Exodu 3
3
Maromak Bolu Moisés
1Iha tempu nee, Moisés hein bibi sira nebee Jetro nian, nebee Moisés nia banin mane. Jetro nee servisu nudar amu lulik iha rai Midian. Bainhira Moisés lori bibi sira nee ba iha rai fuik nia sorin ba, nia too iha Maromak nia foho, naran Horeb. 2Iha nebaa, Nai nia anju hatudu aan ba nia liu hosi ahi lakan nebee sai hosi ai badak. Moisés haree ahi lakan iha ai badak nee, maibee ahi la haan ai badak nee. 3Moisés dehan, “Diak liu hau hakbesik ba hodi haree di-diak buat furak nee, no tanba saa mak ahi la haan ai badak nee?” 4Bainhira Nai haree Moisés hakbesik ba hodi haree, Maromak bolu nia hosi ai badak laran dehan, “Moisés! Moisés!” Nia hataan, “Hau mak nee.” 5Maromak dehan, “Keta hakbesik liu tan. Hasai tiha o nia sandálias lai, tanba fatin nebee o hamriik mak rai santu.” 6Nia mos hatete, “Hau mak o nia bei-ala sira nia Maromak, Abraão nia Maromak, Isak nia Maromak no Jacó nia Maromak.” Entaun Moisés taka tiha nia oin, tanba nia tauk atu hateke ba Maromak. 7Depois Nai hatete, “Hau haree ona Hau nia povu nia terus iha Ejitu, no Hau rona ona sira nia lian tanba ema sira nebee hanehan sira. Hau hatene katak sira hetan terus tebe-tebes. 8Tanba nee Hau sei tuun ba hodi salva sira hosi ema Ejitu sira nia liman no lori sira sai hosi rai nebaa hodi baa iha rai nebee diak no luan; rai nebee suli ho susu been no bani been.#3:8 Iha Moisés nia tempu sira uza fraze nee, ‘suli ho susu been no bani been’ hodi foo sentidu katak rai nee bokur no riku. Rai nee mak ema Kanaan sira nian, ema Hiti, ema Amoreu, ema Perizeu, ema Heveu no ema Jebuseu sira nian. 9Agora, ema Israel sira nia halerik too ona mai Hau. No Hau mos haree oinsaa ema Ejitu hanehan sira. 10Entaun, Hau haruka o baa hasoru Faraó hodi o lori Hau nia povu, ema Israel sira, sai hosi Ejitu.” 11Maibee Moisés hataan ba Maromak, “Hau nee see, hodi ba hasoru Faraó no lori sai ema Israel hosi Ejitu?” 12Maromak hataan, “Maibee Hau sei hamutuk ho o. Ida nee mak sinál katak Hau mak haruka o: Bainhira o lori povu Israel sai hosi Ejitu, o sei serví Hau iha foho ida nee.”
13Moisés hataan ba Maromak, “Maibee se hau hasoru ema Israel no dehan ba sira, ‘Imi nia bei-ala nia Maromak haruka hau mai hasoru imi,’ no sira sei husu, ‘Ninia naran mak saida?’ Oinsaa mak hau hataan ba sira?” 14Maromak hatete ba Moisés, “Hau Mak Hau.” Maromak hatete tan, “O tenki dehan nunee ba ema Israel sira, ‘Hau Mak Hau nee, Nia mak haruka hau ba imi.’” 15Tuir mai, Maromak dehan ba Moisés, “O sei hatete nunee ba ema Israel sira, ‘Nai,#3:15 Nai Maromak foo hatene Ninia naran espesiál. Tradusaun nee uza Nai ho letra boot bainhira Ebreu hakerek YHWH. Liafuan nee iha ligasaun ho lian Ebreu hayah ho sentidu ‘Hau mak Hau.’ imi nia bei-ala nia Maromak, Abraão nia Maromak, Isak nia Maromak no Jacó nia Maromak, mak haruka hau ba imi.’ Hau nia naran mak nee too tinan ba tinan, no imi sei hanoin hetan Hau nia naran nee hosi jerasaun ba jerasaun. 16Baa halibur lider Israel sira hotu. Hatete ba sira, ‘Nai, imi nia bei-ala nia Maromak, Abraão, Isak no Jacó nia Maromak, hatudu aan ona mai hau no nia hatete, “Hau haree ona imi no buat nebee ema Ejitu sira halo ona ba imi. 17Hau desidi ona atu lori imi sai hosi terus iha Ejitu, no lori imi ba rai ida nebee suli ho bani been no susu been. Rai nee mak ema Kanaan sira nian, ema Hiti, ema Amoreu, ema Perizeu, ema Heveu no ema Jebuseu sira nian.”’ 18Depois sira sei rona buat nebee o sei dehan. No o tenki baa hamutuk ho lider Israel sira hodi hasoru liurai Ejitu no hatete ba nia, “Nai, ema Ebreu sira nia Maromak, hatudu aan ona mai ami. Tanba nee, favór ida, foo lisensa mai ami hodi ami lao loron tolu ba rai fuik hodi foo sakrifísiu ba Nai, ami nia Maromak.” 19Hau hatene duni katak liurai Ejitu sei la husik imi baa, too liman forti mak obriga nia. 20Nunee Hau sei lolo liman hodi kastigu ema Ejitu sira ho Hau nia milagre hotu iha sira nia leet. Depois nia sei haruka imi baa. 21No Hau sei halo ema Ejitu sira hatudu grasa ba imi. Nunee bainhira imi sai imi sei la baa ho liman mamuk. 22Maibee feto Israel ida-idak sei husu ba sira nia vizinha nebee ema Ejitu sira no hosi feto Ejitu sira nebee hela hamutuk ho sira, hodi nunee ema Ejitu sei foo sasaan osan mutin no osan mean. Sira sei foo mos ropa hodi imi bele foo hatais ba imi nia oan feto no oan mane sira. Nunee imi sei hetan ema Ejitu sira nia riku-soin.”
Currently Selected:
Exodu 3: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Exodu 3
3
Maromak Bolu Moisés
1Iha tempu nee, Moisés hein bibi sira nebee Jetro nian, nebee Moisés nia banin mane. Jetro nee servisu nudar amu lulik iha rai Midian. Bainhira Moisés lori bibi sira nee ba iha rai fuik nia sorin ba, nia too iha Maromak nia foho, naran Horeb. 2Iha nebaa, Nai nia anju hatudu aan ba nia liu hosi ahi lakan nebee sai hosi ai badak. Moisés haree ahi lakan iha ai badak nee, maibee ahi la haan ai badak nee. 3Moisés dehan, “Diak liu hau hakbesik ba hodi haree di-diak buat furak nee, no tanba saa mak ahi la haan ai badak nee?” 4Bainhira Nai haree Moisés hakbesik ba hodi haree, Maromak bolu nia hosi ai badak laran dehan, “Moisés! Moisés!” Nia hataan, “Hau mak nee.” 5Maromak dehan, “Keta hakbesik liu tan. Hasai tiha o nia sandálias lai, tanba fatin nebee o hamriik mak rai santu.” 6Nia mos hatete, “Hau mak o nia bei-ala sira nia Maromak, Abraão nia Maromak, Isak nia Maromak no Jacó nia Maromak.” Entaun Moisés taka tiha nia oin, tanba nia tauk atu hateke ba Maromak. 7Depois Nai hatete, “Hau haree ona Hau nia povu nia terus iha Ejitu, no Hau rona ona sira nia lian tanba ema sira nebee hanehan sira. Hau hatene katak sira hetan terus tebe-tebes. 8Tanba nee Hau sei tuun ba hodi salva sira hosi ema Ejitu sira nia liman no lori sira sai hosi rai nebaa hodi baa iha rai nebee diak no luan; rai nebee suli ho susu been no bani been.#3:8 Iha Moisés nia tempu sira uza fraze nee, ‘suli ho susu been no bani been’ hodi foo sentidu katak rai nee bokur no riku. Rai nee mak ema Kanaan sira nian, ema Hiti, ema Amoreu, ema Perizeu, ema Heveu no ema Jebuseu sira nian. 9Agora, ema Israel sira nia halerik too ona mai Hau. No Hau mos haree oinsaa ema Ejitu hanehan sira. 10Entaun, Hau haruka o baa hasoru Faraó hodi o lori Hau nia povu, ema Israel sira, sai hosi Ejitu.” 11Maibee Moisés hataan ba Maromak, “Hau nee see, hodi ba hasoru Faraó no lori sai ema Israel hosi Ejitu?” 12Maromak hataan, “Maibee Hau sei hamutuk ho o. Ida nee mak sinál katak Hau mak haruka o: Bainhira o lori povu Israel sai hosi Ejitu, o sei serví Hau iha foho ida nee.”
13Moisés hataan ba Maromak, “Maibee se hau hasoru ema Israel no dehan ba sira, ‘Imi nia bei-ala nia Maromak haruka hau mai hasoru imi,’ no sira sei husu, ‘Ninia naran mak saida?’ Oinsaa mak hau hataan ba sira?” 14Maromak hatete ba Moisés, “Hau Mak Hau.” Maromak hatete tan, “O tenki dehan nunee ba ema Israel sira, ‘Hau Mak Hau nee, Nia mak haruka hau ba imi.’” 15Tuir mai, Maromak dehan ba Moisés, “O sei hatete nunee ba ema Israel sira, ‘Nai,#3:15 Nai Maromak foo hatene Ninia naran espesiál. Tradusaun nee uza Nai ho letra boot bainhira Ebreu hakerek YHWH. Liafuan nee iha ligasaun ho lian Ebreu hayah ho sentidu ‘Hau mak Hau.’ imi nia bei-ala nia Maromak, Abraão nia Maromak, Isak nia Maromak no Jacó nia Maromak, mak haruka hau ba imi.’ Hau nia naran mak nee too tinan ba tinan, no imi sei hanoin hetan Hau nia naran nee hosi jerasaun ba jerasaun. 16Baa halibur lider Israel sira hotu. Hatete ba sira, ‘Nai, imi nia bei-ala nia Maromak, Abraão, Isak no Jacó nia Maromak, hatudu aan ona mai hau no nia hatete, “Hau haree ona imi no buat nebee ema Ejitu sira halo ona ba imi. 17Hau desidi ona atu lori imi sai hosi terus iha Ejitu, no lori imi ba rai ida nebee suli ho bani been no susu been. Rai nee mak ema Kanaan sira nian, ema Hiti, ema Amoreu, ema Perizeu, ema Heveu no ema Jebuseu sira nian.”’ 18Depois sira sei rona buat nebee o sei dehan. No o tenki baa hamutuk ho lider Israel sira hodi hasoru liurai Ejitu no hatete ba nia, “Nai, ema Ebreu sira nia Maromak, hatudu aan ona mai ami. Tanba nee, favór ida, foo lisensa mai ami hodi ami lao loron tolu ba rai fuik hodi foo sakrifísiu ba Nai, ami nia Maromak.” 19Hau hatene duni katak liurai Ejitu sei la husik imi baa, too liman forti mak obriga nia. 20Nunee Hau sei lolo liman hodi kastigu ema Ejitu sira ho Hau nia milagre hotu iha sira nia leet. Depois nia sei haruka imi baa. 21No Hau sei halo ema Ejitu sira hatudu grasa ba imi. Nunee bainhira imi sai imi sei la baa ho liman mamuk. 22Maibee feto Israel ida-idak sei husu ba sira nia vizinha nebee ema Ejitu sira no hosi feto Ejitu sira nebee hela hamutuk ho sira, hodi nunee ema Ejitu sei foo sasaan osan mutin no osan mean. Sira sei foo mos ropa hodi imi bele foo hatais ba imi nia oan feto no oan mane sira. Nunee imi sei hetan ema Ejitu sira nia riku-soin.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.