Jénesis 3
3
Sala
1Tuir mai, iha samea ida nebee matenek liu#3:1 Liafuan iha Ebreu bele iha sentidu katak matenek atu fila lia tuun-sae. Haree liafuan nee iha Job 15:5 no Provérbiu 14:8. animál fuik hotu iha rai nebee Nai Maromak halo ona. Nia dehan ba feto nee, “Maromak hatete duni hanesan nee ka, ‘Imi keta haan hosi ai huun naran deit iha jardín nee’?” 2No feto nee hataan ba samea, “Ami bele haan ai fuan hosi ai huun sira iha jardín nee. 3Maibee kona ba ai fuan hosi ai huun ida nebee iha jardín klaran nee, Maromak hatete ona, ‘Imi keta haan hosi ai huun nee, no mos imi keta book. Se lae, imi sei mate.’” 4Samea dehan ba feto nee, “Imi sei la mate duni. 5Tanba Maromak hatene katak iha loron nebee imi haan ai fuan nee, imi nia matan sei nakloke, imi sei sai hanesan Maromak, no imi sei hatene buat diak no buat aat.” 6Bainhira feto nee haree katak ai huun ida nee diak atu foo ai haan, no furak atu haree, no ai huun nee diak atu foo matenek, nunee nia kuu ai fuan nee no nia haan. Nia foo mos ba ninia laen nebee hamutuk ho nia, no ninia laen haan. 7Depois sira nain rua nia matan nakloke, no sira hatene kedas katak sira isin molik. Entaun sira suku ai figeira tahan hamutuk hodi halo ropa simples.#3:7 Liafuan Ebreu ‘sintu’ nebee taka oin lulik nee.
8Depois sira rona lian hosi Nai Maromak tanba Nia lao iha jardín laran no hola anin iha tempu nee. Mane ida nee ho nia feen subar aan hosi Nai Maromak iha ai laran nebee iha jardín nee. 9Nai Maromak bolu mane nee no dehan, “O iha nebee?” 10Adão hataan, “Hau rona O nia lian iha jardín laran, no hau tauk tanba hau isin molik hela, no hau subar aan.” 11Maromak dehan, “See mak foo hatene katak o molik? O haan ona hosi ai huun nebee Hau bandu o keta haan nee ka?” 12Mane nee hataan, “Feto ida nebee O foo mai hau, nia mak foo ai fuan nee mai hau, no hau haan.” 13Nai Maromak dehan ba feto nee, “Saida mak o halo nee?” No feto hataan, “Samea bosok hau, no hau haan.”
14 Nai Maromak dehan ba samea nee,
“Tanba o halo ona nunee,
o hetan malisan boot liu animál sira hotu nebee hakiak,
no boot liu animál fuik sira iha rai.
O sei dolar ho o nia kabun,
no o sei haan rai rahun loro-loron
durante o nia moris tomak.
15Hau sei halo o no feto nee odi malu,
entre o nia oan#3:15 Liafuan Ebreu ‘musan’, nebee ema ida hosi jerasaun nebee tuir mai. Haree Roma 16:20, Ebreu 2:14 no Apokalipse 20:2,10. no ninia oan,
nia sei sama o nia ulun,
no o sei tata#3:15 Sama no tata mai hosi liafuan hanesan iha Ebreu. ninia ain tuban.”
16Maromak dehan ba feto nee,
“Hau sei aumenta makaas o nia terus iha tempu isin rua,
liu hosi terus o sei tuur ahi;
o sei hakarak nafatin o nia laen,
no nia sei ukun o.”
17Maromak dehan ba Adão,
“Tanba o rona tuir o nia feen nia lian
no haan hosi ai huun ida nebee
Hau manda ona ba o, dehan,
‘O keta haan hosi ida nee,’
rai sei simu malisan tanba o,
liu hosi terus o sei haan hosi rai nee durante o nia moris tomak.
18Ai tarak no duut tarak sei mosu mai hosi rai nee ba o,
no o sei haan ai horis hosi rai luan.
19Liu hosi o nia kosar been
o sei haan ai haan,
too o fila fali ba rai,
tanba o mai hosi rai.
O mak rai rahun,
nunee o sei fila fali ba rai rahun.”
20Adão foo naran ‘Eva’ ba ninia feen, tanba Eva mak inan ba ema hotu-hotu nebee moris.#3:20 Eva iha sentidu nebee ‘moris’. 21Nai Maromak halo ropa hosi animál nia kulit hodi Adão no nia feen bele hatais.
22No Nai Maromak dehan, “Haree ba, mane nee sai ona hanesan Ita hodi hatene buat diak no buat aat. Nunee keta halo be nia lolo nia liman hodi kuu mos hosi Ai Huun Moris Nian, no haan no moris ba nafatin.” 23Tanba nee Nai Maromak haruka nia sai hosi toos iha Eden, hodi fila rai. Tanba nia moris mai hosi rai nee. 24Nunee Nia duni sai mane nee, no Nia tau fali kerubim#3:24 Kriatura iha lalehan. Haree 1 Liurai 6:23 no dezenhu nee. sira iha Eden iha toos nia sorin lorosae. No sira kaer surik lakan nebee dulas ba-mai hodi taka dalan ba Ai Huun Moris Nian.
Currently Selected:
Jénesis 3: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Jénesis 3
3
Sala
1Tuir mai, iha samea ida nebee matenek liu#3:1 Liafuan iha Ebreu bele iha sentidu katak matenek atu fila lia tuun-sae. Haree liafuan nee iha Job 15:5 no Provérbiu 14:8. animál fuik hotu iha rai nebee Nai Maromak halo ona. Nia dehan ba feto nee, “Maromak hatete duni hanesan nee ka, ‘Imi keta haan hosi ai huun naran deit iha jardín nee’?” 2No feto nee hataan ba samea, “Ami bele haan ai fuan hosi ai huun sira iha jardín nee. 3Maibee kona ba ai fuan hosi ai huun ida nebee iha jardín klaran nee, Maromak hatete ona, ‘Imi keta haan hosi ai huun nee, no mos imi keta book. Se lae, imi sei mate.’” 4Samea dehan ba feto nee, “Imi sei la mate duni. 5Tanba Maromak hatene katak iha loron nebee imi haan ai fuan nee, imi nia matan sei nakloke, imi sei sai hanesan Maromak, no imi sei hatene buat diak no buat aat.” 6Bainhira feto nee haree katak ai huun ida nee diak atu foo ai haan, no furak atu haree, no ai huun nee diak atu foo matenek, nunee nia kuu ai fuan nee no nia haan. Nia foo mos ba ninia laen nebee hamutuk ho nia, no ninia laen haan. 7Depois sira nain rua nia matan nakloke, no sira hatene kedas katak sira isin molik. Entaun sira suku ai figeira tahan hamutuk hodi halo ropa simples.#3:7 Liafuan Ebreu ‘sintu’ nebee taka oin lulik nee.
8Depois sira rona lian hosi Nai Maromak tanba Nia lao iha jardín laran no hola anin iha tempu nee. Mane ida nee ho nia feen subar aan hosi Nai Maromak iha ai laran nebee iha jardín nee. 9Nai Maromak bolu mane nee no dehan, “O iha nebee?” 10Adão hataan, “Hau rona O nia lian iha jardín laran, no hau tauk tanba hau isin molik hela, no hau subar aan.” 11Maromak dehan, “See mak foo hatene katak o molik? O haan ona hosi ai huun nebee Hau bandu o keta haan nee ka?” 12Mane nee hataan, “Feto ida nebee O foo mai hau, nia mak foo ai fuan nee mai hau, no hau haan.” 13Nai Maromak dehan ba feto nee, “Saida mak o halo nee?” No feto hataan, “Samea bosok hau, no hau haan.”
14 Nai Maromak dehan ba samea nee,
“Tanba o halo ona nunee,
o hetan malisan boot liu animál sira hotu nebee hakiak,
no boot liu animál fuik sira iha rai.
O sei dolar ho o nia kabun,
no o sei haan rai rahun loro-loron
durante o nia moris tomak.
15Hau sei halo o no feto nee odi malu,
entre o nia oan#3:15 Liafuan Ebreu ‘musan’, nebee ema ida hosi jerasaun nebee tuir mai. Haree Roma 16:20, Ebreu 2:14 no Apokalipse 20:2,10. no ninia oan,
nia sei sama o nia ulun,
no o sei tata#3:15 Sama no tata mai hosi liafuan hanesan iha Ebreu. ninia ain tuban.”
16Maromak dehan ba feto nee,
“Hau sei aumenta makaas o nia terus iha tempu isin rua,
liu hosi terus o sei tuur ahi;
o sei hakarak nafatin o nia laen,
no nia sei ukun o.”
17Maromak dehan ba Adão,
“Tanba o rona tuir o nia feen nia lian
no haan hosi ai huun ida nebee
Hau manda ona ba o, dehan,
‘O keta haan hosi ida nee,’
rai sei simu malisan tanba o,
liu hosi terus o sei haan hosi rai nee durante o nia moris tomak.
18Ai tarak no duut tarak sei mosu mai hosi rai nee ba o,
no o sei haan ai horis hosi rai luan.
19Liu hosi o nia kosar been
o sei haan ai haan,
too o fila fali ba rai,
tanba o mai hosi rai.
O mak rai rahun,
nunee o sei fila fali ba rai rahun.”
20Adão foo naran ‘Eva’ ba ninia feen, tanba Eva mak inan ba ema hotu-hotu nebee moris.#3:20 Eva iha sentidu nebee ‘moris’. 21Nai Maromak halo ropa hosi animál nia kulit hodi Adão no nia feen bele hatais.
22No Nai Maromak dehan, “Haree ba, mane nee sai ona hanesan Ita hodi hatene buat diak no buat aat. Nunee keta halo be nia lolo nia liman hodi kuu mos hosi Ai Huun Moris Nian, no haan no moris ba nafatin.” 23Tanba nee Nai Maromak haruka nia sai hosi toos iha Eden, hodi fila rai. Tanba nia moris mai hosi rai nee. 24Nunee Nia duni sai mane nee, no Nia tau fali kerubim#3:24 Kriatura iha lalehan. Haree 1 Liurai 6:23 no dezenhu nee. sira iha Eden iha toos nia sorin lorosae. No sira kaer surik lakan nebee dulas ba-mai hodi taka dalan ba Ai Huun Moris Nian.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.