Levítiku 11
11
Animál Moos No La Moos
1 Nai koalia ho Moisés no Arão, no dehan ba sira, 2“Koalia ho ema Israel sira no dehan: Hosi animál hotu iha mundu, imi bele haan animál sira nee. 3Imi bele haan animál naran deit nebee sapatu fera, nebee iha ain kukun nebee fahe iha klaran, no sira nata fali duut nebee tolan ona. 4Maibee hosi sira nebee nata fali duut no iha sapatu fera, imi keta haan animál sira nee: kuda kamelu, tanba nia nata fali duut maibee nia la iha sapatu fera, nunee nia la moos ba imi; 5no safan,#11:5 Safan mak animál hanesan uitoan ho koelhu maibee tilun kiik no hela iha fatuk fatin. tanba nia nata fali duut maibee nia la iha sapatu fera, nunee nia la moos ba imi; 6no koelhu, tanba nia nata fali duut maibee nia la iha sapatu fera, nunee nia la moos ba imi; 7no fahi, tanba mezmu nia iha sapatu fera, nebee iha ain kukun nebee fahe iha klaran, maibee nia la nata fali duut, nunee nia la moos ba imi. 8Nunee imi keta haan sira nia naan. Imi keta book sira nia isin. Animál sira nee la moos ba imi.
9Imi bele haan animál sira nee nebee iha bee laran. Imi bele haan ikan naran deit nebee iha tilun no eskala iha bee laran, iha tasi no iha mota sira. 10Buat hotu nebee la iha tilun no eskala iha tasi no iha mota sira, buat hotu nebee book aan iha bee laran nee, sira mak foer loos ba imi. 11Buat sira nee mak foer loos ba imi, no imi keta haan sira nia naan no imi tenki konsidera sira nia isin nee mak foer loos. 12Animál naran deit iha bee laran nebee la iha tilun no eskala mak foer loos ba imi.
13Manu sira nee mak foer loos. Imi keta haan sira tanba sira foer loos: makikit, urubu, makikit tasi, 14makikit metan no makikit lais tuir sira nia modelu; 15no manu metan hotu tuir sira nia modelu; 16kakuuk, kakuuk kalan, manu tasi, makikit kiik tuir sira nia modelu; 17kakuuk kiik, manu tasi metan, kakuuk boot, 18kakuuk mutin, pelikanu, abutre, 19manu ain-aas, manu ibun-naruk oi-oin, manu rai no niki.
20Insetu hotu nebee iha liras, nebee dolar no lao ho ain, mak foer loos ba imi. 21Maibee imi bele haan animál sira nee nebee dolar no lao ho ain nebee iha ain naruk hodi haksoit iha rai. 22Nunee imi bele haan gafanhotu oi-oin, gafanhotu deut, gafanhotu haksoit no gafanhotu baibain. 23Maibee buat hotu seluk nebee dolar no lao ho ain mak foer loos ba imi.
24Liu hosi buat sira nee imi sei sai foer. Ema nebee deit nebee book animál nia isin mate sei sai la moos too kalan. 25Ema nebee deit nebee lori animál nee nia isin mate parte ida tenki fasi ninia ropa no nia mak la moos too kalan. 26Animál hotu nebee sapatu fera, maibee ain kukun la fahe iha klaran, no sira la nata fali duut, sira la moos ba imi, no ema hotu nebee book animál sira nee sei sai la moos. 27No buat hotu nebee lao ho liman, hosi animál oi-oin, nebee lao ho ain haat, sira mak la moos ba imi. Ema nebee deit nebee book animál nia isin mate nee sei la moos too kalan. 28No ema nebee lori animál nia isin mate nee tenki fasi ninia ropa, no nia la moos too kalan. Tanba animál sira nee mak la moos ba imi.
29Animál sira nee mos sei la moos ba imi hosi animál kiik sira nebee habarak aan iha rai: laho rai, laho haksoit, lafaek oi-oin, 30teki, lafaek rai maran, toke subar, toke rai henek no toke kameleaun. 31Buat sira nee mak la moos ba imi hosi animál hotu nebee habarak aan. Ema nebee deit nebee kona animál sira nee nia mate isin, ema nee sai la moos too kalan. 32Bainhira sira mate no monu no kona buat naran deit, sasaan nee sai la moos, inklui sasaan ai, ropa, kulit no karoon. Sasaan naran deit nebee imi uza nee tenki hatama ba bee no buat nee la moos too kalan, tuir mai buat nee sai moos fali. 33No sanan rai hotu nebee animál sira nee monu ba laran, buat hotu nebee iha sanan laran nee sei sai la moos, no imi tenki harahun sanan rai nee. 34Hahaan hotu iha laran, nebee bee kona, sei sai la moos, no bee hemu hotu iha sanan hotu nee sei sai la moos. 35Buat hotu nebee sira nia isin mate parte ida sei monu ba nee sei sai la moos. Se fornu ka fugaun, tenki harahun hotu. Sira mak la moos no sira tenki sai la moos ba imi. 36Maibee bee matan ka bee posu nebee iha bee barak sei moos hela, maibee buat nebee kona sira nia isin mate sei sai la moos. 37Se parte ida hosi sira nia isin mate monu ba fini nebee atu kari, fini nee sei moos hela. 38Maibee se imi tau bee ba fini nee no parte ida hosi sira nia isin mate kona fini nee, nunee fini nee mak la moos ba imi.
39Se animál naran deit nebee imi bele haan mak mate, ema nebee kona animál nia mate isin nee sei sai la moos too kalan. 40No nia nebee haan hosi animál nia mate isin nee tenki fasi ninia ropa no nia la moos too kalan. No mos nia nebee lori animál nia mate isin nee tenki fasi ninia ropa no nia la moos too kalan.
41Animál kiik hotu nebee habarak aan no dolar iha rai mak foer loos, no imi keta haan buat sira nee. 42Saida deit nebee dolar ho kabun, saida deit nebee lao ho ain, saida deit nebee iha ain barak, animál kiik hotu nebee habarak aan no dolar iha rai nee imi keta haan, tanba sira mak foer loos. 43Imi keta halo aan sai foer loos ho buat naran deit nebee habarak aan no dolar iha rai. Imi keta sai la moos ho buat sira nee, hodi imi la sai foer liu tanba buat nee. 44Tanba Hau mak Nai, imi nia Maromak. Nunee halo aan santu no sai santu, tanba Hau mak santu. Keta halo imi nia aan foer ho animál kiik naran deit nebee dolar iha rai. 45Tanba Hau mak Nai nebee lori imi sae hosi rai Ejitu, hodi sai imi nia Maromak. Nunee imi tenki santu, tanba Hau mak santu.”#11:45 Haree 1 Pedro 1:16.
46Ida nee mak lei kona ba animál sira, manu sira, no animál moris hotu nebee book aan iha bee laran, no animál kiik hotu nebee dolar iha rai; 47nunee bele haketak buat nebee la moos hosi buat nebee moos, no haketak animál nebee bele haan hosi animál nebee la bele haan.
Currently Selected:
Levítiku 11: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Levítiku 11
11
Animál Moos No La Moos
1 Nai koalia ho Moisés no Arão, no dehan ba sira, 2“Koalia ho ema Israel sira no dehan: Hosi animál hotu iha mundu, imi bele haan animál sira nee. 3Imi bele haan animál naran deit nebee sapatu fera, nebee iha ain kukun nebee fahe iha klaran, no sira nata fali duut nebee tolan ona. 4Maibee hosi sira nebee nata fali duut no iha sapatu fera, imi keta haan animál sira nee: kuda kamelu, tanba nia nata fali duut maibee nia la iha sapatu fera, nunee nia la moos ba imi; 5no safan,#11:5 Safan mak animál hanesan uitoan ho koelhu maibee tilun kiik no hela iha fatuk fatin. tanba nia nata fali duut maibee nia la iha sapatu fera, nunee nia la moos ba imi; 6no koelhu, tanba nia nata fali duut maibee nia la iha sapatu fera, nunee nia la moos ba imi; 7no fahi, tanba mezmu nia iha sapatu fera, nebee iha ain kukun nebee fahe iha klaran, maibee nia la nata fali duut, nunee nia la moos ba imi. 8Nunee imi keta haan sira nia naan. Imi keta book sira nia isin. Animál sira nee la moos ba imi.
9Imi bele haan animál sira nee nebee iha bee laran. Imi bele haan ikan naran deit nebee iha tilun no eskala iha bee laran, iha tasi no iha mota sira. 10Buat hotu nebee la iha tilun no eskala iha tasi no iha mota sira, buat hotu nebee book aan iha bee laran nee, sira mak foer loos ba imi. 11Buat sira nee mak foer loos ba imi, no imi keta haan sira nia naan no imi tenki konsidera sira nia isin nee mak foer loos. 12Animál naran deit iha bee laran nebee la iha tilun no eskala mak foer loos ba imi.
13Manu sira nee mak foer loos. Imi keta haan sira tanba sira foer loos: makikit, urubu, makikit tasi, 14makikit metan no makikit lais tuir sira nia modelu; 15no manu metan hotu tuir sira nia modelu; 16kakuuk, kakuuk kalan, manu tasi, makikit kiik tuir sira nia modelu; 17kakuuk kiik, manu tasi metan, kakuuk boot, 18kakuuk mutin, pelikanu, abutre, 19manu ain-aas, manu ibun-naruk oi-oin, manu rai no niki.
20Insetu hotu nebee iha liras, nebee dolar no lao ho ain, mak foer loos ba imi. 21Maibee imi bele haan animál sira nee nebee dolar no lao ho ain nebee iha ain naruk hodi haksoit iha rai. 22Nunee imi bele haan gafanhotu oi-oin, gafanhotu deut, gafanhotu haksoit no gafanhotu baibain. 23Maibee buat hotu seluk nebee dolar no lao ho ain mak foer loos ba imi.
24Liu hosi buat sira nee imi sei sai foer. Ema nebee deit nebee book animál nia isin mate sei sai la moos too kalan. 25Ema nebee deit nebee lori animál nee nia isin mate parte ida tenki fasi ninia ropa no nia mak la moos too kalan. 26Animál hotu nebee sapatu fera, maibee ain kukun la fahe iha klaran, no sira la nata fali duut, sira la moos ba imi, no ema hotu nebee book animál sira nee sei sai la moos. 27No buat hotu nebee lao ho liman, hosi animál oi-oin, nebee lao ho ain haat, sira mak la moos ba imi. Ema nebee deit nebee book animál nia isin mate nee sei la moos too kalan. 28No ema nebee lori animál nia isin mate nee tenki fasi ninia ropa, no nia la moos too kalan. Tanba animál sira nee mak la moos ba imi.
29Animál sira nee mos sei la moos ba imi hosi animál kiik sira nebee habarak aan iha rai: laho rai, laho haksoit, lafaek oi-oin, 30teki, lafaek rai maran, toke subar, toke rai henek no toke kameleaun. 31Buat sira nee mak la moos ba imi hosi animál hotu nebee habarak aan. Ema nebee deit nebee kona animál sira nee nia mate isin, ema nee sai la moos too kalan. 32Bainhira sira mate no monu no kona buat naran deit, sasaan nee sai la moos, inklui sasaan ai, ropa, kulit no karoon. Sasaan naran deit nebee imi uza nee tenki hatama ba bee no buat nee la moos too kalan, tuir mai buat nee sai moos fali. 33No sanan rai hotu nebee animál sira nee monu ba laran, buat hotu nebee iha sanan laran nee sei sai la moos, no imi tenki harahun sanan rai nee. 34Hahaan hotu iha laran, nebee bee kona, sei sai la moos, no bee hemu hotu iha sanan hotu nee sei sai la moos. 35Buat hotu nebee sira nia isin mate parte ida sei monu ba nee sei sai la moos. Se fornu ka fugaun, tenki harahun hotu. Sira mak la moos no sira tenki sai la moos ba imi. 36Maibee bee matan ka bee posu nebee iha bee barak sei moos hela, maibee buat nebee kona sira nia isin mate sei sai la moos. 37Se parte ida hosi sira nia isin mate monu ba fini nebee atu kari, fini nee sei moos hela. 38Maibee se imi tau bee ba fini nee no parte ida hosi sira nia isin mate kona fini nee, nunee fini nee mak la moos ba imi.
39Se animál naran deit nebee imi bele haan mak mate, ema nebee kona animál nia mate isin nee sei sai la moos too kalan. 40No nia nebee haan hosi animál nia mate isin nee tenki fasi ninia ropa no nia la moos too kalan. No mos nia nebee lori animál nia mate isin nee tenki fasi ninia ropa no nia la moos too kalan.
41Animál kiik hotu nebee habarak aan no dolar iha rai mak foer loos, no imi keta haan buat sira nee. 42Saida deit nebee dolar ho kabun, saida deit nebee lao ho ain, saida deit nebee iha ain barak, animál kiik hotu nebee habarak aan no dolar iha rai nee imi keta haan, tanba sira mak foer loos. 43Imi keta halo aan sai foer loos ho buat naran deit nebee habarak aan no dolar iha rai. Imi keta sai la moos ho buat sira nee, hodi imi la sai foer liu tanba buat nee. 44Tanba Hau mak Nai, imi nia Maromak. Nunee halo aan santu no sai santu, tanba Hau mak santu. Keta halo imi nia aan foer ho animál kiik naran deit nebee dolar iha rai. 45Tanba Hau mak Nai nebee lori imi sae hosi rai Ejitu, hodi sai imi nia Maromak. Nunee imi tenki santu, tanba Hau mak santu.”#11:45 Haree 1 Pedro 1:16.
46Ida nee mak lei kona ba animál sira, manu sira, no animál moris hotu nebee book aan iha bee laran, no animál kiik hotu nebee dolar iha rai; 47nunee bele haketak buat nebee la moos hosi buat nebee moos, no haketak animál nebee bele haan hosi animál nebee la bele haan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.