Jénesis 41
41
José Foo Signifikadu Ba Faraó Nia Mehi
1Liu tiha tinan rua, Faraó mehi katak nia hamriik hela iha Mota Nilu ninin. 2Tebes, karau hitu sai mai hosi mota nee, karau nebee isin diak no bokur no sira haan iha duut fatin nee. 3No tebes, tuir mai, karau hitu tan sai mai hosi Mota Nilu, karau nebee isin la diak no krekas no sira hamriik iha karau sira seluk nee nia sorin iha mota ninin. 4Depois karau sira nebee isin la diak no krekas nee haan fali karau hitu nebee isin diak no bokur. Depois Faraó hadeer. 5Faraó toba dukur fali no nia hetan mehi segundu: no tebes, batar fulin hitu mosu mai iha kain ida, no sira boot no diak. 6No tebes, batar fulin hitu mosu mai tuir batar uluk nian, no sira krekas no maran tanba anin manas#41:6 Ebreu ‘anin lorosae’. Iha rai Ejitu nia sorin lorosae iha rai fuik maran no anin hosi nee mak manas. hamaran sira. 7No batar fulin hitu nebee krekas tolan fali batar fulin hitu nebee diak no nakonu. Depois Faraó hadeer, no tebes buat nee mak mehi deit. 8Iha dadeer-saan, Faraó iha laran susar. Nia haruka ema bolu ema matan dook hotu iha Ejitu, no ema matenek klean hotu, no Faraó konta ninia mehi ba sira. Maibee la iha ema ida nebee bele foo sai mehi nia signifikadu ba Faraó.
9Depois, Faraó nia xefi hemu nian koalia no dehan, “Hau hanoin hau nia sala ohin loron. 10Uluk, Faraó hirus ho ninia atan sira, no hatama hau iha kadeia nebee iha xefi seguransa nia uma, hau no xefi padeiru. 11Iha kalan ida, ami hetan mehi, hau no nia. Ami ida-idak iha ninia mehi no mehi rua nee iha signifikadu keta-ketak. 12Iha fatin nebaa iha joven mane ida, ema Ebreu ida, nebee xefi seguransa nia atan. No ami konta mehi nee ba nia no nia foo sai mehi nia signifikadu. Nia konta signifikadu ida-idak ba ami nain rua. 13No tuir mai, buat nebee akontese tuir ninia liafuan. Hau fila fali ba hau nia servisu uluk no ema seluk tara mate tiha.”
14Entaun Faraó haruka ema bolu José, no sira lori nia lalais hosi rai kuak. Nia koi ninia fuuk, troka ninia ropa no baa hasoru Faraó. 15Faraó dehan ba José, “Hau hetan mehi ida no la iha ema ida nebee bele foo sai ninia signifikadu. Hau rona istória kona ba o katak o bele kompriende mehi no foo sai ninia signifikadu.” 16José hataan ba Faraó no dehan, “Laos hau, maibee Maromak sei foo liafuan diak#41:16 Ebreu salóm. nian ba Faraó.” 17Faraó dehan ba José, “Iha hau nia mehi, tebes, hau hamriik iha Mota Nilu nia ninin. 18No tebes, karau hitu sai mai hosi mota nee, no sira iha isin diak no bokur, no sira haan iha duut fatin nebaa. 19No tebes, karau hitu seluk sai mai tuir karau uluk sira. No karau sira nee mak fraku no isin la diak liu no krekas, hanesan hau nunka haree karau aat hanesan nee iha rai Ejitu tomak. 20No karau sira nebee krekas no isin la diak mak haan karau bokur sira nebee mai uluk. 21Bainhira karau sira nee haan tiha hotu, ita la bele hatene katak sira haan ona, maibee sira nafatin isin la diak hanesan uluk. Depois hau hadeer. 22No hau haree fali iha mehi, no tebes, batar fulin hitu mosu mai hosi kain ida, nakonu no diak. 23No tebes, iha batar fulin hitu nebee namlaik, krekas no maran tanba anin manas. No batar nee mosu mai tuir uluk nian. 24No batar fulin sira nebee krekas tolan batar fulin hitu nebee diak. Hau foo hatene ona mehi nee ba matan dook sira maibee la iha ida nebee bele esplika mai hau.”
25José dehan ba Faraó, “Faraó nia mehi mak mehi ida deit. Maromak hatudu ona ba Faraó saida mak Nia atu halo. 26Karau hitu diak nee mak tinan hitu, no batar fulin hitu diak nee mak tinan hitu. Mehi nee mak mehi ida deit. 27Karau hitu nebee krekas no la diak nebee tuir uluk nian mak tinan hitu, no batar fulin nebee mamuk no maran tanba anin manas huu mak tinan hitu mos nebee rai hamlaha. 28Buat nebee hau konta ona ba Faraó mak buat nebee Maromak atu halo no Nia hatudu ba Faraó. 29Tebes, tinan hitu sei mai nebee ita hetan produsaun barak loos iha rai Ejitu tomak. 30Tuir tinan sira nee mak tinan hitu nebee rai hamlaha. No ema sei haluha buat barak nebee mai uluk iha rai Ejitu. Rai hamlaha nee sei hamate rai nee. 31No ema sei la hatene katak rai nee uluk hetan produsaun barak tanba rai hamlaha nebee tuir mai, tanba tempu nee sei sai tempu todan loos. 32Faraó hetan mehi rua nee tanba Maromak halo planu nee metin ona no tempu nee besik mai ona. 33Nunee diak liu Faraó buka ema ida nebee iha kompriensaun no matenek klean no foo knaar ba nia hodi tau matan ba rai Ejitu. 34Faraó bele haruka ema ida nee tau funsionáriu sira iha rai nee no foti porsentu rua-nulu hosi rai Ejitu durante tinan hitu nebee ita hetan produsaun barak. 35No husik nia haloot ai haan hotu nee hosi tinan diak sira nebee atu mai nee. Haloot ai haan nee hodi Faraó mak kontrola. Sira bele rai ai haan nee iha sidade sira nia laran. 36No reserva ai haan nee ba rai Ejitu hodi hasoru rai hamlaha durante tinan hitu nebee sei kona rai Ejitu, hodi rai nee la lakon iha tempu rai hamlaha.”
José Hetan Podér
37No liafuan nee diak iha Faraó nia oin no iha ninia atan hotu nia oin. 38Faraó dehan ba ninia atan sira, “Ita bele hetan mane ida seluk nebee hanesan nee ka, nebee iha Espíritu Maromak nian?” 39Faraó dehan ba José, “Maromak hatudu ona buat hotu nee, no la iha ema ida nebee iha kompriensaun no matenek klean hanesan o. 40Nunee o sei tau matan ba hau nia uma, no hau nia povu hotu sei hakruuk#41:40 Ebreu iha sentidu katak ‘rei’ rai, ho signifika katak sira halo tuir duni José. ba o nia liafuan, só iha hau nia kadunan deit mak hau boot liu o.” 41No Faraó dehan ba José, “Haree katak hau foo rai Ejitu tomak ba o.” 42Faraó hasai ninia kadeli nebee karimbu hosi ninia liman no tau ba José nia liman. Nia foo hatais José ho ropa diak no tara korenti osan mean ba José nia kakorok.
43Faraó foo ninia kuda kareta segundu nian ba José. Ema lao uluk José no hakilar, “Hakneak ba!”#41:43 Liafuan nee, ‘Abrake!’, karik ida nee hosi lian Ejitu ho sentidu ‘Hakneak ba!’. No nia halo hodi José bele ukun rai Ejitu tomak. 44Faraó dehan ba José, “Hau mak Faraó, nunee la iha mane ida nebee foti nia liman ka ain iha rai Ejitu tomak, só o mak foo lisensa ba sira.” 45Faraó hanaran José, Zafnat-Panea, no nia foo kaben José ho feto ida naran Asenat, oan feto hosi Potifera, nebee amu lulik iha On.#41:45 On mak ‘Sidade Loro Matan Nian’ (Heliopolis) iha Ejitu. Ida nee mak fatin nebee sira adora loro matan nudar maromak ida.
46José tinan tolu-nulu bainhira nia hamriik hodi serví Faraó, liurai hosi Ejitu. José sai hosi Faraó nia prezensa no lao ba-mai iha rai Ejitu tomak. 47Iha tinan hitu nebee iha ai haan barak, sira hetan rezultadu boot hosi rai. 48José halibur ai haan hotu hosi rai Ejitu durante tinan hitu nee. Nia tau ai haan nee iha sidade sira nia laran. Nia tau ai haan hosi toos nebee haleu sidade ida-idak nia rai iha sidade ida-idak nee nia laran. 49José haloot batar#41:49 Liafuan iha Ebreu bele trigu ka batar boot ka ai haan seluk hanesan nee. barak la liu, hanesan rai henek iha tasi, too nia husik sistema nebee sura, tanba ai haan nee la bele sura.
50Molok tempu rai hamlaha, José iha oan mane nain rua, liu hosi Asenat. Feto nee mak oan feto hosi Potifera, amu lulik iha On. 51José hanaran oan mane primeiru Manasés,#41:51 Manasés katak ‘halo haluha’. no nia dehan, “Tanba Maromak halo hau haluha tiha hau nia tempu susar hotu no hau nia aman nia uma kain tomak.” 52Oan segundu nia hanaran Efraim,#41:52 Efraim katak ‘foo fuan’. “Tanba Maromak halo hau foo fuan iha rai nebee hau hetan terus.”
53Tinan hitu nebee hetan produsaun barak liu iha rai Ejitu remata ona. 54No tinan hitu nebee tempu hamlaha mai, tuir José nia liafuan. No tempu hamlaha hasoru rai hotu, maibee iha rai Ejitu, ai haan sei iha. 55Bainhira rai tomak iha Ejitu sai hamlaha ona, povu nee hakilar ba Faraó hodi hetan ai haan no Faraó dehan, “Imi baa José, no tuir ninia liafuan.”
56Rai hamlaha kona rai hotu iha mundu. José loke armajén sira nee no faan ba ema Ejitu sira. Rai hamlaha nee sai susar liu iha rai Ejitu. 57Nasaun hotu mai ba Ejitu hodi sosa ai haan hosi José tanba rai hamlaha nee susar loos iha rai hotu.
Currently Selected:
Jénesis 41: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Jénesis 41
41
José Foo Signifikadu Ba Faraó Nia Mehi
1Liu tiha tinan rua, Faraó mehi katak nia hamriik hela iha Mota Nilu ninin. 2Tebes, karau hitu sai mai hosi mota nee, karau nebee isin diak no bokur no sira haan iha duut fatin nee. 3No tebes, tuir mai, karau hitu tan sai mai hosi Mota Nilu, karau nebee isin la diak no krekas no sira hamriik iha karau sira seluk nee nia sorin iha mota ninin. 4Depois karau sira nebee isin la diak no krekas nee haan fali karau hitu nebee isin diak no bokur. Depois Faraó hadeer. 5Faraó toba dukur fali no nia hetan mehi segundu: no tebes, batar fulin hitu mosu mai iha kain ida, no sira boot no diak. 6No tebes, batar fulin hitu mosu mai tuir batar uluk nian, no sira krekas no maran tanba anin manas#41:6 Ebreu ‘anin lorosae’. Iha rai Ejitu nia sorin lorosae iha rai fuik maran no anin hosi nee mak manas. hamaran sira. 7No batar fulin hitu nebee krekas tolan fali batar fulin hitu nebee diak no nakonu. Depois Faraó hadeer, no tebes buat nee mak mehi deit. 8Iha dadeer-saan, Faraó iha laran susar. Nia haruka ema bolu ema matan dook hotu iha Ejitu, no ema matenek klean hotu, no Faraó konta ninia mehi ba sira. Maibee la iha ema ida nebee bele foo sai mehi nia signifikadu ba Faraó.
9Depois, Faraó nia xefi hemu nian koalia no dehan, “Hau hanoin hau nia sala ohin loron. 10Uluk, Faraó hirus ho ninia atan sira, no hatama hau iha kadeia nebee iha xefi seguransa nia uma, hau no xefi padeiru. 11Iha kalan ida, ami hetan mehi, hau no nia. Ami ida-idak iha ninia mehi no mehi rua nee iha signifikadu keta-ketak. 12Iha fatin nebaa iha joven mane ida, ema Ebreu ida, nebee xefi seguransa nia atan. No ami konta mehi nee ba nia no nia foo sai mehi nia signifikadu. Nia konta signifikadu ida-idak ba ami nain rua. 13No tuir mai, buat nebee akontese tuir ninia liafuan. Hau fila fali ba hau nia servisu uluk no ema seluk tara mate tiha.”
14Entaun Faraó haruka ema bolu José, no sira lori nia lalais hosi rai kuak. Nia koi ninia fuuk, troka ninia ropa no baa hasoru Faraó. 15Faraó dehan ba José, “Hau hetan mehi ida no la iha ema ida nebee bele foo sai ninia signifikadu. Hau rona istória kona ba o katak o bele kompriende mehi no foo sai ninia signifikadu.” 16José hataan ba Faraó no dehan, “Laos hau, maibee Maromak sei foo liafuan diak#41:16 Ebreu salóm. nian ba Faraó.” 17Faraó dehan ba José, “Iha hau nia mehi, tebes, hau hamriik iha Mota Nilu nia ninin. 18No tebes, karau hitu sai mai hosi mota nee, no sira iha isin diak no bokur, no sira haan iha duut fatin nebaa. 19No tebes, karau hitu seluk sai mai tuir karau uluk sira. No karau sira nee mak fraku no isin la diak liu no krekas, hanesan hau nunka haree karau aat hanesan nee iha rai Ejitu tomak. 20No karau sira nebee krekas no isin la diak mak haan karau bokur sira nebee mai uluk. 21Bainhira karau sira nee haan tiha hotu, ita la bele hatene katak sira haan ona, maibee sira nafatin isin la diak hanesan uluk. Depois hau hadeer. 22No hau haree fali iha mehi, no tebes, batar fulin hitu mosu mai hosi kain ida, nakonu no diak. 23No tebes, iha batar fulin hitu nebee namlaik, krekas no maran tanba anin manas. No batar nee mosu mai tuir uluk nian. 24No batar fulin sira nebee krekas tolan batar fulin hitu nebee diak. Hau foo hatene ona mehi nee ba matan dook sira maibee la iha ida nebee bele esplika mai hau.”
25José dehan ba Faraó, “Faraó nia mehi mak mehi ida deit. Maromak hatudu ona ba Faraó saida mak Nia atu halo. 26Karau hitu diak nee mak tinan hitu, no batar fulin hitu diak nee mak tinan hitu. Mehi nee mak mehi ida deit. 27Karau hitu nebee krekas no la diak nebee tuir uluk nian mak tinan hitu, no batar fulin nebee mamuk no maran tanba anin manas huu mak tinan hitu mos nebee rai hamlaha. 28Buat nebee hau konta ona ba Faraó mak buat nebee Maromak atu halo no Nia hatudu ba Faraó. 29Tebes, tinan hitu sei mai nebee ita hetan produsaun barak loos iha rai Ejitu tomak. 30Tuir tinan sira nee mak tinan hitu nebee rai hamlaha. No ema sei haluha buat barak nebee mai uluk iha rai Ejitu. Rai hamlaha nee sei hamate rai nee. 31No ema sei la hatene katak rai nee uluk hetan produsaun barak tanba rai hamlaha nebee tuir mai, tanba tempu nee sei sai tempu todan loos. 32Faraó hetan mehi rua nee tanba Maromak halo planu nee metin ona no tempu nee besik mai ona. 33Nunee diak liu Faraó buka ema ida nebee iha kompriensaun no matenek klean no foo knaar ba nia hodi tau matan ba rai Ejitu. 34Faraó bele haruka ema ida nee tau funsionáriu sira iha rai nee no foti porsentu rua-nulu hosi rai Ejitu durante tinan hitu nebee ita hetan produsaun barak. 35No husik nia haloot ai haan hotu nee hosi tinan diak sira nebee atu mai nee. Haloot ai haan nee hodi Faraó mak kontrola. Sira bele rai ai haan nee iha sidade sira nia laran. 36No reserva ai haan nee ba rai Ejitu hodi hasoru rai hamlaha durante tinan hitu nebee sei kona rai Ejitu, hodi rai nee la lakon iha tempu rai hamlaha.”
José Hetan Podér
37No liafuan nee diak iha Faraó nia oin no iha ninia atan hotu nia oin. 38Faraó dehan ba ninia atan sira, “Ita bele hetan mane ida seluk nebee hanesan nee ka, nebee iha Espíritu Maromak nian?” 39Faraó dehan ba José, “Maromak hatudu ona buat hotu nee, no la iha ema ida nebee iha kompriensaun no matenek klean hanesan o. 40Nunee o sei tau matan ba hau nia uma, no hau nia povu hotu sei hakruuk#41:40 Ebreu iha sentidu katak ‘rei’ rai, ho signifika katak sira halo tuir duni José. ba o nia liafuan, só iha hau nia kadunan deit mak hau boot liu o.” 41No Faraó dehan ba José, “Haree katak hau foo rai Ejitu tomak ba o.” 42Faraó hasai ninia kadeli nebee karimbu hosi ninia liman no tau ba José nia liman. Nia foo hatais José ho ropa diak no tara korenti osan mean ba José nia kakorok.
43Faraó foo ninia kuda kareta segundu nian ba José. Ema lao uluk José no hakilar, “Hakneak ba!”#41:43 Liafuan nee, ‘Abrake!’, karik ida nee hosi lian Ejitu ho sentidu ‘Hakneak ba!’. No nia halo hodi José bele ukun rai Ejitu tomak. 44Faraó dehan ba José, “Hau mak Faraó, nunee la iha mane ida nebee foti nia liman ka ain iha rai Ejitu tomak, só o mak foo lisensa ba sira.” 45Faraó hanaran José, Zafnat-Panea, no nia foo kaben José ho feto ida naran Asenat, oan feto hosi Potifera, nebee amu lulik iha On.#41:45 On mak ‘Sidade Loro Matan Nian’ (Heliopolis) iha Ejitu. Ida nee mak fatin nebee sira adora loro matan nudar maromak ida.
46José tinan tolu-nulu bainhira nia hamriik hodi serví Faraó, liurai hosi Ejitu. José sai hosi Faraó nia prezensa no lao ba-mai iha rai Ejitu tomak. 47Iha tinan hitu nebee iha ai haan barak, sira hetan rezultadu boot hosi rai. 48José halibur ai haan hotu hosi rai Ejitu durante tinan hitu nee. Nia tau ai haan nee iha sidade sira nia laran. Nia tau ai haan hosi toos nebee haleu sidade ida-idak nia rai iha sidade ida-idak nee nia laran. 49José haloot batar#41:49 Liafuan iha Ebreu bele trigu ka batar boot ka ai haan seluk hanesan nee. barak la liu, hanesan rai henek iha tasi, too nia husik sistema nebee sura, tanba ai haan nee la bele sura.
50Molok tempu rai hamlaha, José iha oan mane nain rua, liu hosi Asenat. Feto nee mak oan feto hosi Potifera, amu lulik iha On. 51José hanaran oan mane primeiru Manasés,#41:51 Manasés katak ‘halo haluha’. no nia dehan, “Tanba Maromak halo hau haluha tiha hau nia tempu susar hotu no hau nia aman nia uma kain tomak.” 52Oan segundu nia hanaran Efraim,#41:52 Efraim katak ‘foo fuan’. “Tanba Maromak halo hau foo fuan iha rai nebee hau hetan terus.”
53Tinan hitu nebee hetan produsaun barak liu iha rai Ejitu remata ona. 54No tinan hitu nebee tempu hamlaha mai, tuir José nia liafuan. No tempu hamlaha hasoru rai hotu, maibee iha rai Ejitu, ai haan sei iha. 55Bainhira rai tomak iha Ejitu sai hamlaha ona, povu nee hakilar ba Faraó hodi hetan ai haan no Faraó dehan, “Imi baa José, no tuir ninia liafuan.”
56Rai hamlaha kona rai hotu iha mundu. José loke armajén sira nee no faan ba ema Ejitu sira. Rai hamlaha nee sai susar liu iha rai Ejitu. 57Nasaun hotu mai ba Ejitu hodi sosa ai haan hosi José tanba rai hamlaha nee susar loos iha rai hotu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.