Apostolu 26
26
Paulo Defende Aan Ba Agripa
1Depois Agripa dehan ba Paulo, “O bele koalia hodi defende o nia aan.” Entaun Paulo lolo liman no nia koalia nunee:
2“Hau kontenti, liurai Agripa, atu defende hau nia aan ohin loron iha ita boot nia oin kona ba buat hotu nebee ema Judeu sira akuza hasoru hau. 3Liu-liu tanba ita boot hatene di-diak kona ba ema Judeu sira nia kostumi hotu no oinsaa sira haksesuk malu. Nee duni hau husu favór ida katak ita boot rona hau ho pasiénsia.
4Ema Judeu sira hotu hatene ona kona ba hau nia moris nee oinsaa dezde hau sei joven, komesa hosi tempu nebee hau hela iha hau nia rai rasik no iha Jerusalém. 5Sira hatene kleur ona, se sira hakarak foo sasin karik, katak hau moris nudar ema Farizeu. Ida nee mak grupu nebee tuir ami nia relijiaun makaas liu ema seluk. 6No agora hau hamriik iha tribunál nee tanba esperansa iha promesa nebee Maromak halo ba ami nia bei-ala sira. 7Ami nia suku sanulu resin rua espera atu simu promesa nee. Nunee sira hakaas aan atu serví Maromak loron-kalan. No tanba esperansa nee mak ema Judeu sira akuza fali hau, Oh liurai! 8Tanba saa mak imi hanoin katak Maromak la bele halo ema moris hias hosi mate?
9Hau rasik hanoin duni katak hau tenki halo buat barak atu kontra hasoru Jesus hosi Nazaré nia naran. 10No hau mos halo duni ida nee iha Jerusalém. Hau simu autoridade hosi xefi saserdote sira no hau hatama santu sira barak iha komarka. Hau mos konkorda bainhira sira atu foo kastigu mate ba ema sira nee. 11Dala barak hau foo terus ba sira iha sinagoga hotu. Hau koko halo sira atu koalia aat.#26:11 Gregu ‘blasfémeo’, nebee hatete aat Maromak. Iha kontestu nee bele koalia aat Jesus ka nega sira nia fiar. Hau sai hirus makaas no duni sira too sidade sira iha rai seluk hodi hanehan sira.
Paulo Foo Sai Oinsaa Nia Arepende
12Tanba nee mak hau baa Damasku ho autoridade no lisensa hosi xefi saserdote sira. 13Iha meiudia, Oh liurai, hau haree iha dalan nee naroman ida hosi lalehan. Naroman ida nee nabilan makaas liu loro matan no leno haleu hau no sira nebee halo viajen hamutuk ho hau. 14Bainhira ami hotu monu ba rai, hau rona lian ida koalia mai hau, no dehan iha lian Ebreu, ‘Saul, Saul, tanba saa mak o foo terus mai Hau? Susar ba o atu tebe ai meik.’#26:14 Paulo dehan Jesus uza provérbiu hosi kultura Gregu. Karau nain uza ai naruk nebee meik atu dudu karau tuir ninia hakarak. Susar ba karau nee atu tebe fali ai meik. Nunee susar ba Paulo atu kontra hasoru Jesus. 15Hau dehan, ‘See mak Ita, Nai?’ No Nia dehan, ‘Hau mak Jesus nebee o haterus. 16Maibee hamriik ba iha o nia ain. Hau mosu mai ba o hodi foo knaar ba o atu sai atan no sasin ba Hau nebee o haree ona nee, no kona ba buat sira nebee Hau sei hamosu ba o. 17Hau sei salva o hosi povu nee no hosi ema Jentiu sira nebee Hau haruka o atu baa. 18Hau haruka o atu loke sira nia matan, no fila sira hosi nakukun ba naroman, no fila hosi Satanás nia kbiit ba Maromak. Nunee sira bele hetan perdaun ba sala no simu liman rohan hamutuk ho sira nebee sai santu liu hosi fiar iha Hau.’
19Nunee, Oh liurai Agripa, hau la kontra vizaun hosi lalehan. 20Maibee uluk hau haklaken ba sira nebee iha Damasku, iha Jerusalém, iha rai Judeia tomak no ba ema Jentiu sira, katak sira tenki arepende no fila ba Maromak, no sira tenki lao ho hahalok nebee hatudu katak sira arepende ona. 21Tanba razaun nee mak ema Judeu sira kaer hau iha Templu, no sira koko atu oho hau. 22Too ohin loron hau hetan ajuda hosi Maromak. Nunee hau hamriik iha nee no foo sasin ba ema kiik no boot. Hau dehan deit buat nebee profeta sira no Moisés dehan ona atu akontese: 23katak Kristu tenki hetan terus, no Nia primeiru atu moris hias hosi mate, no Nia foo sai naroman ba povu nee no ba ema Jentiu sira.”
24Bainhira Paulo koalia dadaun hanesan nee, Festo dehan ho lian makaas, “Paulo, o bulak ona. O estuda barak demais too o sai bulak!” 25Maibee nia dehan, “Hau laos bulak, senhor Festo nebee hau respeita. Maibee hau koalia lia loos nebee ita bele kompriende. 26Tanba liurai hatene ona kona ba buat sira nee. Nunee hau brani atu koalia nakloke iha ninia oin. Tanba tuir hau nia hanoin, nia hatene buat hotu nee, tanba ami halo ida nee laos iha fatin subar.#26:26 Gregu dehan ‘iha lidun ida’ nebee moru nia lidun ho signifika katak ema laduun haree. 27Liurai Agripa, ita boot fiar profeta sira ka lae? Hau hatene ita boot fiar.” 28Depois Agripa dehan ba Paulo, “Iha tempu badak deit o hanoin atu halo hau sai ema Kristaun ka?” 29Paulo dehan, “Iha tempu badak ka naruk, hau harohan ba Maromak, katak laos ita boot deit, maibee ema hotu nebee rona hau ohin loron bele sai hanesan hau - só deit laos ho korenti nebee kesi hau nee.”
30Depois liurai hamriik hamutuk ho governadór, Berenice no sira nebee tuur hamutuk ho sira. 31Bainhira sira ba fatin mes-mesak, sira koalia ba malu no dehan, “Mane nee la halo buat ida nebee merese atu simu kastigu mate ka komarka.” 32Depois Agripa dehan ba Festo, “Mane nee bele sai livre se nia la husu atu baa César.”
Currently Selected:
Apostolu 26: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Apostolu 26
26
Paulo Defende Aan Ba Agripa
1Depois Agripa dehan ba Paulo, “O bele koalia hodi defende o nia aan.” Entaun Paulo lolo liman no nia koalia nunee:
2“Hau kontenti, liurai Agripa, atu defende hau nia aan ohin loron iha ita boot nia oin kona ba buat hotu nebee ema Judeu sira akuza hasoru hau. 3Liu-liu tanba ita boot hatene di-diak kona ba ema Judeu sira nia kostumi hotu no oinsaa sira haksesuk malu. Nee duni hau husu favór ida katak ita boot rona hau ho pasiénsia.
4Ema Judeu sira hotu hatene ona kona ba hau nia moris nee oinsaa dezde hau sei joven, komesa hosi tempu nebee hau hela iha hau nia rai rasik no iha Jerusalém. 5Sira hatene kleur ona, se sira hakarak foo sasin karik, katak hau moris nudar ema Farizeu. Ida nee mak grupu nebee tuir ami nia relijiaun makaas liu ema seluk. 6No agora hau hamriik iha tribunál nee tanba esperansa iha promesa nebee Maromak halo ba ami nia bei-ala sira. 7Ami nia suku sanulu resin rua espera atu simu promesa nee. Nunee sira hakaas aan atu serví Maromak loron-kalan. No tanba esperansa nee mak ema Judeu sira akuza fali hau, Oh liurai! 8Tanba saa mak imi hanoin katak Maromak la bele halo ema moris hias hosi mate?
9Hau rasik hanoin duni katak hau tenki halo buat barak atu kontra hasoru Jesus hosi Nazaré nia naran. 10No hau mos halo duni ida nee iha Jerusalém. Hau simu autoridade hosi xefi saserdote sira no hau hatama santu sira barak iha komarka. Hau mos konkorda bainhira sira atu foo kastigu mate ba ema sira nee. 11Dala barak hau foo terus ba sira iha sinagoga hotu. Hau koko halo sira atu koalia aat.#26:11 Gregu ‘blasfémeo’, nebee hatete aat Maromak. Iha kontestu nee bele koalia aat Jesus ka nega sira nia fiar. Hau sai hirus makaas no duni sira too sidade sira iha rai seluk hodi hanehan sira.
Paulo Foo Sai Oinsaa Nia Arepende
12Tanba nee mak hau baa Damasku ho autoridade no lisensa hosi xefi saserdote sira. 13Iha meiudia, Oh liurai, hau haree iha dalan nee naroman ida hosi lalehan. Naroman ida nee nabilan makaas liu loro matan no leno haleu hau no sira nebee halo viajen hamutuk ho hau. 14Bainhira ami hotu monu ba rai, hau rona lian ida koalia mai hau, no dehan iha lian Ebreu, ‘Saul, Saul, tanba saa mak o foo terus mai Hau? Susar ba o atu tebe ai meik.’#26:14 Paulo dehan Jesus uza provérbiu hosi kultura Gregu. Karau nain uza ai naruk nebee meik atu dudu karau tuir ninia hakarak. Susar ba karau nee atu tebe fali ai meik. Nunee susar ba Paulo atu kontra hasoru Jesus. 15Hau dehan, ‘See mak Ita, Nai?’ No Nia dehan, ‘Hau mak Jesus nebee o haterus. 16Maibee hamriik ba iha o nia ain. Hau mosu mai ba o hodi foo knaar ba o atu sai atan no sasin ba Hau nebee o haree ona nee, no kona ba buat sira nebee Hau sei hamosu ba o. 17Hau sei salva o hosi povu nee no hosi ema Jentiu sira nebee Hau haruka o atu baa. 18Hau haruka o atu loke sira nia matan, no fila sira hosi nakukun ba naroman, no fila hosi Satanás nia kbiit ba Maromak. Nunee sira bele hetan perdaun ba sala no simu liman rohan hamutuk ho sira nebee sai santu liu hosi fiar iha Hau.’
19Nunee, Oh liurai Agripa, hau la kontra vizaun hosi lalehan. 20Maibee uluk hau haklaken ba sira nebee iha Damasku, iha Jerusalém, iha rai Judeia tomak no ba ema Jentiu sira, katak sira tenki arepende no fila ba Maromak, no sira tenki lao ho hahalok nebee hatudu katak sira arepende ona. 21Tanba razaun nee mak ema Judeu sira kaer hau iha Templu, no sira koko atu oho hau. 22Too ohin loron hau hetan ajuda hosi Maromak. Nunee hau hamriik iha nee no foo sasin ba ema kiik no boot. Hau dehan deit buat nebee profeta sira no Moisés dehan ona atu akontese: 23katak Kristu tenki hetan terus, no Nia primeiru atu moris hias hosi mate, no Nia foo sai naroman ba povu nee no ba ema Jentiu sira.”
24Bainhira Paulo koalia dadaun hanesan nee, Festo dehan ho lian makaas, “Paulo, o bulak ona. O estuda barak demais too o sai bulak!” 25Maibee nia dehan, “Hau laos bulak, senhor Festo nebee hau respeita. Maibee hau koalia lia loos nebee ita bele kompriende. 26Tanba liurai hatene ona kona ba buat sira nee. Nunee hau brani atu koalia nakloke iha ninia oin. Tanba tuir hau nia hanoin, nia hatene buat hotu nee, tanba ami halo ida nee laos iha fatin subar.#26:26 Gregu dehan ‘iha lidun ida’ nebee moru nia lidun ho signifika katak ema laduun haree. 27Liurai Agripa, ita boot fiar profeta sira ka lae? Hau hatene ita boot fiar.” 28Depois Agripa dehan ba Paulo, “Iha tempu badak deit o hanoin atu halo hau sai ema Kristaun ka?” 29Paulo dehan, “Iha tempu badak ka naruk, hau harohan ba Maromak, katak laos ita boot deit, maibee ema hotu nebee rona hau ohin loron bele sai hanesan hau - só deit laos ho korenti nebee kesi hau nee.”
30Depois liurai hamriik hamutuk ho governadór, Berenice no sira nebee tuur hamutuk ho sira. 31Bainhira sira ba fatin mes-mesak, sira koalia ba malu no dehan, “Mane nee la halo buat ida nebee merese atu simu kastigu mate ka komarka.” 32Depois Agripa dehan ba Festo, “Mane nee bele sai livre se nia la husu atu baa César.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.