Lukas 6
6
Epulo ouhunga nEsabati
(Mat. 12:1-8; Mark. 2:23-28)
1MEsabati limo Jesus wa yatakana movyana, ovalongwa ve va uta okupweya otiliku, have i thengele pomawoko awo, hava li.#Deut. 23:25 2Ovafarisai vamo hava tyaa: “Omena lyatji mamu ningi soka hitja tjaelwa okuningwa metango lyEsabati?”
3Iya Jesus we ve yaka ha tyaa: “Kamu tangele nan̯i soka David hiaa ningile, hiaa li aa t̯i ondjala, ye omwene novantu ve?#1 Sam. 21:1-6 4Ye wa hita mondjuwo yaKalunga, ha itha mo omingome mbyaa yambwa Kalunga, mbyoka mbyaa tjaelwa okuliwa kumboka mbahave thi ovayambethi. Iya wa lya, namboka mbava li naye we ve pa.”#Lev. 24:9
5Iya Jesus we ve heela ha tyaa: “Omuna wOmuntu oye e li Muhona wEsabati.”
Omulumentu ngwaa lemana okuwoko
(Mat. 12:9-14; Mark. 3:1-6)
6Iya mEsabati ekwawo Jesus wa ya mosinagoga, ha longo ovantu. Mwa li omulumentu ngwaa lemana okuwoko kwokokulyo. 7Ovalongiveta nOvafarisai va li amave mu talele, andaa me mu velula mEsabati, opo ve tjiiwe oku mu vela ombedhi. 8Jesus wa li ae i soka hiva li amave lipula, ha popitha omulumentu ngwaa lemana okuwoko ha tyaa: “Kulama, ove u ye komeho yovantu.” Wa kulama, he ya mpoka. 9Jesus we ve heela ha tyaa: “Me mu pula, otjitji hitja itavelwa okuningwa metango lyEsabati, okuundapa ouwa ne okuundapa ouvi, okuhupitha omwenyo ne oku u yona po?” 10Iya wa tala muwo avehe, ha heele omulumentu ha tyaa: “Onyonona okuwoko kwoye.” Ye we tji ninga, okuwoko kwe haku lemanuka.
11Ovantu va yumana unene, hava utu okutompola hiva thele okuninga Jesus.
Jesus ma holowola ovayapostoli
(Mat. 10:1-4; Mark. 3:13-19)
12Omatango ngenya Jesus wa londa kondundu, a ka kumbe. Wa kala ko out̯iku auhe ama kumbu kuKalunga. 13Hikwa tji, wa ithana ovalongwa ve, ha holowola mo omulongo navavali, he ve luku ovayapostoli: 14OSimon, Jesus ngwaa luka Petrus, nomunitje Andreas, oJakob naJohannes, oFilippus naBartolomeus, 15oMateus naTomas, oJakob yaAlfeus naSimon ngoka nguu tiwa ombandhi, 16oJudas yaJakob naJudas Iskariot, ngoka ngwaa weleleka Jesus.
Jesus ma velula
(Mat. 4:23-25)
17 Jesus wa heluka ko kondundu pamo novayapostoli, wa kulama poluhandja pamo nawo. Engundwa enene lyovalongwa ve nowingi wovantu mbwaa dha moJudea atjihe nokoJerusalem nokoTiro naSidon kontyo yelunga 18ve ya oku mu teelela nokuvelulwa komauvela awo. Namboka mbava li ava tatethwa kodhombepo odhombi va velulwa. 19Owingi wovantu auhe wa li amau hala oku mu t̯in̯a, mena lyokutya odhonkono ndhaa dha muye, avehe dhe ve velula.
Ovanalao novanamupya
(Mat. 5:1-12)
20 Jesus wa yela omeho e kovalongwa ve, ha tyaa:
“Ovanalao on̯e ovathona,
mena lyokutya otjilongo tjaKalunga otjen̯i.
21Ovanalao on̯e mboka mbamwa t̯a ondjala napano,
mena lyokutya mamu ka kutithwa.
Ovanalao on̯e mboka mbamamu lili napano,
mena lyokutya mamu ka yola.
22“N̯e muvanalao, andaa ovantu ve mu yele, have mu pungu mo, wo have mu lalula, nena lyen̯i have li yekelehi, hali ngala evi mena lyOmuna wOmuntu.#1 Pet. 4:14 23Linyandaelen̯i etango ndyoka, n̯e mu lombauke, mena lyokutya ondjambi yen̯i onene meulu. Iya ovipuka ngambyoka owoiheombwale ovyo va ningila ovaprofeti.#2 Hip. 36:16; Ovil. 7:52
24Utatyei n̯e ovahona,
mena lyokutya etendeleko lyen̯i mwe li mona ae.
25Utatyei mboka mbamwe kuta napano,
mena lyokutya mamu ka t̯a ondjala.
Utatyei n̯e mboka mbamu yola napano,
mena lyokutya mamu ka etetha onkenda noku ka lila.
26“Utatyei n̯e mboka ovantu avehe mbave mu popila mouwa, mena lyokutya ovipuka ngambyoka owoiheombwale ovyo va ningila ovaprofeti wovithithi.
Kalen̯i amu hole odhondjedhi dhen̯i
(Mat. 5:38-48; 7:12a)
27“Iya n̯e mbamamu nteelele, me mu heele okutya kalen̯i amu hole odhondjedhi dhen̯i, ningilen̯i ouwa mboka mbave mu yele. 28Ngume ku thingi, mu pa elao, ngume ku ningi navi, mu kumbila. 29Ngoka ngume ku tono koluyewo, mu pa olukwawo, nangoka ngume ku nyeka ekapote, hó mu lwaapele notjokohi. 30Omuntu auhe ngume ku kumbu, mu pa, nangoka ngume ku nyeka otjipuka, hó mu kondjetha e tji tjun̯e. 31Ngahi mamu hala ovantu ve mu ningile, nan̯e wo ngatjo mu ve ningila.#Mat. 7:12
32“Iya andaa mu hole mboka mbave mu hole, ompandu yen̯i oyatji? Iya novalundhi ve hole mboka mbave ve hole. 33Iya andaa mu ningila ouwa mboka mbave mu ningila ouwa, ompandu yen̯i oyatji? Iya ovalundhi nawo otjo va ninga. 34Iya andaa mamu levaletha kumboka mbamu tji i okutya mave mu tjun̯ine, mamu mono ompandu oyatji? Iya novalundhi va levaletha kovakwawo, opo va tjun̯inwe ngahi va levaletha. 35Iya kalen̯i amu hole odhondjedhi dhen̯i, mu ve ningile ouwa, mu ve levalethe n̯e ahamamu kevelele okutjun̯inwa, ondjambi yen̯i mai kala onene, n̯e mamu ka kala odhondele dhaKalunga Owokombandambanda, mena lyokutya ye u na onkenda namboka mbahava pandula novavi. 36Kalen̯i nonkenda, ngaIho hiee na onkenda.
Okulikoya
(Mat. 7:1-5)
37“Hámu koyo, nan̯e opo hámu koywa. Hámu yandja onkali, nan̯e opo hámu pewa onkali. Liithilen̯i po odhonkali, nan̯e wo opo mu ka ithilwa po. 38Yandjen̯i, nan̯e mamu ka pewa. Iinga, mamu ka pewa mekolo ondjeleko ombwa ndjaa papelwa, hai tjukwatjukwa, hai hungu, mena lyokutya himamu yeleke natjo, nan̯e otjo mamu ka yelekwa natjo.”
39 Jesus we ve heela wo eeli ha tyaa: “Omupot̯i ma ulu okukoka omupot̯i omukwawo kempangoti? Kaava wile metoto aveevali?#Mat. 15:14 40Omulongwa ka pon̯ene omulongethi we, ngwaa pwa okulongwa, oye e lithike pomulongethi we.#Mat. 10:24-25; Joh. 13:16; 15:20
41“Iya omena lyatji mo mono okatodhi hake li meho lyomukwen̯i, ove aho lwete omundangala mbuu li meho lyoye omwene? 42Mo ulu vi okuheela omukwen̯i ho tyaa: ‘Mukwetu, opomeya ndji ku toole okatodhi hake li meho lyoye,’ tainkolo ove hó lwete omundangala mbuu li meho lyoye omwene! Mulinomi, toola olutenga omundangala meho lyoye omwene, opo u tjiiwe nawa okumona okatodhi hake li meho lyomukwen̯i, u mu toole.
Omuti novinyango vyawo
(Mat. 7:16-20; 12:33-35)
43“Iya kaku na tja omuti omuwa, mbuu ma ovinyango ovivi. Ko kaku na tja uke omuti omuvi, mbuu ma ovinyango oviwa. 44Iya omuti auhe u dhimbukilwa kovinyango vyawo. Omakuyu a nyangwa komulodhi ne odhombe dhi nyangwa komunkondo?#Mat. 12:33 45Omuntu omuwa u hololola ouwa mbumau dhi momutima we omuwa, nomuntu omuvi u hololola ovipuka vye ovivi, mena lyokutya otjinyo tji popya hitje yula momutima.#Mat. 12:34
Ovatungi vavali
(Mat. 7:24-27)
46“Otjitji himu ntyaa: ‘Muhona, Muhona,’ n̯e ahamu undapa soka hindji popya? 47Omuntu auhe ngume ya kwaame, ye ha tee odhondaka dhandje, ye he dhi hwithile po, me mu holololele okutya u ngala aan̯i. 48Ye u ngala omulumentu nguma tha omut̯inda omule katee koluwaa, hakwaa tungila ondjuwo yekuma. Ethundja hilye ya, lye litona mondjuwo ndjoka, ahamai kumauka po, mena lyokutya ya tungwa nawa. 49Iya ngoka nguma tee odhondaka dhandje, ye ahame dhi hwithile po, ma ngala omuntu ngwaa tungila poluheke mpahape na tja oluwaa, ethundja himali ya, mali i pupu, ondjuwo ndjoka hai kumauka po dhiva, ekumaukopo ndyoka mali kala enene.”
Currently Selected:
Lukas 6: DBNT
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.
Lukas 6
6
Epulo ouhunga nEsabati
(Mat. 12:1-8; Mark. 2:23-28)
1MEsabati limo Jesus wa yatakana movyana, ovalongwa ve va uta okupweya otiliku, have i thengele pomawoko awo, hava li.#Deut. 23:25 2Ovafarisai vamo hava tyaa: “Omena lyatji mamu ningi soka hitja tjaelwa okuningwa metango lyEsabati?”
3Iya Jesus we ve yaka ha tyaa: “Kamu tangele nan̯i soka David hiaa ningile, hiaa li aa t̯i ondjala, ye omwene novantu ve?#1 Sam. 21:1-6 4Ye wa hita mondjuwo yaKalunga, ha itha mo omingome mbyaa yambwa Kalunga, mbyoka mbyaa tjaelwa okuliwa kumboka mbahave thi ovayambethi. Iya wa lya, namboka mbava li naye we ve pa.”#Lev. 24:9
5Iya Jesus we ve heela ha tyaa: “Omuna wOmuntu oye e li Muhona wEsabati.”
Omulumentu ngwaa lemana okuwoko
(Mat. 12:9-14; Mark. 3:1-6)
6Iya mEsabati ekwawo Jesus wa ya mosinagoga, ha longo ovantu. Mwa li omulumentu ngwaa lemana okuwoko kwokokulyo. 7Ovalongiveta nOvafarisai va li amave mu talele, andaa me mu velula mEsabati, opo ve tjiiwe oku mu vela ombedhi. 8Jesus wa li ae i soka hiva li amave lipula, ha popitha omulumentu ngwaa lemana okuwoko ha tyaa: “Kulama, ove u ye komeho yovantu.” Wa kulama, he ya mpoka. 9Jesus we ve heela ha tyaa: “Me mu pula, otjitji hitja itavelwa okuningwa metango lyEsabati, okuundapa ouwa ne okuundapa ouvi, okuhupitha omwenyo ne oku u yona po?” 10Iya wa tala muwo avehe, ha heele omulumentu ha tyaa: “Onyonona okuwoko kwoye.” Ye we tji ninga, okuwoko kwe haku lemanuka.
11Ovantu va yumana unene, hava utu okutompola hiva thele okuninga Jesus.
Jesus ma holowola ovayapostoli
(Mat. 10:1-4; Mark. 3:13-19)
12Omatango ngenya Jesus wa londa kondundu, a ka kumbe. Wa kala ko out̯iku auhe ama kumbu kuKalunga. 13Hikwa tji, wa ithana ovalongwa ve, ha holowola mo omulongo navavali, he ve luku ovayapostoli: 14OSimon, Jesus ngwaa luka Petrus, nomunitje Andreas, oJakob naJohannes, oFilippus naBartolomeus, 15oMateus naTomas, oJakob yaAlfeus naSimon ngoka nguu tiwa ombandhi, 16oJudas yaJakob naJudas Iskariot, ngoka ngwaa weleleka Jesus.
Jesus ma velula
(Mat. 4:23-25)
17 Jesus wa heluka ko kondundu pamo novayapostoli, wa kulama poluhandja pamo nawo. Engundwa enene lyovalongwa ve nowingi wovantu mbwaa dha moJudea atjihe nokoJerusalem nokoTiro naSidon kontyo yelunga 18ve ya oku mu teelela nokuvelulwa komauvela awo. Namboka mbava li ava tatethwa kodhombepo odhombi va velulwa. 19Owingi wovantu auhe wa li amau hala oku mu t̯in̯a, mena lyokutya odhonkono ndhaa dha muye, avehe dhe ve velula.
Ovanalao novanamupya
(Mat. 5:1-12)
20 Jesus wa yela omeho e kovalongwa ve, ha tyaa:
“Ovanalao on̯e ovathona,
mena lyokutya otjilongo tjaKalunga otjen̯i.
21Ovanalao on̯e mboka mbamwa t̯a ondjala napano,
mena lyokutya mamu ka kutithwa.
Ovanalao on̯e mboka mbamamu lili napano,
mena lyokutya mamu ka yola.
22“N̯e muvanalao, andaa ovantu ve mu yele, have mu pungu mo, wo have mu lalula, nena lyen̯i have li yekelehi, hali ngala evi mena lyOmuna wOmuntu.#1 Pet. 4:14 23Linyandaelen̯i etango ndyoka, n̯e mu lombauke, mena lyokutya ondjambi yen̯i onene meulu. Iya ovipuka ngambyoka owoiheombwale ovyo va ningila ovaprofeti.#2 Hip. 36:16; Ovil. 7:52
24Utatyei n̯e ovahona,
mena lyokutya etendeleko lyen̯i mwe li mona ae.
25Utatyei mboka mbamwe kuta napano,
mena lyokutya mamu ka t̯a ondjala.
Utatyei n̯e mboka mbamu yola napano,
mena lyokutya mamu ka etetha onkenda noku ka lila.
26“Utatyei n̯e mboka ovantu avehe mbave mu popila mouwa, mena lyokutya ovipuka ngambyoka owoiheombwale ovyo va ningila ovaprofeti wovithithi.
Kalen̯i amu hole odhondjedhi dhen̯i
(Mat. 5:38-48; 7:12a)
27“Iya n̯e mbamamu nteelele, me mu heele okutya kalen̯i amu hole odhondjedhi dhen̯i, ningilen̯i ouwa mboka mbave mu yele. 28Ngume ku thingi, mu pa elao, ngume ku ningi navi, mu kumbila. 29Ngoka ngume ku tono koluyewo, mu pa olukwawo, nangoka ngume ku nyeka ekapote, hó mu lwaapele notjokohi. 30Omuntu auhe ngume ku kumbu, mu pa, nangoka ngume ku nyeka otjipuka, hó mu kondjetha e tji tjun̯e. 31Ngahi mamu hala ovantu ve mu ningile, nan̯e wo ngatjo mu ve ningila.#Mat. 7:12
32“Iya andaa mu hole mboka mbave mu hole, ompandu yen̯i oyatji? Iya novalundhi ve hole mboka mbave ve hole. 33Iya andaa mu ningila ouwa mboka mbave mu ningila ouwa, ompandu yen̯i oyatji? Iya ovalundhi nawo otjo va ninga. 34Iya andaa mamu levaletha kumboka mbamu tji i okutya mave mu tjun̯ine, mamu mono ompandu oyatji? Iya novalundhi va levaletha kovakwawo, opo va tjun̯inwe ngahi va levaletha. 35Iya kalen̯i amu hole odhondjedhi dhen̯i, mu ve ningile ouwa, mu ve levalethe n̯e ahamamu kevelele okutjun̯inwa, ondjambi yen̯i mai kala onene, n̯e mamu ka kala odhondele dhaKalunga Owokombandambanda, mena lyokutya ye u na onkenda namboka mbahava pandula novavi. 36Kalen̯i nonkenda, ngaIho hiee na onkenda.
Okulikoya
(Mat. 7:1-5)
37“Hámu koyo, nan̯e opo hámu koywa. Hámu yandja onkali, nan̯e opo hámu pewa onkali. Liithilen̯i po odhonkali, nan̯e wo opo mu ka ithilwa po. 38Yandjen̯i, nan̯e mamu ka pewa. Iinga, mamu ka pewa mekolo ondjeleko ombwa ndjaa papelwa, hai tjukwatjukwa, hai hungu, mena lyokutya himamu yeleke natjo, nan̯e otjo mamu ka yelekwa natjo.”
39 Jesus we ve heela wo eeli ha tyaa: “Omupot̯i ma ulu okukoka omupot̯i omukwawo kempangoti? Kaava wile metoto aveevali?#Mat. 15:14 40Omulongwa ka pon̯ene omulongethi we, ngwaa pwa okulongwa, oye e lithike pomulongethi we.#Mat. 10:24-25; Joh. 13:16; 15:20
41“Iya omena lyatji mo mono okatodhi hake li meho lyomukwen̯i, ove aho lwete omundangala mbuu li meho lyoye omwene? 42Mo ulu vi okuheela omukwen̯i ho tyaa: ‘Mukwetu, opomeya ndji ku toole okatodhi hake li meho lyoye,’ tainkolo ove hó lwete omundangala mbuu li meho lyoye omwene! Mulinomi, toola olutenga omundangala meho lyoye omwene, opo u tjiiwe nawa okumona okatodhi hake li meho lyomukwen̯i, u mu toole.
Omuti novinyango vyawo
(Mat. 7:16-20; 12:33-35)
43“Iya kaku na tja omuti omuwa, mbuu ma ovinyango ovivi. Ko kaku na tja uke omuti omuvi, mbuu ma ovinyango oviwa. 44Iya omuti auhe u dhimbukilwa kovinyango vyawo. Omakuyu a nyangwa komulodhi ne odhombe dhi nyangwa komunkondo?#Mat. 12:33 45Omuntu omuwa u hololola ouwa mbumau dhi momutima we omuwa, nomuntu omuvi u hololola ovipuka vye ovivi, mena lyokutya otjinyo tji popya hitje yula momutima.#Mat. 12:34
Ovatungi vavali
(Mat. 7:24-27)
46“Otjitji himu ntyaa: ‘Muhona, Muhona,’ n̯e ahamu undapa soka hindji popya? 47Omuntu auhe ngume ya kwaame, ye ha tee odhondaka dhandje, ye he dhi hwithile po, me mu holololele okutya u ngala aan̯i. 48Ye u ngala omulumentu nguma tha omut̯inda omule katee koluwaa, hakwaa tungila ondjuwo yekuma. Ethundja hilye ya, lye litona mondjuwo ndjoka, ahamai kumauka po, mena lyokutya ya tungwa nawa. 49Iya ngoka nguma tee odhondaka dhandje, ye ahame dhi hwithile po, ma ngala omuntu ngwaa tungila poluheke mpahape na tja oluwaa, ethundja himali ya, mali i pupu, ondjuwo ndjoka hai kumauka po dhiva, ekumaukopo ndyoka mali kala enene.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.