Jénesis 8
8
Rai Nabeen Tuun Fali
1Maromak hanoin Noé, no buat hotu nebee moris, no animál hakiak hotu nebee hamutuk ho nia iha roo laran. Maromak haruka anin huu iha rai leten, no bee boot nee komesa tuun. 2Bee matan hosi fatin klean no lalehan nia janela sira mos taka, no udan la tuun hosi lalehan. 3Nunee bee tuun fali hosi mundu, no liu tiha loron atus ida lima-nulu, bee nee tuun ona. 4Iha fulan hitu, iha loron sanulu resin hitu iha fulan nee, roo boot nee kona rai iha foho Ararat. 5Bee nee tuun ba beibeik too fulan sanulu. Iha loron primeiru, iha fulan sanulu nee, sira bele haree foho nia tutun sira.
6Liu tiha loron haat-nulu, Noé loke janela nebee nia halo iha roo boot. 7Nia husik manu metan, nebee semo ba-mai too bee sai maran iha mundu. 8Nia husik mos manu pombu hodi haree bee tuun ona iha mundu ka lae. 9Maibee manu pombu nee la hetan fatin hodi tuur deskansa, nunee nia fila fali ba Noé iha roo laran, tanba bee sei taka mundu tomak. Noé lolo ninia liman hodi simu manu nee no lori nia tama ba roo laran. 10Noé hein loron hitu tan, depois nia husik fali manu pombu hosi roo boot. 11Manu pombu nee fila mai iha lokraik, no Noé haree katak manu nee lori ai oliveira nia tahan nurak iha nia ibun. Nunee Noé hatene katak bee tuun ona hosi mundu. 12Noé hein loron hitu tan no nia husik fali manu pombu maibee manu pombu nee la mai fali.
13Entaun, iha tinan atus neen ida (601), iha fulan primeiru, iha loron primeiru, bee sai maran ona iha mundu. Noé loke roo boot, no nia haree, no tebes, rai maran ona. 14Iha fulan rua, iha loron rua-nulu resin hitu iha fulan nee, mundu maran duni. 15Maromak koalia ho Noé dehan, 16“Sai hosi roo boot, o no o nia feen, no o nia oan mane sira, no o nia oan mane sira nia feen sira nebee hamutuk ho o. 17Lori sai buat moris hotu nebee hamutuk ho o, animál hotu, manu sira, animál hakiak sira no animál hotu nebee dolar iha rai. Husik sira hahoris oan sira no habarak iha mundu.” 18Nunee Noé sai ho nia oan mane sira, nia feen, no nia oan mane sira nia feen sira nebee hamutuk ho nia. 19Animál hotu, buat hotu nebee dolar, manu hotu no buat hotu nebee book aan iha mundu, tuir sira nia modelu, sai hosi roo boot nee.
Noé Harii Altár
20Depois Noé harii altár ida ba Nai. Nia foti animál sira hosi animál moos no manu moos, no nia oferese sakrifísiu tunu motuk sira iha altár nee. 21Nai horon iis morin, no Nai dehan iha Nia fuan laran, “Hau sei la foo tan malisan ba rai nee tanba ema. Tanba ema sempre hanoin buat aat iha nia fuan laran hosi kiik kedas. Hau sei la oho tan buat hotu nebee moris hanesan Hau foin halo nee. 22Bainhira mundu sei iha, tempu kuda no tempu kolheta, tempu malirin no tempu manas, loron no kalan sei la para.
Currently Selected:
Jénesis 8: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Jénesis 8
8
Rai Nabeen Tuun Fali
1Maromak hanoin Noé, no buat hotu nebee moris, no animál hakiak hotu nebee hamutuk ho nia iha roo laran. Maromak haruka anin huu iha rai leten, no bee boot nee komesa tuun. 2Bee matan hosi fatin klean no lalehan nia janela sira mos taka, no udan la tuun hosi lalehan. 3Nunee bee tuun fali hosi mundu, no liu tiha loron atus ida lima-nulu, bee nee tuun ona. 4Iha fulan hitu, iha loron sanulu resin hitu iha fulan nee, roo boot nee kona rai iha foho Ararat. 5Bee nee tuun ba beibeik too fulan sanulu. Iha loron primeiru, iha fulan sanulu nee, sira bele haree foho nia tutun sira.
6Liu tiha loron haat-nulu, Noé loke janela nebee nia halo iha roo boot. 7Nia husik manu metan, nebee semo ba-mai too bee sai maran iha mundu. 8Nia husik mos manu pombu hodi haree bee tuun ona iha mundu ka lae. 9Maibee manu pombu nee la hetan fatin hodi tuur deskansa, nunee nia fila fali ba Noé iha roo laran, tanba bee sei taka mundu tomak. Noé lolo ninia liman hodi simu manu nee no lori nia tama ba roo laran. 10Noé hein loron hitu tan, depois nia husik fali manu pombu hosi roo boot. 11Manu pombu nee fila mai iha lokraik, no Noé haree katak manu nee lori ai oliveira nia tahan nurak iha nia ibun. Nunee Noé hatene katak bee tuun ona hosi mundu. 12Noé hein loron hitu tan no nia husik fali manu pombu maibee manu pombu nee la mai fali.
13Entaun, iha tinan atus neen ida (601), iha fulan primeiru, iha loron primeiru, bee sai maran ona iha mundu. Noé loke roo boot, no nia haree, no tebes, rai maran ona. 14Iha fulan rua, iha loron rua-nulu resin hitu iha fulan nee, mundu maran duni. 15Maromak koalia ho Noé dehan, 16“Sai hosi roo boot, o no o nia feen, no o nia oan mane sira, no o nia oan mane sira nia feen sira nebee hamutuk ho o. 17Lori sai buat moris hotu nebee hamutuk ho o, animál hotu, manu sira, animál hakiak sira no animál hotu nebee dolar iha rai. Husik sira hahoris oan sira no habarak iha mundu.” 18Nunee Noé sai ho nia oan mane sira, nia feen, no nia oan mane sira nia feen sira nebee hamutuk ho nia. 19Animál hotu, buat hotu nebee dolar, manu hotu no buat hotu nebee book aan iha mundu, tuir sira nia modelu, sai hosi roo boot nee.
Noé Harii Altár
20Depois Noé harii altár ida ba Nai. Nia foti animál sira hosi animál moos no manu moos, no nia oferese sakrifísiu tunu motuk sira iha altár nee. 21Nai horon iis morin, no Nai dehan iha Nia fuan laran, “Hau sei la foo tan malisan ba rai nee tanba ema. Tanba ema sempre hanoin buat aat iha nia fuan laran hosi kiik kedas. Hau sei la oho tan buat hotu nebee moris hanesan Hau foin halo nee. 22Bainhira mundu sei iha, tempu kuda no tempu kolheta, tempu malirin no tempu manas, loron no kalan sei la para.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.