Luka 23
23
Yecu i nyim Pilato
(Nen daŋ Matayo 27.1-2, 11-14; Marako 15.1-5; Lakana 18.28-38)
1Lwak jo-nu luŋ oya, otere i nyim Pilato. 2Gin ocako pide kun okobo ni, “Dano man wan onwoŋo kun arwenyo rok mewa oko. Ogeŋowa ni kur ogelli Kaicari ocoro, daŋ-gu lwoŋere kene ni en e Kricito, abaka.” 3Pilato openye ni, “Yin abaka Ojudaya?” En te gamo ni, “Yin ikobo giri.” 4Pilato te kobo baŋ olamdog adoŋo kede baŋ lwak ecipan ni, “Mom anwoŋo kopporo arac i kom dano man.” 5Ento gin odie tetek kun okobo ni, “Lo-nu popoo lwak, pwonyo naka i Judaya luŋ aluŋa, cakere i Galilaya anaka kom kan twal.”
Yecu i nyim Kerode
6Ka Pilato owinyo kop man, openyo ka onyo en dano me Galilaya. 7Ka doŋ oniaŋ ni en tye i te loc a Kerode, ocwae baŋ Kerode, pien en daŋ onwoŋo tye i Jerucalem i kare-nono. 8Kerode ka oneno Yecu, oyomoro yie atek meicel, pien yam con onwoŋo paro pi nene, pien yam owinyo pire, dok onwoŋo egeno ni ebino neno anyuttoro a en bino timo. 9Omio en openyo Yecu kede peny apopol, ento en mom odok iye itik. 10Olamdog adoŋo kede opwony-cik ocuŋ i laŋete kun opide kede tekogi. 11Kerode daŋ ocae kede cirikale mere, oŋale, eka te ruke kede boŋo me kwogo, te dwoke kede baŋ Pilato. 12Omio Kerode gin kede Pilato omer i ceŋŋono, pien nwaŋ otye kede amone i akinagi kengi.
Oŋolli Yecu kop me to
(Nen daŋ Matayo 27.15-26; Marako 15.6-15; Lakana 18.39–19.16)
13Pilato olwoŋo olamdog adoŋo kede oloc kede lwak karacel, 14te kobbigi ni, “Ikelo wunu dano man baŋa ni en ŋat a rwenyo lwak. An apenye i nyimwu, nenu ba, mom anwoŋo kopporo arac i kome i kom kop luŋ ame ipide wunu iye. 15Kadi Kerode daŋ mom onwoŋo, pien en dok odwoggo en baŋwa. Nen, en mom otimo ginnoro a romo neke. 16Pi mano, an abino pwode, ate gonye oko.” [17I kare me ecuban myero ceŋ gonnyigi ŋattoro acel.]
18Cite gin luŋ ote wo karacel, oredo ni, “Neke oko! Gonnyiwa Baraba!” 19Baraba nwaŋ en dano ame otweo i buc pi tubo lwak i Jerucalem, kede pi nek. 20Pilato dok okobo kedgi, kun mito ni egony Yecu, 21cite gin owo kun oredo ni, “Gure i kom yataria! Gure i kom yataria!” 22En dok openyogi tyen me adek ni, “Piŋo kara? Gin aŋo arac ame otimo? An mom anwoŋo kopporo arac i kome a romo neke. Pi mano, abino pwode, ate gonye oko.” 23Ento gin oredo kede dwon aloŋo kun odie ni myero gure i kom yataria, dwongi te loyo; 24omio Pilato oŋolo kop ni myero time acalo gin okwao. 25Ogonyo dano ame nwaŋ otweo i buc pi tubo lwak kede pi nek; ento ojalo Yecu me time kite a gin omito.
Oguro Yecu i kom yataria
(Nen daŋ Matayo 27.32-44; Marako 15.21-32; Lakana 19.17-27)
26Ame otye ka tere, omako Cimon, dano me Kurene, ame onwoŋo abino kun oya i myere, oyimo yataria i wi gwoke, wek eye, elub i Yecu. 27Lwak jo ecipan olu be, kede mon apol, ame okumo kun okoke. 28Yecu olokere tuŋ baŋgi, okobo ni, “Anyira me Jerucalem, kur ikoku pira; kok wunu pirwu kenwu kede pi itinowu. 29Pien, nen, kare bino tuno ame obino kobo iye ni, ‘Otye kede winyo, mon ame oraŋa, kede ot nyodo a mom onywal, kede tuno ame mom odoto!’ 30#Koc. 10.8; Nyut 6.16I kare-nono obino ero kobbi kiddi adoŋo ni, ‘Rette wunu i komwa’; kede baŋ kiddi atino ni, ‘Wumwa wunu’. 31Pien ka jo timo man ame yat pwod dyaka, bino bedo nino ka yat doŋ otyeko two?”
32Jo aryo ocele a nwaŋ gin otim areco daŋ oterogi me nekgi karacel kede. 33Ka gin otuno i kabedo ame olwoŋo Cogo Wic, ogure i kom yataria kuno, kede otim areco, ŋat acel tuŋ cem, ŋat acel tuŋ cam. 34#Jab. 22.18Yecu okobo ni, “Pappa, timgi ber, pien gin mom oŋeo gin a gin atimmo.” Gin opoko boŋŋi mere oko i akinagi kun obolo iye kwir. 35#Jab. 22.7Lwak ocuŋ kun oneno, cite oloc oŋale, kun okobo ni, “Yam laro jo ocele; koŋ larre kene, ka en Kricito Obaŋa ame eyero!” 36#Jab. 69.21Cirikale daŋ oŋale; gin obino baŋe, omie koŋo awac, 37kun okobo ni, “Ka yin Abaka Ojudaya, larre keni!” 38I waraga ame oguro tuŋ wie ocoo ni, “Man en Abaka Ojudaya.” 39Ŋat acel i akina otim areco ame ogurogi karacel kede oyete kun kobo ni, “Yin mom i Kricito bo? Larre keni, kede wan daŋe!” 40Ento dano ocele ca te juke, kun kobo ni, “Yin mom ilworo Obaŋa, a kun oŋolli kop a rom aroma i mere? 41Wan giwa oŋolliwa kop kakare, pien oculliwa a rom i gin a wan otimo; cite dano man mom otimo gin arac kadi acelloro.” 42Te kobo ni, “Yecu, po i koma ka ituno i locci.” 43Odokke iye ni, “Ateni akobbi ni, tin ibino bedo keda i Paradic.”
Yecu oto
(Nen daŋ Matayo 27.45-56; Marako 15.31-41; Lakana 19.28-30)
44Caa onwoŋo doŋ mito romo abicel, piny te doko col i wi lobo luŋ, tuno anaka i caa aboŋwen. 45#Yaa 26.31-33Onwoŋo waŋ ceŋ owumere oko; boŋo icika me ot Obaŋa oyec oko dul aryo. 46#Jab. 31.5Yecu oredo i dwon aloŋo, okobo ni, “Pappa, amio cunya i ciŋi.” Ka doŋ okobo kop man, te to oko. 47Ka adwoŋ me cirikale oneno gin ame otimere, opako Obaŋa kun kobo ni, “Ateni, ba, dano man kara dano ame kite atir!” 48Lwak luŋ ame ocokere ka neno, ka oneno gin ame otimere, odok paco kun obapo korgi. 49#Luk. 8.2-3Owote mere ducu ocuŋ i teŋe, kede mon daŋ a nwaŋ obino kede kun oya i Galilaya, kun oneno anena.
Yiko kom Yecu i lyel
(Nen daŋ Matayo 27.57-61; Marako 15.42-47; Lakana 19.38-42)
50Onwoŋo cen tye lo moro a nyiŋe Yucepu; en daŋ rik dano acel i akina jo a bedo i kancil, en dano aber, ame kite atira. 51Nwaŋ mom onotte kedgi i tamgi anaka i timgi. Turgi paco Ojudaya ame olwoŋo Arimataya; daŋ en kuro loc Obaŋa. 52En owoto baŋ Pilato, okwao kom Yecu, 53ogweto i kom yat, te boyo kede cuka me camanini, te pyele iyi lyel ame oboro abora i lela; kannono onwoŋo pe ru opyelo iye kom ŋattoro oto. 54Rik onwoŋo nino me Yikere, cabit daŋ onwoŋo ceggi cakere. 55Mon a rik obino kede kun oya i Galilaya owapo yorgi, gin te neno lyellere, kede kite ame opyelo kede kome; 56#Yaa 20.10; Lodo 5.14eka gin ote dok paco, oyiko gin a ŋwece kur kede moo wir.
I cabit gin ote weo, acalo cik tye.
Currently Selected:
Luka 23: La79
Highlight
Share
Copy
Want to have your highlights saved across all your devices? Sign up or sign in
Lango New Testament © Bible Society of Uganda, 1979.
Luka 23
23
Yecu i nyim Pilato
(Nen daŋ Matayo 27.1-2, 11-14; Marako 15.1-5; Lakana 18.28-38)
1Lwak jo-nu luŋ oya, otere i nyim Pilato. 2Gin ocako pide kun okobo ni, “Dano man wan onwoŋo kun arwenyo rok mewa oko. Ogeŋowa ni kur ogelli Kaicari ocoro, daŋ-gu lwoŋere kene ni en e Kricito, abaka.” 3Pilato openye ni, “Yin abaka Ojudaya?” En te gamo ni, “Yin ikobo giri.” 4Pilato te kobo baŋ olamdog adoŋo kede baŋ lwak ecipan ni, “Mom anwoŋo kopporo arac i kom dano man.” 5Ento gin odie tetek kun okobo ni, “Lo-nu popoo lwak, pwonyo naka i Judaya luŋ aluŋa, cakere i Galilaya anaka kom kan twal.”
Yecu i nyim Kerode
6Ka Pilato owinyo kop man, openyo ka onyo en dano me Galilaya. 7Ka doŋ oniaŋ ni en tye i te loc a Kerode, ocwae baŋ Kerode, pien en daŋ onwoŋo tye i Jerucalem i kare-nono. 8Kerode ka oneno Yecu, oyomoro yie atek meicel, pien yam con onwoŋo paro pi nene, pien yam owinyo pire, dok onwoŋo egeno ni ebino neno anyuttoro a en bino timo. 9Omio en openyo Yecu kede peny apopol, ento en mom odok iye itik. 10Olamdog adoŋo kede opwony-cik ocuŋ i laŋete kun opide kede tekogi. 11Kerode daŋ ocae kede cirikale mere, oŋale, eka te ruke kede boŋo me kwogo, te dwoke kede baŋ Pilato. 12Omio Kerode gin kede Pilato omer i ceŋŋono, pien nwaŋ otye kede amone i akinagi kengi.
Oŋolli Yecu kop me to
(Nen daŋ Matayo 27.15-26; Marako 15.6-15; Lakana 18.39–19.16)
13Pilato olwoŋo olamdog adoŋo kede oloc kede lwak karacel, 14te kobbigi ni, “Ikelo wunu dano man baŋa ni en ŋat a rwenyo lwak. An apenye i nyimwu, nenu ba, mom anwoŋo kopporo arac i kome i kom kop luŋ ame ipide wunu iye. 15Kadi Kerode daŋ mom onwoŋo, pien en dok odwoggo en baŋwa. Nen, en mom otimo ginnoro a romo neke. 16Pi mano, an abino pwode, ate gonye oko.” [17I kare me ecuban myero ceŋ gonnyigi ŋattoro acel.]
18Cite gin luŋ ote wo karacel, oredo ni, “Neke oko! Gonnyiwa Baraba!” 19Baraba nwaŋ en dano ame otweo i buc pi tubo lwak i Jerucalem, kede pi nek. 20Pilato dok okobo kedgi, kun mito ni egony Yecu, 21cite gin owo kun oredo ni, “Gure i kom yataria! Gure i kom yataria!” 22En dok openyogi tyen me adek ni, “Piŋo kara? Gin aŋo arac ame otimo? An mom anwoŋo kopporo arac i kome a romo neke. Pi mano, abino pwode, ate gonye oko.” 23Ento gin oredo kede dwon aloŋo kun odie ni myero gure i kom yataria, dwongi te loyo; 24omio Pilato oŋolo kop ni myero time acalo gin okwao. 25Ogonyo dano ame nwaŋ otweo i buc pi tubo lwak kede pi nek; ento ojalo Yecu me time kite a gin omito.
Oguro Yecu i kom yataria
(Nen daŋ Matayo 27.32-44; Marako 15.21-32; Lakana 19.17-27)
26Ame otye ka tere, omako Cimon, dano me Kurene, ame onwoŋo abino kun oya i myere, oyimo yataria i wi gwoke, wek eye, elub i Yecu. 27Lwak jo ecipan olu be, kede mon apol, ame okumo kun okoke. 28Yecu olokere tuŋ baŋgi, okobo ni, “Anyira me Jerucalem, kur ikoku pira; kok wunu pirwu kenwu kede pi itinowu. 29Pien, nen, kare bino tuno ame obino kobo iye ni, ‘Otye kede winyo, mon ame oraŋa, kede ot nyodo a mom onywal, kede tuno ame mom odoto!’ 30#Koc. 10.8; Nyut 6.16I kare-nono obino ero kobbi kiddi adoŋo ni, ‘Rette wunu i komwa’; kede baŋ kiddi atino ni, ‘Wumwa wunu’. 31Pien ka jo timo man ame yat pwod dyaka, bino bedo nino ka yat doŋ otyeko two?”
32Jo aryo ocele a nwaŋ gin otim areco daŋ oterogi me nekgi karacel kede. 33Ka gin otuno i kabedo ame olwoŋo Cogo Wic, ogure i kom yataria kuno, kede otim areco, ŋat acel tuŋ cem, ŋat acel tuŋ cam. 34#Jab. 22.18Yecu okobo ni, “Pappa, timgi ber, pien gin mom oŋeo gin a gin atimmo.” Gin opoko boŋŋi mere oko i akinagi kun obolo iye kwir. 35#Jab. 22.7Lwak ocuŋ kun oneno, cite oloc oŋale, kun okobo ni, “Yam laro jo ocele; koŋ larre kene, ka en Kricito Obaŋa ame eyero!” 36#Jab. 69.21Cirikale daŋ oŋale; gin obino baŋe, omie koŋo awac, 37kun okobo ni, “Ka yin Abaka Ojudaya, larre keni!” 38I waraga ame oguro tuŋ wie ocoo ni, “Man en Abaka Ojudaya.” 39Ŋat acel i akina otim areco ame ogurogi karacel kede oyete kun kobo ni, “Yin mom i Kricito bo? Larre keni, kede wan daŋe!” 40Ento dano ocele ca te juke, kun kobo ni, “Yin mom ilworo Obaŋa, a kun oŋolli kop a rom aroma i mere? 41Wan giwa oŋolliwa kop kakare, pien oculliwa a rom i gin a wan otimo; cite dano man mom otimo gin arac kadi acelloro.” 42Te kobo ni, “Yecu, po i koma ka ituno i locci.” 43Odokke iye ni, “Ateni akobbi ni, tin ibino bedo keda i Paradic.”
Yecu oto
(Nen daŋ Matayo 27.45-56; Marako 15.31-41; Lakana 19.28-30)
44Caa onwoŋo doŋ mito romo abicel, piny te doko col i wi lobo luŋ, tuno anaka i caa aboŋwen. 45#Yaa 26.31-33Onwoŋo waŋ ceŋ owumere oko; boŋo icika me ot Obaŋa oyec oko dul aryo. 46#Jab. 31.5Yecu oredo i dwon aloŋo, okobo ni, “Pappa, amio cunya i ciŋi.” Ka doŋ okobo kop man, te to oko. 47Ka adwoŋ me cirikale oneno gin ame otimere, opako Obaŋa kun kobo ni, “Ateni, ba, dano man kara dano ame kite atir!” 48Lwak luŋ ame ocokere ka neno, ka oneno gin ame otimere, odok paco kun obapo korgi. 49#Luk. 8.2-3Owote mere ducu ocuŋ i teŋe, kede mon daŋ a nwaŋ obino kede kun oya i Galilaya, kun oneno anena.
Yiko kom Yecu i lyel
(Nen daŋ Matayo 27.57-61; Marako 15.42-47; Lakana 19.38-42)
50Onwoŋo cen tye lo moro a nyiŋe Yucepu; en daŋ rik dano acel i akina jo a bedo i kancil, en dano aber, ame kite atira. 51Nwaŋ mom onotte kedgi i tamgi anaka i timgi. Turgi paco Ojudaya ame olwoŋo Arimataya; daŋ en kuro loc Obaŋa. 52En owoto baŋ Pilato, okwao kom Yecu, 53ogweto i kom yat, te boyo kede cuka me camanini, te pyele iyi lyel ame oboro abora i lela; kannono onwoŋo pe ru opyelo iye kom ŋattoro oto. 54Rik onwoŋo nino me Yikere, cabit daŋ onwoŋo ceggi cakere. 55Mon a rik obino kede kun oya i Galilaya owapo yorgi, gin te neno lyellere, kede kite ame opyelo kede kome; 56#Yaa 20.10; Lodo 5.14eka gin ote dok paco, oyiko gin a ŋwece kur kede moo wir.
I cabit gin ote weo, acalo cik tye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lango New Testament © Bible Society of Uganda, 1979.