Masmur 43
43
Israel awa ana udanajo Amisye Ai arono una no munijo aroo#43:0 Masmur 43 mamo arono wusyinoeamo mbe intabove Masmur 42 rai.
1Sya Amisy, syare Nyo patimugo moyare raugaje irati rinai,
syare Nyo marimbe rinai no susyo umarovave Winai so mai.
Syare Nyo inapaya irati vatano aarurijate muno mamune maneme rai.
2Weye Amisy Winyirati rinino naowan.
Mbeanimaibe irati winaneme mpaya rinai?
Mbeanimaibe sya marova wo rinatawanto,
weti rinanimaumbe tutir?
3Syare Nyo Nya vare muno Nya ayao tugae raude rinai,
indamu mo inajum, muno mo inaugav syakaore no Nya Yavaro ntuna ri,
no Sion unato ndandinit.#43:3 unato ndandinit: unate so ndandinit weye omamo unato terave AMISY tuna rai.
4Wea indati syore no Amisy Nya tewa orame rai,
syore te no Amisye Winamun, Winyirati sya inananibe muno inanayanambe no rave Nai.
Indati rikiny kangkamambe Winai, syo itari mamaune raeyan dai.
Amisy, Winyirati sya Amisy!
5Mbe animaibe inanuga so mamaun?
Mbe animaibe rinanimaumbe no inanuga so rai?
Koveamo inanaveano Amisye obo amen,
weye Opirati sya Amisy, Po inapaya irati kakai rai,
weti indati syo kove raura seo Ai jakato.
Currently Selected:
Masmur 43: yva
Highlight
Copy
Compare
Share
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)