Exodu 6
6
Maromak Promete Atu Salva Israel
1Maibee Nai hatete ba Moisés, “Agora o sei haree saida mak Hau atu halo ba Faraó. Tanba nia sei husik povu nee atu baa ho liman forti. No nia sei duni sira sai hosi ninia rai ho liman forti.”
2Depois Maromak hatete ba Moisés, “Hau mak Nai. 3Hau hatudu aan tiha ona ba Abraão, ba Isak no ba Jacó hanesan Maromak Kbiit Makaas.#6:3 Liafuan Ebreu mak El Xadae nebee iha sentidu katak ‘Maromak Kbiit Makaas’. Haree Job 5:17. Maibee ho Hau nia naran Nai, Hau seidauk foo konhesimentu ba sira. 4Hau mos halo aliansa ho sira hodi foo rai Kanaan, fatin nebee uluk sira lao ba-mai no hela nudar ema lao rai. 5No mos, Hau rona tiha ona ema Israel sira nia tanis tanba ema Ejitu sira sei kastigu sira. No Hau hanoin hetan Hau nia aliansa. 6Tanba nee hatete ba ema Israel, ‘Hau mak Nai, no Hau sei lori imi sai hosi Ejitu sira nia todan. Hau sei hasai imi hosi sira nia kastigu. Hau sei hola fali imi ho liman forti no ho julgamentu nebee makaas. 7Hau sei foti imi hodi sai Hau nia povu no Hau sei sai imi nia Maromak. Nunee imi bele hatene katak Hau mak Nai, imi nia Maromak, nebee lori imi sai hosi Ejitu sira nia todan. 8Hau sei lori imi ba rai nebee Hau jura tiha ona atu foo ba Abraão, Isak no Jacó. Hau sei foo rai nee ba imi nudar liman rohan ida. Hau mak Nai.’” 9Moisés koalia hanesan nee ba ema Israel, maibee sira la rona Moisés tanba sira nia espíritu iha terus, no sira nia kastigu todan tebes.
10Depois Nai dehan ba Moisés, 11“Baa hasoru Faraó, liurai iha Ejitu nee, no hatete ba nia katak nia tenki husik ema Israel sira sai hosi ninia rai.” 12Maibee Moisés hatete ba Nai, “Tebes, ema Israel rasik la rona hau, nunee oinsaa Faraó bele rona hau? Hau ema nebee koalia ho nanaal toos!”#6:12 Iha Ebreu, ‘nanaal toos’ mak ‘ibun tutun nebee seidauk hetan sirkunsizaun’. 13Maibee Nai koalia ho Moisés no Arão, no haruka sira baa hasoru ema Israel sira no Faraó, liurai Ejitu, hodi husu ema Israel sira bele sai hosi Ejitu.
Moisés No Arão Nia Bei-ala Sira
14Ema sira nee mak ulun ba sira nia família: Ruben, Israel nia oan primeiru, nia oan sira: Henoke, Palu, Hezron no Karmi; sira nee mak Ruben nia jerasaun. 15Simeão nia oan sira: Jemuel, Jamin, Oade, Jakin, Zoar no Saul nebee feto Kanaan ida nia oan; sira nee mak Simeão nia jerasaun. 16Levi nia oan sira nia naran mak nee, tuir sira nia jerasaun: Gerson, Koat no Merari; Levi nia tinan hotu mak atus ida tolu-nulu resin hitu (137). 17Gerson nia oan sira: Libni no Simei, tuir sira nia jerasaun. 18Koat nia oan sira: Amram, Isar, Hebron no Uziel. Koat nia tinan hotu mak atus ida tolu-nulu resin tolu (133). 19Merari nia oan sira: Mali no Musi. Ida nee mak família sira hosi Levi tuir sira nia jerasaun sira. 20No Amram foti Jokebed, nebee ninia aman nia alin feto hodi sai nia feen, no feto nee hetan oan rua naran Arão no Moisés. Amram nia tinan hotu mak atus ida tolu-nulu resin hitu (137). 21Isar nia oan sira: Kora, Nefege no Zikri. 22Uziel nia oan sira: Misael, Elzafa no Sitri. 23No Arão foti Eliseba, Aminadab nia oan feto, nebee Naason nia alin, atu sai ninia feen. Feto nee hetan oan naran Nadab, Abiu, Eleazar no Itamar. 24Kora nia oan sira: Asir, Elkana, no Abiasaf. Ida nee mak ema Kora sira nia jerasaun sira. 25Eleazar, Arão nia oan, hola Putiel nia oan feto ida, no nia hetan oan ida naran Fineias. Ema sira nee mak xefi ba família Levi nian tuir sira nia jerasaun.
26Nain rua nee mak Arão no Moisés nebee Nai foo orden, “Lori ema Israel sira sai hosi rai Ejitu.” 27Sira mak koalia ba Faraó, liurai Ejitu, hodi sira bele lori ema Israel sira sai hosi rai Ejitu. Nain rua nee mak Arão no Moisés.
Moisés Hasoru Faraó
28Tuir mai, iha loron nebee Nai koalia ho Moisés iha rai Ejitu, 29Nai dehan ba nia, “Hau mak Nai. Hatete ba Faraó, liurai hosi Ejitu nee, buat hotu nebee Hau dehan ba o.” 30Maibee Moisés hatete ba Nai, “Tebes, hau koalia ho nanaal toos. Oinsaa Faraó bele rona hau?”
Currently Selected:
Exodu 6: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Exodu 6
6
Maromak Promete Atu Salva Israel
1Maibee Nai hatete ba Moisés, “Agora o sei haree saida mak Hau atu halo ba Faraó. Tanba nia sei husik povu nee atu baa ho liman forti. No nia sei duni sira sai hosi ninia rai ho liman forti.”
2Depois Maromak hatete ba Moisés, “Hau mak Nai. 3Hau hatudu aan tiha ona ba Abraão, ba Isak no ba Jacó hanesan Maromak Kbiit Makaas.#6:3 Liafuan Ebreu mak El Xadae nebee iha sentidu katak ‘Maromak Kbiit Makaas’. Haree Job 5:17. Maibee ho Hau nia naran Nai, Hau seidauk foo konhesimentu ba sira. 4Hau mos halo aliansa ho sira hodi foo rai Kanaan, fatin nebee uluk sira lao ba-mai no hela nudar ema lao rai. 5No mos, Hau rona tiha ona ema Israel sira nia tanis tanba ema Ejitu sira sei kastigu sira. No Hau hanoin hetan Hau nia aliansa. 6Tanba nee hatete ba ema Israel, ‘Hau mak Nai, no Hau sei lori imi sai hosi Ejitu sira nia todan. Hau sei hasai imi hosi sira nia kastigu. Hau sei hola fali imi ho liman forti no ho julgamentu nebee makaas. 7Hau sei foti imi hodi sai Hau nia povu no Hau sei sai imi nia Maromak. Nunee imi bele hatene katak Hau mak Nai, imi nia Maromak, nebee lori imi sai hosi Ejitu sira nia todan. 8Hau sei lori imi ba rai nebee Hau jura tiha ona atu foo ba Abraão, Isak no Jacó. Hau sei foo rai nee ba imi nudar liman rohan ida. Hau mak Nai.’” 9Moisés koalia hanesan nee ba ema Israel, maibee sira la rona Moisés tanba sira nia espíritu iha terus, no sira nia kastigu todan tebes.
10Depois Nai dehan ba Moisés, 11“Baa hasoru Faraó, liurai iha Ejitu nee, no hatete ba nia katak nia tenki husik ema Israel sira sai hosi ninia rai.” 12Maibee Moisés hatete ba Nai, “Tebes, ema Israel rasik la rona hau, nunee oinsaa Faraó bele rona hau? Hau ema nebee koalia ho nanaal toos!”#6:12 Iha Ebreu, ‘nanaal toos’ mak ‘ibun tutun nebee seidauk hetan sirkunsizaun’. 13Maibee Nai koalia ho Moisés no Arão, no haruka sira baa hasoru ema Israel sira no Faraó, liurai Ejitu, hodi husu ema Israel sira bele sai hosi Ejitu.
Moisés No Arão Nia Bei-ala Sira
14Ema sira nee mak ulun ba sira nia família: Ruben, Israel nia oan primeiru, nia oan sira: Henoke, Palu, Hezron no Karmi; sira nee mak Ruben nia jerasaun. 15Simeão nia oan sira: Jemuel, Jamin, Oade, Jakin, Zoar no Saul nebee feto Kanaan ida nia oan; sira nee mak Simeão nia jerasaun. 16Levi nia oan sira nia naran mak nee, tuir sira nia jerasaun: Gerson, Koat no Merari; Levi nia tinan hotu mak atus ida tolu-nulu resin hitu (137). 17Gerson nia oan sira: Libni no Simei, tuir sira nia jerasaun. 18Koat nia oan sira: Amram, Isar, Hebron no Uziel. Koat nia tinan hotu mak atus ida tolu-nulu resin tolu (133). 19Merari nia oan sira: Mali no Musi. Ida nee mak família sira hosi Levi tuir sira nia jerasaun sira. 20No Amram foti Jokebed, nebee ninia aman nia alin feto hodi sai nia feen, no feto nee hetan oan rua naran Arão no Moisés. Amram nia tinan hotu mak atus ida tolu-nulu resin hitu (137). 21Isar nia oan sira: Kora, Nefege no Zikri. 22Uziel nia oan sira: Misael, Elzafa no Sitri. 23No Arão foti Eliseba, Aminadab nia oan feto, nebee Naason nia alin, atu sai ninia feen. Feto nee hetan oan naran Nadab, Abiu, Eleazar no Itamar. 24Kora nia oan sira: Asir, Elkana, no Abiasaf. Ida nee mak ema Kora sira nia jerasaun sira. 25Eleazar, Arão nia oan, hola Putiel nia oan feto ida, no nia hetan oan ida naran Fineias. Ema sira nee mak xefi ba família Levi nian tuir sira nia jerasaun.
26Nain rua nee mak Arão no Moisés nebee Nai foo orden, “Lori ema Israel sira sai hosi rai Ejitu.” 27Sira mak koalia ba Faraó, liurai Ejitu, hodi sira bele lori ema Israel sira sai hosi rai Ejitu. Nain rua nee mak Arão no Moisés.
Moisés Hasoru Faraó
28Tuir mai, iha loron nebee Nai koalia ho Moisés iha rai Ejitu, 29Nai dehan ba nia, “Hau mak Nai. Hatete ba Faraó, liurai hosi Ejitu nee, buat hotu nebee Hau dehan ba o.” 30Maibee Moisés hatete ba Nai, “Tebes, hau koalia ho nanaal toos. Oinsaa Faraó bele rona hau?”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.