Exodu 27
27
Kona Ba Altár Boot
1“O tenki halo altár hosi ai kasi nebee luan metru rua sentímetru rua-nulu resin rua no naruk metru rua sentímetru rua-nulu resin rua, nunee altár nee kuadradu. Nia aas metru ida sentímetru tolu-nulu resin lima. 2O tenki halo dikur sira iha lidun haat. Dikur sira nee sei sai ida deit ho altár no tenki falun ho besi riti. 3No o tenki halo sanan sira hodi simu ninia ahi kdesan, no kanuru, manko, garfu no bikan ahi klaak sira. Sasaan sira nee tenki halo hosi riti. 4O tenki halo redi ida nebee homan ho riti no iha redi nee o tenki tau kadeli haat hosi riti no tau iha lidun haat. 5O tenki tau redi nee iha altár nia ibun okos, iha altár laran iha klaran. 6O tenki halo ai naruk rua ba altár nee, halo hosi ai kasi no falun ho riti. 7Ai naruk sira nee tenki hatama ba kadeli sira, hodi ai naruk iha altár nia sorin rua hodi lori nia. 8O tenki halo altár nee hosi ai kabelak no nia mamuk iha laran, hanesan hatudu tiha ona ba o iha foho.
Kona Ba Tabernakulu Nia Fatin
9“O tenki halo fatin nebee haleu Tabernakulu: iha parte súl nian halo naruk metru haat-nulu resin lima. Tenki halo hosi hena linhu nebee suku hodi haleu iha Tabernakulu nee. 10Tenki iha ai riin rua-nulu, no ain ba ai riin nee tenki iha rua-nulu hosi riti, maibee nia kait sira no sasaan tutan nee tenki halo hosi osan mutin. 11Nunee mos hosi parte norte, nia naruk metru haat-nulu resin lima nebee taka ho kortina sira, tenki iha ai riin rua-nulu, no ain ba ai riin nee tenki iha rua-nulu hosi riti, maibee nia kait sira no sasaan tutan nee tenki halo hosi osan mutin. 12No sorin luan iha parte oeste halo naruk metru rua-nulu resin rua ho balu, ho ai riin sanulu no ain sanulu. 13Iha sorin luan iha parte leste iha tenda nia oin nia naruk metru rua-nulu resin rua ho balu. 14Iha odamatan nia sorin ida tenki halo naruk metru neen sentímetru hitu-nulu resin lima no taka ho kortina sira, no nia iha ai riin tolu no ain tolu. 15Iha odamatan nia sorin seluk tenki halo naruk metru neen sentímetru hitu-nulu resin lima no taka ho kortina sira, no nia iha ai riin tolu no ain tolu. 16Odamatan tenki halo luan metru sia no taka ho hena nebee diak, no iha kór azúl, kór uvas no kór mean, uza kabas diak nebee suku borda ho kór oi-oin, no iha ai riin haat no ain haat. 17Ai riin sira hotu tenki iha sasaan tutan hosi osan mutin, no kait sira hosi osan mutin, no ain hosi riti. 18Fatin nebee haleu Tabernakulu nee naruk metru haat-nulu resin lima, luan metru rua-nulu resin rua ho balu, no aas metru rua sentímetru rua-nulu resin lima. 19No sasaan hotu nebee uza ba Tabernakulu nee, no Tabernakulu nia estaka sira, halo sira hotu hosi riti.
Mina Ba Ahi Oan
20O tenki manda ba ema Israel sira, nunee sira tenki tuku mina azeiti moos no lori ba o hodi tau ba ahi oan, hodi nunee ahi oan nee bele lakan nafatin. 21Iha Tenda Enkontru,#27:21 Tenda Enkontru mak naran ba ema Judeu nia Templu nebee sei oin hanesan ho tenda boot tanba sira lori ba fatin-fatin iha rai fuik. Saserdote bele hasoru Maromak iha fatin nee no Maromak nia prezensa hela iha laran iha Arka Aliansa nia matan nia leten. iha veo nia sorin liur nebee taka ba Aliansa, Arão ho nia oan mane sira tenki tau matan hosi lokraik too dadeer iha Nai nia oin. Ida nee mak estatutu ida ba sira nia jerasaun sira too tinan ba tinan iha ema Israel sira nia leet.”
Currently Selected:
Exodu 27: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Exodu 27
27
Kona Ba Altár Boot
1“O tenki halo altár hosi ai kasi nebee luan metru rua sentímetru rua-nulu resin rua no naruk metru rua sentímetru rua-nulu resin rua, nunee altár nee kuadradu. Nia aas metru ida sentímetru tolu-nulu resin lima. 2O tenki halo dikur sira iha lidun haat. Dikur sira nee sei sai ida deit ho altár no tenki falun ho besi riti. 3No o tenki halo sanan sira hodi simu ninia ahi kdesan, no kanuru, manko, garfu no bikan ahi klaak sira. Sasaan sira nee tenki halo hosi riti. 4O tenki halo redi ida nebee homan ho riti no iha redi nee o tenki tau kadeli haat hosi riti no tau iha lidun haat. 5O tenki tau redi nee iha altár nia ibun okos, iha altár laran iha klaran. 6O tenki halo ai naruk rua ba altár nee, halo hosi ai kasi no falun ho riti. 7Ai naruk sira nee tenki hatama ba kadeli sira, hodi ai naruk iha altár nia sorin rua hodi lori nia. 8O tenki halo altár nee hosi ai kabelak no nia mamuk iha laran, hanesan hatudu tiha ona ba o iha foho.
Kona Ba Tabernakulu Nia Fatin
9“O tenki halo fatin nebee haleu Tabernakulu: iha parte súl nian halo naruk metru haat-nulu resin lima. Tenki halo hosi hena linhu nebee suku hodi haleu iha Tabernakulu nee. 10Tenki iha ai riin rua-nulu, no ain ba ai riin nee tenki iha rua-nulu hosi riti, maibee nia kait sira no sasaan tutan nee tenki halo hosi osan mutin. 11Nunee mos hosi parte norte, nia naruk metru haat-nulu resin lima nebee taka ho kortina sira, tenki iha ai riin rua-nulu, no ain ba ai riin nee tenki iha rua-nulu hosi riti, maibee nia kait sira no sasaan tutan nee tenki halo hosi osan mutin. 12No sorin luan iha parte oeste halo naruk metru rua-nulu resin rua ho balu, ho ai riin sanulu no ain sanulu. 13Iha sorin luan iha parte leste iha tenda nia oin nia naruk metru rua-nulu resin rua ho balu. 14Iha odamatan nia sorin ida tenki halo naruk metru neen sentímetru hitu-nulu resin lima no taka ho kortina sira, no nia iha ai riin tolu no ain tolu. 15Iha odamatan nia sorin seluk tenki halo naruk metru neen sentímetru hitu-nulu resin lima no taka ho kortina sira, no nia iha ai riin tolu no ain tolu. 16Odamatan tenki halo luan metru sia no taka ho hena nebee diak, no iha kór azúl, kór uvas no kór mean, uza kabas diak nebee suku borda ho kór oi-oin, no iha ai riin haat no ain haat. 17Ai riin sira hotu tenki iha sasaan tutan hosi osan mutin, no kait sira hosi osan mutin, no ain hosi riti. 18Fatin nebee haleu Tabernakulu nee naruk metru haat-nulu resin lima, luan metru rua-nulu resin rua ho balu, no aas metru rua sentímetru rua-nulu resin lima. 19No sasaan hotu nebee uza ba Tabernakulu nee, no Tabernakulu nia estaka sira, halo sira hotu hosi riti.
Mina Ba Ahi Oan
20O tenki manda ba ema Israel sira, nunee sira tenki tuku mina azeiti moos no lori ba o hodi tau ba ahi oan, hodi nunee ahi oan nee bele lakan nafatin. 21Iha Tenda Enkontru,#27:21 Tenda Enkontru mak naran ba ema Judeu nia Templu nebee sei oin hanesan ho tenda boot tanba sira lori ba fatin-fatin iha rai fuik. Saserdote bele hasoru Maromak iha fatin nee no Maromak nia prezensa hela iha laran iha Arka Aliansa nia matan nia leten. iha veo nia sorin liur nebee taka ba Aliansa, Arão ho nia oan mane sira tenki tau matan hosi lokraik too dadeer iha Nai nia oin. Ida nee mak estatutu ida ba sira nia jerasaun sira too tinan ba tinan iha ema Israel sira nia leet.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.