Mbandukulu 5
5
Mukaanda wa kinkaaka kuholosono Adami natee Nowa
1Wu ngo mukaanda wa baala babutuka mu Adami :
Mu kiluumbu kyaba yirika Nzaambi muutu, mu kifwaani kya nde-meene Nzaambi kabayirika. 2Mubakala na mukyeetu kari kayirika. Wabasakumuna na wabateele mu nkuumbu ya « Baatu », mu kiluumbu ki kabayirikiri.
3Adami wasa mibvu 130, tumi wabuta mwaana mu kifwaani kyaandi, bunu kidzisi kyaandi, wamuluka nkuumbu ya Sete. 4Ha lumbisa lwa mbutukulu Sete, Adami wamana mibvu 800. Nde wabuta baala bababakala na babakyeetu. 5Kidziingu kyokinso kya Adami kyasa mibvu 930, tumi ha kafwa.
6Sete kamanaa nkama na mibvu mitaanu, ha kabuta Enose. 7Ha lumbisa lwa mbutukulu ya Enose, Sete wadziingila nkama mpoomo na mibvu nsaamu. Nde wabuta baala bababakala na babakyeetu. 8Nde wafwiiri mu nkama wa na mibvu kuumi na myoolo.
9Mu mvula makuumi wa Enose wabuta Kayinani. 10Enose wabaka kidziingu kya nkama mpoomo na mibvu kuumi na mitaanu, ha mambisa ma mbutukulu Kayinani. Nde wabuta baala bababakala na babakyeetu. 11Bu kamana nkama wa na mibvu mitaanu, nde wafwa.
12Kayinani wasa mibvu makuumi nsaamu, tumi ha kabuta Mahalalele. 13Ha mambisa ma mbutukulu Mahalalele, Kayinani wabaka kidziingu kya nkama mpoomo na makuumi mana ma mibvu. Nde wabuta baala bababakala na babakyeetu bakimi. 14Kayinani wabaka kidziingu kya nkama wa na mibvu kuumi, tumi ha kafwa.
15Mu mibvu makuumi masaamunu na mitaanu Mahalalele kabutiri Yarede. 16Ha mambisa ma mbutukulu Yarede, Mahalalele wamana nkama mpoomo na mibvu makuumi matatu. Nde wabweese kubuta baala bababakala na babakyeetu. 17Kidziingu kya Mahalalele kyaba kya nkama mpoomo na mibvu makuumi wa na mitaanu ; tumi ha kafwa.
18Yerede wasa nkama na makuumi masaamunu na mibvu myoolo, tumi ha kabuta Henoke. 19Ha mambisa ma mbutukulu Henoke, Yerede wamana nkama mpoomo dza mibvu. Nde wabuta baala bababakala na babakyeetu. 20Nde wafwa mu nkama wa na makuumi masaamunu na mibvu myoolo.
21Henoke wabuta Matusaleme bu kaba na mibvu makuumi masaamunu na mitaanu. 22Henoke wadyaata kintwaari na Nzaambi mu nkama tatu dza mibvu, ha mambisa ma mbutulu mwaana waandi Matusaleme. 23Henoke wamana nkama tatu na makuumi masaamunu na mibvu mitaanu. 24Henoke wadyaata kintwaari na Nzaambi, tumi ha kadziimbila, bukuri Nzaambi wamuhoriri.
25Matusaleme wasa nkama na makuumi mpoomo na mibvu nsaamu, tumi ha kabuta Lemeke. 26Ha mambisa ma mbutukulu Lemeke, Matusaleme wasa nkama nsaamu na makuumi mpoomo na mibvu myoolo ; wabuta baala bababakala na babakyeetu. 27Lutaangu lwa biluumbu bya Matusaleme lwaba lwa nkama wa na mibvu makuumi masaamunu na wa ; tumi ha kafwa.
28Lemeke wasa nkama na makuumi mpoomo na mibvu myoolo, tumi ha kabuta mwaana wamubakala. 29Nde wamuluka nkuumbu Nowa, waleele ti : « Wumawu sa kaboondo beetu mu bisalu byeetu, na mu mpasi dza myooko myeetu ha butoto bwa bwilikila mpopi Yaave. » 30Ha mambisa ma mbutulu Nowa, Lemeke wamana nkama taanu makuumi wa na mibvu mitaanu. Nde wabuta baala bababakala na babakyeetu. 31Bu kamana nkama nsaamu makuumi nsaamu na nsaamu ma mibvu, ha kafwa.
32Nowa bu kabaka nkama taanu dza mibvu, wabuta Seme, Kame na Yafeti.
Currently Selected:
Mbandukulu 5: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024
Mbandukulu 5
5
Mukaanda wa kinkaaka kuholosono Adami natee Nowa
1Wu ngo mukaanda wa baala babutuka mu Adami :
Mu kiluumbu kyaba yirika Nzaambi muutu, mu kifwaani kya nde-meene Nzaambi kabayirika. 2Mubakala na mukyeetu kari kayirika. Wabasakumuna na wabateele mu nkuumbu ya « Baatu », mu kiluumbu ki kabayirikiri.
3Adami wasa mibvu 130, tumi wabuta mwaana mu kifwaani kyaandi, bunu kidzisi kyaandi, wamuluka nkuumbu ya Sete. 4Ha lumbisa lwa mbutukulu Sete, Adami wamana mibvu 800. Nde wabuta baala bababakala na babakyeetu. 5Kidziingu kyokinso kya Adami kyasa mibvu 930, tumi ha kafwa.
6Sete kamanaa nkama na mibvu mitaanu, ha kabuta Enose. 7Ha lumbisa lwa mbutukulu ya Enose, Sete wadziingila nkama mpoomo na mibvu nsaamu. Nde wabuta baala bababakala na babakyeetu. 8Nde wafwiiri mu nkama wa na mibvu kuumi na myoolo.
9Mu mvula makuumi wa Enose wabuta Kayinani. 10Enose wabaka kidziingu kya nkama mpoomo na mibvu kuumi na mitaanu, ha mambisa ma mbutukulu Kayinani. Nde wabuta baala bababakala na babakyeetu. 11Bu kamana nkama wa na mibvu mitaanu, nde wafwa.
12Kayinani wasa mibvu makuumi nsaamu, tumi ha kabuta Mahalalele. 13Ha mambisa ma mbutukulu Mahalalele, Kayinani wabaka kidziingu kya nkama mpoomo na makuumi mana ma mibvu. Nde wabuta baala bababakala na babakyeetu bakimi. 14Kayinani wabaka kidziingu kya nkama wa na mibvu kuumi, tumi ha kafwa.
15Mu mibvu makuumi masaamunu na mitaanu Mahalalele kabutiri Yarede. 16Ha mambisa ma mbutukulu Yarede, Mahalalele wamana nkama mpoomo na mibvu makuumi matatu. Nde wabweese kubuta baala bababakala na babakyeetu. 17Kidziingu kya Mahalalele kyaba kya nkama mpoomo na mibvu makuumi wa na mitaanu ; tumi ha kafwa.
18Yerede wasa nkama na makuumi masaamunu na mibvu myoolo, tumi ha kabuta Henoke. 19Ha mambisa ma mbutukulu Henoke, Yerede wamana nkama mpoomo dza mibvu. Nde wabuta baala bababakala na babakyeetu. 20Nde wafwa mu nkama wa na makuumi masaamunu na mibvu myoolo.
21Henoke wabuta Matusaleme bu kaba na mibvu makuumi masaamunu na mitaanu. 22Henoke wadyaata kintwaari na Nzaambi mu nkama tatu dza mibvu, ha mambisa ma mbutulu mwaana waandi Matusaleme. 23Henoke wamana nkama tatu na makuumi masaamunu na mibvu mitaanu. 24Henoke wadyaata kintwaari na Nzaambi, tumi ha kadziimbila, bukuri Nzaambi wamuhoriri.
25Matusaleme wasa nkama na makuumi mpoomo na mibvu nsaamu, tumi ha kabuta Lemeke. 26Ha mambisa ma mbutukulu Lemeke, Matusaleme wasa nkama nsaamu na makuumi mpoomo na mibvu myoolo ; wabuta baala bababakala na babakyeetu. 27Lutaangu lwa biluumbu bya Matusaleme lwaba lwa nkama wa na mibvu makuumi masaamunu na wa ; tumi ha kafwa.
28Lemeke wasa nkama na makuumi mpoomo na mibvu myoolo, tumi ha kabuta mwaana wamubakala. 29Nde wamuluka nkuumbu Nowa, waleele ti : « Wumawu sa kaboondo beetu mu bisalu byeetu, na mu mpasi dza myooko myeetu ha butoto bwa bwilikila mpopi Yaave. » 30Ha mambisa ma mbutulu Nowa, Lemeke wamana nkama taanu makuumi wa na mibvu mitaanu. Nde wabuta baala bababakala na babakyeetu. 31Bu kamana nkama nsaamu makuumi nsaamu na nsaamu ma mibvu, ha kafwa.
32Nowa bu kabaka nkama taanu dza mibvu, wabuta Seme, Kame na Yafeti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024