Exodu 35
35
Hanoin Hetan Loron Sabdu
1Depois Moisés haruka povu Israel sira halibur hamutuk no nia dehan ba sira, “Ida nee mak liafuan nebee Nai manda ona hodi halo tuir. 2Loron neen o bele servisu, maibee loron ba dala hitu mak loron nebee santu, loron Sabdu nebee deskansa ba Nai. Ema nebee halo servisu iha loron nee, nia tenki hetan kastigu mate. 3Imi keta sunu ahi iha loron Sabdu iha fatin nebee deit mak imi hela.”
Oferta Espesiál Hodi Harii Tabernakulu
4Moisés hatete ba povu Israel tomak, “Ida nee mak buat nebee Nai manda ona. 5Foo ba Nai oferta hosi sasaan nebee imi iha. Ema ida-idak tenki foo oferta hosi ninia fuan laran tuir nia hakarak. Husik nia lori oferta nee ba Nai: osan mean, osan mutin, riti, 6kabas kór azúl, kór uvas, no kór mean, hena diak, bibi nia fulun, 7bibi malae aman nia kulit nebee halo mean, animál seluk nia kulit, ai kasi, 8mina ba ahi oan, ai morin ba mina unsaun no insensu morin, 9fatuk onix, no fatuk sira seluk nebee tau iha faru efode no iha alat taka hirus matan.
10Ema hotu nebee matenek iha sira nia fuan laran nebee iha imi nia leet, sira bele mai hodi halo buat sira nebee Nai manda tiha ona, 11Tabernakulu nee nia fatin no nia lona, kait, ai kabelak, ai naruk, ai riin no ain ba ai riin sira; 12Arka ho nia ai naruk sira, Matan Dame no veo nebee taka nia; 13meza ho nia ai naruk sira, nia sasaan hotu no paun Prezensa nian; 14kandelabru hodi foo naroman ho nia sasaan hotu, no nia ahi oan sira ho mina hodi halo lakan; 15altár sunu insensu ho nia ai naruk, mina unsaun no insensu morin, no hena odamatan nian, 16altár oferta tunu motuk nian, ho nia redi besi, ai naruk, no nia sasaan hotu, no basia ho nia tuur fatin; 17kortina sira nebee haleu Tabernakulu fatin, nia ai riin sira, nia ain no kortina iha odamatan ba fatin nebee haleu Tabernakulu; 18estaka sira ba Tabernakulu no estaka sira ba fatin nebee haleu Tabernakulu no nia tali; 19ropa ministériu nian hodi halao ministériu iha Fatin Santu, ropa santu sira ba saserdote Arão, no ropa ba Arão nia oan mane sira hodi serví nudar saserdote.”
20Depois komunidade Israel tomak husik hela Moisés. 21Tuir mai, ema hotu nebee sira nia fuan laran dudu sira, no ema hotu nebee sira nia espíritu diriji sira, mak sira mai no lori sira nia oferta ba Nai hodi halo servisu ba Tenda Enkontru, no buat hotu hodi serví iha laran no ropa santu nee. 22Nunee sira mai, inklui mane no feto, sira nebee iha fuan laran prontu. No sira lori brinkus, brinkus inus, kadeli nebee iha karimbu no sasaan oi-oin nebee halo ho osan mean. Nunee ema hotu nee foo oferta hosi osan mean ba Nai. 23No ema hotu nebee iha kabas kór azúl, kór uvas, no kór mean, no hena diak, bibi nia fulun, bibi malae aman nia kulit nebee halo mean, sira lori sasaan nee mai. 24Ema hotu nebee foo oferta osan mutin ka riti, lori oferta nee ba Nai nee. No ema hotu nebee iha ai kasi mos lori mai hodi kontribui ba servisu saida deit. 25Feto matenek hotu dulas kabas ho sira nia liman rasik. Depois sira lori mai kabas nebee sira prepara tiha: kór azúl, kór uvas, kór mean, no hena diak. 26Feto sira hotu nebee sira nia fuan laran dudu sira, tanba sira iha matenek, sira dulas bibi nia fulun hodi halo kabas. 27Xefi sira lori fatuk onix no fatuk sira seluk nebee bele monta, hodi tau iha faru efode no iha alat taka hirus matan. 28Sira lori ai morin, mina hodi sunu iha ahi oan, mina unsaun no mina insensu nian. 29Mane no feto hotu, povu Israel, nebee senti iha sira nia fuan atu lori buat ruma hodi halo servisu nebee Nai koalia tiha ona liu hosi Moisés, sira lori oferta voluntáriu nee ba Nai.
Belazalel No Aholiabe
30Moisés hatete ba ema Israel sira, “Haree ba, Nai bolu ona ema naran Belazalel, Uri nia oan, Hur nia oan, hosi suku Judá. 31Nai halo nia nakonu ho Espíritu Maromak nian, ho matenek, kompriensaun no konhesimentu hodi halo servisu oi-oin, 32hodi halo planu diak, hodi halo servisu ho osan mean, osan mutin no riti; 33hodi prepara fatuk no monta sira; hodi bahat ai no bele halo servisu saida deit tuir planu nee. 34No Nai foo kbiit ba ninia fuan laran, no ba Aoliabe, Ahisama nia oan, nia fuan laran, nebee hosi suku Dan, hodi sira iha matenek atu hanorin. 35Nia enxe nakonu sira nia fuan laran ho matenek, hodi halo servisu oi-oin no halo saida deit, no halo planu matenek, no servisu hanesan ema nebee suku ho kór azúl, kór uvas no kór mean, no hena diak, no servisu atu soru hena, no sai mandór ba servisu saida deit nebee halo tuir planu.
Currently Selected:
Exodu 35: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Exodu 35
35
Hanoin Hetan Loron Sabdu
1Depois Moisés haruka povu Israel sira halibur hamutuk no nia dehan ba sira, “Ida nee mak liafuan nebee Nai manda ona hodi halo tuir. 2Loron neen o bele servisu, maibee loron ba dala hitu mak loron nebee santu, loron Sabdu nebee deskansa ba Nai. Ema nebee halo servisu iha loron nee, nia tenki hetan kastigu mate. 3Imi keta sunu ahi iha loron Sabdu iha fatin nebee deit mak imi hela.”
Oferta Espesiál Hodi Harii Tabernakulu
4Moisés hatete ba povu Israel tomak, “Ida nee mak buat nebee Nai manda ona. 5Foo ba Nai oferta hosi sasaan nebee imi iha. Ema ida-idak tenki foo oferta hosi ninia fuan laran tuir nia hakarak. Husik nia lori oferta nee ba Nai: osan mean, osan mutin, riti, 6kabas kór azúl, kór uvas, no kór mean, hena diak, bibi nia fulun, 7bibi malae aman nia kulit nebee halo mean, animál seluk nia kulit, ai kasi, 8mina ba ahi oan, ai morin ba mina unsaun no insensu morin, 9fatuk onix, no fatuk sira seluk nebee tau iha faru efode no iha alat taka hirus matan.
10Ema hotu nebee matenek iha sira nia fuan laran nebee iha imi nia leet, sira bele mai hodi halo buat sira nebee Nai manda tiha ona, 11Tabernakulu nee nia fatin no nia lona, kait, ai kabelak, ai naruk, ai riin no ain ba ai riin sira; 12Arka ho nia ai naruk sira, Matan Dame no veo nebee taka nia; 13meza ho nia ai naruk sira, nia sasaan hotu no paun Prezensa nian; 14kandelabru hodi foo naroman ho nia sasaan hotu, no nia ahi oan sira ho mina hodi halo lakan; 15altár sunu insensu ho nia ai naruk, mina unsaun no insensu morin, no hena odamatan nian, 16altár oferta tunu motuk nian, ho nia redi besi, ai naruk, no nia sasaan hotu, no basia ho nia tuur fatin; 17kortina sira nebee haleu Tabernakulu fatin, nia ai riin sira, nia ain no kortina iha odamatan ba fatin nebee haleu Tabernakulu; 18estaka sira ba Tabernakulu no estaka sira ba fatin nebee haleu Tabernakulu no nia tali; 19ropa ministériu nian hodi halao ministériu iha Fatin Santu, ropa santu sira ba saserdote Arão, no ropa ba Arão nia oan mane sira hodi serví nudar saserdote.”
20Depois komunidade Israel tomak husik hela Moisés. 21Tuir mai, ema hotu nebee sira nia fuan laran dudu sira, no ema hotu nebee sira nia espíritu diriji sira, mak sira mai no lori sira nia oferta ba Nai hodi halo servisu ba Tenda Enkontru, no buat hotu hodi serví iha laran no ropa santu nee. 22Nunee sira mai, inklui mane no feto, sira nebee iha fuan laran prontu. No sira lori brinkus, brinkus inus, kadeli nebee iha karimbu no sasaan oi-oin nebee halo ho osan mean. Nunee ema hotu nee foo oferta hosi osan mean ba Nai. 23No ema hotu nebee iha kabas kór azúl, kór uvas, no kór mean, no hena diak, bibi nia fulun, bibi malae aman nia kulit nebee halo mean, sira lori sasaan nee mai. 24Ema hotu nebee foo oferta osan mutin ka riti, lori oferta nee ba Nai nee. No ema hotu nebee iha ai kasi mos lori mai hodi kontribui ba servisu saida deit. 25Feto matenek hotu dulas kabas ho sira nia liman rasik. Depois sira lori mai kabas nebee sira prepara tiha: kór azúl, kór uvas, kór mean, no hena diak. 26Feto sira hotu nebee sira nia fuan laran dudu sira, tanba sira iha matenek, sira dulas bibi nia fulun hodi halo kabas. 27Xefi sira lori fatuk onix no fatuk sira seluk nebee bele monta, hodi tau iha faru efode no iha alat taka hirus matan. 28Sira lori ai morin, mina hodi sunu iha ahi oan, mina unsaun no mina insensu nian. 29Mane no feto hotu, povu Israel, nebee senti iha sira nia fuan atu lori buat ruma hodi halo servisu nebee Nai koalia tiha ona liu hosi Moisés, sira lori oferta voluntáriu nee ba Nai.
Belazalel No Aholiabe
30Moisés hatete ba ema Israel sira, “Haree ba, Nai bolu ona ema naran Belazalel, Uri nia oan, Hur nia oan, hosi suku Judá. 31Nai halo nia nakonu ho Espíritu Maromak nian, ho matenek, kompriensaun no konhesimentu hodi halo servisu oi-oin, 32hodi halo planu diak, hodi halo servisu ho osan mean, osan mutin no riti; 33hodi prepara fatuk no monta sira; hodi bahat ai no bele halo servisu saida deit tuir planu nee. 34No Nai foo kbiit ba ninia fuan laran, no ba Aoliabe, Ahisama nia oan, nia fuan laran, nebee hosi suku Dan, hodi sira iha matenek atu hanorin. 35Nia enxe nakonu sira nia fuan laran ho matenek, hodi halo servisu oi-oin no halo saida deit, no halo planu matenek, no servisu hanesan ema nebee suku ho kór azúl, kór uvas no kór mean, no hena diak, no servisu atu soru hena, no sai mandór ba servisu saida deit nebee halo tuir planu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.