Jénesis 20
20
Abraão no Abimelek
1Abraão lao hosi fatin nee ba rai Negebe no hela iha Kades no Súr nia klaran. No nia lao ba-mai iha Gerar. 2No Abraão dehan kona ba ninia feen Sara, “Nia mak hau nia alin feto.” Entaun Abimelek, liurai hosi Gerar, haruka ema ba foti Sara. 3Maibee Maromak hasoru Abimelek liu hosi mehi iha kalan ida, no Nia dehan, “Tebes, o mak ema mate ona tanba feto nebee o foti nee, tanba nia mak mane ida nia feen.” 4Maibee Abimelek seidauk hakbesik ba feto nee. Abimelek dehan, “Nai, O sei oho mos nasaun ida nebee hahalok loos ka? 5Laos Abraão dehan mai hau, ‘Nia mak hau nia alin feto’? No feto rasik mos dehan, ‘Nia mak hau nia maun.’ Hau halo buat nee ho laran loos no liman moos.” 6Maromak dehan ba nia iha mehi, “Sin, Hau hatene katak o halo buat nee ho laran loos. Nunee Hau tahan o hodi o la halo sala hasoru Hau. Tanba nee Hau la husik o atu book nia. 7Agora, foo fali ba mane nee ninia feen. Tanba nia mak profeta ida, no nia sei halo orasaun ba o hodi o bele moris hela. Se karik o la foo fali feto nee, hatene lo-loos katak o sei mate duni, inklui ema hotu nebee o nian.”
8Entaun Abimelek hadeer iha dadeer-saan no nia bolu ninia atan sira mai. Nia foo hatene buat hotu nee ba sira no sira sai tauk loos. 9Abimelek bolu Abraão no dehan ba nia, “Ita halo saida mai ami? Sala saida mak hau halo hasoru ita, katak ita lori sala boot nee mai hau, no hau nia reinu boot. Tuir lo-loos, ita la bele halo hanesan nee.” 10No Abimelek dehan ba Abraão, “Ita hanoin saida, hodi nunee ita halo buat nee?” 11Abraão hataan, “Tanba hau hanoin, tebes ema iha fatin nee la hamtauk ba Maromak, nunee sira sei oho hau tanba hau nia feen. 12No tuir lo-loos, nia mak hau nia alin feto duni, tanba nia mak hau nia aman nia oan feto maibee laos hau nia inan nia oan feto, no nia sai hau nia feen. 13No bainhira Maromak haruka hau lao ba hosi hau nia aman nia uma, hau dehan ba nia, ‘Hatudu domin metin mai hau hanesan nee: Iha fatin nebee deit ita baa, bele dehan kona ba hau, “Nia mak hau nia maun.”’”
14Depois Abimelek foti bibi, karau, atan mane no atan feto sira no foo ba Abraão, no nia foo fali Abraão nia feen Sara. 15No Abimelek dehan, “Tebes, hau nia rai hotu mak iha ita nia oin, hela iha nebee deit tuir ita nia hakarak.” 16No ba Sara nia dehan, “Tebes, hau foo ona ba o nia maun osan mutin rihun ida. Tebes, ida nee sai sinál ba ita no ema hotu hamutuk ho ita katak ita loos ona.” 17Abraão halo orasaun ba Maromak no Maromak kura Abimelek no ninia feen no ninia atan feto sira no sira hetan oan sira. 18Tanba iha Abimelek nia uma kain, Nai taka ona sira nia oan fatin hotu, tanba Sara, Abraão nia feen.
Currently Selected:
Jénesis 20: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Jénesis 20
20
Abraão no Abimelek
1Abraão lao hosi fatin nee ba rai Negebe no hela iha Kades no Súr nia klaran. No nia lao ba-mai iha Gerar. 2No Abraão dehan kona ba ninia feen Sara, “Nia mak hau nia alin feto.” Entaun Abimelek, liurai hosi Gerar, haruka ema ba foti Sara. 3Maibee Maromak hasoru Abimelek liu hosi mehi iha kalan ida, no Nia dehan, “Tebes, o mak ema mate ona tanba feto nebee o foti nee, tanba nia mak mane ida nia feen.” 4Maibee Abimelek seidauk hakbesik ba feto nee. Abimelek dehan, “Nai, O sei oho mos nasaun ida nebee hahalok loos ka? 5Laos Abraão dehan mai hau, ‘Nia mak hau nia alin feto’? No feto rasik mos dehan, ‘Nia mak hau nia maun.’ Hau halo buat nee ho laran loos no liman moos.” 6Maromak dehan ba nia iha mehi, “Sin, Hau hatene katak o halo buat nee ho laran loos. Nunee Hau tahan o hodi o la halo sala hasoru Hau. Tanba nee Hau la husik o atu book nia. 7Agora, foo fali ba mane nee ninia feen. Tanba nia mak profeta ida, no nia sei halo orasaun ba o hodi o bele moris hela. Se karik o la foo fali feto nee, hatene lo-loos katak o sei mate duni, inklui ema hotu nebee o nian.”
8Entaun Abimelek hadeer iha dadeer-saan no nia bolu ninia atan sira mai. Nia foo hatene buat hotu nee ba sira no sira sai tauk loos. 9Abimelek bolu Abraão no dehan ba nia, “Ita halo saida mai ami? Sala saida mak hau halo hasoru ita, katak ita lori sala boot nee mai hau, no hau nia reinu boot. Tuir lo-loos, ita la bele halo hanesan nee.” 10No Abimelek dehan ba Abraão, “Ita hanoin saida, hodi nunee ita halo buat nee?” 11Abraão hataan, “Tanba hau hanoin, tebes ema iha fatin nee la hamtauk ba Maromak, nunee sira sei oho hau tanba hau nia feen. 12No tuir lo-loos, nia mak hau nia alin feto duni, tanba nia mak hau nia aman nia oan feto maibee laos hau nia inan nia oan feto, no nia sai hau nia feen. 13No bainhira Maromak haruka hau lao ba hosi hau nia aman nia uma, hau dehan ba nia, ‘Hatudu domin metin mai hau hanesan nee: Iha fatin nebee deit ita baa, bele dehan kona ba hau, “Nia mak hau nia maun.”’”
14Depois Abimelek foti bibi, karau, atan mane no atan feto sira no foo ba Abraão, no nia foo fali Abraão nia feen Sara. 15No Abimelek dehan, “Tebes, hau nia rai hotu mak iha ita nia oin, hela iha nebee deit tuir ita nia hakarak.” 16No ba Sara nia dehan, “Tebes, hau foo ona ba o nia maun osan mutin rihun ida. Tebes, ida nee sai sinál ba ita no ema hotu hamutuk ho ita katak ita loos ona.” 17Abraão halo orasaun ba Maromak no Maromak kura Abimelek no ninia feen no ninia atan feto sira no sira hetan oan sira. 18Tanba iha Abimelek nia uma kain, Nai taka ona sira nia oan fatin hotu, tanba Sara, Abraão nia feen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.