi dhe. 41Iya hihaveye mu itavela uke mena lyehuluko nonkumwe, we ve pula ha tyaa: “Mu na po ovikulya?” 42Ve mu pa okantumba kohi ndjaa yothwa. 43Jesus we ke tambula, he ke li movipathi vyawo.
44Iya we ve heela ha tyaa: “Odhondaka hendhi odho mbe mu heela, tainkolo mba li pun̯e, himba tile avihe mbyoka mbyaa ntjonekelwa moveta yaMoses, momisonekwa vyovaprofeti nOmapisalomi vya thele okuhwithilwa po.”
45Iya wa pathumuna odhondunge dhawo okwiiwa omisonekwa, 46he ve heele ha tyaa: “Kwa sonekwa okutya Messias wa thele okutatethwa, ha ka imunwa kout̯e etango etyatatu. 47Iya eliteyululo neithepo lyodhonkali ngali teethelwe ovantu avehe mena lye, okuuta moJerusalem. 48N̯e mudhombangi dhovipuka hembi. 49Ame omwene me mu tumine soka hitja udhikwa kuTate. Iya n̯e mwa thele okukala motjitungwalongo hemu, katee mamu dhalekwa odhonkono ndhimadhi ka dha kombanda.”#Ovil. 1:4
Jesus ma i meulu
(Mark. 16:19-20; Ovil. 1:9-11)
50 Jesus we ve twala katee popedhi naBetania. Wa yela omawoko e, he ve pa elao.#Ovil. 1:9-11 51Iya tainkolo a li ame ve pa elao, we ve thiaa po, ha twalwa meulu. 52Va twika odhongolo, have mu tumbaleke, hava tjuna koJerusalem nehuluko enene. 53Wo apehe va kala motempeli otjo mava hivilike Kalunga.
Currently Selected:
Lukas 24: DBNT
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.
Lukas 24
24
Eimuko lyaJesus kout̯e
(Mat. 28:1-10; Mark. 16:1-8; Joh. 20:1-10)
1Iya omuhuka omunene wetango lyolutenga lyotjivike ovakadhintu va ya kombila, ave na ovidhimba mbyaa longekedhwa. 2Iya va vadha ewe alya alangatethwa po pombila. 3Iya hiva hiti mo, kava vadhele mo otjivimbi tjaMuhona Jesus. 4Tainkolo va li ave limbililwa, puwo pa kulama ovalumentu vavali mbava li ava dhala omidhalo mbimavi laima. 5Iya ovakadhintu va li ava tila, have lit̯imike ovipala vyawo pohi. Ovalumentu ve ve heela hava tyaa: “Omena lyatji mamu taendha omunamwenyo movat̯e? 6Ke mo hemu, wa imunwa kout̯e. Thipaluken̯i odhondaka ndhoka ndhee mu heela, tainkolo a li moGalilea,#Mat. 16:21; 17:22-23; 20:18-19; Mark. 8:31; 9:31; 10:33-34; Luk. 9:22; 18:31-33 7hiaa tile: ‘Omuna wOmuntu ma ka yandjwa momawoko ovalundhi, ha ka papelwa komutjaakano, iya etango etyatatu ma ka imunwa kout̯e.’ ”
8Iya ovakadhintu va thipaluka odhondaka dhe. 9Iya hiva dhi po pombila, ovipuka hembi avihe have ke vi hipululila ovalongwa hembenya omulongo naumo novakwawo avehe. 10Mboka mbave tji hipululila ovayapostoli hoowomba: OMaria Magdalena naJohanna naMaria, ina yaJakob, novakadhintu ovakwawo mbava li pamo nawo. 11Iya ovayapostoli odhondaka dhovakadhintu kave dhi itavelele, dha li vala ngodhongano. 12Iya Petrus wa kulama, ha ka dhamukila kombila. Hiaa vandamene mo, wa mona mo otjitopa tjoliina atjiika. Iya wa tjuna konganda, ae kuminwa soka hitja ningwa.
Mondjila yokoEmmaus
(Mark. 16:12-13)
13Iya etango lyatjo tuu ndyoka vavali owomovalongwa va li mondjila amava i kokalongo haka tiwa Emmaus, odhokilometa omulongo nambali okudha koJerusalem. 14Hava tompola ovipuka mbyoka avihe mbyaa ningwa ko. 15Tainkolo va li amava tompola ovipuka hembi, Jesus omwene we ya kuwo, ha ende pamo nawo. 16Iya ve mu mona, atjaa kave mu dhimbukile. 17Jesus we ve pula ha tyaa: “Mamu ende amamu tompola tji?”
Wo va kulama nomienyo mbyaa etetha onkenda. 18Umo owomuwo nguu tiwa oKleopas we mu pula ha tyaa: “Oove vala aika omuyenda moJerusalem nguho i ovipuka mbyaa ningwa mo pomatango nga?”
19Jesus we ve pula ha tyaa: “Ovipuka ovitji?”
Va yaka hava tyaa: “Ovipuka mbyaa ningilwa Jesus Omunasareta. Omulumentu hengu wa li omuprofeti omunankono movilinga nomodhondaka kotjipala tjaKalunga nokovantu avehe. 20Iya ovayambethi ovanene novatumini vetu ve mu yandja, a koyelwe et̯o, ve mu papela komutjaakano. 21Iya nt̯e twe liun̯ikile okutya hengu oye ma ka yowola Israel. Ndino ae etango etyatatu, ovipuka mbyoka avihe hivya ningwa. 22Iya ovakadhintu vamo owomunt̯e ve tu kumitha, hiva i omuhuka omunene kombila, 23kava mwene ko otjivimbi. Va tjuna, hava tya va mono emoneko lyovaengeli, mbave ve heela okutya Jesus u na omwenyo. 24Vamo owomunt̯e va ile kombila, have i vadha ngahi va hipululilwa kovakadhintu, atjaa ye omwene kave mu mwene.”
25Jesus we ve heela ha tyaa: “Utatyei, ovahima novat̯e woutheno komienyo okwiitavela mbyoka mbyaa popiwa kovaprofeti. 26Ovipuka havyo vi li vyo mbyoka okutya Messias wa thele okutatethwa, tainkolo héya ya metumbalo lye?” 27Jesus wa uta muMoses nomovaprofeti avehe, he ve thitululile mbyoka avihe omisonekwa mbivya popya ouhunga naye.
28Hiva hweene popedhi nokalongo hoka huva vadhwa amava i, Jesus wa ngala nguma pon̯oka po. 29Iya ve mu tumin̯in̯a hava tyaa: “Kala punt̯e, mena lyokutya kwa toko, netango lya hiti.” Jesus wa ya monganda, a kale puwo. 30Iya hiva li amava li pamo, wa itha po omungome ha pandula, he u nyembula, he ve pa wo. 31Iya omeho awo a pathumuka, have mu dhimbuka. Iya wa henuka po puwo. 32Ve liheela hava tyaa: “Omitima vyetu kavi pupyalele hiaa popi nant̯e mondjila, he tu thitululile omisonekwa?”
33Iya powola yatjo vala mpoka va kulama, hava tjuna koJerusalem. Hoka oko va vadha omulongo naumo mbava ongana pamo novakwawo vamo. 34Wo ve ve heela hava tyaa: “Otjatjili, Muhona wa imunwa kout̯e, we liholololele Simon.”
35Nahembenya vavali va hipululila ovakwawo ovipuka mbyaa ningwa mondjila, nahive mu dhimbuka hiee ve nyembulila omungome.
Jesus me liholololele ovalongwa ve
(Mat. 28:16-20; Mark. 16:14-18; Joh. 20:19-23; Ovil. 1:6-8)
36Tainkolo ovalongwa va li amave lihipululile ovipuka hembi, Jesus omwene wa kulama mokati kawo, he ve heele ha tyaa: “Ouwa ngau kale nan̯e.”
37Wo va li ava uluma hava tila, mena lyokutya va soka okutya pamo va mono otjilulu. 38Iya Jesus we ve heela ha tyaa: “Mwa tilile tji? Omena lyatji mu na omalimbililo momitima vyen̯i? 39Talen̯i omawoko andje nodhompadhi dhandje, mu tangan̯eke okutya aame omwene hengu. Nt̯in̯a ndjen̯i, mu mone okutya otjilulu katji na tja odhontumba nomat̯ipa, ngahi mu ndwete hindji na vyo.”
40Hiaa popi nyahi, we ve yulikila omawoko e nodhompadhi dhe. 41Iya hihaveye mu itavela uke mena lyehuluko nonkumwe, we ve pula ha tyaa: “Mu na po ovikulya?” 42Ve mu pa okantumba kohi ndjaa yothwa. 43Jesus we ke tambula, he ke li movipathi vyawo.
44Iya we ve heela ha tyaa: “Odhondaka hendhi odho mbe mu heela, tainkolo mba li pun̯e, himba tile avihe mbyoka mbyaa ntjonekelwa moveta yaMoses, momisonekwa vyovaprofeti nOmapisalomi vya thele okuhwithilwa po.”
45Iya wa pathumuna odhondunge dhawo okwiiwa omisonekwa, 46he ve heele ha tyaa: “Kwa sonekwa okutya Messias wa thele okutatethwa, ha ka imunwa kout̯e etango etyatatu. 47Iya eliteyululo neithepo lyodhonkali ngali teethelwe ovantu avehe mena lye, okuuta moJerusalem. 48N̯e mudhombangi dhovipuka hembi. 49Ame omwene me mu tumine soka hitja udhikwa kuTate. Iya n̯e mwa thele okukala motjitungwalongo hemu, katee mamu dhalekwa odhonkono ndhimadhi ka dha kombanda.”#Ovil. 1:4
Jesus ma i meulu
(Mark. 16:19-20; Ovil. 1:9-11)
50 Jesus we ve twala katee popedhi naBetania. Wa yela omawoko e, he ve pa elao.#Ovil. 1:9-11 51Iya tainkolo a li ame ve pa elao, we ve thiaa po, ha twalwa meulu. 52Va twika odhongolo, have mu tumbaleke, hava tjuna koJerusalem nehuluko enene. 53Wo apehe va kala motempeli otjo mava hivilike Kalunga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.