Yohanes 3
3
I Yesus sijaruman nanna i Nikodemus
1-2Jaji malamen barik, andian tau lamba’ lo’a i Yesus, tau baraa’en pakaina di golongan Parisiin. Jaji barik tau dinen manjarum, “O Pa’ Guru, maminkam mangilala lo’u awan Guru yang dasuro’angen kole’a Alatala. Kole’a kosan awan iko yang andianen panyunyuana ati’ okan Alatala yang sarilao’en nanna,” ingka kenang i Nikodemus lo’a i Yesus.
3Jaji barik, “Manjarumak tapat-tapat lo’u, kosan tau padari panduduk kangkamanna Alatala ati’ na’an iparanakang baru,” ingka kenang i Yesus manyautina lo’a i Nikodemus.
4Jaji barik manjarum bapi i Nikodemus lo’a, “Ai lo’a yang iparanakang baruun? Ai lo’a bisana iki’ baraa’en di maminen tamatoa intamaka’ bapi lo’a batanga indu’ka’?” ingka kenang i Nikodemus lo’a i Yesus.
5Jaji dasauti barik kole’a i Yesus, “Tau to’ padari panduduk kangkamanna Alatala arung daparanakang nanna danumen. Arung daparanakang bea nanna Sumangaten. Na’an kenang, na’an dari. 6Paranakanga mantuarika’, dinen dari kamainya’anna araama’ka’, araindu’ka’. Laan iparanakang baruun di’en yang dari kuasana Sumangat Bareseen,” ingka kenang. 7“Ada’kin tatakauen,” ingka, “kole’a jarumku’ lo’in dinen kole’a arungkin daparanakang baru,” ingka kenang lo’a. 8“Karajana Sumangat Bareseen dinen isama’ang iki’ awan lalo soanginen. Ati’en soanginen tapuput lo’din, tapuput lo’a din. Asala nanna tujuanna na’an itamu iki’. Unyina poang idalingaan. Jaji awan dinen lalo yang tau daparanakang baruun. Sumangat Bareseen na’an ikita, karajana poang yang ikitaan,” ingka kenang i Yesus lo’a i Nikodemus.
9Jaji barik manjarum i Nikodemus, “Ai lo’a bisana yang jalu kenangen?” ingka kenang.
10Jaji barik manjarum i Yesus lo’a i Nikodemus, “Asi lo’a na’anna itamu iko ratina. Iko yang guru baraa’en di Israel,” ingka kenang, “na’an patut na’an itamu iko. 11Manjarumak tapat-tapat lo’in, dinen lalo yang jalu tapaten, yang jalu itamuun ikam yang ijarumangen lo’in. Dinen lalo saksinam lo’a jalu yang maminen ikita,” ingka kenang i Yesus lo’a i Nikodemus. “Kosankin bua yang mainya’en parasaya’ lo’a dongonam di’en,” ingka. 12“Na, maminkin na’an parasaya’ yang ijarumang soal inyaung di duniaan, apa lagi’ na’ankin parasaya’ ati’en soal iaseten di Surga yang kujarumangen!” ingka kenang. 13“Ati’en mantuariin, kosan yang kala’en inait lo’a Surga. Iak poang di’en Anak Mantuariin yang mondoken tador dari Surga,” ingka kenang i Yesus lo’a i Nikodemus.
14“Awan lalo urar tamagaan yang daangkatangenjo kole’a baki’ Musa inang di kosan ateengen. Awan dinen lalo daiak di’en Anak Mantuariin iangkatangku’,” ingka kenang. Bil. 21:9. 15“Arungak iangkatang mainto’ gulungan ambata mantuariin yang parasaya’en lo’ku’ pande barik tio’ salaun-launna,” ingka kenang i Yesus barik lo’a i Nikodemus. Ep. 2:8-9.
16Ialalo ratina matena dinen. Kole’a baraa jaji kasaanga Alatala lo’ka’ anak mantuariin, sampai Anaka yang seseraan daparuarang mate mainto’ na’anka’ mate idukum, mainto’ dapatka’ tio’ salaun-launna, yang iki’ parasaya’en lo’a. Mat. 1:21; Yoh. 6:39-40; 12:46; 14:6; PalPa. 4:12; PalPa. 10:43; 1Tim. 2:5-6; Ibr. 9:22. 17Alatala manyuro’a lo’a Anaka lo’a duniaan di’en, na’an to’ itiang maukum lo’ka’, itiang patio’ lo’ka’, yang iki’ parasaya’en lo’a Anaka. 18Intain yang parasaya’en lo’a Anaka, daia na’an daukum. Sabalika intain na’anen parasaya’ lo’a Anaka dadua’ ukum memen. Ratina dadua’ ukuma, kole’a na’anna parasaya’ lo’a Anaka Alatala yang seseraan dinen.
19Jaji ratina ukum yang dalao’iin, kole’a andian jalu arawangen mamin mondok lo’a duniaan. Poangsi tauen na’an mainya’ mangasaang lo’a jalu arawangen. Yang dakasaangen kole’a tauen, mangasaang jalu araunen, kole’a ajau’a basana, kole’a ajau’a pulikanna. 20-21Yang tau tapaten, yang maamen atoranna, daia mainya’ lo’a arawangen kole’a mainto’ insang kayana paitana basa malola’ina lo’a Alatala. Yang tau ajau’en basana, daia mangasaang lo’a jalu yang araunen. Kenanga dinen mainto’ na’anna paita dinen kajau’anna, ialalo alibaka lo’a jalu arawangen. Ams. 28:13; 2Kor. 2:16.
I Yohanes Pambaptis manjarum saksina manu lo’a i Yesus
22Jaji barik i Yesus nanna palola’a lamba’ lo’a Yudea. Jaji sarilao’ inang nanda’ insa’ aso poang launna sarata mambaptis lo’a tauen. 23I Yohanes Pambaptis daia mambaptis tauen bea, inang di banua Ainon. Ratina mambaptis tauna inang, kole’a sukupa danumen. Bayu’ tau mondoken lo’a inang, dabaptis. Banua Ainon dinen na’an bajao’ lo’a banua Salim. 24Jaji dinen adarina, nampina i Yohanes daapis ilalam sao ukumanen. Mat. 14:3; Mk. 6:17; Lk. 3:19-20.
25Jaji barik andian palola’a i Yohanes dinen sipadu nanna toa Yahudiin seraan, pasipaduang soal pamareseen di agamada’. 26Jaji barik kapanjanganna sipaduna ira palola’a i Yohanes dinen, lalo lamba’ ira dinen manjarum lo’a i Yohanes, “O Pa’ Guru, i Yesus dinen yang tau inangen nannu di sualina sunge Yordanjo, anu yang ijarumangen iko lo’am, daia dinen mambaptis tau rabarik. Bayu’ tapat tauen babangkulungen lo’a,” ingka kenang maduanga basana i Yesus lo’a i Yohanes.
27Jaji barik i Yohanes manjarum lo’da’ manyauti jarumda’ dinen, “Jaji anak mantuariin kosan ai-aien nanna,” ingka kenang, “ti’ na’an dameang kuasa kole’a Alatala. 28Andianna memenjo jarumku’ lo’in manyaksiin. Daiak di’en okanak Kristus dinen, uka’. Dasuro’ku’ poang tajolo lo’a,” ingka kenang manjaruma i Yohanes lo’a palola’a. Yoh. 1:20. 29“Jaji sama’ jarumku’ di’en, sama awan lalo tau iantat arainyeen. Yang tau maramiin dinen, babaka lalo yang pentingen, kole’a ia lalo ampuna bainyeen dinen,” ingka kenang i Yohanes lo’da’. “Jaji barik yang kawanna ibiringaan, sasau nyawana mandalingana lo’a tau arainyeen dinen. Jaji awan din bea daiak sasauna nyawaku’ mamin tuli, awan kawanna tau arainyeen dinen. 30Daia dinen arung insang baraa dapadulina. Poangsi daiak di’en arung insang kurang,” ingka kenang i Yohanes lo’da’.
31“Tau tadoren dari Surgaan dinen, dinen lalo yang palin baraa’en. Ati’en tau yang asal duniaan, daia jaruma dinen manjarumang gulungan soal duniaan. Sabalika tau dari Surgaan, dinen lalo yang palin baraa’en kuasana ibona samuana. 32Jalu yang maminen dakita inang di Surga, yang maminen dadalinga, dinen lalo yang dajarumangen. Poangsi kapisi dari Surga, kosan yang parasaya’en lo’a jaruma. 33Andian poangki’ parasaya’en lo’a, padari saksi bea daiki’. Ti’ki’ mainya’ parasaya’ lo’a jaruma tau dasuro’en, inang lalo padariin saksika’ lo’a tauen masan lo’a Alatala tau tapat, tau dapaten iparasaya’iin,” ingka kenang.
34“Tau dasuro’en kole’a Alatala, yang dajarumangen dinen, jaruma Alatala yang dajarumangen. Kole’a lo’a tau dinen, Sumangat Bareseen mamin dameang kole’a Alatala. Okan Sumangata dinen dameang sakakapit poang. Na’an. Kosan kajangka’anna. 35Alatala Daia mangasaang jaji lo’a Anaka dinen. Samuana ambata gulungan jaluun, dasuro’ang kausa lo’a Anaka. Ia yang manguasaien,” ingka kenang. Mat. 11:27; Lk. 10:22. 36“Jaji intain na’anen parasaya’ lo’a Anaka na’an daia to’ tio’. Daia dinen mamin dadua’ rarasi kole’a Alatala. Sabalika, intain parasaya’en lo’a, daia dinen lalo yang tio’en sampai salaun-launna,” ingka kenang i Yohanes lo’a palola’a. 1Yoh. 5:11-12.
Currently Selected:
Yohanes 3: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Yohanes 3
3
I Yesus sijaruman nanna i Nikodemus
1-2Jaji malamen barik, andian tau lamba’ lo’a i Yesus, tau baraa’en pakaina di golongan Parisiin. Jaji barik tau dinen manjarum, “O Pa’ Guru, maminkam mangilala lo’u awan Guru yang dasuro’angen kole’a Alatala. Kole’a kosan awan iko yang andianen panyunyuana ati’ okan Alatala yang sarilao’en nanna,” ingka kenang i Nikodemus lo’a i Yesus.
3Jaji barik, “Manjarumak tapat-tapat lo’u, kosan tau padari panduduk kangkamanna Alatala ati’ na’an iparanakang baru,” ingka kenang i Yesus manyautina lo’a i Nikodemus.
4Jaji barik manjarum bapi i Nikodemus lo’a, “Ai lo’a yang iparanakang baruun? Ai lo’a bisana iki’ baraa’en di maminen tamatoa intamaka’ bapi lo’a batanga indu’ka’?” ingka kenang i Nikodemus lo’a i Yesus.
5Jaji dasauti barik kole’a i Yesus, “Tau to’ padari panduduk kangkamanna Alatala arung daparanakang nanna danumen. Arung daparanakang bea nanna Sumangaten. Na’an kenang, na’an dari. 6Paranakanga mantuarika’, dinen dari kamainya’anna araama’ka’, araindu’ka’. Laan iparanakang baruun di’en yang dari kuasana Sumangat Bareseen,” ingka kenang. 7“Ada’kin tatakauen,” ingka, “kole’a jarumku’ lo’in dinen kole’a arungkin daparanakang baru,” ingka kenang lo’a. 8“Karajana Sumangat Bareseen dinen isama’ang iki’ awan lalo soanginen. Ati’en soanginen tapuput lo’din, tapuput lo’a din. Asala nanna tujuanna na’an itamu iki’. Unyina poang idalingaan. Jaji awan dinen lalo yang tau daparanakang baruun. Sumangat Bareseen na’an ikita, karajana poang yang ikitaan,” ingka kenang i Yesus lo’a i Nikodemus.
9Jaji barik manjarum i Nikodemus, “Ai lo’a bisana yang jalu kenangen?” ingka kenang.
10Jaji barik manjarum i Yesus lo’a i Nikodemus, “Asi lo’a na’anna itamu iko ratina. Iko yang guru baraa’en di Israel,” ingka kenang, “na’an patut na’an itamu iko. 11Manjarumak tapat-tapat lo’in, dinen lalo yang jalu tapaten, yang jalu itamuun ikam yang ijarumangen lo’in. Dinen lalo saksinam lo’a jalu yang maminen ikita,” ingka kenang i Yesus lo’a i Nikodemus. “Kosankin bua yang mainya’en parasaya’ lo’a dongonam di’en,” ingka. 12“Na, maminkin na’an parasaya’ yang ijarumang soal inyaung di duniaan, apa lagi’ na’ankin parasaya’ ati’en soal iaseten di Surga yang kujarumangen!” ingka kenang. 13“Ati’en mantuariin, kosan yang kala’en inait lo’a Surga. Iak poang di’en Anak Mantuariin yang mondoken tador dari Surga,” ingka kenang i Yesus lo’a i Nikodemus.
14“Awan lalo urar tamagaan yang daangkatangenjo kole’a baki’ Musa inang di kosan ateengen. Awan dinen lalo daiak di’en Anak Mantuariin iangkatangku’,” ingka kenang. Bil. 21:9. 15“Arungak iangkatang mainto’ gulungan ambata mantuariin yang parasaya’en lo’ku’ pande barik tio’ salaun-launna,” ingka kenang i Yesus barik lo’a i Nikodemus. Ep. 2:8-9.
16Ialalo ratina matena dinen. Kole’a baraa jaji kasaanga Alatala lo’ka’ anak mantuariin, sampai Anaka yang seseraan daparuarang mate mainto’ na’anka’ mate idukum, mainto’ dapatka’ tio’ salaun-launna, yang iki’ parasaya’en lo’a. Mat. 1:21; Yoh. 6:39-40; 12:46; 14:6; PalPa. 4:12; PalPa. 10:43; 1Tim. 2:5-6; Ibr. 9:22. 17Alatala manyuro’a lo’a Anaka lo’a duniaan di’en, na’an to’ itiang maukum lo’ka’, itiang patio’ lo’ka’, yang iki’ parasaya’en lo’a Anaka. 18Intain yang parasaya’en lo’a Anaka, daia na’an daukum. Sabalika intain na’anen parasaya’ lo’a Anaka dadua’ ukum memen. Ratina dadua’ ukuma, kole’a na’anna parasaya’ lo’a Anaka Alatala yang seseraan dinen.
19Jaji ratina ukum yang dalao’iin, kole’a andian jalu arawangen mamin mondok lo’a duniaan. Poangsi tauen na’an mainya’ mangasaang lo’a jalu arawangen. Yang dakasaangen kole’a tauen, mangasaang jalu araunen, kole’a ajau’a basana, kole’a ajau’a pulikanna. 20-21Yang tau tapaten, yang maamen atoranna, daia mainya’ lo’a arawangen kole’a mainto’ insang kayana paitana basa malola’ina lo’a Alatala. Yang tau ajau’en basana, daia mangasaang lo’a jalu yang araunen. Kenanga dinen mainto’ na’anna paita dinen kajau’anna, ialalo alibaka lo’a jalu arawangen. Ams. 28:13; 2Kor. 2:16.
I Yohanes Pambaptis manjarum saksina manu lo’a i Yesus
22Jaji barik i Yesus nanna palola’a lamba’ lo’a Yudea. Jaji sarilao’ inang nanda’ insa’ aso poang launna sarata mambaptis lo’a tauen. 23I Yohanes Pambaptis daia mambaptis tauen bea, inang di banua Ainon. Ratina mambaptis tauna inang, kole’a sukupa danumen. Bayu’ tau mondoken lo’a inang, dabaptis. Banua Ainon dinen na’an bajao’ lo’a banua Salim. 24Jaji dinen adarina, nampina i Yohanes daapis ilalam sao ukumanen. Mat. 14:3; Mk. 6:17; Lk. 3:19-20.
25Jaji barik andian palola’a i Yohanes dinen sipadu nanna toa Yahudiin seraan, pasipaduang soal pamareseen di agamada’. 26Jaji barik kapanjanganna sipaduna ira palola’a i Yohanes dinen, lalo lamba’ ira dinen manjarum lo’a i Yohanes, “O Pa’ Guru, i Yesus dinen yang tau inangen nannu di sualina sunge Yordanjo, anu yang ijarumangen iko lo’am, daia dinen mambaptis tau rabarik. Bayu’ tapat tauen babangkulungen lo’a,” ingka kenang maduanga basana i Yesus lo’a i Yohanes.
27Jaji barik i Yohanes manjarum lo’da’ manyauti jarumda’ dinen, “Jaji anak mantuariin kosan ai-aien nanna,” ingka kenang, “ti’ na’an dameang kuasa kole’a Alatala. 28Andianna memenjo jarumku’ lo’in manyaksiin. Daiak di’en okanak Kristus dinen, uka’. Dasuro’ku’ poang tajolo lo’a,” ingka kenang manjaruma i Yohanes lo’a palola’a. Yoh. 1:20. 29“Jaji sama’ jarumku’ di’en, sama awan lalo tau iantat arainyeen. Yang tau maramiin dinen, babaka lalo yang pentingen, kole’a ia lalo ampuna bainyeen dinen,” ingka kenang i Yohanes lo’da’. “Jaji barik yang kawanna ibiringaan, sasau nyawana mandalingana lo’a tau arainyeen dinen. Jaji awan din bea daiak sasauna nyawaku’ mamin tuli, awan kawanna tau arainyeen dinen. 30Daia dinen arung insang baraa dapadulina. Poangsi daiak di’en arung insang kurang,” ingka kenang i Yohanes lo’da’.
31“Tau tadoren dari Surgaan dinen, dinen lalo yang palin baraa’en. Ati’en tau yang asal duniaan, daia jaruma dinen manjarumang gulungan soal duniaan. Sabalika tau dari Surgaan, dinen lalo yang palin baraa’en kuasana ibona samuana. 32Jalu yang maminen dakita inang di Surga, yang maminen dadalinga, dinen lalo yang dajarumangen. Poangsi kapisi dari Surga, kosan yang parasaya’en lo’a jaruma. 33Andian poangki’ parasaya’en lo’a, padari saksi bea daiki’. Ti’ki’ mainya’ parasaya’ lo’a jaruma tau dasuro’en, inang lalo padariin saksika’ lo’a tauen masan lo’a Alatala tau tapat, tau dapaten iparasaya’iin,” ingka kenang.
34“Tau dasuro’en kole’a Alatala, yang dajarumangen dinen, jaruma Alatala yang dajarumangen. Kole’a lo’a tau dinen, Sumangat Bareseen mamin dameang kole’a Alatala. Okan Sumangata dinen dameang sakakapit poang. Na’an. Kosan kajangka’anna. 35Alatala Daia mangasaang jaji lo’a Anaka dinen. Samuana ambata gulungan jaluun, dasuro’ang kausa lo’a Anaka. Ia yang manguasaien,” ingka kenang. Mat. 11:27; Lk. 10:22. 36“Jaji intain na’anen parasaya’ lo’a Anaka na’an daia to’ tio’. Daia dinen mamin dadua’ rarasi kole’a Alatala. Sabalika, intain parasaya’en lo’a, daia dinen lalo yang tio’en sampai salaun-launna,” ingka kenang i Yohanes lo’a palola’a. 1Yoh. 5:11-12.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997