Matayo 8
8
Yecu ocaŋo adobo
(Nen daŋ Marako 1.40-45; Luka 5.12-16)
1A doŋ en oluŋere piny kun oya i wi kidi, lwak ecipan rik lube, 2cite nen adobo moro obino baŋe, orumo piny kun kobo ni, “Adwoŋ, ka imito, itwero lonya.” 3Yecu te ryeyo bade, te gude, kun kobo ni, “Ee, amito, lonyere giri.” Cucuttono dobo mere te lony oko. 4#Olev. 14.1-32Yecu te cike ni, “Winy ba, kur ikob i dano moro, ento wot giri, inyutte keni baŋ alamdog, imi mot a yam Muca ociko, obed anyut bangi.”
Yecu ocaŋo opii adwoŋ me cirikale
(Nen daŋ Luka 7.1-10)
5A doŋ Yecu odonyo i Kapernaum, adwoŋ me cirikale te bino baŋe, obako doge 6kun kobo ni, “Adwoŋ, amirona tye obuto piny i ot, too akwea kom omake, ocire atek meicel.” 7En te kobbe ni, “An awot caŋe.” 8Adwoŋ cirikale te gamo ni, “Adwoŋ, mom oporre yin idonyo i oda; twara ikobo ka kop keken, amirona bino can. 9An daŋ a dano ame oloo aloa, daŋ atye kede cirikale ame aloogi. Ka akobbi moro ni, ‘Woti’, en woto; onyo moro ocele ni, ‘Biye’, en bino; dok ka akobo opiina ni, ‘Ti man’, en tio.” 10Yecu ka owinyo kop man, owuro meicel, okobbi jo a lube ni, “Ateni akobbiwu ni, pe ru anwoŋo iyee a rom man, baŋ dano moro i Icrael. 11#Luk. 13.29Akobbiwu ni jo apol bino ya i tuŋ kide kede tuŋ to, gin bino bedo piny i dog cam karacel kede Iburaim, kede Icaka, kede Yakobo i loc me polo, 12#Mat. 22.13; 25.30; Luk. 13.28ento otino me loc en ame dok obino bolo i colpiny a tye oko; kuno bino bedo iye koko kede kayo lak.” 13Eka Yecu te kobbi adwoŋ cirikale ni, “Wot giri, obed baŋi acalo iyeeni tye kede.” Amiro mere te caŋ oko i caanono ikome.
Yecu ocaŋo maro a Cimon
(Nen daŋ Marako 1.29-31; Luka 4.38-39)
14Yecu odonyo i ot a Petero, te neno maro mere obuto, kun tye kede lyeto adwoŋ i kome. 15En omulo ciŋe, lyeto oket i kome, te ya malo, konyogi.
Yecu acaŋo jo apol otyeno
(Nen daŋ Marako 1.32-34; Luka 4.40-41)
16Otyeno okelo baŋe wegi cen areco; en te ryemo cen ka i kop keken, te caŋo jo luŋ ame komgi lit, 17#Ica. 53.4me kop a yam obino i dog adwarpiny Icaya cobere kakare, ni, “En otero gorowa, oyeo toowa.”
Jo mogo a yam mito lubo Yecu
(Nen daŋ Luka 9.57-62)
18Ka Yecu oneno lwak jo ecipan ogure dyere, en te kobo ni, “Owot wunu loka ca.” 19Apwony-cikkoro te bino kobbe ni, “Apwony, an abino lubi i kan ame ibino wot iye luŋ.” 20Yecu odok iye ni, “Ekwe tye kede gorogorogi, winy daŋ tye kede udigi, ento wot a dano mom tye kan ame epyelo iye wie.” 21Dano ocele i akina jo mere alube okwae ni, “Rwot, koŋ iweka awot ayik pappa.” 22Yecu te gamo ni, “Yin luba, wek jo oto yik jo oto wadgi.”
Yecu ojuko yamo i dye nam
(Nen daŋ Marako 4.35-41; Luka 8.22-25)
23En odonyo i yee, jo mere a lube te wopo yore. 24Cutocuto pii ocako twomere atek i dye nam, omio yee te mito lwiny oko i te pii; aco en onwoŋo onino oko. 25Gin obino baŋe ote coye okobo ni, “Rwot, larwa; oto oko!” 26En te kobbigi ni, “Kara piŋo ilwor wunu, wun jo ame iyeewu nok?” En te ya, te juko yamo kede nam, nam te liŋ mot. 27Omio jo-nu owuro kun okobo ni, “Man kara kit dano aŋo ame yamo kede nam-gu winyonie?”
Yecu ocaŋo jo me Geraca, wegi cen areco
(Nen daŋ Marako 5.1-20; Luka 8.26-39)
28Ame en doŋ otuno loka ca, i lobo a jo Geraca, jo aryo ame wegi cen areco te rwatte kede, kun oya i tuŋ wi lyele, oger atek ateka, ame ŋattoro mom twero beo i yo nono. 29Gin te redo ni, “Yin Wot Obaŋa, kara ilaro ŋo kedwa? Ibino me wunowa a kare mom ru oromo?” 30Onwoŋo lwak puno ecipan tye a cem kan a bobor kedgi. 31Cen areco te bako doggi baŋe ni, “Ka iryemowa, cwawa i lwak puno.” 32En te kobbigi ni, “Wot wunu.” Gin te ya pikere iyi punni; lwak puno luŋ obelle i nwec i kor kidi, ote poto i nam, ote mwonyere oko i pii. 33Okwat te riŋo oko, otuno i boma, ote tito pi gin ducu ame otimere, anaka kede kop i kom jo a yam gin wegi cen areco. 34Omio jo ducu oya i boma-nono, ociro me rwatte kede Yecu; ka onene, ote bako doggi ni myero ya oko i lobogi.
Currently Selected:
Matayo 8: La79
Highlight
Share
Copy
Want to have your highlights saved across all your devices? Sign up or sign in
Lango New Testament © Bible Society of Uganda, 1979.
Matayo 8
8
Yecu ocaŋo adobo
(Nen daŋ Marako 1.40-45; Luka 5.12-16)
1A doŋ en oluŋere piny kun oya i wi kidi, lwak ecipan rik lube, 2cite nen adobo moro obino baŋe, orumo piny kun kobo ni, “Adwoŋ, ka imito, itwero lonya.” 3Yecu te ryeyo bade, te gude, kun kobo ni, “Ee, amito, lonyere giri.” Cucuttono dobo mere te lony oko. 4#Olev. 14.1-32Yecu te cike ni, “Winy ba, kur ikob i dano moro, ento wot giri, inyutte keni baŋ alamdog, imi mot a yam Muca ociko, obed anyut bangi.”
Yecu ocaŋo opii adwoŋ me cirikale
(Nen daŋ Luka 7.1-10)
5A doŋ Yecu odonyo i Kapernaum, adwoŋ me cirikale te bino baŋe, obako doge 6kun kobo ni, “Adwoŋ, amirona tye obuto piny i ot, too akwea kom omake, ocire atek meicel.” 7En te kobbe ni, “An awot caŋe.” 8Adwoŋ cirikale te gamo ni, “Adwoŋ, mom oporre yin idonyo i oda; twara ikobo ka kop keken, amirona bino can. 9An daŋ a dano ame oloo aloa, daŋ atye kede cirikale ame aloogi. Ka akobbi moro ni, ‘Woti’, en woto; onyo moro ocele ni, ‘Biye’, en bino; dok ka akobo opiina ni, ‘Ti man’, en tio.” 10Yecu ka owinyo kop man, owuro meicel, okobbi jo a lube ni, “Ateni akobbiwu ni, pe ru anwoŋo iyee a rom man, baŋ dano moro i Icrael. 11#Luk. 13.29Akobbiwu ni jo apol bino ya i tuŋ kide kede tuŋ to, gin bino bedo piny i dog cam karacel kede Iburaim, kede Icaka, kede Yakobo i loc me polo, 12#Mat. 22.13; 25.30; Luk. 13.28ento otino me loc en ame dok obino bolo i colpiny a tye oko; kuno bino bedo iye koko kede kayo lak.” 13Eka Yecu te kobbi adwoŋ cirikale ni, “Wot giri, obed baŋi acalo iyeeni tye kede.” Amiro mere te caŋ oko i caanono ikome.
Yecu ocaŋo maro a Cimon
(Nen daŋ Marako 1.29-31; Luka 4.38-39)
14Yecu odonyo i ot a Petero, te neno maro mere obuto, kun tye kede lyeto adwoŋ i kome. 15En omulo ciŋe, lyeto oket i kome, te ya malo, konyogi.
Yecu acaŋo jo apol otyeno
(Nen daŋ Marako 1.32-34; Luka 4.40-41)
16Otyeno okelo baŋe wegi cen areco; en te ryemo cen ka i kop keken, te caŋo jo luŋ ame komgi lit, 17#Ica. 53.4me kop a yam obino i dog adwarpiny Icaya cobere kakare, ni, “En otero gorowa, oyeo toowa.”
Jo mogo a yam mito lubo Yecu
(Nen daŋ Luka 9.57-62)
18Ka Yecu oneno lwak jo ecipan ogure dyere, en te kobo ni, “Owot wunu loka ca.” 19Apwony-cikkoro te bino kobbe ni, “Apwony, an abino lubi i kan ame ibino wot iye luŋ.” 20Yecu odok iye ni, “Ekwe tye kede gorogorogi, winy daŋ tye kede udigi, ento wot a dano mom tye kan ame epyelo iye wie.” 21Dano ocele i akina jo mere alube okwae ni, “Rwot, koŋ iweka awot ayik pappa.” 22Yecu te gamo ni, “Yin luba, wek jo oto yik jo oto wadgi.”
Yecu ojuko yamo i dye nam
(Nen daŋ Marako 4.35-41; Luka 8.22-25)
23En odonyo i yee, jo mere a lube te wopo yore. 24Cutocuto pii ocako twomere atek i dye nam, omio yee te mito lwiny oko i te pii; aco en onwoŋo onino oko. 25Gin obino baŋe ote coye okobo ni, “Rwot, larwa; oto oko!” 26En te kobbigi ni, “Kara piŋo ilwor wunu, wun jo ame iyeewu nok?” En te ya, te juko yamo kede nam, nam te liŋ mot. 27Omio jo-nu owuro kun okobo ni, “Man kara kit dano aŋo ame yamo kede nam-gu winyonie?”
Yecu ocaŋo jo me Geraca, wegi cen areco
(Nen daŋ Marako 5.1-20; Luka 8.26-39)
28Ame en doŋ otuno loka ca, i lobo a jo Geraca, jo aryo ame wegi cen areco te rwatte kede, kun oya i tuŋ wi lyele, oger atek ateka, ame ŋattoro mom twero beo i yo nono. 29Gin te redo ni, “Yin Wot Obaŋa, kara ilaro ŋo kedwa? Ibino me wunowa a kare mom ru oromo?” 30Onwoŋo lwak puno ecipan tye a cem kan a bobor kedgi. 31Cen areco te bako doggi baŋe ni, “Ka iryemowa, cwawa i lwak puno.” 32En te kobbigi ni, “Wot wunu.” Gin te ya pikere iyi punni; lwak puno luŋ obelle i nwec i kor kidi, ote poto i nam, ote mwonyere oko i pii. 33Okwat te riŋo oko, otuno i boma, ote tito pi gin ducu ame otimere, anaka kede kop i kom jo a yam gin wegi cen areco. 34Omio jo ducu oya i boma-nono, ociro me rwatte kede Yecu; ka onene, ote bako doggi ni myero ya oko i lobogi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lango New Testament © Bible Society of Uganda, 1979.