Jénesis 49
49
Jacó Foo Bensaun ba Oan Mane Sira
1Jacó bolu ninia oan mane sira no dehan, “Halibur hamutuk hodi hau bele foo sai ba imi buat nebee sei akontese ba imi iha futuru.#49:1 Ebreu ‘loron sira iha tempu ikus’.
2Mai hamutuk no rona lai, Oh Jacó nia oan mane sira,
rona ba imi nia aman Israel.
3Ruben, o mak hau nia oan primeiru,
hau nia kbiit, no hau nia podér primeiru,
dignidade nebee aas liu, no forsa nebee aas liu.
4Maibee o hanesan bee nebee la metin, nunee o sei la sai aas liu,
tanba o sae tiha ba o nia aman nia kama,
no o halo kama nee foer - nia sae hau nia toba fatin!#49:4 Haree Jénesis 35:22, no mos 1 Krónikas 5:1.
5Simeão no Levi nee maun-alin,
sira nia surik sira nee halao violénsia.
6Keta husik hau nia klamar tama ba sira nia segredu,
hau nia onra la bele hola parte iha sira nia enkontru,
tanba bainhira sira hirus sira oho ema,#49:6 Haree Jénesis 34:25-26.
no ho ulun toos sira tesi karau nia ain-uat.
7Hau foo malisan ba sira nia hirus nebee makaas,
no sira nia laran nakali nebee todan tebes.
Hau sei fahe sira iha Jacó,
no halo sira namkari iha Israel.
8Judá, o nia maun-alin sira sei hahii o,
o nia liman sei kona o nia inimigu sira nia kakorok,
no o nia aman nia oan sira sei hakruuk iha o nia oin.
9Judá mak liaun oan,
no hau nia oan mane nee sei sae hosi animál nebee lees mate.
Nia hakneak, nia toba hanesan liaun ida,
no hanesan liaun inan, see mak iha brani atu fanu nia?
10Rota sei la sai hosi Judá,
no ai tonka ukun nian sei la sai hosi nia ain fatin,
too knaar nee nia nain mai,
no povu sei halibur hamutuk ba nia.
11Nia kesi nia kuda buru oan ba ai uvas huun,
no nia kuda buru oan ba ai uvas nebee diak liu;
nia fasi ninia ropa iha tua uvas,
no ninia hena iha uvas nia been.#49:11 Been nee mak raan iha lian Ebreu.
12Ninia matan sei mean liu tua uvas,
no ninia nehan sei mutin liu susu been.
13Zebulón sei hela iha tasi ibun,
no nia sei sai fatin diak hodi simu roo sira,
no nia sei iha baliza ho Sidon.
14Isakar mak kuda buru ida nebee forti,
nebee toba ho raga rua nebee todan.
15Nia haree fatin deskansa nebee diak,
no rai nee kapaas,
no nia foo ninia kabaas hodi hulan,
no sai atan hodi halo servisu todan.
16Dan sei tesi lia ba ninia povu,
nudar suku ida iha Israel.
17Dan sei sai samea ida iha dalan,
samea ho veneno iha dalan ninin,
nebee tata kuda nia ain,
hodi ema nebee sae kuda sei monu ba kotuk.
18Hau hein O nia salvasaun, Oh Nai.
19Kona ba Gad nee, naok-teen sira sei hadau nia,
maibee nia sei ataka fali sira hosi kotuk.
20Aser nia hahaan nee mak bokur,
no nia sei foo hahaan liurai nian.
21Naftali mak bibi rusa nebee husik ona,
nebee foo sai buat furak.
22José mak ai huun nebee iha fuan barak,
ai huun nebee iha fuan barak iha bee matan nia sorin,
nebee iha sanak sira nebee sae liu moru.
23Hanadór sira halo ataka makaas ba nia,
sira hana nia no rai odi hasoru nia.
24Maibee ninia rama sei metin hela,
no ninia liman sai forti
liu hosi Ida Nebee Forti Liu hosi Jacó,
bibi atan mai hosi nia, nebee Israel nia fatuk.
25Liu hosi o nia aman nia Maromak nebee sei ajuda o,
liu hosi Kbiit Makaas nebee sei haraik bensaun ba o
ho bensaun hosi lalehan iha leten,
no bensaun hosi fatin klean iha okos,
no bensaun hosi susun no hosi oan fatin.
26Bensaun nebee mai hosi o nia aman,
mak forti liu bensaun nebee mai hosi hau nia inan-aman sira,
no aas too iha foho rohan laek.
Bensaun sira nee sei tuun ba José nia ulun,
ba ninia ulun leten, ba nia nebee hela ketak hosi ninia maun-alin sira.
27Benjamin mak asu fuik nebee hamlaha loos,
iha dadeer nia sei haan buat nebee nia hetan,
iha kalan nia sei fahe buat nebee nia hadau.”
Jacó Mate
28Ema sira hotu nee mak suku sanulu resin rua hosi Israel. No sira nia aman koalia ho sira ho liafuan nee no nia foo bensaun ba sira. Nia foo bensaun ba ema ida-idak tuir bensaun nebee diak ba sira. 29No nia foo orden ba sira no dehan, “Hau atu halibur ba hau nia povu,#49:29 Nia koalia hanesan nee katak nia atu mate no ba fatin nebee ninia bei-ala sira mak iha ona. nunee hakoi hau ho hau nia aman sira iha rai kuak nebee iha Efron, ema Hiti nia toos, 30iha rai kuak nebee iha toos iha Makpela, nebee iha Mamre nia oin, iha rai Kanaan. Ida nee mak fatin nebee Abraão sosa ho toos nee hosi Efron, ema Hiti, hodi sai ninia rate.#49:30 Haree istória kona ba Abraão sosa rai nee nia iha Jénesis 23. 31Sira hakoi Abraão no nia feen Sara iha nebaa. No sira hakoi Isak no nia feen Rebeka iha nebaa. No hau hakoi Lea iha nebaa. 32Sira sosa toos nebee iha rai kuak nee hosi ema Hiti sira.” 33Bainhira Jacó foo tiha orden hotu nee, nia foti nia ain tama ba ninia kama, no nia iis kotu no nia halibur ba ninia povu.
Currently Selected:
Jénesis 49: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Jénesis 49
49
Jacó Foo Bensaun ba Oan Mane Sira
1Jacó bolu ninia oan mane sira no dehan, “Halibur hamutuk hodi hau bele foo sai ba imi buat nebee sei akontese ba imi iha futuru.#49:1 Ebreu ‘loron sira iha tempu ikus’.
2Mai hamutuk no rona lai, Oh Jacó nia oan mane sira,
rona ba imi nia aman Israel.
3Ruben, o mak hau nia oan primeiru,
hau nia kbiit, no hau nia podér primeiru,
dignidade nebee aas liu, no forsa nebee aas liu.
4Maibee o hanesan bee nebee la metin, nunee o sei la sai aas liu,
tanba o sae tiha ba o nia aman nia kama,
no o halo kama nee foer - nia sae hau nia toba fatin!#49:4 Haree Jénesis 35:22, no mos 1 Krónikas 5:1.
5Simeão no Levi nee maun-alin,
sira nia surik sira nee halao violénsia.
6Keta husik hau nia klamar tama ba sira nia segredu,
hau nia onra la bele hola parte iha sira nia enkontru,
tanba bainhira sira hirus sira oho ema,#49:6 Haree Jénesis 34:25-26.
no ho ulun toos sira tesi karau nia ain-uat.
7Hau foo malisan ba sira nia hirus nebee makaas,
no sira nia laran nakali nebee todan tebes.
Hau sei fahe sira iha Jacó,
no halo sira namkari iha Israel.
8Judá, o nia maun-alin sira sei hahii o,
o nia liman sei kona o nia inimigu sira nia kakorok,
no o nia aman nia oan sira sei hakruuk iha o nia oin.
9Judá mak liaun oan,
no hau nia oan mane nee sei sae hosi animál nebee lees mate.
Nia hakneak, nia toba hanesan liaun ida,
no hanesan liaun inan, see mak iha brani atu fanu nia?
10Rota sei la sai hosi Judá,
no ai tonka ukun nian sei la sai hosi nia ain fatin,
too knaar nee nia nain mai,
no povu sei halibur hamutuk ba nia.
11Nia kesi nia kuda buru oan ba ai uvas huun,
no nia kuda buru oan ba ai uvas nebee diak liu;
nia fasi ninia ropa iha tua uvas,
no ninia hena iha uvas nia been.#49:11 Been nee mak raan iha lian Ebreu.
12Ninia matan sei mean liu tua uvas,
no ninia nehan sei mutin liu susu been.
13Zebulón sei hela iha tasi ibun,
no nia sei sai fatin diak hodi simu roo sira,
no nia sei iha baliza ho Sidon.
14Isakar mak kuda buru ida nebee forti,
nebee toba ho raga rua nebee todan.
15Nia haree fatin deskansa nebee diak,
no rai nee kapaas,
no nia foo ninia kabaas hodi hulan,
no sai atan hodi halo servisu todan.
16Dan sei tesi lia ba ninia povu,
nudar suku ida iha Israel.
17Dan sei sai samea ida iha dalan,
samea ho veneno iha dalan ninin,
nebee tata kuda nia ain,
hodi ema nebee sae kuda sei monu ba kotuk.
18Hau hein O nia salvasaun, Oh Nai.
19Kona ba Gad nee, naok-teen sira sei hadau nia,
maibee nia sei ataka fali sira hosi kotuk.
20Aser nia hahaan nee mak bokur,
no nia sei foo hahaan liurai nian.
21Naftali mak bibi rusa nebee husik ona,
nebee foo sai buat furak.
22José mak ai huun nebee iha fuan barak,
ai huun nebee iha fuan barak iha bee matan nia sorin,
nebee iha sanak sira nebee sae liu moru.
23Hanadór sira halo ataka makaas ba nia,
sira hana nia no rai odi hasoru nia.
24Maibee ninia rama sei metin hela,
no ninia liman sai forti
liu hosi Ida Nebee Forti Liu hosi Jacó,
bibi atan mai hosi nia, nebee Israel nia fatuk.
25Liu hosi o nia aman nia Maromak nebee sei ajuda o,
liu hosi Kbiit Makaas nebee sei haraik bensaun ba o
ho bensaun hosi lalehan iha leten,
no bensaun hosi fatin klean iha okos,
no bensaun hosi susun no hosi oan fatin.
26Bensaun nebee mai hosi o nia aman,
mak forti liu bensaun nebee mai hosi hau nia inan-aman sira,
no aas too iha foho rohan laek.
Bensaun sira nee sei tuun ba José nia ulun,
ba ninia ulun leten, ba nia nebee hela ketak hosi ninia maun-alin sira.
27Benjamin mak asu fuik nebee hamlaha loos,
iha dadeer nia sei haan buat nebee nia hetan,
iha kalan nia sei fahe buat nebee nia hadau.”
Jacó Mate
28Ema sira hotu nee mak suku sanulu resin rua hosi Israel. No sira nia aman koalia ho sira ho liafuan nee no nia foo bensaun ba sira. Nia foo bensaun ba ema ida-idak tuir bensaun nebee diak ba sira. 29No nia foo orden ba sira no dehan, “Hau atu halibur ba hau nia povu,#49:29 Nia koalia hanesan nee katak nia atu mate no ba fatin nebee ninia bei-ala sira mak iha ona. nunee hakoi hau ho hau nia aman sira iha rai kuak nebee iha Efron, ema Hiti nia toos, 30iha rai kuak nebee iha toos iha Makpela, nebee iha Mamre nia oin, iha rai Kanaan. Ida nee mak fatin nebee Abraão sosa ho toos nee hosi Efron, ema Hiti, hodi sai ninia rate.#49:30 Haree istória kona ba Abraão sosa rai nee nia iha Jénesis 23. 31Sira hakoi Abraão no nia feen Sara iha nebaa. No sira hakoi Isak no nia feen Rebeka iha nebaa. No hau hakoi Lea iha nebaa. 32Sira sosa toos nebee iha rai kuak nee hosi ema Hiti sira.” 33Bainhira Jacó foo tiha orden hotu nee, nia foti nia ain tama ba ninia kama, no nia iis kotu no nia halibur ba ninia povu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.