Levítiku 20
20
Kastigu Tanba Sakrifísiu Oan
1 Nai koalia ba Moisés, no dehan, 2“Koalia ba ema Israel sira, See deit hosi ema Israel sira, ka hosi estranjeiru sira nebee lao iha Israel, nebee foo ninia oan ida ba Moleke, tenki oho duni ema nee. Povu iha rai nee tenki tuda mate nia ho fatuk. 3Hau sei fila Hau nia oin hodi hasoru ema ida nee no hakotu nia hosi ninia povu, tanba nia foo ona ninia oan ba Moleke hodi halo foer Hau nia Fatin Santu, no hakribi Hau nia naran santu. 4No se karik povu iha rai nee taka sira nia matan hodi la haree mane nee bainhira nia oferese ninia oan ba Moleke, no sira la oho mane nee, 5nunee Hau sei fila Hau nia oin hodi hasoru mane nee, no hasoru ninia família, no Hau sei hakotu nia, no ema hotu nebee halo sala aat#20:5 Ebreu ‘sala seksuál’ ho signifika katak sala aat nebee adora maromak seluk. tuir nia, hodi halo sala aat ba Moleke, iha sira nia povu nia leet.
6Ema ida nebee fila hodi tuir ema nebee liga ba mate klamar sira, ka tuir matan dook sira, hodi halo sala aat tuir sira, Hau sei fila Hau nia oin hodi hasoru ema ida nee no hakotu nia hosi ninia povu nia leet. 7Halo aan santu no sai santu tanba Hau, nebee Nai, imi nia Maromak. 8Imi tenki halo tuir Hau nia estatutu sira no halao buat sira nee. Hau mak Nai nebee halo imi santu. 9See deit nebee foo malisan ba ninia apaa ka ninia amaa nee tenki oho nia. Tanba nia foo malisan tiha ba ninia apaa ka ninia amaa. Ninia raan mak iha ninia liman rasik.
Kastigu Tanba Sala Seksuál
10Mane ida nebee halo sala seksuál ho mane seluk nia feen, nia nebee halo sala seksuál nee ho ninia maluk nia feen, inklui mane nebee halo sala seksuál nee no mos feto nebee halo sala seksuál nee, tenki oho sira. 11Mane ida nebee toba ho ninia apaa nia feen mak kolu molik ninia apaa. Tenki oho sira nain rua, no sira nia raan mak iha sira nia liman. 12Se mane ida toba ho ninia feto foun, tenki oho sira nain rua, tanba sira halo ona buat nebee laos bai-bain. Sira nia raan mak iha sira nia liman. 13Se mane ida toba ho mane seluk, hanesan nia toba ho feto ida, sira nain rua halo buat nebee foer loos, no tenki oho sira. Sira nia raan mak iha sira nia liman. 14Se mane ida foti feto ida no feto nee nia amaa, ida nee mak hahalok aat loos. Tenki sunu sira ho ahi, inklui mane ida nee no feto sira nee, hodi imi la iha hahalok aat loos iha imi nia leet. 15Se mane ida toba ho animál ida, tenki oho nia, no tenki oho animál ida nee. 16Se feto ida hakbesik ba animál ida hodi toba ho animál nee, tenki oho feto no animál nee. Tenki oho sira nain rua. Sira nia raan mak iha sira nia liman.
17Se mane ida foti ninia alin feto, nebee ninia apaa nia oan feto ka ninia amaa nia oan feto, no nia haree feto nee nia isin molik no feto nee haree ninia isin molik, buat nee mak la diak. Tenki hakotu sira hosi sira nia povu nia oin. Nia mak kolu molik ninia alin feto, no nia tenki simu ninia hahalok aat nee. 18Se mane ida toba ho feto ida nebee moras ho raan fulan, no nia kolu molik feto nee, nunee nia deskobre ona feto nee nia fatin, no feto hatudu ona ninia raan fatin. Nunee tenki hakotu sira nain rua hosi sira nia povu nia leet. 19Keta kolu molik o nia amaa nia biin ka alin feto, ka o nia aman nia biin ka alin feto. Tanba ema nee kolu molik ninia maluk nebee família besik. Sira sei simu sira nia hahalok aat. 20Se mane ida toba ho ninia tiu nia feen, nia kolu molik ninia tiu. Sira tenki lori sira nia hahalok aat no sira sei mate ho oan la iha. 21Se mane ida foti ninia maun ka alin mane nia feen, ida nee la moos. Nia kolu molik ona ninia maun, no mane no feto nee sei mate ho oan la iha.
Imi Tenki Sai Santu
22Imi tenki halo tuir Hau nia estatutu hotu, no Hau nia regulamentu hotu, no halao buat sira nee, hodi rai iha nebaa, iha fatin nebee Hau lori imi hodi hela, sei la muta sai imi. 23Imi keta lao tuir kultura hosi nasaun sira nebee Hau soe hosi imi nia oin. Tanba sira halo buat hotu nee, nunee Hau lakohi tebe-tebes sira. 24Maibee Hau dehan ona ba imi katak imi sei simu sira nia rai nudar liman rohan, no Hau sei foo buat nee hodi sai imi nian, rai nebee suli ho susu been no bani been.#20:24 Signifika katak rai nee buras loos ho produsaun diak. Hau mak Nai, imi nia Maromak, nebee haketak imi hosi povu seluk. 25Imi tenki haketak animál moos hosi animál la moos, no manu nebee la moos hosi manu moos. No imi keta halo aan sai foer loos ho animál sira, ka manu sira, ka animál kiik saida deit nebee dolar iha rai, nebee Hau haketak ona hosi imi katak sira la moos. 26Imi tenki sai santu mai Hau, tanba Hau mak Nai nebee santu, no Hau haketak ona imi hosi povu seluk hodi sai Hau nian.
27Tenki oho mane ka feto ida nebee liga ba mate klamar ka matan dook. Tuda mate sira ho fatuk, no sira nia raan mak iha sira nia liman.
Currently Selected:
Levítiku 20: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Levítiku 20
20
Kastigu Tanba Sakrifísiu Oan
1 Nai koalia ba Moisés, no dehan, 2“Koalia ba ema Israel sira, See deit hosi ema Israel sira, ka hosi estranjeiru sira nebee lao iha Israel, nebee foo ninia oan ida ba Moleke, tenki oho duni ema nee. Povu iha rai nee tenki tuda mate nia ho fatuk. 3Hau sei fila Hau nia oin hodi hasoru ema ida nee no hakotu nia hosi ninia povu, tanba nia foo ona ninia oan ba Moleke hodi halo foer Hau nia Fatin Santu, no hakribi Hau nia naran santu. 4No se karik povu iha rai nee taka sira nia matan hodi la haree mane nee bainhira nia oferese ninia oan ba Moleke, no sira la oho mane nee, 5nunee Hau sei fila Hau nia oin hodi hasoru mane nee, no hasoru ninia família, no Hau sei hakotu nia, no ema hotu nebee halo sala aat#20:5 Ebreu ‘sala seksuál’ ho signifika katak sala aat nebee adora maromak seluk. tuir nia, hodi halo sala aat ba Moleke, iha sira nia povu nia leet.
6Ema ida nebee fila hodi tuir ema nebee liga ba mate klamar sira, ka tuir matan dook sira, hodi halo sala aat tuir sira, Hau sei fila Hau nia oin hodi hasoru ema ida nee no hakotu nia hosi ninia povu nia leet. 7Halo aan santu no sai santu tanba Hau, nebee Nai, imi nia Maromak. 8Imi tenki halo tuir Hau nia estatutu sira no halao buat sira nee. Hau mak Nai nebee halo imi santu. 9See deit nebee foo malisan ba ninia apaa ka ninia amaa nee tenki oho nia. Tanba nia foo malisan tiha ba ninia apaa ka ninia amaa. Ninia raan mak iha ninia liman rasik.
Kastigu Tanba Sala Seksuál
10Mane ida nebee halo sala seksuál ho mane seluk nia feen, nia nebee halo sala seksuál nee ho ninia maluk nia feen, inklui mane nebee halo sala seksuál nee no mos feto nebee halo sala seksuál nee, tenki oho sira. 11Mane ida nebee toba ho ninia apaa nia feen mak kolu molik ninia apaa. Tenki oho sira nain rua, no sira nia raan mak iha sira nia liman. 12Se mane ida toba ho ninia feto foun, tenki oho sira nain rua, tanba sira halo ona buat nebee laos bai-bain. Sira nia raan mak iha sira nia liman. 13Se mane ida toba ho mane seluk, hanesan nia toba ho feto ida, sira nain rua halo buat nebee foer loos, no tenki oho sira. Sira nia raan mak iha sira nia liman. 14Se mane ida foti feto ida no feto nee nia amaa, ida nee mak hahalok aat loos. Tenki sunu sira ho ahi, inklui mane ida nee no feto sira nee, hodi imi la iha hahalok aat loos iha imi nia leet. 15Se mane ida toba ho animál ida, tenki oho nia, no tenki oho animál ida nee. 16Se feto ida hakbesik ba animál ida hodi toba ho animál nee, tenki oho feto no animál nee. Tenki oho sira nain rua. Sira nia raan mak iha sira nia liman.
17Se mane ida foti ninia alin feto, nebee ninia apaa nia oan feto ka ninia amaa nia oan feto, no nia haree feto nee nia isin molik no feto nee haree ninia isin molik, buat nee mak la diak. Tenki hakotu sira hosi sira nia povu nia oin. Nia mak kolu molik ninia alin feto, no nia tenki simu ninia hahalok aat nee. 18Se mane ida toba ho feto ida nebee moras ho raan fulan, no nia kolu molik feto nee, nunee nia deskobre ona feto nee nia fatin, no feto hatudu ona ninia raan fatin. Nunee tenki hakotu sira nain rua hosi sira nia povu nia leet. 19Keta kolu molik o nia amaa nia biin ka alin feto, ka o nia aman nia biin ka alin feto. Tanba ema nee kolu molik ninia maluk nebee família besik. Sira sei simu sira nia hahalok aat. 20Se mane ida toba ho ninia tiu nia feen, nia kolu molik ninia tiu. Sira tenki lori sira nia hahalok aat no sira sei mate ho oan la iha. 21Se mane ida foti ninia maun ka alin mane nia feen, ida nee la moos. Nia kolu molik ona ninia maun, no mane no feto nee sei mate ho oan la iha.
Imi Tenki Sai Santu
22Imi tenki halo tuir Hau nia estatutu hotu, no Hau nia regulamentu hotu, no halao buat sira nee, hodi rai iha nebaa, iha fatin nebee Hau lori imi hodi hela, sei la muta sai imi. 23Imi keta lao tuir kultura hosi nasaun sira nebee Hau soe hosi imi nia oin. Tanba sira halo buat hotu nee, nunee Hau lakohi tebe-tebes sira. 24Maibee Hau dehan ona ba imi katak imi sei simu sira nia rai nudar liman rohan, no Hau sei foo buat nee hodi sai imi nian, rai nebee suli ho susu been no bani been.#20:24 Signifika katak rai nee buras loos ho produsaun diak. Hau mak Nai, imi nia Maromak, nebee haketak imi hosi povu seluk. 25Imi tenki haketak animál moos hosi animál la moos, no manu nebee la moos hosi manu moos. No imi keta halo aan sai foer loos ho animál sira, ka manu sira, ka animál kiik saida deit nebee dolar iha rai, nebee Hau haketak ona hosi imi katak sira la moos. 26Imi tenki sai santu mai Hau, tanba Hau mak Nai nebee santu, no Hau haketak ona imi hosi povu seluk hodi sai Hau nian.
27Tenki oho mane ka feto ida nebee liga ba mate klamar ka matan dook. Tuda mate sira ho fatuk, no sira nia raan mak iha sira nia liman.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.