Levítiku 13
13
Lei Kona Ba Moras Lepra
1 Nai koalia ba Moisés no Arão, no dehan, 2“Bainhira ema ida iha kanek ida iha nia isin nia kulit nebee bubu, ka loke, ka iha fatin mutin no buat nee sai moras lepra#13:2 Moras lepra refere ba moras balu nebee iha ema nia kulit. iha nia isin nia kulit, entaun tenki lori nia ba saserdote Arão, ka ba Arão nia oan mane ida nebee saserdote. 3Saserdote nee sei haree moras iha isin kulit no bainhira isin fulun iha moras nee sai mutin, no moras nee tuun klean liu nia isin kulit, nunee nia hetan moras lepra. Saserdote tenki haree nia no foo sai katak nia la moos. 4Se fatin mutin nee sai mutin duni iha nia isin, no fatin nee laos klean liu kulit, no fulun nee la sai mutin, entaun saserdote sei haketak ema nebee moras nee too loron hitu. 5Iha loron hitu, saserdote sei haree nia, no tebes, se moras nee hanesan hela, no la aumenta tan iha kulit, entaun saserdote sei haketak nia too loron hitu tan. 6Depois saserdote sei haree fali nia iha loron hitu, no tebes, se moras nee komesa sai metan no la aumenta tan iha kulit, entaun saserdote sei foo sai katak nia moos: ida nee kanek deit, no nia tenki fasi ninia ropa no nia sai moos. 7Maibee tuir mai, bainhira saserdote haree ona nia katak nia moos, no se kanek nee aumenta tan iha kulit, saserdote tenki haree fali nia. 8Se saserdote haree tebes katak kanek nee aumenta iha kulit, entaun saserdote sei foo sai katak nia la moos. Buat nee mak moras lepra. 9Bainhira ema ida iha moras lepra, tenki lori nia ba saserdote. 10Saserdote tenki haree no tebes se kulit bubu no sai mutin no kanek loke iha fatin bubu nee, 11entaun ida nee mak moras lepra ona iha nia isin kulit, no saserdote sei foo sai katak nia la moos, no saserdote la haketak nia tanba nia la moos ona. 12Se moras lepra aumenta iha kulit, no moras lepra nee taka ema nia kulit hotu hosi nia ulun too nia ain, iha fatin nebee deit nebee saserdote haree, 13entaun saserdote tenki haree di-diak, no tebes, se moras lepra taka nia kulit hotu, saserdote sei foo sai katak nia nebee moras nee mak moos, kulit hotu sai mutin no nia moos. 14Maibee bainhira kanek nakloke iha nia kulit entaun nia sai la moos. 15Saserdote tenki haree kanek nakloke nee no foo sai katak nia la moos, tanba kanek nebee nakloke mak la moos, buat nee mak moras lepra. 16Ka se kanek nebee nakloke nee fila fali no sai mutin, nia bele baa saserdote, 17no saserdote sei haree nia no tebes, se moras nee sai mutin, entaun saserdote sei foo sai katak nia nebee moras mak moos, tanba nia moos ona.
18Se ema nia isin nia kulit iha fisur nebee kura ona, 19no iha fatin nebee iha fisur nee buat mutin bubu, ka fatin nebee mutin no naroman no mean uitoan, no ema hatudu ba saserdote, 20no bainhira saserdote haree no tebes nia haree katak buat nee tuun klean liu kulit, no isin fulun sai mutin, entaun saserdote sei foo sai katak nia la moos. Ida nee mak moras lepra nebee mosu hosi fisur. 21Maibee se saserdote haree di-diak no tebes la iha fulun mutin iha laran no kanek nee la tuun klean liu kulit, maibee metan uitoan, entaun saserdote tenki haketak nia too loron hitu. 22Se karik moras nee aumenta tan iha kulit, entaun saserdote sei foo sai katak nia la moos, tanba buat nee mak moras ida. 23Maibee se fatin mutin mak metin iha nia fatin no la aumenta tan, entaun ida nee mak fisur manas, no saserdote sei foo sai katak nia moos.
24Ka se karik ema nia isin nia kulit iha kanek manas tanba kona ahi, no kulit nebee kona ahi nee iha fatin mutin naroman no mean uitoan ka mutin, 25entaun saserdote sei haree no tebes se isin fulun iha fatin mutin nee sai mutin no nia haree katak moras tuun klean liu kulit, ida nee mak moras lepra nebee mosu iha kanek manas nee. Nunee saserdote sei foo sai katak nia la moos, ida nee mak moras lepra. 26Maibee se saserdote haree no tebes la iha fuuk mutin iha fatin mutin nee, no nia la tuun klean liu kulit, maibee nakukun uitoan, entaun saserdote sei haketak nia too loron hitu. 27Saserdote sei haree nia iha loron hitu. Se moras nee aumenta tan iha kulit, entaun saserdote sei foo sai katak nia la moos. Ida nee mak moras lepra. 28Maibee se fatin mutin sei metin no la aumenta tan iha kulit, maibee sai nakukun uitoan, ida nee mak bubu tanba ahi kona, no saserdote sei foo sai katak nia moos. Ida nee bubu tanba ahi kona nia.
29Bainhira mane ka feto ida iha moras nebee kona sira nia ulun ka hasan rahun, 30saserdote sei haree moras nee, no tebes, sei moras nee tama klean liu kulit no iha fuuk nebee lotuk no kinur, entaun saserdote sei foo sai katak nia la moos. Ida nee mak moras katar nebee moras lepra iha ulun ka hasan rahun. 31No se saserdote haree moras katar nee, no tebes, nia haree katak moras nee la tama klean liu kulit, no la iha fuuk metan iha fatin nee, entaun saserdote sei haketak ema nebee iha moras katar nee too loron hitu. 32Iha loron hitu, saserdote sei haree moras nee, no tebes, se moras katar nee la aumenta no la iha fuuk kinur, no nia haree katak moras katar la tama klean liu kulit, 33entaun nia tenki koi ninia fuuk, maibee nia la bele koi fuuk iha fatin nebee iha moras katar, no saserdote sei haketak nia nebee iha moras katar too loron hitu tan. 34Iha loron hitu, saserdote sei haree moras katar nee, no tebes, se moras katar la aumenta tan iha kulit, no nia haree katak moras nee la tama klean liu kulit, nunee saserdote sei foo sai katak nia moos no nia sei fasi ninia ropa, no nia sai moos. 35Maibee tuir tempu hamoos aan nee, se moras katar aumenta tan iha kulit, 36entaun saserdote sei haree nia no tebes, se moras katar aumenta tan iha kulit, saserdote lalika buka fuuk kinur, tanba ema nee la moos. 37Maibee se saserdote haree katak moras katar nee la aumenta, no iha fuuk metan nebee moris hosi moras laran, nunee moras katar kura ona no ema nee moos ona, no saserdote sei foo sai katak nia moos.
38Se mane ka feto iha fatin naroman ka fatin mutin iha sira nia kulit, 39saserdote sei haree, no tebes, se fatin iha isin nee hanesan mutin nebee ladun naroman, ida nee mak kulit makerek deit, ema nee moos.
40Se mane ida nia fuuk monu hosi nia ulun, nia iha ulun molik; nia moos. 41No ema nebee fuuk monu hosi nia reen toos, nia iha ulun molik iha reen toos; nia moos. 42Se kanek nebee mutin no mean uitoan mosu iha nia ulun molik ka reen toos nebee molik, ida nee mak moras lepra iha nia ulun molik ka reen toos nebee molik. 43Nunee saserdote sei haree ida nee, no tebes, se kanek bubu nee mak mutin no mean uitoan iha nia ulun molik ka iha reen toos nebee molik, ho oin hanesan ho moras lepra nebee ema hetan iha sira nia isin nia kulit, 44entaun nia mak mane ida nebee iha moras lepra, no nia la moos. Saserdote sei foo sai katak nia la moos duni, no ninia moras mak iha ninia ulun.
45Ema nebee iha moras lepra nee tenki hatais ropa nebee lees tiha, no husik ninia fuuk sabraut, tenki tara hena iha nia ibun leten, no hakilar, ‘La moos! La moos!’ 46Nia la moos durante tempu hotu nebee nia iha moras nee. Nia mak la moos, no nia tenki hela mesak no ninia hela fatin tenki iha akampamentu liur.
47Bainhira imi iha ropa nebee iha moras lepra, se ropa hosi bibi malae nia fulun ka ropa hosi hena linhu, 48maski iha kabas mahar ka kabas kór nian, ka linhu ka kabas hosi bibi malae nia fulun; ka se iha animál kulit ka saida deit nebee halo ho animál nia kulit; 49no se moras nee mak kór matak ka mean iha ropa, ka iha kulit, ka iha kabas mahar, ka kabas kór, ka sasaan halo ho kulit, nunee buat ida nee iha moras lepra, no tenki hatudu ba saserdote. 50Saserdote sei haree ba moras nee, no haketak buat nebee iha moras nee too loron hitu. 51Iha loron hitu, nia sei haree ba moras nee, no se moras nee sei aumenta iha ropa, se iha kabas mahar ka kabas kór, ka iha kulit, ka sasaan saida deit nebee halo ho kulit, nunee moras nee mak moras lepra nebee moruk no sasaan nee la moos. 52Nia tenki sunu ropa nee, maski kabas mahar, ka kabas kór, bibi malae nia fulun ka hena linhu, ka saida deit nebee halo ho kulit, nebee iha moras nee. Tanba moras nee mak moras lepra nebee moruk; imi tenki sunu iha ahi.
53Se saserdote haree, no tebes, moras nee la aumenta iha ropa, ka iha kabas mahar, ka iha kabas kór, ka iha sasaan saida deit nebee halo ho kulit, 54entaun saserdote sei haruka sira ba fasi buat nebee iha moras nee, no nia sei haketak sasaan nee too loron hitu tan. 55Bainhira fasi tiha ona, saserdote sei haree ba moras nee, no tebes, se moras nee nia kór la troka, maski moras nee la aumenta, sasaan nee la moos. Imi tenki sunu ho ahi, maski nia sai dodok iha oin ka iha kotuk.
56Se saserdote haree, no tebes, moras nee nia kór lakon uitoan bainhira imi fasi tiha, entaun imi sei lees sai parte nee hosi ropa, ka hosi kulit, ka hosi kabas mahar ka kabas kór. 57Se moras nee mosu hela iha ropa, ka iha kabas mahar ka kabas kór, ka iha sasaan naran deit nebee halo ho kulit, nunee moras nee daet no tenki sunu sasaan nebee iha moras nee ho ahi. 58Maibee se ropa, kabas mahar ka kabas kór, ka sasaan naran deit nebee halo ho kulit, nebee fasi tiha, se moras sai ona hosi sasaan nee, entaun imi tenki fasi ba dala rua no buat nee sai moos.”
59Ida nee mak lei kona ba moras lepra iha ropa nebee halo ho bibi malae nia fulun ka hena linhu, iha kabas mahar ka kabas kór, ka sasaan naran deit nebee halo ho kulit, hodi foo sai katak buat nee moos ka la moos.
Currently Selected:
Levítiku 13: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Levítiku 13
13
Lei Kona Ba Moras Lepra
1 Nai koalia ba Moisés no Arão, no dehan, 2“Bainhira ema ida iha kanek ida iha nia isin nia kulit nebee bubu, ka loke, ka iha fatin mutin no buat nee sai moras lepra#13:2 Moras lepra refere ba moras balu nebee iha ema nia kulit. iha nia isin nia kulit, entaun tenki lori nia ba saserdote Arão, ka ba Arão nia oan mane ida nebee saserdote. 3Saserdote nee sei haree moras iha isin kulit no bainhira isin fulun iha moras nee sai mutin, no moras nee tuun klean liu nia isin kulit, nunee nia hetan moras lepra. Saserdote tenki haree nia no foo sai katak nia la moos. 4Se fatin mutin nee sai mutin duni iha nia isin, no fatin nee laos klean liu kulit, no fulun nee la sai mutin, entaun saserdote sei haketak ema nebee moras nee too loron hitu. 5Iha loron hitu, saserdote sei haree nia, no tebes, se moras nee hanesan hela, no la aumenta tan iha kulit, entaun saserdote sei haketak nia too loron hitu tan. 6Depois saserdote sei haree fali nia iha loron hitu, no tebes, se moras nee komesa sai metan no la aumenta tan iha kulit, entaun saserdote sei foo sai katak nia moos: ida nee kanek deit, no nia tenki fasi ninia ropa no nia sai moos. 7Maibee tuir mai, bainhira saserdote haree ona nia katak nia moos, no se kanek nee aumenta tan iha kulit, saserdote tenki haree fali nia. 8Se saserdote haree tebes katak kanek nee aumenta iha kulit, entaun saserdote sei foo sai katak nia la moos. Buat nee mak moras lepra. 9Bainhira ema ida iha moras lepra, tenki lori nia ba saserdote. 10Saserdote tenki haree no tebes se kulit bubu no sai mutin no kanek loke iha fatin bubu nee, 11entaun ida nee mak moras lepra ona iha nia isin kulit, no saserdote sei foo sai katak nia la moos, no saserdote la haketak nia tanba nia la moos ona. 12Se moras lepra aumenta iha kulit, no moras lepra nee taka ema nia kulit hotu hosi nia ulun too nia ain, iha fatin nebee deit nebee saserdote haree, 13entaun saserdote tenki haree di-diak, no tebes, se moras lepra taka nia kulit hotu, saserdote sei foo sai katak nia nebee moras nee mak moos, kulit hotu sai mutin no nia moos. 14Maibee bainhira kanek nakloke iha nia kulit entaun nia sai la moos. 15Saserdote tenki haree kanek nakloke nee no foo sai katak nia la moos, tanba kanek nebee nakloke mak la moos, buat nee mak moras lepra. 16Ka se kanek nebee nakloke nee fila fali no sai mutin, nia bele baa saserdote, 17no saserdote sei haree nia no tebes, se moras nee sai mutin, entaun saserdote sei foo sai katak nia nebee moras mak moos, tanba nia moos ona.
18Se ema nia isin nia kulit iha fisur nebee kura ona, 19no iha fatin nebee iha fisur nee buat mutin bubu, ka fatin nebee mutin no naroman no mean uitoan, no ema hatudu ba saserdote, 20no bainhira saserdote haree no tebes nia haree katak buat nee tuun klean liu kulit, no isin fulun sai mutin, entaun saserdote sei foo sai katak nia la moos. Ida nee mak moras lepra nebee mosu hosi fisur. 21Maibee se saserdote haree di-diak no tebes la iha fulun mutin iha laran no kanek nee la tuun klean liu kulit, maibee metan uitoan, entaun saserdote tenki haketak nia too loron hitu. 22Se karik moras nee aumenta tan iha kulit, entaun saserdote sei foo sai katak nia la moos, tanba buat nee mak moras ida. 23Maibee se fatin mutin mak metin iha nia fatin no la aumenta tan, entaun ida nee mak fisur manas, no saserdote sei foo sai katak nia moos.
24Ka se karik ema nia isin nia kulit iha kanek manas tanba kona ahi, no kulit nebee kona ahi nee iha fatin mutin naroman no mean uitoan ka mutin, 25entaun saserdote sei haree no tebes se isin fulun iha fatin mutin nee sai mutin no nia haree katak moras tuun klean liu kulit, ida nee mak moras lepra nebee mosu iha kanek manas nee. Nunee saserdote sei foo sai katak nia la moos, ida nee mak moras lepra. 26Maibee se saserdote haree no tebes la iha fuuk mutin iha fatin mutin nee, no nia la tuun klean liu kulit, maibee nakukun uitoan, entaun saserdote sei haketak nia too loron hitu. 27Saserdote sei haree nia iha loron hitu. Se moras nee aumenta tan iha kulit, entaun saserdote sei foo sai katak nia la moos. Ida nee mak moras lepra. 28Maibee se fatin mutin sei metin no la aumenta tan iha kulit, maibee sai nakukun uitoan, ida nee mak bubu tanba ahi kona, no saserdote sei foo sai katak nia moos. Ida nee bubu tanba ahi kona nia.
29Bainhira mane ka feto ida iha moras nebee kona sira nia ulun ka hasan rahun, 30saserdote sei haree moras nee, no tebes, sei moras nee tama klean liu kulit no iha fuuk nebee lotuk no kinur, entaun saserdote sei foo sai katak nia la moos. Ida nee mak moras katar nebee moras lepra iha ulun ka hasan rahun. 31No se saserdote haree moras katar nee, no tebes, nia haree katak moras nee la tama klean liu kulit, no la iha fuuk metan iha fatin nee, entaun saserdote sei haketak ema nebee iha moras katar nee too loron hitu. 32Iha loron hitu, saserdote sei haree moras nee, no tebes, se moras katar nee la aumenta no la iha fuuk kinur, no nia haree katak moras katar la tama klean liu kulit, 33entaun nia tenki koi ninia fuuk, maibee nia la bele koi fuuk iha fatin nebee iha moras katar, no saserdote sei haketak nia nebee iha moras katar too loron hitu tan. 34Iha loron hitu, saserdote sei haree moras katar nee, no tebes, se moras katar la aumenta tan iha kulit, no nia haree katak moras nee la tama klean liu kulit, nunee saserdote sei foo sai katak nia moos no nia sei fasi ninia ropa, no nia sai moos. 35Maibee tuir tempu hamoos aan nee, se moras katar aumenta tan iha kulit, 36entaun saserdote sei haree nia no tebes, se moras katar aumenta tan iha kulit, saserdote lalika buka fuuk kinur, tanba ema nee la moos. 37Maibee se saserdote haree katak moras katar nee la aumenta, no iha fuuk metan nebee moris hosi moras laran, nunee moras katar kura ona no ema nee moos ona, no saserdote sei foo sai katak nia moos.
38Se mane ka feto iha fatin naroman ka fatin mutin iha sira nia kulit, 39saserdote sei haree, no tebes, se fatin iha isin nee hanesan mutin nebee ladun naroman, ida nee mak kulit makerek deit, ema nee moos.
40Se mane ida nia fuuk monu hosi nia ulun, nia iha ulun molik; nia moos. 41No ema nebee fuuk monu hosi nia reen toos, nia iha ulun molik iha reen toos; nia moos. 42Se kanek nebee mutin no mean uitoan mosu iha nia ulun molik ka reen toos nebee molik, ida nee mak moras lepra iha nia ulun molik ka reen toos nebee molik. 43Nunee saserdote sei haree ida nee, no tebes, se kanek bubu nee mak mutin no mean uitoan iha nia ulun molik ka iha reen toos nebee molik, ho oin hanesan ho moras lepra nebee ema hetan iha sira nia isin nia kulit, 44entaun nia mak mane ida nebee iha moras lepra, no nia la moos. Saserdote sei foo sai katak nia la moos duni, no ninia moras mak iha ninia ulun.
45Ema nebee iha moras lepra nee tenki hatais ropa nebee lees tiha, no husik ninia fuuk sabraut, tenki tara hena iha nia ibun leten, no hakilar, ‘La moos! La moos!’ 46Nia la moos durante tempu hotu nebee nia iha moras nee. Nia mak la moos, no nia tenki hela mesak no ninia hela fatin tenki iha akampamentu liur.
47Bainhira imi iha ropa nebee iha moras lepra, se ropa hosi bibi malae nia fulun ka ropa hosi hena linhu, 48maski iha kabas mahar ka kabas kór nian, ka linhu ka kabas hosi bibi malae nia fulun; ka se iha animál kulit ka saida deit nebee halo ho animál nia kulit; 49no se moras nee mak kór matak ka mean iha ropa, ka iha kulit, ka iha kabas mahar, ka kabas kór, ka sasaan halo ho kulit, nunee buat ida nee iha moras lepra, no tenki hatudu ba saserdote. 50Saserdote sei haree ba moras nee, no haketak buat nebee iha moras nee too loron hitu. 51Iha loron hitu, nia sei haree ba moras nee, no se moras nee sei aumenta iha ropa, se iha kabas mahar ka kabas kór, ka iha kulit, ka sasaan saida deit nebee halo ho kulit, nunee moras nee mak moras lepra nebee moruk no sasaan nee la moos. 52Nia tenki sunu ropa nee, maski kabas mahar, ka kabas kór, bibi malae nia fulun ka hena linhu, ka saida deit nebee halo ho kulit, nebee iha moras nee. Tanba moras nee mak moras lepra nebee moruk; imi tenki sunu iha ahi.
53Se saserdote haree, no tebes, moras nee la aumenta iha ropa, ka iha kabas mahar, ka iha kabas kór, ka iha sasaan saida deit nebee halo ho kulit, 54entaun saserdote sei haruka sira ba fasi buat nebee iha moras nee, no nia sei haketak sasaan nee too loron hitu tan. 55Bainhira fasi tiha ona, saserdote sei haree ba moras nee, no tebes, se moras nee nia kór la troka, maski moras nee la aumenta, sasaan nee la moos. Imi tenki sunu ho ahi, maski nia sai dodok iha oin ka iha kotuk.
56Se saserdote haree, no tebes, moras nee nia kór lakon uitoan bainhira imi fasi tiha, entaun imi sei lees sai parte nee hosi ropa, ka hosi kulit, ka hosi kabas mahar ka kabas kór. 57Se moras nee mosu hela iha ropa, ka iha kabas mahar ka kabas kór, ka iha sasaan naran deit nebee halo ho kulit, nunee moras nee daet no tenki sunu sasaan nebee iha moras nee ho ahi. 58Maibee se ropa, kabas mahar ka kabas kór, ka sasaan naran deit nebee halo ho kulit, nebee fasi tiha, se moras sai ona hosi sasaan nee, entaun imi tenki fasi ba dala rua no buat nee sai moos.”
59Ida nee mak lei kona ba moras lepra iha ropa nebee halo ho bibi malae nia fulun ka hena linhu, iha kabas mahar ka kabas kór, ka sasaan naran deit nebee halo ho kulit, hodi foo sai katak buat nee moos ka la moos.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.