Markus 1
1
Eteetho lyaJohannes Omutjatji
(Mat. 3:1-12; Luk. 3:1-18; Joh. 1:19-28)
1Ondaka ombwa, ndjimai popi ouhunga naJesus Kristus, OmunwaKalunga. 2Iya ngahi tja sonekwa membo lyomuprofeti Jesaja, haku tiwaa:
“Taa tuutuu, ame me tumu ontumwa yandje, nguma tenge,
ye ngoka ngume ke ku longekedhela ondjila,#Mal. 3:1
tainkolo ove hóye ya.
3Ondaka yomuwololoki mokuti mai tyaa:
‘Undapelen̯i Muhona ondjila,
mu vyuukililithilen̯i ovilila!’ ”#Jes. 40:3
4Johannes we ya mokuti, ha teetha okutya ovantu ngave liteyulule, wo va tjatjwe, opo odhonkali dhawo dhi ithwe po. 5Ovajudea avehe novantu avehe womoJerusalem va ya kuJohannes, wo hava tjatjwa kuye momulonga waJordan, hiva hipulula odhonkali dhawo.
6Johannes wa dhalele omudhalo mbwaa undapwa nomaenya odhongamelu nomuvya wotjipa motjivya tje. Wa lile otjimbonde noutji.#2 Hamb. 1:8 7Naye wa teethela ovantu ha tyaa: “Ngoka ngume ya kon̯ima yandje omunene kwaame. Ame híme tji ulu nangahi tji li okukutulula omivya vyodhongaku dhe. 8Ame me mu tjatja nomeva, iya ye me mu tjatja nOmbepo Ondhilikwa.”
Etjatjo lyaJesus nokulolwa kwe
(Mat. 3:13—4:11; Luk. 3:21-22; 4:1-13)
9Pomatango ngenya Jesus wa dha koNasaret motjilongo tjaGalilea, ha tjatjwa kuJohannes momulonga waJordan. 10Dhivadhiva Jesus hiaa dhi momeva, wa mona eulu ndyee liyapuka, nOmbepo yaKalunga amai lauka ngonguti, hai mu wilile. 11Meulu mwa dha ondaka hai tyaa: “Oove Omunwandje omuhivilikwa, ngumba hopa.”#Gen. 22:2; Eps. 2:7; Jes. 42:1; Mat. 3:17; 12:18; Mark. 9:7; Luk. 3:22
12Okudha mpoka Ombepo yaKalunga ye mu twala mokuti. 13Wa kala mokuti omatango omilongo vine, wa lolwa kuSatana, ye wa kala mokati kovithitu, iya ovaengeli ve mu popila.
Jesus ma ithana ovahwee wodhohi vane
(Mat. 4:12-22; Luk. 4:14-15; 5:1-11)
14Kon̯ima Johannes hiaa yedhililwa mokaliwoso, Jesus wa ya koGalilea, ha ka teetha ondaka ombwa yaKalunga 15ha tyaa: “Otembu ye thiki, otjilongo tjaKalunga tje ya popedhi. Liteyululen̯i, mu itavele ondaka ombwa.”#Mat. 3:2
16Jesus hiaa li ama lamba kontyo yelunga lyaGalilea, wa mona Simon nomunitje Andreas, amava yumbu omawaanda awo melunga, mena lyokutya va li ovahwee wodhohi. 17Jesus we ve heela ha tyaa: “Ndandula ndjen̯i, ame me mu ningi ovahwee wovantu.” 18Dhivadhiva va thiaa po omawaanda, have mu landula.
19Hiaa hweene uke kanunu komeho, wa mona Jakob nomunitje Johannes, oomunkwaSebedeus. Wo va li mowato amava pampa omawaanda awo. 20Dhivadhiva Jesus we ve ithana, hava thii po ihe Sebedeus mowato pamo novaundapeleli, hava i pamo naye.
Omulumentu ngwaa li nombepo ombi
(Luk. 4:31-37)
21 Jesus novalongwa ve va ya koKapernaum. MEsabati Jesus wa ya mosinagoga, ha utu okulonga ovantu. 22Ovantu ve kuminwa elongo lye, mena lyokutya we ve longa nganguu na odhonkono, hatjo ngovalongiveta.#Mat. 7:28-29
23Mosinagoga moka mwa li omulumentu ngwaa li nombepo ombi, wa wololoka 24ha tyaa: “Jesus Omunasareta, mo tu halele tji? We ya oku tu han̯auna? Ndji ku i, oove Omudhilikwa waKalunga.”
25Jesus wa anda ombepo ha tyaa: “Tutuvala, pita mo muye.”
26Ombepo ombi ye mu pukutidha nodhonkono, hai ulu, yo hai dhi mo muye. 27Ovantu avehe ve kumwa unene, hava i mokulipula hava tyaa: “Otjitji hi? Elongo epe ndii na odhonkono? U heela odhombepo odhombi, dho hadhi mu itavele.”
28Etumbuko lyaJesus lya handjana dhivadhiva notjit̯indwalongo atjihe tjaGalilea.
Jesus ma velula inaivi yaPetrus novavedhi ovengi
(Mat. 8:14-17; Luk. 4:38-41)
29Dhivadhiva Jesus novalongwa ve hiva dhi mosinagoga, va ya koyooSimon naAndreas, va ya pamo naJakob naJohannes. 30Inaivi yaSimon wa li momala, ama vele elema. Wo have mu dhimbula kuJesus. 31Jesus we ya kuye, he mu yaka mokuwoko, he mu kaleke pohi. Elema hali dhi mo, he ve twiile po ovikulya.
32Iya etango hilya hiti, okawiiwii hika wile pohi, ovantu va eta ovavedhi avehe nambava li nodhondemoni. 33Ovantu avehe wopotjitungwalongo soka va onganene pomuvelo wondjuwo. 34Jesus wa velulile ovavedhi ovengi mbava li nomitjithi mbii lili nambii lili, ha ta mo odhondemoni odhingi. Iya odhondemoni ke dhi yethele dhi popye, mena lyokutya dha li adhi mu i okutya ye aan̯i.
Jesus ma teetha moGalilea
(Luk. 4:42-44)
35Omuhuka omunene, tainkolo ombimba háiya veta, Jesus wa imuka po, ha piti mo, ha i kompuka hoka huhaku na tja ovantu, ha ka kumba. 36Simon novantu mboka mbava li pamo naye va taendha Jesus. 37Hive mu mono, hava tyaa: “Ovantu avehe mave ku taendha.”
38Jesus we ve yaka ha tyaa: “Tu enden̯i moulongo wopoulaanganda, opo ndji ka teethele mo wo, mena lyokutya hehi otjo mba endela.”
39Iya Jesus wa endaenda moGalilea atjihe, ha teethele modhosinagoga dhawo, odhondemoni ndhaa li movantu, he dhi ta mo.#Mat. 4:23; 9:35
Jesus ma velula omulumentu wotjilundu
(Mat. 8:1-4; Luk. 5:12-16)
40Omulumentu wotjilundu we ya kuJesus, wa twika odhongolo, he mu heele ama tyaa: “Andaa mo hala okumbelula, mo tji ulu.”
41Jesus we mu t̯ila onkenda, ha yele okuwoko kwe, he mu t̯in̯i, ha tyaa: “Ame me hala, veluka.” 42Dhivadhiva ouvela wotjilundu we mu yetha, ha veluka. 43Jesus we mu ilikin̯a nodhonkono, he mu lekele dhiva, 44ye ha tyaa: “Taa tuutuu, otjipuka hehi hó tji heele omuntu noumo. Iya enda, u ke liyulikithe komuyambethi, ove u ka yandje otjali kotempeli ngaMoses hiaa heele, tji ve ningile oumbangi okutya ove wa veluka.”#Lev. 14:1-32
45Omulumentu wotjilundu hiaa i pondje, ha utu okuhipulula otjipuka hehi apehe. Okutya Jesus ka ulile uke okweenda poluhandja motjilongo, wa ya kodhontyo huhaku na tja ovantu. Nandaku tiwa otjo nyahoka ovantu kodhombinga nodhombinga ve ya kuye.
Currently Selected:
Markus 1: DBNT
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.
Markus 1
1
Eteetho lyaJohannes Omutjatji
(Mat. 3:1-12; Luk. 3:1-18; Joh. 1:19-28)
1Ondaka ombwa, ndjimai popi ouhunga naJesus Kristus, OmunwaKalunga. 2Iya ngahi tja sonekwa membo lyomuprofeti Jesaja, haku tiwaa:
“Taa tuutuu, ame me tumu ontumwa yandje, nguma tenge,
ye ngoka ngume ke ku longekedhela ondjila,#Mal. 3:1
tainkolo ove hóye ya.
3Ondaka yomuwololoki mokuti mai tyaa:
‘Undapelen̯i Muhona ondjila,
mu vyuukililithilen̯i ovilila!’ ”#Jes. 40:3
4Johannes we ya mokuti, ha teetha okutya ovantu ngave liteyulule, wo va tjatjwe, opo odhonkali dhawo dhi ithwe po. 5Ovajudea avehe novantu avehe womoJerusalem va ya kuJohannes, wo hava tjatjwa kuye momulonga waJordan, hiva hipulula odhonkali dhawo.
6Johannes wa dhalele omudhalo mbwaa undapwa nomaenya odhongamelu nomuvya wotjipa motjivya tje. Wa lile otjimbonde noutji.#2 Hamb. 1:8 7Naye wa teethela ovantu ha tyaa: “Ngoka ngume ya kon̯ima yandje omunene kwaame. Ame híme tji ulu nangahi tji li okukutulula omivya vyodhongaku dhe. 8Ame me mu tjatja nomeva, iya ye me mu tjatja nOmbepo Ondhilikwa.”
Etjatjo lyaJesus nokulolwa kwe
(Mat. 3:13—4:11; Luk. 3:21-22; 4:1-13)
9Pomatango ngenya Jesus wa dha koNasaret motjilongo tjaGalilea, ha tjatjwa kuJohannes momulonga waJordan. 10Dhivadhiva Jesus hiaa dhi momeva, wa mona eulu ndyee liyapuka, nOmbepo yaKalunga amai lauka ngonguti, hai mu wilile. 11Meulu mwa dha ondaka hai tyaa: “Oove Omunwandje omuhivilikwa, ngumba hopa.”#Gen. 22:2; Eps. 2:7; Jes. 42:1; Mat. 3:17; 12:18; Mark. 9:7; Luk. 3:22
12Okudha mpoka Ombepo yaKalunga ye mu twala mokuti. 13Wa kala mokuti omatango omilongo vine, wa lolwa kuSatana, ye wa kala mokati kovithitu, iya ovaengeli ve mu popila.
Jesus ma ithana ovahwee wodhohi vane
(Mat. 4:12-22; Luk. 4:14-15; 5:1-11)
14Kon̯ima Johannes hiaa yedhililwa mokaliwoso, Jesus wa ya koGalilea, ha ka teetha ondaka ombwa yaKalunga 15ha tyaa: “Otembu ye thiki, otjilongo tjaKalunga tje ya popedhi. Liteyululen̯i, mu itavele ondaka ombwa.”#Mat. 3:2
16Jesus hiaa li ama lamba kontyo yelunga lyaGalilea, wa mona Simon nomunitje Andreas, amava yumbu omawaanda awo melunga, mena lyokutya va li ovahwee wodhohi. 17Jesus we ve heela ha tyaa: “Ndandula ndjen̯i, ame me mu ningi ovahwee wovantu.” 18Dhivadhiva va thiaa po omawaanda, have mu landula.
19Hiaa hweene uke kanunu komeho, wa mona Jakob nomunitje Johannes, oomunkwaSebedeus. Wo va li mowato amava pampa omawaanda awo. 20Dhivadhiva Jesus we ve ithana, hava thii po ihe Sebedeus mowato pamo novaundapeleli, hava i pamo naye.
Omulumentu ngwaa li nombepo ombi
(Luk. 4:31-37)
21 Jesus novalongwa ve va ya koKapernaum. MEsabati Jesus wa ya mosinagoga, ha utu okulonga ovantu. 22Ovantu ve kuminwa elongo lye, mena lyokutya we ve longa nganguu na odhonkono, hatjo ngovalongiveta.#Mat. 7:28-29
23Mosinagoga moka mwa li omulumentu ngwaa li nombepo ombi, wa wololoka 24ha tyaa: “Jesus Omunasareta, mo tu halele tji? We ya oku tu han̯auna? Ndji ku i, oove Omudhilikwa waKalunga.”
25Jesus wa anda ombepo ha tyaa: “Tutuvala, pita mo muye.”
26Ombepo ombi ye mu pukutidha nodhonkono, hai ulu, yo hai dhi mo muye. 27Ovantu avehe ve kumwa unene, hava i mokulipula hava tyaa: “Otjitji hi? Elongo epe ndii na odhonkono? U heela odhombepo odhombi, dho hadhi mu itavele.”
28Etumbuko lyaJesus lya handjana dhivadhiva notjit̯indwalongo atjihe tjaGalilea.
Jesus ma velula inaivi yaPetrus novavedhi ovengi
(Mat. 8:14-17; Luk. 4:38-41)
29Dhivadhiva Jesus novalongwa ve hiva dhi mosinagoga, va ya koyooSimon naAndreas, va ya pamo naJakob naJohannes. 30Inaivi yaSimon wa li momala, ama vele elema. Wo have mu dhimbula kuJesus. 31Jesus we ya kuye, he mu yaka mokuwoko, he mu kaleke pohi. Elema hali dhi mo, he ve twiile po ovikulya.
32Iya etango hilya hiti, okawiiwii hika wile pohi, ovantu va eta ovavedhi avehe nambava li nodhondemoni. 33Ovantu avehe wopotjitungwalongo soka va onganene pomuvelo wondjuwo. 34Jesus wa velulile ovavedhi ovengi mbava li nomitjithi mbii lili nambii lili, ha ta mo odhondemoni odhingi. Iya odhondemoni ke dhi yethele dhi popye, mena lyokutya dha li adhi mu i okutya ye aan̯i.
Jesus ma teetha moGalilea
(Luk. 4:42-44)
35Omuhuka omunene, tainkolo ombimba háiya veta, Jesus wa imuka po, ha piti mo, ha i kompuka hoka huhaku na tja ovantu, ha ka kumba. 36Simon novantu mboka mbava li pamo naye va taendha Jesus. 37Hive mu mono, hava tyaa: “Ovantu avehe mave ku taendha.”
38Jesus we ve yaka ha tyaa: “Tu enden̯i moulongo wopoulaanganda, opo ndji ka teethele mo wo, mena lyokutya hehi otjo mba endela.”
39Iya Jesus wa endaenda moGalilea atjihe, ha teethele modhosinagoga dhawo, odhondemoni ndhaa li movantu, he dhi ta mo.#Mat. 4:23; 9:35
Jesus ma velula omulumentu wotjilundu
(Mat. 8:1-4; Luk. 5:12-16)
40Omulumentu wotjilundu we ya kuJesus, wa twika odhongolo, he mu heele ama tyaa: “Andaa mo hala okumbelula, mo tji ulu.”
41Jesus we mu t̯ila onkenda, ha yele okuwoko kwe, he mu t̯in̯i, ha tyaa: “Ame me hala, veluka.” 42Dhivadhiva ouvela wotjilundu we mu yetha, ha veluka. 43Jesus we mu ilikin̯a nodhonkono, he mu lekele dhiva, 44ye ha tyaa: “Taa tuutuu, otjipuka hehi hó tji heele omuntu noumo. Iya enda, u ke liyulikithe komuyambethi, ove u ka yandje otjali kotempeli ngaMoses hiaa heele, tji ve ningile oumbangi okutya ove wa veluka.”#Lev. 14:1-32
45Omulumentu wotjilundu hiaa i pondje, ha utu okuhipulula otjipuka hehi apehe. Okutya Jesus ka ulile uke okweenda poluhandja motjilongo, wa ya kodhontyo huhaku na tja ovantu. Nandaku tiwa otjo nyahoka ovantu kodhombinga nodhombinga ve ya kuye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.