Mâkə 7
7
Lilɛ́fu lí baʼ bá nyákə́
1Duŋgu lí Bafárisî na balɛ̂ bá mbéndá ábə́ bá fí á Jerúsálɛmə bá kámbú Yésuwə álí wúlán mɔ́. 2Bá pílí ɛ yəm nána duŋgu lí bawútú bá Yésuwə bá bílí ɛ dyá lídyá lí bɔ́ na makɛ́ ámə́ má dí mbindu, ɛ́yínán ɛ́ lúfú nána bá wúwǎ makɛ́ á nyai ɛyə̌ Bafárisî bá pɔ́ŋíní bɔ́ ngə bá lɔ́líní ɛ wu. 3Bafárisî na baʼ bá Júda bání bá bíliyǎ ɛ́ dyá lídyá ɛ́yə́ bá wúwaní makɛ́ má bɔ ngə baʼ bá nyákə́ bá bɔ bá lúfúní bɔ́. Bá bíliyǎ ɛ́ dyá lídyá bá si wu makɛ́ ngə ɛ́ sakiní. 4Mɔ awə̌ a fí á mákíti a tíŋganyǎ ɛ́ dyá lídyá ɛ́yə́ a nan wɔ́kíyání madí kəkə. Mambéndá mápə́pə̌ jǐta má bílí ámə́ bá bílíní ɛ nan, ngə álí wǔ byə̌m bwǎm bwâm. Byə̌m ngə mbwindí, mbə̌, kúmbu ɛ́ líbenya, na byə̌m ngə kétru. 5Áfánikə̌, Bafárisî na balɛ̂ bá mbéndá bá kɔ́ndɛ́ Yésuwə nána “Yán ɛ́ díní nána bawútú bá wə bá sə̌ ɛ́ nǎn ɛləm ɛ́yə́ basáŋ bá sə bá nyákə́ bá mwísání sə́? Bá dyá lídyá ɛ́yə́ bá wuwaní makɛ́ á nyai ɛ́yə́ bá lɔ́líní ɛ wu” 6Yésuwə a pushwání bɔ́ nána, “Nlakuwa a mudî Ayisáya a n tɛ́ŋgɛn ngə a n byání biyala ábə́ Dyǔ lî n lúmání mɔ́ tɛ́ŋgɛnɛ nyə́ baʼ bá ɛlaŋgán, ngə ɛ́ tílání nána,
‘Baʼ bán bá bə mî dúbɛ ɛ́ nsu ngɛ̂ŋ, ndé ábán, milə́m mí bɔ na mí shiyǎ na mi.
7Ɛdúbɛ́ ɛ́yə́ bá bəní mi ɛ́ shiyǎ ká yǔm, á ɛ́tútú nána bá lɛ́fú mabéndá má bǎnyûŋ ngə má dí mambéndá má Dyǔ.’
8Nyí mə́ ɛ makú mámbéndá má Dyǔ ndé nyí nǎn yə̌ ɛ́yə́ bǎnyûŋ bá lúfúní.” 9Ti Yésuwə á byábí pə́ nána, “Nyí bwəlán mákínjúʼ álí makú mbéndá ɛ Dyǔ álí bwə nána nyí nân yǔm ɛ́yə́ nyí lúfúní. 10Mósisə a byábí nána, ‘Bə̌ sáŋ ŋ wə na nyǎ n wə ɛdúbɛ́.’ A byábí pə́ nána, ‘Ká njá awə̌ a byábí mbyá m bî tɛ́ŋgɛnɛ sáŋ tɔ nyǎ bá lɔlí mɔ́ ɛ búlu.’ 11Ndé nyí lúfú nána njí mɔ a wɔ́ŋí yǔm ɛ́yə́ a púlíní ɛ wúján sáŋ tɔ nyǎ, ndé a byábí nána ‘Yǔm ɛ́yî ɛ́ dí Kɔ́ban,’ (Ɛ́yə́ ɛ́ dí yándá nána yǔm ɛ́yî ɛ́ dí yǔm ɛ́ Dyǔ.) 12Njí mɔ a bwəlí nâ, ɛ́ lúfú nána a wɔ́ŋiyǎ yándá álí wúnján sáŋ tɔ nyǎ. 13Áfánikə̌ yə̌ ɛ́yə́ nyí lúfúní baʼ, ɛ̌ bwə̌ ɛ́yala ɛ́ Dyǔ ɛ́ tîm ngə ɛ́ shiyǎ ká yǔm. Misam mípə́pə̂ mí dí jǐta ngə mínán, ámə́ nyí bwəní.”
Misam ámə́ mí bwə mɔ̂ʼ a si sáŋ á wúsú wú Dyǔ
14Ti Yésuwə a bəŋí limuti, a pɔŋí bɔ́ nána, “Nyí wúkan, nyí sɔ́ntan mi! 15Yǔm ká ɛ́fɔ́ ɛ́ shiyǎ ɛ́yə́ wə̌ti ɛ́ fí á ɛ́bú ka ɛ́ kwíli mɔ á nyǔ, ɛ́ bwə mɔ́ a bá mbindu á wúsú wú Dyǔ. Búkatɛ́ yə̌ ɛ́yə́ ɛ́ fí mɔ̂ʼ átin yɔ̂ ɛ́ bwə mɔ̂ʼ a bá mbindu á wúsú wú Dyǔ. 16Mɔ awə̌ a wɔ́ŋí matwî a wú.” 17Yésuwə a makú limuti a kwilí á ndáʼ. Ti bawútú bá mɔ bá pílí, bá kɔ́ndɛ́ mɔ́ nána a pánji bɔ́ ŋganú ɛni. 18Yésuwə a pushú bɔ́ nána, “Nyə́ pə́ nyí nan sɔ́ntányǎ wə̂? Nyí míniyǎ nána yǔm ká ɛ́fɔ́ ɛ́yə́ ɛ kwílí mɔ̂ á nyǔ, ɛ́yə́ ɛ́ fí á ɛbú ɛ́ sə̌ bwə mɔ́ a bá mbindu á wúsú wú Dyǔ? 19Á ɛ́tútú nána, ngə ɛ́ kwilíní mɔ a nyǔ, ɛ́ sə mɔ́ ɛ paʼ á nlə́m. Ndé ɛ́ shul wɔ̂ á líbum ti ɛ́ nyítí.” (Yésuwə a byábí nâni álí lúfú nána madyá másə́sə̌n má lɔ́lí ɛ dyá.) 20Yésuwə á byábí pə́ nána, “Yǔm ɛ́yə́ ɛ́ fí mɔ̂ʼ átin yɔ́ ɛ́ bwə̌ mɔ a si sáŋ á wúsú wú Dyǔ. 21Á ɛ́tútú nána, á nlə́m m mɔ átin mɔ́ mwanu míbî ámə́ mí bwə mɔ̂ʼ álí bwə misam míbî ngə álí jíb, álí búlú mɔ̂ʼ, 22álí bwə ndúmán, álí bá ŋguŋgú, na álí bwə mísam míbî mípə́pə̂ ngə, masəŋán, misam mí mbindu, álí wú bâ ŋgɔŋgí, álí bá mɔ a minən, álí bá kfúmba na álí bwə mísam mí ɛyə́lí. 23Misam míbî mínán mísə́sə̌n mí fí á nlə́m m mɔ̂ʼ, mɔ́ mí bwə mɔ a si sáŋ á wusú wú Dyǔ.”
Dúbɛ lí nkən a mwalân
24Yésuwə a fálú ti a kǐ á pɛsi ɛ mbú ɛyə̌ ɛ wutáni mikí mí Táya na Sídɔnə. Ngə a pilíní á wə́ʼ, a kwilí á ndáʼ pɔ́ ndé a sî nsaʼ nána mɔ ká nfɔ́ a bî nána a dí á wə́. Kánâwə̌, baʼ bá m bî wə́ nána a dí á wə́. 25Mwalân nfɔ́ á ŋ wɔ́ŋ mǎ mwǎn a wukɔn awə̌ a ŋ wɔ́ŋ múdî m bî átin. Ngə a wúkíní nána Yésuwə á bílí á wə́, a pilí á mɔ́ ti a kfúndí mɔ́ á mákwi. 26Mwalân ani a bílí mwalân a ɛkumbu ɛ́ Grîkə, awə̌ bá yə́ní á pɛsi ɛ mbú ɛ Síriya ɛyə̌ bá bə́ŋákíní bá Fɔnísiya. Á yɔ́mbí Yésuwə nána á fúl mudî m mbî mû á nyǔ ɛ́ mwǎn m mɔ. 27Ndé Yésuwə á pushú mɔ́ nána, “Sí kɔ́sɛ ɛ dísí bǎn. Ɛ́ tɛ́ŋgɛniyǎ álí nǔŋ lidyá lí bǎn ɛ shwá lɔ́ á mbwá” 28Mwalân ani a pushú Yésuwə nána, “Sísə́, ɛ́ dí mbálɛ, ndé ká mbwá ɛ́yə́ ɛ́ dí á tíbili áshí ɛ́ dyá mípupu mí lídyá ámə́ mí kfún á bǎn” 29Yɔ́ Yésuwə a byábíní á mɔ́ nána, “Á ɛ́tútú ɛ́ mbyá ámə́ n fí wə á nsu, ɛ tiŋgání ɛ tím á ndáʼ. Mudî m bî mû ámə́ m bílí á nyǔ ɛ mwǎn n wə, m mə́ mɔ́ ɛ falu á nyǔ. 30Áfánikə̌ mwalân ani a timbí á ndáʼ, a tání mwǎn a nalí á wuti, á mbálɛ mudî m bî mû m mə̌ mɔ́ ɛ falu á nyǔ.”
Yésuwə a pwisí mɔ awə̌ a bíliyǎ ɛ́ byá a bíliyǎ ká pə́ ɛ wú
31Yésuwə a falú á pɛsi ɛ mbú ɛ́ Táya, a túmbí á Sídɔnə á pɛsi ɛ mbû ɛ Gálilî, álí kə á pɛsi ɛ mbú ɛ Mikí Dyǔm. 32Baʼ bafɔ́ bá pánání mɔ́ mɔʼ awə̌ a bíliyǎ ɛ byá, a bíliyǎ ka pə́ ɛ wú. Baʼ bâ bá yɔ́mbí Yésuwə nána a bán mɔ́ makɛ́ á nyǔ. 33Ti Yésuwə a falú bû mɔ ani, a kánání mɔ́ á nsaŋ á fə́ limuti lí bíliyaní. A sɔ́lí mamwɛ má mɔ á matwî má mɔ ani, a pɛ́njí ɛkfwɛn ti a nyɔtí ɛyə́m ɛ́ mɔ ani. 34Ti Yésuwə a tátí ámǐn, a nuŋí pəmi ɛnə̂n, ti a byábí, “Ɛfáta” náni, “Púwán.” 35Áfâ áshí áshí mɔ ani a butí ɛ wú, ɛyə́m ɛ́ mɔ ɛ́ kákú ti a butí ɛ byá bwǎm. 36Yésuwə a dfulí bɔ́ matwî nána bá si pɔ̌ŋ mɔ ká nfɔ́ yǔm ɛ́yə́ ɛ́ bwə́lání. Ndé ngə á pɔŋíní bɔ́ nána bá si pɔ̌ŋ mɔ ká nfɔ́ bá bátí wə̌ á lí pɔŋ. 37Mɔ ansə́sə̌n awə̌ a wúkí nsam mû a bílí manyáká jǐta. Bá bílí ɛ byá nána, “Ǎ bwə mísam mísə́sə̌n bwâm. Ǎ bwə baʼ ábə́ bá sə̌ ɛ́ wú bá wúka, baʼ ábə́ bá sə ɛ́ byá bǎ byá”
Currently Selected:
Mâkə 7: bwt
Highlight
Copy
Compare
Share
Want to have your highlights saved across all your devices? Sign up or sign in
Mâkə 7
7
Lilɛ́fu lí baʼ bá nyákə́
1Duŋgu lí Bafárisî na balɛ̂ bá mbéndá ábə́ bá fí á Jerúsálɛmə bá kámbú Yésuwə álí wúlán mɔ́. 2Bá pílí ɛ yəm nána duŋgu lí bawútú bá Yésuwə bá bílí ɛ dyá lídyá lí bɔ́ na makɛ́ ámə́ má dí mbindu, ɛ́yínán ɛ́ lúfú nána bá wúwǎ makɛ́ á nyai ɛyə̌ Bafárisî bá pɔ́ŋíní bɔ́ ngə bá lɔ́líní ɛ wu. 3Bafárisî na baʼ bá Júda bání bá bíliyǎ ɛ́ dyá lídyá ɛ́yə́ bá wúwaní makɛ́ má bɔ ngə baʼ bá nyákə́ bá bɔ bá lúfúní bɔ́. Bá bíliyǎ ɛ́ dyá lídyá bá si wu makɛ́ ngə ɛ́ sakiní. 4Mɔ awə̌ a fí á mákíti a tíŋganyǎ ɛ́ dyá lídyá ɛ́yə́ a nan wɔ́kíyání madí kəkə. Mambéndá mápə́pə̌ jǐta má bílí ámə́ bá bílíní ɛ nan, ngə álí wǔ byə̌m bwǎm bwâm. Byə̌m ngə mbwindí, mbə̌, kúmbu ɛ́ líbenya, na byə̌m ngə kétru. 5Áfánikə̌, Bafárisî na balɛ̂ bá mbéndá bá kɔ́ndɛ́ Yésuwə nána “Yán ɛ́ díní nána bawútú bá wə bá sə̌ ɛ́ nǎn ɛləm ɛ́yə́ basáŋ bá sə bá nyákə́ bá mwísání sə́? Bá dyá lídyá ɛ́yə́ bá wuwaní makɛ́ á nyai ɛ́yə́ bá lɔ́líní ɛ wu” 6Yésuwə a pushwání bɔ́ nána, “Nlakuwa a mudî Ayisáya a n tɛ́ŋgɛn ngə a n byání biyala ábə́ Dyǔ lî n lúmání mɔ́ tɛ́ŋgɛnɛ nyə́ baʼ bá ɛlaŋgán, ngə ɛ́ tílání nána,
‘Baʼ bán bá bə mî dúbɛ ɛ́ nsu ngɛ̂ŋ, ndé ábán, milə́m mí bɔ na mí shiyǎ na mi.
7Ɛdúbɛ́ ɛ́yə́ bá bəní mi ɛ́ shiyǎ ká yǔm, á ɛ́tútú nána bá lɛ́fú mabéndá má bǎnyûŋ ngə má dí mambéndá má Dyǔ.’
8Nyí mə́ ɛ makú mámbéndá má Dyǔ ndé nyí nǎn yə̌ ɛ́yə́ bǎnyûŋ bá lúfúní.” 9Ti Yésuwə á byábí pə́ nána, “Nyí bwəlán mákínjúʼ álí makú mbéndá ɛ Dyǔ álí bwə nána nyí nân yǔm ɛ́yə́ nyí lúfúní. 10Mósisə a byábí nána, ‘Bə̌ sáŋ ŋ wə na nyǎ n wə ɛdúbɛ́.’ A byábí pə́ nána, ‘Ká njá awə̌ a byábí mbyá m bî tɛ́ŋgɛnɛ sáŋ tɔ nyǎ bá lɔlí mɔ́ ɛ búlu.’ 11Ndé nyí lúfú nána njí mɔ a wɔ́ŋí yǔm ɛ́yə́ a púlíní ɛ wúján sáŋ tɔ nyǎ, ndé a byábí nána ‘Yǔm ɛ́yî ɛ́ dí Kɔ́ban,’ (Ɛ́yə́ ɛ́ dí yándá nána yǔm ɛ́yî ɛ́ dí yǔm ɛ́ Dyǔ.) 12Njí mɔ a bwəlí nâ, ɛ́ lúfú nána a wɔ́ŋiyǎ yándá álí wúnján sáŋ tɔ nyǎ. 13Áfánikə̌ yə̌ ɛ́yə́ nyí lúfúní baʼ, ɛ̌ bwə̌ ɛ́yala ɛ́ Dyǔ ɛ́ tîm ngə ɛ́ shiyǎ ká yǔm. Misam mípə́pə̂ mí dí jǐta ngə mínán, ámə́ nyí bwəní.”
Misam ámə́ mí bwə mɔ̂ʼ a si sáŋ á wúsú wú Dyǔ
14Ti Yésuwə a bəŋí limuti, a pɔŋí bɔ́ nána, “Nyí wúkan, nyí sɔ́ntan mi! 15Yǔm ká ɛ́fɔ́ ɛ́ shiyǎ ɛ́yə́ wə̌ti ɛ́ fí á ɛ́bú ka ɛ́ kwíli mɔ á nyǔ, ɛ́ bwə mɔ́ a bá mbindu á wúsú wú Dyǔ. Búkatɛ́ yə̌ ɛ́yə́ ɛ́ fí mɔ̂ʼ átin yɔ̂ ɛ́ bwə mɔ̂ʼ a bá mbindu á wúsú wú Dyǔ. 16Mɔ awə̌ a wɔ́ŋí matwî a wú.” 17Yésuwə a makú limuti a kwilí á ndáʼ. Ti bawútú bá mɔ bá pílí, bá kɔ́ndɛ́ mɔ́ nána a pánji bɔ́ ŋganú ɛni. 18Yésuwə a pushú bɔ́ nána, “Nyə́ pə́ nyí nan sɔ́ntányǎ wə̂? Nyí míniyǎ nána yǔm ká ɛ́fɔ́ ɛ́yə́ ɛ kwílí mɔ̂ á nyǔ, ɛ́yə́ ɛ́ fí á ɛbú ɛ́ sə̌ bwə mɔ́ a bá mbindu á wúsú wú Dyǔ? 19Á ɛ́tútú nána, ngə ɛ́ kwilíní mɔ a nyǔ, ɛ́ sə mɔ́ ɛ paʼ á nlə́m. Ndé ɛ́ shul wɔ̂ á líbum ti ɛ́ nyítí.” (Yésuwə a byábí nâni álí lúfú nána madyá másə́sə̌n má lɔ́lí ɛ dyá.) 20Yésuwə á byábí pə́ nána, “Yǔm ɛ́yə́ ɛ́ fí mɔ̂ʼ átin yɔ́ ɛ́ bwə̌ mɔ a si sáŋ á wúsú wú Dyǔ. 21Á ɛ́tútú nána, á nlə́m m mɔ átin mɔ́ mwanu míbî ámə́ mí bwə mɔ̂ʼ álí bwə misam míbî ngə álí jíb, álí búlú mɔ̂ʼ, 22álí bwə ndúmán, álí bá ŋguŋgú, na álí bwə mísam míbî mípə́pə̂ ngə, masəŋán, misam mí mbindu, álí wú bâ ŋgɔŋgí, álí bá mɔ a minən, álí bá kfúmba na álí bwə mísam mí ɛyə́lí. 23Misam míbî mínán mísə́sə̌n mí fí á nlə́m m mɔ̂ʼ, mɔ́ mí bwə mɔ a si sáŋ á wusú wú Dyǔ.”
Dúbɛ lí nkən a mwalân
24Yésuwə a fálú ti a kǐ á pɛsi ɛ mbú ɛyə̌ ɛ wutáni mikí mí Táya na Sídɔnə. Ngə a pilíní á wə́ʼ, a kwilí á ndáʼ pɔ́ ndé a sî nsaʼ nána mɔ ká nfɔ́ a bî nána a dí á wə́. Kánâwə̌, baʼ bá m bî wə́ nána a dí á wə́. 25Mwalân nfɔ́ á ŋ wɔ́ŋ mǎ mwǎn a wukɔn awə̌ a ŋ wɔ́ŋ múdî m bî átin. Ngə a wúkíní nána Yésuwə á bílí á wə́, a pilí á mɔ́ ti a kfúndí mɔ́ á mákwi. 26Mwalân ani a bílí mwalân a ɛkumbu ɛ́ Grîkə, awə̌ bá yə́ní á pɛsi ɛ mbú ɛ Síriya ɛyə̌ bá bə́ŋákíní bá Fɔnísiya. Á yɔ́mbí Yésuwə nána á fúl mudî m mbî mû á nyǔ ɛ́ mwǎn m mɔ. 27Ndé Yésuwə á pushú mɔ́ nána, “Sí kɔ́sɛ ɛ dísí bǎn. Ɛ́ tɛ́ŋgɛniyǎ álí nǔŋ lidyá lí bǎn ɛ shwá lɔ́ á mbwá” 28Mwalân ani a pushú Yésuwə nána, “Sísə́, ɛ́ dí mbálɛ, ndé ká mbwá ɛ́yə́ ɛ́ dí á tíbili áshí ɛ́ dyá mípupu mí lídyá ámə́ mí kfún á bǎn” 29Yɔ́ Yésuwə a byábíní á mɔ́ nána, “Á ɛ́tútú ɛ́ mbyá ámə́ n fí wə á nsu, ɛ tiŋgání ɛ tím á ndáʼ. Mudî m bî mû ámə́ m bílí á nyǔ ɛ mwǎn n wə, m mə́ mɔ́ ɛ falu á nyǔ. 30Áfánikə̌ mwalân ani a timbí á ndáʼ, a tání mwǎn a nalí á wuti, á mbálɛ mudî m bî mû m mə̌ mɔ́ ɛ falu á nyǔ.”
Yésuwə a pwisí mɔ awə̌ a bíliyǎ ɛ́ byá a bíliyǎ ká pə́ ɛ wú
31Yésuwə a falú á pɛsi ɛ mbú ɛ́ Táya, a túmbí á Sídɔnə á pɛsi ɛ mbû ɛ Gálilî, álí kə á pɛsi ɛ mbú ɛ Mikí Dyǔm. 32Baʼ bafɔ́ bá pánání mɔ́ mɔʼ awə̌ a bíliyǎ ɛ byá, a bíliyǎ ka pə́ ɛ wú. Baʼ bâ bá yɔ́mbí Yésuwə nána a bán mɔ́ makɛ́ á nyǔ. 33Ti Yésuwə a falú bû mɔ ani, a kánání mɔ́ á nsaŋ á fə́ limuti lí bíliyaní. A sɔ́lí mamwɛ má mɔ á matwî má mɔ ani, a pɛ́njí ɛkfwɛn ti a nyɔtí ɛyə́m ɛ́ mɔ ani. 34Ti Yésuwə a tátí ámǐn, a nuŋí pəmi ɛnə̂n, ti a byábí, “Ɛfáta” náni, “Púwán.” 35Áfâ áshí áshí mɔ ani a butí ɛ wú, ɛyə́m ɛ́ mɔ ɛ́ kákú ti a butí ɛ byá bwǎm. 36Yésuwə a dfulí bɔ́ matwî nána bá si pɔ̌ŋ mɔ ká nfɔ́ yǔm ɛ́yə́ ɛ́ bwə́lání. Ndé ngə á pɔŋíní bɔ́ nána bá si pɔ̌ŋ mɔ ká nfɔ́ bá bátí wə̌ á lí pɔŋ. 37Mɔ ansə́sə̌n awə̌ a wúkí nsam mû a bílí manyáká jǐta. Bá bílí ɛ byá nána, “Ǎ bwə mísam mísə́sə̌n bwâm. Ǎ bwə baʼ ábə́ bá sə̌ ɛ́ wú bá wúka, baʼ ábə́ bá sə ɛ́ byá bǎ byá”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in