Mâkə 8
8
Yésuwə a dísí baʼ bikúlí bínîn.
1Á mádû mâ, limuti línə̂n lípə́pə̂ lí pílí á Yésuwə. Ngə baʼ bâ bá sî n wɔ́ŋní yǔm ɛ́ lídyá, Yésuwə a bəŋí bawútú bá mɔ, ti a byábání bɔ́ nána, 2“Mi nǎn wú limuti línán likini á ɛ́tútú nána bá mə́ ɛ bá na mi ɛ́tɛ̂n madû málán, sɔnsɔ́nǎn bá wɔ́ŋiyǎ ká yǔm ɛ́lí dyá. 3Njí n lúmí bɔ́ á mándáʼ má bɔ na njɛ á líbum, duŋgu lí bɔ lí pumban á mbuka á ɛ́tútú nána duŋgu lí bɔ lí fí kfwáŋ” 4Bawútú bá mɔ bá kɔ́ndɛ́ mɔ́ nána, “Áfə́ mɔ a tíŋgání ɛ kwisí ɛkfúna lidyá álí dísí bâʼ ábán básə́sə̌n, áfánán á ɛ́sínj ɛyín?” 5Yésuwə á kɔ́ndɛ́ bɔ́ nána, “Mibúŋgá mí blɛ̂t mítín nyí wɔ́ŋíní?” Ti bá púshú mɔ́ nána, “Mibúŋgá mí blɛ̂t shyǎmbɛ.” 6Ti á pɔŋí limuti lî na bá shúman áshí. Ti a nuŋí mibúŋgá ɛ́ mí shyámbɛ, a bəkí Dyǔ masákan, a kabí mɔ́, ti a bəkí mɔ́ á bawútú bá mɔ na bá ká á limuti, ti bɔ́ pə́ bá kábí á limuti lî. 7Bâ n wɔ́ŋ pə́ bǎn bá mídim mí shwî mítə́kə̂n. Yésuwə a bəkí pə́ masákan á Dyǔ, á shwî ɛ́yî, ti a pɔŋí bawútú bá mɔ nána bá ká pə́ yɔ́ á limuti lî. 8Baʼ básə́sə̌n bá dílí kə́ŋ kə́ŋ bá kúʼ. Baʼ bá bílí bikúlí bínîn. Ti bawútú bá shwínjí bidfúŋ shyǎmbɛ álə́ lî m bukɛ. 9Nsɔŋgí n baʼ ábə́ bá dílí lidyá lî, bá bílí bɛbɛ na bikúlí bínîn, ti Yésuwə a lúmí bɔ́ á mandáʼ. 10Á mulimlim m púndá a kwílí a bwálu na bawútú bá mɔ ti bá kǐ á pɛsi ɛ mbú ɛ Dalmanúta.
Bafárisî bá kɔ́ndɛ́ Yésuwə ɛyəmblan
11Duŋgu lí Bafárisî bá pílí á Yésuwə ti bá bútí ɛ táŋ na mɔ́, bá bílí ɛ sa nána a lúfu bɔ́ ɛyəmblan ɛ́yə́ ɛ́ fí ámǐn. Bá bílí ɛ bwə nâ álí kəki mɔ́. 12Nde Yésuwə a nuŋí pəmi ɛ nə̂n ti a byábí nána, “Yán nyɔnyi ɛ́tɛ̂n ɛ̌ saʼní ɛyəmblan? Nǎn pɔ̌ŋ nyə́ mbálɛ, nyɔnyi ɛnínán ɛ sî mínán ɛyəmblan ká ɛ́fɔ́.” 13Ti a makú bɔ́, a kwilí á bwálu, a kǐ á pɛsi ɛ mbû ɛnínání.
Ɛfulan ɛ́ Bafárisî na ɛ́ Hɛ́rɔdə
14Bawútú bá Yésuwə bá kí ɛ kwilí á bwálu, bá yásání álí lə́ blɛ̂t á nyǔ. Mbúŋgá nfɔ́ mɔ́ na mɔ́ mû bukɛ́ ná bɔ́ á bwálu. 15Yésuwə á bə́kí bɔ́ maléyá nána, “Nyí nûŋ púndá na ɛfulan ɛ́ Bafárisî na ɛ́ Hɛ́rɔdə” 16Ti bá bútí ɛ́ byá na bɔ́mə̌n nána, “A byábí nâ á ɛ́tútú nána sí lə́kiyǎ blɛ̂t á nyǔ.” 17Yésuwə a m bí yǔm ɛ́yə́ bá bílíní ɛ byá, ti a kɔndɛ́ bɔ́ nána, “Yán nyí táŋní á ɛ́tútú ɛ́ blɛ̂t ɛ́yə́ nyí wɔ́ŋiyaní? Kə́ŋ ta sɔnsɔ́nǎn nyí nan bíyá wə̂, tɔ̌ nyí nan sɔ́ntáníyá wə̂? Yán milə́m mí nyə mí kpútíní nâ? 18Nyí wɔ́ŋí mǐ, nyí sɛ̌ ɛ́ mín? Nyí wɔ́ŋí matwî, nyí sɛ̌ ɛ́ wû? Kə́ŋ ta sɔnsɔ́nǎn nyí sɛ̌ ɛ́ kani? 19Á púndá ɛyə̌ n kabíní mibúŋgá mí blɛ̂t mítân álí dísí baʼ bikúlí bítân, bidfúŋ bítín bî n lwínj na blɛ̂t ábə́ bí búkɛ́ní ábə́ nyí shwínjíní?” Bá púshú mɔ́ nána, “Bidfúŋ dyǔm na bíbɛ̂,” 20Ti Yésuwə a kɔndɛ́ pə́ bɔ́ nána, “Á púndá ɛyə̌ n kabíní mibúŋgá mí blɛ̂t shyámbɛ álí dísí baʼ bikúlí bínîn, bidfúŋ bítín bí n lwínj na blɛ̂t ábə́ bí búkɛ́ní ábə́ nyí shwínjíní?” Bá pushú mɔ́ nána, “Bidfúŋ shyámbɛ.” 21A kɔndɛ́ bɔ́ nána, “Kə́ŋ ti sɔnsɔ́nǎn nyí sɛ̌ ɛ́ sɔ́ntan?”
Yésuwə a pwisí mɔ awə̌ mǐ má dímíní á Bɛ́tsáyída
22Yésuwə na bawútú bá mɔ bá pílí a Bɛ́tsáyída. Duŋgu lí bâʼ bá pánání mɔ awə̌ mî má dímíní á Yésuwə ti bá yɔ́mbí mɔ́ nána a bán makɛ́ á nyǔ ɛ́ mɔ ani. 23Yésuwə a wálí ɛkɛ́ ɛ́ mɔ ani, a nyítání mɔ́ á nkí mû. A pɛ́njí ɛkfwɛn á mǐ má mɔ ani, a bándí makɛ́ má mɔ á nyǔ ɛ́ mɔ ani, ti a kɔndɛ́ mɔ́ nána, “Ɛ̌ púl ɛ́ mín yǔm?” 24Mɔ ani a tátí á mǐn ti a byábí nána, “Îŋ, nǎ n mín baʼ, ndé bá dí ngə mə̌ ámə́ má yə́ŋ.” 25Yésuwə a bándí pə́ makɛ́ má mɔ á mǐ má mɔ ani. Ɛtî ɛ́yî mɔ ani a tátí bwâm ti mǐ má mɔ má púwání, a butí ɛ́ mín bwǎm. 26Ti Yésuwə a lúmí mɔ ani a ndáʼ ɛ́ mɔ́, ti a pɔŋí mɔ́ nána, “Ɛ́ si tǐm pə́ mbǐ á nkí.”
Yésuwə mɔ́ a dí Awə̌ bá Wɔ́kílíní
27Ti Yésuwə na bawútú bá mɔ bá bílí ɛ kə á míkí ámə́ mí dí á pɛsi mbú ɛ Kayísaríya Filípi. Ngə bá bílíní ɛ kə̌ a kɔndɛ́ bawútú bá mɔ́ nána, “Njá mɔ́lə́ baʼ bá pɔŋní na mi n dí?” 28Bá púshú mɔ́ nána, “Duŋgu lí baʼ lí byá nána, wə ɛ dí Jɔnə́ a Dumsɛ, bápə́pə̂ bá wə ɛ dí Ɛláyíja, bápə́pə̂ bá byá nána wə ɛ dí Nlakuwa-a-mudî nfɔ́ ampə́pə̂ a Dyǔ” 29Ti Yésuwə a kɔndɛ́ bɔ́ nána “Ndé nyə́mə̌n njá mɔ́lə́ nyí pɔ̌ŋ nána mi n dí?” Píta a púshú mɔ́ nána, “Wə ɛ dí Awə̌ bá Wɔ́kíní.” 30Ngə Píta a malíní álí byá nâ, Yésuwə a nəmí bɔ́ matwî nána, “Nyí si pɔ̌ŋ mɔ̂ʼ ká nfɔ́ ɛbú ɛ́ mɔ̂ʼ ɛ́yə́ mi n díní.”
Yésuwə a Byábí tɛ́ŋgɛnɛ Mutaka na liwá lí mɔ álə́ á kwisíní
31Ti Yésuwə á butí ɛ lúfú bawútú bá mɔ nána, “Mwǎn a Mɔnyuŋ a lɔlí ɛ taʼ, a kwísí mutaka jǐta. Bankúmə́, baprîsə bánə̂n na balɛ̂ bá mbéndá bá yaŋ mɔ́. Baʼ bá búlú mɔ́, ndé á bǔn ábə́ bú lwínján madû málán, á pumu á líwá.” 32Yésuwə a pɔŋí bawútú bá mɔ misam minán brúkútú. Áfánikə̌ Píta a kanání mɔ́ á nsaŋ ti a kəkí mɔ́ ɛ timbí mbyá átin. 33Ndé Yésuwə a wɛ́sí nyǔ, a tátí bawútú bá mɔ, ti á kándí Píta nána, Falú mî á wúsú Satán! Makani má wə má shyǎ makani ma Dyǔ. Má dí makáni má mɔ a nyuŋ.
34Ti Yésuwə a bəŋí limuti lî na bawútú bá mɔ ti a pɔŋí bɔ́ nána, Ká njá mɔ́lə́ awə̌ ǎ sa mî ɛ pɔ̌ŋ á mbís, a yásan nyǔ ɛ́ mɔ, á lɔlí ɛ kǐn nyǔ n mɔ na misam mí nkínshíyə̌, a pə́m mbásá ɛ́ mɔ a pɔ́ŋ mî á mbís. 35Á ɛ́tútú nána ká njá mɔ́lə́ awə̌ ǎ sa ɛ́ shúŋgɛ́ lúŋgɛ́ lí mɔ ǎ bɔ́lɔ́n lɔ́. Ká njá mɔ́lə́ awə̌ á bɔ́lɔ́ní luŋgɛ́ lí mɔ á ɛ́tútú ɛ́ myə na á ɛ́tútú ɛ́ ndúm ɛ mbâ ɛnín ní á kwisi lúŋgɛ́ álə́ lí sɛ̌ ɛ́ mɛ. 36Njá nsə́ŋə́ mɔ á kwisíní njí a wɔ́ŋí nkínshíyə nsə́sə̌n ndé a bɔ́lɔ́n lúŋgɛ́ lí mɔ? 37Yə̌ mɔʼ a tiŋgání ɛ bə álí kɔtɛ́ luŋgɛ́ lí mɔ? 38Mɔʼ awə̌ ǎ wú wúsɔ́n á bíyala bí myə á nyɔnyi ɛ́tɛ̂n ɛyə̌ ɛ́ pɔ̂ŋ Dyǔ á mbís na milə́m míbɛ̂, nyɔnyi ɛyə̌ ɛ bə́bí, Mwǎn a Mɔnyuŋ mɔ́ pə́ á wú wúsɔ́n á mɔ́ á púndá ɛyə̌ ǎ paní na áŋgɛl ɛ́yə́ ɛ́ sáŋí, na wulɔ wú Sáŋ m mɔ.
Currently Selected:
Mâkə 8: bwt
Highlight
Copy
Compare
Share
Want to have your highlights saved across all your devices? Sign up or sign in
