Palamba’anna Pasuro’a I Yesus 5
5
I Ananias nanna i Sapira panganung-nganung lo’a Sumangat Bareseen
1Poangsi indinang, andian tau dua lakunyeen, i Ananias nanna bainyena, i Sapira asanna. Jaji barik andian tana’da’ yang dapeten kole’a i Ananias. 2Dalam raga tana’a dinen, okan samuana daantat lo’a pasuro’en. Datarik sapa dua. Datamu bea kole’a bainyena. Sisana barik daantat bua lo’a pasuro’a i Yesus, baingin tauen dabele balu’ jalu akaus dameang.
3Mondok inang, manjarum dinen i Petrus lo’a, “Asi kenang maam-maama daiko Ananiase raana atenu dalalako’ina kole’a dinen i Pangabo?” ingka kenang. “Jau’usi! Sampai mainya’ko pako-akoi Sumangat Bareseen. Ragana tana’u dinen itaro’ iko sapa dua. 4Ai memen? Mulakata nanga nampina ipet iko, ikona memen ampunaan tana’ dinen. Maminna ipetpi bele poang iko insa’ to’ itiang pameangu. Kenang maam-maamasi atenu sampai mainya’u to’ mamola awan dinen? Okanko pako-akoi lo’a mantuariin dinen. Pako-akoiko lo’a Alatala,” ingka kenang manjaruma i Petrus.
5I Ananiaspi dinen dadalingana awan dinen, daiapi laloang araba’ lo’a sararen. Laloang mangatu batak nyawana. Samuana tauen yang mandalingaan lo’a dinen tabulanga’. Atakut tapat. 6Na, maminna dinen barik, mondok ambata anak bakasen. Daliliti bangkayoanna i Ananias dinen nanna kainen. Laloang daantat barik dinen i Ananias laloang dakaliang.
7Maminna dakubur dinen lakina, kira-kira talung jam dinen intarana, mondok bea bainyena. Nampi datamu jalu yang adariin de’i. 8Jaji mangatoani bapi i Petrus lo’a, “Na, jarumang lo’ku’. Tapat awan dinen ambatana raga ipeta tana’in nanna lakinu?” ingka kenang i Petrus mangatoanina lo’a.
“O’ tapat. Awan dinen lalo ambata,” ingka kenang i Sapira.
9Jaji barik manjarum bapi barik i Petrus lo’a, “Na, patutkin sama sipakatin to’ mangilalai lo’a Sumangata Paraampuanen,” ingka kenang. “Ne, anak bakasen yang mole’ mangaliangen lo’a lakinu, mondok mamin di baba’ mambanganen. Daikopi barik daantaten,” ingka kenang manjaruma i Petrus lo’a i Sapira. 10Sikadang kaya rabarik araba’a bea i Sapira di kakina i Petrus, mate. Jaji intama barik anak bakasen, dabele, mamin mate. Jaji daantat bapi bangkayoanna dinen, dakaliang bua ibiringa lakina. 11Jaji barik samuana ambata gulungan anak ulun maama i Yesus inang, ambata gulungan tau bokanenpi yang mandalingaan dongo dinen, samuana atakut.
Bayu’ panyunyua nanna jalu laan-laanen yang danuun kole’a ambata pasuro’a i Yesus
12Jaji waktu nanga dinen bayu’ panyunyuada’. Bayu’ jalu laan-laanen dapolaan lo’a tauen kole’a ambata pasuro’a i Yesus. Jaji ambata tau parasaya’en dinen, bakumpul samuana inang di tanga’ Saona Alatala, asan yang Tanga’ Sao Raja Solomo. 13Yang tau bokanen dinen, kosan tau barani tamba nanda’. Poangsi dakamainya’i bua kole’a tauen. 14Kapi poang tauen atakut, insang sikadanan bayu’a bua tau parasaya’en lo’a Paraampuanen. Saja nyangka’ tau parasaya’en, maam babakaan kenang bea babainyeen. 15Jaji kole’a lalo ambata panyunyuana dakitaan, daantat barik gulungan tau apadisen lo’a tanga’ dalan baraa’en kole’a tauen. Dapalenga’ inang di tilama atau di ale’en. Kole’a dalam kajida’ dinen, ti’ lamba’ i Petrus inang sana’an-na’anna dadua’ anak tamanga, pande maam barik. 16Mondok bea tauen bayu’ dari ambata banua sikainso’anen nanna banua Yerusalem, mawa tau apadisen nanna tau yang dakaru jalu ajau’en. Jaji samuana dapamaam barik.
Ambata pasuro’a i Yesus daparinsa’i
17Na, maminna dinen, dakitana ambata panyunyuana pasuro’a i Yesus dinen, kapiayo barik imam baraa’en nanna ambata kawanna di golongan Sadukiin. To’ manu lo’da’. 18Jaji datingkam barik ira dinen, daapis ilalam sao ukuman banuaan. 19Poangsi waktu nanga malamen barik, tador malaikata Paraampuanen lo’da’ inang. Dabae’ mambangan sao ukumanen laloang dapainsaluan barik ira. Jaji manjarum barik lo’da’ dinen, 20“Na, lamba’kin barik. Akadengkin di arona tauen di Saona Alatala. Soal katio’an baruun di’en jarumang kausana lo’a tauen,” ingka kenang manjaruma malaikat dinen lo’da’. 21Jaji dalola’ani barik jaruma malaikaten. Di imbara asoon barik inait ira lo’a Saona Alatala laloang majar lo’a tauen.
Jaji di makapen dinen, mondok ira nanna imam baraa’en nanna ambata kawana dinen, dakombongang ambata gulungan paurusen, ambata toa-toaan. Maminna kombong inang, laloang dasuro’ ala lo’a panyagaien dinen pasuro’a i Yesus dari sao ukumanen. 22Jaji lamba’ barik ira yang dasuro’en dinen lo’a sao ukumanen, angkosan ira pasuro’a i Yesus ilalam. Jaji mole’ bapi malapor dinen lo’a tau paurusen dinen, 23“Mondokkam di sao ukumanen inang, ibele ikam, kunsina maam. Panyagaienpi manyagai bua di mambanganen. Poangsi ibae’ barik ikam mambangan dinen, kosan tau ilalam!” ingka kenang laporanda’ lo’a ambata paurusen.
24Jaji barik panguluan panyagai Saona Alatala nanna ambata imam baraa’en dinen, heran nyawada’ mandalingaan laporan dinen. “Ai ratina awan dinenna?” ingka kenang nyawada’.
25Laloang mondok barik tau mawa dongoon, “Yang tau iapisen ikin di sao ukumanen, andian majar di arona tauen di Saona Alatala,” ingka kenang manjaruma lo’a gulungan paurusen. 26Jaji lamba’ barik panguluan panyagaien nanna ambata gulungan anak buana. Dala ira pasuro’a i Yesus. Poangsi dala kole’da’ nanna maamen. Na’an dala nanna kasaren, kole’a atakut dakamuroang kole’a tau bayu’en. Atakut daparati nanna batuun.
27Maminna ira pasuro’a dinen daawa di arona paurusen, manjarum barik imam baraa’en lo’da’, 28“Ai kenang maam-maama jarumin lapoang. Ipase’ang tapat ikam mawa ajaran atas asanna tau dinen. Poangsi na’an ilola’ani ikin. Bajao’ to’ tadangen, akaus banua Yerusalem ipamondokangen nanna pangajaran dinen. Ilalam jalu yang ijarumangen ikin dinen, kamainya’anin kamateanna tau dinen to’ itanggungang lo’am,” ingka kenang imam baraa’en dinen lo’da’ pasuro’en. Mat. 27:25.
29Poangsi dasauti barik kole’da’ ira i Petrus nanna ambata pasuro’a i Yesus bokanen, “Ipase’angkam ikin mawa ajaran atas asanna tau dinen. Poangsi okan panamuna mantuariin yang penting ilola’aniin. Yang penting ilola’aniin panamuna Alatala. 30Alatalaka’ dinen yang dasembaanjo kole’a arabaki’ka’, daia mamin matio’ balik lo’a i Yesus, yang igantungen ikin dinen di kayu salipen. Im. 21:23. 31Daangkatang barik dasuro’ tamba mangkam di biring katona, padari Panguluanka’ barik, padari Raja Pangatio’enka’. Daia datiang pameang lele’an lo’a urangka’ tau Israelen itiang maunjang pikirannin yang sala’en dinen, mainto’ laloangkin mandua’ang amponaan lo’a dosaan. 32Daikam lalo di’en yang padariin saksina jalu dinen, ikam nanna Sumangat Bareseen yang dameangen kole’a Alatala lo’a tau yang malola’aniin panamuna,” ingka kenang jarumda’ manyautiin lo’a imam baraa’en.
33Maminna dadalinga jarum dinen, arabulu tapat ateda’. Baraa nyawada’ to’ mauno’en lo’da’. 34Poangsi andian di paurusen dinen guru agamaan dari golongan Parisiin, i Gamaliel asanna. Tau dinen palin dakatakutangen kole’a tauen. Jaji akadeng barik daia di arona tauen. Dasuro’ painsaluan ira pasuro’a i Yesus sikadang.#5:34 I Gamaliel dinen guruna i Paulusjo. 35Maminna minsaluan, manjarum barik daia lo’a gulungan paurusen, “Na ikin gulungan ambata arasairunku’ urang Israelen, maam-maam jalu to’ ianuun ikin lo’a tau dinen. 36Bayu’ mamin sonto partai baruun. Kole’a andianjo ijolo i Teudas bagapen yang asanen kalena tau baraa. Bayu’ bea tau malola’en lo’a. Kira-kira ampat ratus ambatda’ tau yang malola’en lo’a. Poangsi kosan jalu balaun. Diri’a dauno’, ambata palola’api tambor-ambor rabarik. Na’an itamu-tamu. 37Na, awan dinen bapi i Yudas dinen, tau dari propinsi Galilea. Adariin di waktu sensus dinen. Bayu’ bapi balana i Yudas daawa malawan lo’a pamarinta Romaan dinen. Poangsi daiapi dauno’. Tambor-ambor bapi ambata gulungan palola’a.#5:37 Okan Yudas Iskariot dinen. 38Na, kenang bapi bagian soal palola’a tau di’en, manjarumiak bua lo’in. Ada’kin mamola jalu na’anen atuntu lo’da’. Korong kalena ira dinen. Kole’a panamuda’ dinen ti’ panamu dari nanna mantuariin, ka’ bea atalona ona’. 39Poangsi ti’en panamuna barasal dari nanna Alatala, kosan jalu pande ikataloang ikin. Mala poang to’ dinen malawannin lo’a Alatala,” ingka kenang manjaruma i Gamaliel lo’da’.
40Jaji barik mainya’ bua ira mamakai jaruma dinen i Gamaliel. Dasuro’ intama barik dinen pasuro’a i Yesus. Mamin mondok inang, datiang. Maminna datiang, dapase’ang bapi ira majar atas asanna i Yesus. Maminna dinen dapalapas bua ira barik. 41Jaji lamba’ barik ira pasuro’en dinen marantang Paurusen, lamba’ nanna sasauna nyawana. Darasa kalena bauntung kole’a maminna pan jalu daile’iin kole’a Alatala datiang marasai jalu susaan kole’a asanna i Yesus yang daawaan. 42Mairaso bua majarda’ lo’a tauen. Dajarumang lapoang i Yesus yang tau dabayaangen kole’a Alatala, maam di Saona Alatala kenang bea sasara sao tauen.
Currently Selected:
Palamba’anna Pasuro’a I Yesus 5: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Palamba’anna Pasuro’a I Yesus 5
5
I Ananias nanna i Sapira panganung-nganung lo’a Sumangat Bareseen
1Poangsi indinang, andian tau dua lakunyeen, i Ananias nanna bainyena, i Sapira asanna. Jaji barik andian tana’da’ yang dapeten kole’a i Ananias. 2Dalam raga tana’a dinen, okan samuana daantat lo’a pasuro’en. Datarik sapa dua. Datamu bea kole’a bainyena. Sisana barik daantat bua lo’a pasuro’a i Yesus, baingin tauen dabele balu’ jalu akaus dameang.
3Mondok inang, manjarum dinen i Petrus lo’a, “Asi kenang maam-maama daiko Ananiase raana atenu dalalako’ina kole’a dinen i Pangabo?” ingka kenang. “Jau’usi! Sampai mainya’ko pako-akoi Sumangat Bareseen. Ragana tana’u dinen itaro’ iko sapa dua. 4Ai memen? Mulakata nanga nampina ipet iko, ikona memen ampunaan tana’ dinen. Maminna ipetpi bele poang iko insa’ to’ itiang pameangu. Kenang maam-maamasi atenu sampai mainya’u to’ mamola awan dinen? Okanko pako-akoi lo’a mantuariin dinen. Pako-akoiko lo’a Alatala,” ingka kenang manjaruma i Petrus.
5I Ananiaspi dinen dadalingana awan dinen, daiapi laloang araba’ lo’a sararen. Laloang mangatu batak nyawana. Samuana tauen yang mandalingaan lo’a dinen tabulanga’. Atakut tapat. 6Na, maminna dinen barik, mondok ambata anak bakasen. Daliliti bangkayoanna i Ananias dinen nanna kainen. Laloang daantat barik dinen i Ananias laloang dakaliang.
7Maminna dakubur dinen lakina, kira-kira talung jam dinen intarana, mondok bea bainyena. Nampi datamu jalu yang adariin de’i. 8Jaji mangatoani bapi i Petrus lo’a, “Na, jarumang lo’ku’. Tapat awan dinen ambatana raga ipeta tana’in nanna lakinu?” ingka kenang i Petrus mangatoanina lo’a.
“O’ tapat. Awan dinen lalo ambata,” ingka kenang i Sapira.
9Jaji barik manjarum bapi barik i Petrus lo’a, “Na, patutkin sama sipakatin to’ mangilalai lo’a Sumangata Paraampuanen,” ingka kenang. “Ne, anak bakasen yang mole’ mangaliangen lo’a lakinu, mondok mamin di baba’ mambanganen. Daikopi barik daantaten,” ingka kenang manjaruma i Petrus lo’a i Sapira. 10Sikadang kaya rabarik araba’a bea i Sapira di kakina i Petrus, mate. Jaji intama barik anak bakasen, dabele, mamin mate. Jaji daantat bapi bangkayoanna dinen, dakaliang bua ibiringa lakina. 11Jaji barik samuana ambata gulungan anak ulun maama i Yesus inang, ambata gulungan tau bokanenpi yang mandalingaan dongo dinen, samuana atakut.
Bayu’ panyunyua nanna jalu laan-laanen yang danuun kole’a ambata pasuro’a i Yesus
12Jaji waktu nanga dinen bayu’ panyunyuada’. Bayu’ jalu laan-laanen dapolaan lo’a tauen kole’a ambata pasuro’a i Yesus. Jaji ambata tau parasaya’en dinen, bakumpul samuana inang di tanga’ Saona Alatala, asan yang Tanga’ Sao Raja Solomo. 13Yang tau bokanen dinen, kosan tau barani tamba nanda’. Poangsi dakamainya’i bua kole’a tauen. 14Kapi poang tauen atakut, insang sikadanan bayu’a bua tau parasaya’en lo’a Paraampuanen. Saja nyangka’ tau parasaya’en, maam babakaan kenang bea babainyeen. 15Jaji kole’a lalo ambata panyunyuana dakitaan, daantat barik gulungan tau apadisen lo’a tanga’ dalan baraa’en kole’a tauen. Dapalenga’ inang di tilama atau di ale’en. Kole’a dalam kajida’ dinen, ti’ lamba’ i Petrus inang sana’an-na’anna dadua’ anak tamanga, pande maam barik. 16Mondok bea tauen bayu’ dari ambata banua sikainso’anen nanna banua Yerusalem, mawa tau apadisen nanna tau yang dakaru jalu ajau’en. Jaji samuana dapamaam barik.
Ambata pasuro’a i Yesus daparinsa’i
17Na, maminna dinen, dakitana ambata panyunyuana pasuro’a i Yesus dinen, kapiayo barik imam baraa’en nanna ambata kawanna di golongan Sadukiin. To’ manu lo’da’. 18Jaji datingkam barik ira dinen, daapis ilalam sao ukuman banuaan. 19Poangsi waktu nanga malamen barik, tador malaikata Paraampuanen lo’da’ inang. Dabae’ mambangan sao ukumanen laloang dapainsaluan barik ira. Jaji manjarum barik lo’da’ dinen, 20“Na, lamba’kin barik. Akadengkin di arona tauen di Saona Alatala. Soal katio’an baruun di’en jarumang kausana lo’a tauen,” ingka kenang manjaruma malaikat dinen lo’da’. 21Jaji dalola’ani barik jaruma malaikaten. Di imbara asoon barik inait ira lo’a Saona Alatala laloang majar lo’a tauen.
Jaji di makapen dinen, mondok ira nanna imam baraa’en nanna ambata kawana dinen, dakombongang ambata gulungan paurusen, ambata toa-toaan. Maminna kombong inang, laloang dasuro’ ala lo’a panyagaien dinen pasuro’a i Yesus dari sao ukumanen. 22Jaji lamba’ barik ira yang dasuro’en dinen lo’a sao ukumanen, angkosan ira pasuro’a i Yesus ilalam. Jaji mole’ bapi malapor dinen lo’a tau paurusen dinen, 23“Mondokkam di sao ukumanen inang, ibele ikam, kunsina maam. Panyagaienpi manyagai bua di mambanganen. Poangsi ibae’ barik ikam mambangan dinen, kosan tau ilalam!” ingka kenang laporanda’ lo’a ambata paurusen.
24Jaji barik panguluan panyagai Saona Alatala nanna ambata imam baraa’en dinen, heran nyawada’ mandalingaan laporan dinen. “Ai ratina awan dinenna?” ingka kenang nyawada’.
25Laloang mondok barik tau mawa dongoon, “Yang tau iapisen ikin di sao ukumanen, andian majar di arona tauen di Saona Alatala,” ingka kenang manjaruma lo’a gulungan paurusen. 26Jaji lamba’ barik panguluan panyagaien nanna ambata gulungan anak buana. Dala ira pasuro’a i Yesus. Poangsi dala kole’da’ nanna maamen. Na’an dala nanna kasaren, kole’a atakut dakamuroang kole’a tau bayu’en. Atakut daparati nanna batuun.
27Maminna ira pasuro’a dinen daawa di arona paurusen, manjarum barik imam baraa’en lo’da’, 28“Ai kenang maam-maama jarumin lapoang. Ipase’ang tapat ikam mawa ajaran atas asanna tau dinen. Poangsi na’an ilola’ani ikin. Bajao’ to’ tadangen, akaus banua Yerusalem ipamondokangen nanna pangajaran dinen. Ilalam jalu yang ijarumangen ikin dinen, kamainya’anin kamateanna tau dinen to’ itanggungang lo’am,” ingka kenang imam baraa’en dinen lo’da’ pasuro’en. Mat. 27:25.
29Poangsi dasauti barik kole’da’ ira i Petrus nanna ambata pasuro’a i Yesus bokanen, “Ipase’angkam ikin mawa ajaran atas asanna tau dinen. Poangsi okan panamuna mantuariin yang penting ilola’aniin. Yang penting ilola’aniin panamuna Alatala. 30Alatalaka’ dinen yang dasembaanjo kole’a arabaki’ka’, daia mamin matio’ balik lo’a i Yesus, yang igantungen ikin dinen di kayu salipen. Im. 21:23. 31Daangkatang barik dasuro’ tamba mangkam di biring katona, padari Panguluanka’ barik, padari Raja Pangatio’enka’. Daia datiang pameang lele’an lo’a urangka’ tau Israelen itiang maunjang pikirannin yang sala’en dinen, mainto’ laloangkin mandua’ang amponaan lo’a dosaan. 32Daikam lalo di’en yang padariin saksina jalu dinen, ikam nanna Sumangat Bareseen yang dameangen kole’a Alatala lo’a tau yang malola’aniin panamuna,” ingka kenang jarumda’ manyautiin lo’a imam baraa’en.
33Maminna dadalinga jarum dinen, arabulu tapat ateda’. Baraa nyawada’ to’ mauno’en lo’da’. 34Poangsi andian di paurusen dinen guru agamaan dari golongan Parisiin, i Gamaliel asanna. Tau dinen palin dakatakutangen kole’a tauen. Jaji akadeng barik daia di arona tauen. Dasuro’ painsaluan ira pasuro’a i Yesus sikadang.#5:34 I Gamaliel dinen guruna i Paulusjo. 35Maminna minsaluan, manjarum barik daia lo’a gulungan paurusen, “Na ikin gulungan ambata arasairunku’ urang Israelen, maam-maam jalu to’ ianuun ikin lo’a tau dinen. 36Bayu’ mamin sonto partai baruun. Kole’a andianjo ijolo i Teudas bagapen yang asanen kalena tau baraa. Bayu’ bea tau malola’en lo’a. Kira-kira ampat ratus ambatda’ tau yang malola’en lo’a. Poangsi kosan jalu balaun. Diri’a dauno’, ambata palola’api tambor-ambor rabarik. Na’an itamu-tamu. 37Na, awan dinen bapi i Yudas dinen, tau dari propinsi Galilea. Adariin di waktu sensus dinen. Bayu’ bapi balana i Yudas daawa malawan lo’a pamarinta Romaan dinen. Poangsi daiapi dauno’. Tambor-ambor bapi ambata gulungan palola’a.#5:37 Okan Yudas Iskariot dinen. 38Na, kenang bapi bagian soal palola’a tau di’en, manjarumiak bua lo’in. Ada’kin mamola jalu na’anen atuntu lo’da’. Korong kalena ira dinen. Kole’a panamuda’ dinen ti’ panamu dari nanna mantuariin, ka’ bea atalona ona’. 39Poangsi ti’en panamuna barasal dari nanna Alatala, kosan jalu pande ikataloang ikin. Mala poang to’ dinen malawannin lo’a Alatala,” ingka kenang manjaruma i Gamaliel lo’da’.
40Jaji barik mainya’ bua ira mamakai jaruma dinen i Gamaliel. Dasuro’ intama barik dinen pasuro’a i Yesus. Mamin mondok inang, datiang. Maminna datiang, dapase’ang bapi ira majar atas asanna i Yesus. Maminna dinen dapalapas bua ira barik. 41Jaji lamba’ barik ira pasuro’en dinen marantang Paurusen, lamba’ nanna sasauna nyawana. Darasa kalena bauntung kole’a maminna pan jalu daile’iin kole’a Alatala datiang marasai jalu susaan kole’a asanna i Yesus yang daawaan. 42Mairaso bua majarda’ lo’a tauen. Dajarumang lapoang i Yesus yang tau dabayaangen kole’a Alatala, maam di Saona Alatala kenang bea sasara sao tauen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997