Marako 11
11
Yecu odonyo i Jerucalem acalo abaka
(Nen daŋ Matayo 21.1-11; Luka 19.28-40; Lakana 12.12-19)
1Ame gin doŋ ceggi i tuno i Jerucalem, tuŋ Betepage kede Betania, i kor kidi me Jeituni, Yecu ooro jo aryo i akina jo a lube, 2ocikogi ni, “Wot wunu i paco i nyimwu ca. Ame doŋ idonyo wunu iye, oyotoyot ibino nwoŋo wunu atin kana, ame otweo, ame ŋattoro mom ru oyito i wie; gonyu, ikel wunu kan. 3Ka dano moro bino penyowu ni, ‘Ŋo omio itimo wunu amannono?’ dok wunu iye ni, ‘Adwoŋwa en ame amito; daŋ adwoggo en kan oko oyotoyot.’ ” 4Gin owoto, onwoŋo otweo atin kana i doggola oko i ŋet yo, ote gonyo. 5Jo mogo ame onwoŋo ocuŋ kuno te penyogi ni, “Kara itimo wunu ŋo omio igonyo wunu atin kana?” 6Gin te dok iye i kite ame Yecu okobbigi kede. Jo-nu te ye ni gin woti. 7Ote kelo atin kana baŋ Yecu, ote peto boŋŋigi i kome, en te bedo i wie. 8Jo apol opeto boŋŋigi i dye yo, jo mogo opeto boke ame ojako i potti. 9#Jab. 118.25-26Jo ame otelo yo kede ame alube oredo ni,
“Ojana, pak wunu Rwot!
Gum myero bed i kom ŋat ame abino i nyiŋ Rwot!
10Gum myero bed i kom loc a kwarowa Daudi ame abino!
Pake wunu malo i wi polo!”
11En odonyo i Jerucalem, owoto i ot Obaŋa, te ŋiyo jami ducu, eka te dok oko i Betania karacel kede jo mere apar wie aryo, pien piny onwoŋo oyuto oko.
Yecu oceno oduro
(Nen daŋ Matayo 21.18-19)
12Orwo mere ka gin oya i Betania, kec oneke. 13Te neno oduro i teŋe kun pote olot, owoto oneno ka kono ce etwero nwoŋo moro ame ocek iye. Ka otuno i tere, mom onwoŋo ginnoro, kono ka pote keken, pien mom ru kare me cekkere. 14Te kobo oduro ni, “Ŋattoro mom dok bino camo nyigi atwal.” Jo a lube owinyo.
Yecu oryemo ocat-wil i ot Obaŋa
(Nen daŋ Matayo 21.12-17; Luka 19.45-48; Lakana 2.13-22)
15Ka gin otuno i Jerucalem, Yecu odonyo i ot Obaŋa, te cako ryemo jo ame cato wil kede owil jami i ot Obaŋa. Oreto meja a jo a loko cente, anaka gi-bedo a jo a cato amam; 16mom oye ni dano moro ŋol dye ot Obaŋa kede yec. 17#Ica. 56.7; Jer. 7.11Dok te ero pwonyogi kun kobo ni, “Rik mom ocoo ni, ‘Oda obino lwoŋo ni ot me kwac a rok luŋ?’ Ento wun iloko wunu odoko adu oyak.” 18Olamdog adoŋo kede opwony-cik owinyo koppere, ote yenyo yo me neke; pien onwoŋo gin lwore, pien lwak luŋ owuro pwonnyere. 19A doŋ piny oyuto, en te ya oko i Jerucalem.
Pwony ame oya i kom oduro
(Nen daŋ Matayo 21.20-22)
20Odiko ame onwoŋo gin beo iyo-nu, oneno oduro otal oko cakere i lwite. 21Petero opo iye, okobo ni, “Rabbi, neno oduro iceno-ni otal oko.” 22Yecu te gamo ni, “Bed wunu kede iyee i kom Obaŋa. 23#Mat. 17.20; 1 Kor. 13.2Ateni akobbiwu ni, ŋat ame bino kobbi kidi man ni, ‘Mukere, irette i nam,’ a kun mom okalo akala i cunye, ento oye ni gin ame ekobo bino timere, daŋ bino timere. 24Pi kop man akobbiwu ni, gin ducu ame ibino wunu penyo ame ikwayo wunu Obaŋa, myero iye wunu ni inwoŋo wunu oko, daŋ ibino wunu nwoŋo. 25#Mat. 6.14-15Dok daŋ kare ducu ame icuŋ wunu kun ikwao wunu Obaŋa, ka itye wunu kede kopporo i kom ŋattoro, time wunu kica, me wek Papawu a tye i polo daŋ timwu kica i kom balwu. [26Ento ka mom itimo wunu jo kica, Papawu ame tye i polo daŋ mom bino timowu kica i balwu.]”
Openyo Yecu i kom twerrere
(Nen daŋ Matayo 21.23-27; Luka 20.1-8)
27Gin dok obino i Jerucalem. Ka onwoŋo en tye ka wowota i ot Obaŋa, olamdog adoŋo kede opwony-cik kede odoŋe obino baŋe. 28Ote penye ni, “Twerrene omio itimo kit man? Daŋ ŋa omii twer man me timo?” 29Yecu te kobbigi ni, “An koŋ abino penyowu pennyoro acel; wun koŋ idokka wunu iye, an daŋ ate bino tittiwu twer omio atimo kit man. 30Batija a Lakana oya i baŋ Obaŋa aŋar onyo oya i baŋ dano? Dokka wunu iye.” 31Gin ote bedo pyem kengi kengi kun okobo ni, “Ka okobo ni, ‘Oya i baŋ Obaŋa’, en bino penyowa ni, ‘Kara piŋo dok mom iye wunu en?’ 32Ka okobo ni, ‘Oya i baŋ dano’, kono?” Gin olworo lwak, pien gin luŋ oŋeo ni Lakana en adwarpiny ateni. 33Omio gin te dokki Yecu ni, “Wan okwia giwa.” Yecu daŋ te kobbigi ni, “An daŋ mom abino kobbiwu twer omio atimo kite man,”
Currently Selected:
Marako 11: La79
Highlight
Share
Copy
Want to have your highlights saved across all your devices? Sign up or sign in
Lango New Testament © Bible Society of Uganda, 1979.
Marako 11
11
Yecu odonyo i Jerucalem acalo abaka
(Nen daŋ Matayo 21.1-11; Luka 19.28-40; Lakana 12.12-19)
1Ame gin doŋ ceggi i tuno i Jerucalem, tuŋ Betepage kede Betania, i kor kidi me Jeituni, Yecu ooro jo aryo i akina jo a lube, 2ocikogi ni, “Wot wunu i paco i nyimwu ca. Ame doŋ idonyo wunu iye, oyotoyot ibino nwoŋo wunu atin kana, ame otweo, ame ŋattoro mom ru oyito i wie; gonyu, ikel wunu kan. 3Ka dano moro bino penyowu ni, ‘Ŋo omio itimo wunu amannono?’ dok wunu iye ni, ‘Adwoŋwa en ame amito; daŋ adwoggo en kan oko oyotoyot.’ ” 4Gin owoto, onwoŋo otweo atin kana i doggola oko i ŋet yo, ote gonyo. 5Jo mogo ame onwoŋo ocuŋ kuno te penyogi ni, “Kara itimo wunu ŋo omio igonyo wunu atin kana?” 6Gin te dok iye i kite ame Yecu okobbigi kede. Jo-nu te ye ni gin woti. 7Ote kelo atin kana baŋ Yecu, ote peto boŋŋigi i kome, en te bedo i wie. 8Jo apol opeto boŋŋigi i dye yo, jo mogo opeto boke ame ojako i potti. 9#Jab. 118.25-26Jo ame otelo yo kede ame alube oredo ni,
“Ojana, pak wunu Rwot!
Gum myero bed i kom ŋat ame abino i nyiŋ Rwot!
10Gum myero bed i kom loc a kwarowa Daudi ame abino!
Pake wunu malo i wi polo!”
11En odonyo i Jerucalem, owoto i ot Obaŋa, te ŋiyo jami ducu, eka te dok oko i Betania karacel kede jo mere apar wie aryo, pien piny onwoŋo oyuto oko.
Yecu oceno oduro
(Nen daŋ Matayo 21.18-19)
12Orwo mere ka gin oya i Betania, kec oneke. 13Te neno oduro i teŋe kun pote olot, owoto oneno ka kono ce etwero nwoŋo moro ame ocek iye. Ka otuno i tere, mom onwoŋo ginnoro, kono ka pote keken, pien mom ru kare me cekkere. 14Te kobo oduro ni, “Ŋattoro mom dok bino camo nyigi atwal.” Jo a lube owinyo.
Yecu oryemo ocat-wil i ot Obaŋa
(Nen daŋ Matayo 21.12-17; Luka 19.45-48; Lakana 2.13-22)
15Ka gin otuno i Jerucalem, Yecu odonyo i ot Obaŋa, te cako ryemo jo ame cato wil kede owil jami i ot Obaŋa. Oreto meja a jo a loko cente, anaka gi-bedo a jo a cato amam; 16mom oye ni dano moro ŋol dye ot Obaŋa kede yec. 17#Ica. 56.7; Jer. 7.11Dok te ero pwonyogi kun kobo ni, “Rik mom ocoo ni, ‘Oda obino lwoŋo ni ot me kwac a rok luŋ?’ Ento wun iloko wunu odoko adu oyak.” 18Olamdog adoŋo kede opwony-cik owinyo koppere, ote yenyo yo me neke; pien onwoŋo gin lwore, pien lwak luŋ owuro pwonnyere. 19A doŋ piny oyuto, en te ya oko i Jerucalem.
Pwony ame oya i kom oduro
(Nen daŋ Matayo 21.20-22)
20Odiko ame onwoŋo gin beo iyo-nu, oneno oduro otal oko cakere i lwite. 21Petero opo iye, okobo ni, “Rabbi, neno oduro iceno-ni otal oko.” 22Yecu te gamo ni, “Bed wunu kede iyee i kom Obaŋa. 23#Mat. 17.20; 1 Kor. 13.2Ateni akobbiwu ni, ŋat ame bino kobbi kidi man ni, ‘Mukere, irette i nam,’ a kun mom okalo akala i cunye, ento oye ni gin ame ekobo bino timere, daŋ bino timere. 24Pi kop man akobbiwu ni, gin ducu ame ibino wunu penyo ame ikwayo wunu Obaŋa, myero iye wunu ni inwoŋo wunu oko, daŋ ibino wunu nwoŋo. 25#Mat. 6.14-15Dok daŋ kare ducu ame icuŋ wunu kun ikwao wunu Obaŋa, ka itye wunu kede kopporo i kom ŋattoro, time wunu kica, me wek Papawu a tye i polo daŋ timwu kica i kom balwu. [26Ento ka mom itimo wunu jo kica, Papawu ame tye i polo daŋ mom bino timowu kica i balwu.]”
Openyo Yecu i kom twerrere
(Nen daŋ Matayo 21.23-27; Luka 20.1-8)
27Gin dok obino i Jerucalem. Ka onwoŋo en tye ka wowota i ot Obaŋa, olamdog adoŋo kede opwony-cik kede odoŋe obino baŋe. 28Ote penye ni, “Twerrene omio itimo kit man? Daŋ ŋa omii twer man me timo?” 29Yecu te kobbigi ni, “An koŋ abino penyowu pennyoro acel; wun koŋ idokka wunu iye, an daŋ ate bino tittiwu twer omio atimo kit man. 30Batija a Lakana oya i baŋ Obaŋa aŋar onyo oya i baŋ dano? Dokka wunu iye.” 31Gin ote bedo pyem kengi kengi kun okobo ni, “Ka okobo ni, ‘Oya i baŋ Obaŋa’, en bino penyowa ni, ‘Kara piŋo dok mom iye wunu en?’ 32Ka okobo ni, ‘Oya i baŋ dano’, kono?” Gin olworo lwak, pien gin luŋ oŋeo ni Lakana en adwarpiny ateni. 33Omio gin te dokki Yecu ni, “Wan okwia giwa.” Yecu daŋ te kobbigi ni, “An daŋ mom abino kobbiwu twer omio atimo kite man,”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lango New Testament © Bible Society of Uganda, 1979.