Palamba’anna Pasuro’a I Yesus 11
11
I Petrus marati lo’a anak ulun maama i Yesus di Yerusalem
1Jaji gulungan pasuro’a i Yesus nanna ambata arasairunen ilalam i Yesus di daerah Yudea, samuana mandalinga dongona tau okanen banua Yahudi di saona ari Kornelius de’i, yang tambaan bea manarima’ lo’a Jaruma Alatala. 2Jaji mole’ i Petrus lo’a Yerusalem, dapasala’ barik kole’a ira gulungan Yahudiin yang masi kuaten malola’a lo’a adat sunaten. 3Jaji manjarum lo’a i Petrus, “Asi kenanga intamanu di saona tau yang na’anen isunat laloang angkaannu nanda’?” ingka kenang jarumda’.
4Jaji datutul lo’da’ jalu adariin dinen mulai di akata sampai lo’a katuntunganna, 5“Patanga’an bado’aku’ di banua Yope, andian jalu paitangen kalena lo’ku’. Kubele iak jalu dinen balu’ palas tilam tadoren dari suanen dagantung di susu’ ampata. Jaji manaat barik inang ibiringku’. 6Barik kukita ilalama andian ambata gulungan inatang batiin. Andian yang pandeen lamba’, andian pandeen melet, andian bea pandeen mainsap. 7Jaji barik kudalinga iak unyi manjarumen lo’ku’, Se’, akadengko Petruse. Sembeli dinen, ikaan, ingka kenang lo’ku’.
8“Poangsi kusauti, Na’anak, Paraampuanku’. Na’an kala’ tapis di baba’ku’ jalu na’anen maam, jalu ipase’angen di Ukumu, uka’ kenang. Im. 11:1-47. 9Unyi dinen laloang manjarum bapi dari suanen, Jalu daasan maam kole’a Alatala ada’ iasanna iko jalu ajau’, ingka kenang manjaruma Paraampuanen lo’ku’. 10Jaji jalu dinen talung kali adarina. Maminna akaus talung kalina dinen, laloang datarik kausa inait lo’a suanen.
11“Jaji pas nanga dinen, mondok bea tauen lo’a kosan lalako’ku’, mantuari taluun dari banua Kaisarea, tau dasuro’ mala lo’ku’. 12Jaji Sumangata Alatala manyuro’ lo’ku’ tamba nanda’, na’an pande kalangganganen, ingka. Andian bua tamba nanku’ lo’a Kaisarea, anam arasairunka’ saimanen di’en yang dari banua Yope. Jaji mondokkam inang, intama samuanam lo’a saona i Kornelius.
13“Maminna dinen datutul barik lo’am kole’a i Kornelius jalu paitangen kalena lo’a. Andian, ingka, malaikaten akadengen di saona laloang manjarum lo’a, Manyuro’ tau lo’a Yopeko, suro’ mala lo’a babaka dinen, i Simon yang daasanen bea i Petrus. 14To’ dajarumang lo’in Dongo mangatio’en lo’u dari ukum dosaan nanna samuana yang sama lalako’en ilalam saonu, ingka kenang manjaruma malaikaten lo’a.
15“Jaji talakat manjarumku’ lo’da’, tador bea Sumangat Bareseen lo’da’ awan bua mondoka lo’ka’jo di mulakata. 16Rabarik kuparandam iak jaruma Paraampuanka’. I Yohanes, ingka, mambaptisa lo’a tauen di’en, dabaptis nanna danumen, ingka kenang. Poangsi daikin laan. Daikin ona’ to’ dabaptiskin kole’a Alatala nanna Sumangat Bareseen, ingka kenangjo i Yesus. PalPa. 1:5. 17Jaji, na’an patut kupase’ang adari panamuna Alatala. Kole’a mamin ira manarima’ pameanga, sama awan yang dameang lo’ka’jo yang maminen parasaya’ lo’a Paraampuanka’ Yesus Kristus,” ingka kenang manjaruma i Petrus lo’da’.
18Maminna barik dadalinga awan dinen, na’an lagi’ manyauti ira. Dapudi poang Alatala, “Ti’en awan dinen, tau okanen Yahudipi dameang bea lele’an kole’a Alatala itiang maunjang pikiranna yang sala’en laloang mandua’ang katio’an yang baruun,” ingka kenang jarumda’.
Anak ulun maama i Yesus di Antiokia
19Jaji tau atamboren dinen kole’a kamarinsa’anen waktu nanga dauno’a dinen i Stepanus, bajao’ lamba’a. Andian rariangen kalena lo’din-lo’din sampai mondok sapa dua lo’a banua Penisia. Andian bea mondoken lo’a pulau Siprus, nanna banua Antiokia. Lo’a tau Yahudiin poang lamba’a mawaan Dongona Alatala. PalPa. 8:1-4. 20Poangsi andian bea tau parasaya’en, yang asala dari pulau Siprus nanna banua Kirene. Lamba’ ira lo’a Antiokia laloang manjarumang bea Dongo Maama Paraampuanka’ Yesus lo’a tau mamakaien jarum Yunani. 21Jaji andian kuasana Paraampuanen nanda’ manyuro’ bayu’ tau padari parasaya’en laloang malola’ lo’a Paraampuanka’.
22Jaji barik mondok dongo tau baru parasaya’en dinen lo’a anak katio’anna Alatala di Yerusalem. Jaji barik dasuro’ lamba’i banua Antiokia lo’a i Barnabas. 23Jaji mondok i Barnabas inang, dabele kamaamanna Alatala lo’a tauen inangen, sasau nyawana. Laloang manjarum daia lo’da’ manyuro’ malola’ jaji lo’a Paraampuanka’ nanna ate gugulungen. 24Jaji i Barnabas dinen tau maamen atena, dapakai tapat kole’a Sumangata Alatala. Saja sa kaparasaya’anna lo’a Paraampuanka’. Jaji bayu’ barik tau yang daawaan lo’a Paraampuanka’.
25Maminna dinen, lamba’ barik i Barnabas lo’a banua Tarsus manyari lo’a i Saulus. 26Maminna sidua’, daawa barik i Saulus lo’a banua Antiokia. Jaji sataun barik lalako’da’ duaan inang nanna ambata anak ulun maama i Yesus inang, daajar ambata gulungan tau babangkulungen inang. Inang di banua Antiokia lalo akata tau masanen lo’a ambata palola’a i Yesus anak Kristenen.
27Jaji nanga dinen, andian ambata panjaruma Alatala mondoken dari banua Yerusalem lo’a banua Antiokia. 28Antarana ambata panjarum mondoken dinen de’i, andian tau yang iasanen i Agabus. Jaji daia daawa kole’a panamuna Sumangata Alatala manjarumang jalu to’ adariin di ona’en. “Andian ona’ karaparan sasara kangkaman negeri Roma samuana. Marinsa’ tapat ona’,” ingka kenang manjaruma. Karaparan dinen adari lalojo waktu nanga daangkama negeri Roma kole’a Raja Klaudius.#11:28 Ilalam jarum Yunani pangkat raja asanna Kaisar. PalPa. 21:10.
29Jaji barik ambata palola’a i Yesus pasipakatang to’ paawaang jalu lo’a gulungan arasairunda’ yang lalako’en di propinsi Yudea. To’ manggulungi lo’da’ bele ka’ada’anna sera-serana. 30Barik kaputusanda’ dinen dapadari bua. Jaji i Barnabas nanna i Saulus dasuro’ mantat pameangda’ dinen lo’a ambata tau yang dapakaien di anak ulun maama i Yesus di Yudea. 2Kor. 8:1—9:15.
Currently Selected:
Palamba’anna Pasuro’a I Yesus 11: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Palamba’anna Pasuro’a I Yesus 11
11
I Petrus marati lo’a anak ulun maama i Yesus di Yerusalem
1Jaji gulungan pasuro’a i Yesus nanna ambata arasairunen ilalam i Yesus di daerah Yudea, samuana mandalinga dongona tau okanen banua Yahudi di saona ari Kornelius de’i, yang tambaan bea manarima’ lo’a Jaruma Alatala. 2Jaji mole’ i Petrus lo’a Yerusalem, dapasala’ barik kole’a ira gulungan Yahudiin yang masi kuaten malola’a lo’a adat sunaten. 3Jaji manjarum lo’a i Petrus, “Asi kenanga intamanu di saona tau yang na’anen isunat laloang angkaannu nanda’?” ingka kenang jarumda’.
4Jaji datutul lo’da’ jalu adariin dinen mulai di akata sampai lo’a katuntunganna, 5“Patanga’an bado’aku’ di banua Yope, andian jalu paitangen kalena lo’ku’. Kubele iak jalu dinen balu’ palas tilam tadoren dari suanen dagantung di susu’ ampata. Jaji manaat barik inang ibiringku’. 6Barik kukita ilalama andian ambata gulungan inatang batiin. Andian yang pandeen lamba’, andian pandeen melet, andian bea pandeen mainsap. 7Jaji barik kudalinga iak unyi manjarumen lo’ku’, Se’, akadengko Petruse. Sembeli dinen, ikaan, ingka kenang lo’ku’.
8“Poangsi kusauti, Na’anak, Paraampuanku’. Na’an kala’ tapis di baba’ku’ jalu na’anen maam, jalu ipase’angen di Ukumu, uka’ kenang. Im. 11:1-47. 9Unyi dinen laloang manjarum bapi dari suanen, Jalu daasan maam kole’a Alatala ada’ iasanna iko jalu ajau’, ingka kenang manjaruma Paraampuanen lo’ku’. 10Jaji jalu dinen talung kali adarina. Maminna akaus talung kalina dinen, laloang datarik kausa inait lo’a suanen.
11“Jaji pas nanga dinen, mondok bea tauen lo’a kosan lalako’ku’, mantuari taluun dari banua Kaisarea, tau dasuro’ mala lo’ku’. 12Jaji Sumangata Alatala manyuro’ lo’ku’ tamba nanda’, na’an pande kalangganganen, ingka. Andian bua tamba nanku’ lo’a Kaisarea, anam arasairunka’ saimanen di’en yang dari banua Yope. Jaji mondokkam inang, intama samuanam lo’a saona i Kornelius.
13“Maminna dinen datutul barik lo’am kole’a i Kornelius jalu paitangen kalena lo’a. Andian, ingka, malaikaten akadengen di saona laloang manjarum lo’a, Manyuro’ tau lo’a Yopeko, suro’ mala lo’a babaka dinen, i Simon yang daasanen bea i Petrus. 14To’ dajarumang lo’in Dongo mangatio’en lo’u dari ukum dosaan nanna samuana yang sama lalako’en ilalam saonu, ingka kenang manjaruma malaikaten lo’a.
15“Jaji talakat manjarumku’ lo’da’, tador bea Sumangat Bareseen lo’da’ awan bua mondoka lo’ka’jo di mulakata. 16Rabarik kuparandam iak jaruma Paraampuanka’. I Yohanes, ingka, mambaptisa lo’a tauen di’en, dabaptis nanna danumen, ingka kenang. Poangsi daikin laan. Daikin ona’ to’ dabaptiskin kole’a Alatala nanna Sumangat Bareseen, ingka kenangjo i Yesus. PalPa. 1:5. 17Jaji, na’an patut kupase’ang adari panamuna Alatala. Kole’a mamin ira manarima’ pameanga, sama awan yang dameang lo’ka’jo yang maminen parasaya’ lo’a Paraampuanka’ Yesus Kristus,” ingka kenang manjaruma i Petrus lo’da’.
18Maminna barik dadalinga awan dinen, na’an lagi’ manyauti ira. Dapudi poang Alatala, “Ti’en awan dinen, tau okanen Yahudipi dameang bea lele’an kole’a Alatala itiang maunjang pikiranna yang sala’en laloang mandua’ang katio’an yang baruun,” ingka kenang jarumda’.
Anak ulun maama i Yesus di Antiokia
19Jaji tau atamboren dinen kole’a kamarinsa’anen waktu nanga dauno’a dinen i Stepanus, bajao’ lamba’a. Andian rariangen kalena lo’din-lo’din sampai mondok sapa dua lo’a banua Penisia. Andian bea mondoken lo’a pulau Siprus, nanna banua Antiokia. Lo’a tau Yahudiin poang lamba’a mawaan Dongona Alatala. PalPa. 8:1-4. 20Poangsi andian bea tau parasaya’en, yang asala dari pulau Siprus nanna banua Kirene. Lamba’ ira lo’a Antiokia laloang manjarumang bea Dongo Maama Paraampuanka’ Yesus lo’a tau mamakaien jarum Yunani. 21Jaji andian kuasana Paraampuanen nanda’ manyuro’ bayu’ tau padari parasaya’en laloang malola’ lo’a Paraampuanka’.
22Jaji barik mondok dongo tau baru parasaya’en dinen lo’a anak katio’anna Alatala di Yerusalem. Jaji barik dasuro’ lamba’i banua Antiokia lo’a i Barnabas. 23Jaji mondok i Barnabas inang, dabele kamaamanna Alatala lo’a tauen inangen, sasau nyawana. Laloang manjarum daia lo’da’ manyuro’ malola’ jaji lo’a Paraampuanka’ nanna ate gugulungen. 24Jaji i Barnabas dinen tau maamen atena, dapakai tapat kole’a Sumangata Alatala. Saja sa kaparasaya’anna lo’a Paraampuanka’. Jaji bayu’ barik tau yang daawaan lo’a Paraampuanka’.
25Maminna dinen, lamba’ barik i Barnabas lo’a banua Tarsus manyari lo’a i Saulus. 26Maminna sidua’, daawa barik i Saulus lo’a banua Antiokia. Jaji sataun barik lalako’da’ duaan inang nanna ambata anak ulun maama i Yesus inang, daajar ambata gulungan tau babangkulungen inang. Inang di banua Antiokia lalo akata tau masanen lo’a ambata palola’a i Yesus anak Kristenen.
27Jaji nanga dinen, andian ambata panjaruma Alatala mondoken dari banua Yerusalem lo’a banua Antiokia. 28Antarana ambata panjarum mondoken dinen de’i, andian tau yang iasanen i Agabus. Jaji daia daawa kole’a panamuna Sumangata Alatala manjarumang jalu to’ adariin di ona’en. “Andian ona’ karaparan sasara kangkaman negeri Roma samuana. Marinsa’ tapat ona’,” ingka kenang manjaruma. Karaparan dinen adari lalojo waktu nanga daangkama negeri Roma kole’a Raja Klaudius.#11:28 Ilalam jarum Yunani pangkat raja asanna Kaisar. PalPa. 21:10.
29Jaji barik ambata palola’a i Yesus pasipakatang to’ paawaang jalu lo’a gulungan arasairunda’ yang lalako’en di propinsi Yudea. To’ manggulungi lo’da’ bele ka’ada’anna sera-serana. 30Barik kaputusanda’ dinen dapadari bua. Jaji i Barnabas nanna i Saulus dasuro’ mantat pameangda’ dinen lo’a ambata tau yang dapakaien di anak ulun maama i Yesus di Yudea. 2Kor. 8:1—9:15.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997