Levítiku 23
23
Nai Nia Festa Sira
1 Nai koalia fali ho Moisés, no dehan, 2“Koalia ba ema Israel sira, no dehan ba sira, Imi tenki foo sai kona ba festa sira nebee Nai nian, nebee loron santu; buat sira nee mak Hau nia festa sira.
Loron Sabdu
3Imi bele servisu durante loron neen, maibee loron ba dala hitu mak loron deskansa, loron boot nebee santu. Imi keta servisu iha loron nee. Loron nee mak Nai nia loron Sabdu iha imi nia uma hotu.
Páskua
4Buat sira nee mak Nai nia festa sira, loron boot nebee santu, nebee imi tenki foo sai tuir sira nia tempu. 5Iha loron ba dala sanulu resin haat, iha fulan primeiru, iha tempu rai nakaras, ida nee mak Nai nia páskua.#23:5 Páskua iha sentidu katak ‘lao liu’. Haree Exodu 12:11 hodi lei kona ba loron Páskua. 6Iha loron ba dala sanulu resin lima, iha fulan hanesan, mak Festa Paun Fermentu Laek ba Nai; imi tenki haan paun nebee fermentu la iha too loron hitu. 7Iha loron primeiru imi tenki halo loron boot nebee santu no imi keta halo servisu durante loron nee. 8Maibee imi tenki oferese sakrifísiu ahi nian ba Nai durante loron hitu nee. No imi keta halo servisu baibain.”
Festa Ai Fuan Primeiru
9 Nai koalia ba Moisés, no dehan, 10“Koalia ba ema Israel sira, no dehan ba sira, Bainhira imi tama rai nebee Hau foo ba imi, no imi koa imi nia rezultadu iha nebaa, nunee imi tenki lori futun primeiru hosi imi nia rezultadu ba saserdote. 11No nia sei foti sae futun nee iha Nai nia oin hodi simu hosi imi. Iha loron nebee tuir loron Sabdu, nia sei foti sae buat nee. 12No iha loron nebee imi foti sae futun nee, imi tenki oferese bibi malae oan ida nebee perfeitu, nebee tinan ida, hodi halo sakrifísiu tunu motuk ba Nai. 13No imi sei lori oferta trigu nian nebee trigu diak litru haat ho balu nebee kahur ho mina. Imi sei oferese buat nee ho ahi ba Nai hodi halo morin diak, no mos oferta hemu nian nebee tua uvas litru ida.#23:13 Trigu litru haat ho balu mak ‘efá parte rua hosi sanulu’; no tua uvas litru ida mak ‘hin parte rua hosi sanulu’. 14Imi keta haan paun ka batar, nebee tunu ka nurak, too loron nebee imi lori oferta nee ba imi nia Maromak. Ida nee mak estatutu too tinan ba tinan durante imi nia jerasaun sira iha imi nia uma hotu.
Festa Semana Nian
15Imi tenki sura hosi loron nebee tuir loron Sabdu, hosi loron nebee imi lori futun nebee halo oferta foti sae, sura loron Sabdu hitu kompletu. 16Sura too loron nebee tuir loron Sabdu ba dala hitu, nebee hamutuk loron lima-nulu. Depois imi sei oferese oferta paun foun nian ba Nai. 17Imi tenki lori paun rua hosi imi nia uma sira hodi foti sae, nebee paun nebee halo ho trigu diak litru haat ho balu. Kahur trigu nee ho fermentu no tunu. Buat sira nee mak ai haan primeiru ba Nai. 18No ho paun nee, imi tenki oferese bibi malae oan hitu nebee perfeitu no tinan ida, karau aman ida nebee sei joven, no bibi malae aman rua. Sira sei sai sakrifísiu tunu motuk ba Nai, ho sira nia oferta trigu nian, oferta hemu nian, nebee halo ho ahi, nebee morin diak ba Nai. 19Depois imi sei halo sakrifísiu ho bibi timor oan ida hodi sai sakrifísiu sala nian, no bibi malae oan rua nebee tinan ida hodi sai sakrifísiu dame sira. 20Saserdote nee sei foti sae sakrifísiu sira nee ho paun nebee halo hosi ai haan primeiru hodi sai oferta foti sae nian iha Nai nia oin, hamutuk ho bibi malae oan rua. Buat sira nee sei sai santu ba Nai no foo ba saserdote. 21Iha loron hanesan nee, imi tenki foo sai katak loron nee sei sai loron boot nebee santu ba imi. No imi keta halo servisu. Buat nee sei sai estatutu too tinan ba tinan iha imi nia uma hotu durante imi nia jerasaun sira.
22Bainhira imi koa imi nia rezultadu iha imi nia rai, imi keta foti hotu kedas too imi nia toos ninin bainhira imi koa, no imi keta foti fali buat restu nebee monu hosi imi nia rezultadu. Tenki husik buat sira nee ba ema kiak sira no ba estranjeiru sira. Hau mak Nai, imi nia Maromak.”
Festa Trombeta Sira
23 Nai koalia ba Moisés, no dehan, 24“Koalia ba ema Israel sira, no dehan, Iha fulan hitu, iha loron primeiru iha fulan nee, imi tenki iha loron deskansa,#23:24 Ebreu sabatone, nebee iha fatin seluk tradus katak ‘loron’, maibee signifika katak loron deskansa. nebee huu trombeta sira hodi komemora. Loron boot nee mak santu. 25Imi keta halo servisu baibain, maibee imi tenki oferese sakrifísiu ho ahi ba Nai.”
Loron Halo Dame
26 Nai koalia ba Moisés, no dehan, 27“No mos, iha loron sanulu iha fulan hitu nee, imi sei halao Loron Perdaun. Loron boot nee mak santu ba imi. Imi tenki hatuun aan no oferese sakrifísiu ho ahi ba Nai. 28Imi keta halo servisu iha loron ida nee, tanba loron nee mak Loron Perdaun, hodi hetan perdaun ba imi iha Nai, imi nia Maromak, nia oin. 29See deit nebee la hatuun aan iha loron ida nee, tenki hakotu nia hosi ninia povu nia leet. 30No see deit nebee halo servisu iha loron ida nee, Hau sei halakon nia hosi ninia povu nia leet. 31Imi keta halo servisu ida. No ida nee sei sai estatutu too tinan ba tinan durante imi nia jerasaun sira iha imi nia uma hotu. 32Loron nee mak loron deskansa, no imi tenki hatuun aan hosi rai nakaras iha loron sia iha fulan nee too iha rai nakaras iha loron tuir mai, nunee imi sei selebra loron deskansa nee.”
Festa Baraka Nian
33 Nai koalia ba Moisés, no dehan, 34“Koalia ba ema Israel sira, no dehan, Iha loron sanulu resin lima iha fulan hitu nee mak Festa Baraka nian too loron hitu nebee selebra ba Nai. 35Loron primeiru mak loron boot nebee santu, nunee imi keta halo servisu baibain. 36Durante loron hitu imi tenki oferese sakrifísiu ho ahi ba Nai. Iha loron ba dala ualu imi tenki halao loron boot nebee santu ba imi, no imi tenki oferese sakrifísiu ho ahi ba Nai. Ida nee mak loron importante hodi halibur hamutuk, no imi keta halo servisu baibain.
37Buat sira nee mak festa sira ba Nai, nebee imi tenki foo sai katak loron boot nebee santu, hodi oferese sakrifísiu sira ho ahi ba Nai, sakrifísiu tunu motuk, oferta trigu nian, sakrifísiu seluk, no oferta hemu nian, ida-idak tuir sira nia loron. 38No mos imi tenki halao loron Sabdu sira ba Nai, no foo imi nia prezenti sira, no kumpri imi nia juramentu hotu, no lori imi nia sakrifísiu voluntáriu hotu nebee imi foo ba Nai.
39Iha loron sanulu resin lima iha fulan hitu, bainhira imi koa tiha produsaun hosi imi nia rai, nunee imi tenki halao festa ida ba Nai durante loron hitu. Loron primeiru mak loron deskansa no loron ualu mak loron deskansa. 40Iha loron primeiru, foti sanak sira hosi ai horis diak sira, no tali tahan,#23:40 Liafuan iha Ebreu refere iha jerál ba ai hanesan tali ka nuu ka ai seluk hanesan nee. no ai sanak sira hosi ai boot, no ai mahon#23:40 Ai mahon nee mak Populus euphratica. Haree Salmu 137:2 no nota. besik mota ninin; no imi sei haksolok iha Nai, imi nia Maromak, nia oin durante loron hitu. 41Imi tenki halao festa nee ba Nai durante loron hitu iha tinan nee, no ida nee sei sai estatutu too tinan ba tinan durante imi nia jerasaun sira, no imi sei selebra festa nee iha fulan hitu. 42Imi sei hela iha baraka sira too loron hitu. Ema hotu nebee moris nudar ema Israel tenki hela iha baraka sira, 43hodi imi nia jerasaun sira bele hatene katak Hau halo ema Israel sira hela iha baraka sira bainhira Hau lori sira sai hosi rai Ejitu. Hau mak Nai, imi nia Maromak.”
44Moisés foo sai kona ba Nai nia festa sira nee ba ema Israel sira.
Currently Selected:
Levítiku 23: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Levítiku 23
23
Nai Nia Festa Sira
1 Nai koalia fali ho Moisés, no dehan, 2“Koalia ba ema Israel sira, no dehan ba sira, Imi tenki foo sai kona ba festa sira nebee Nai nian, nebee loron santu; buat sira nee mak Hau nia festa sira.
Loron Sabdu
3Imi bele servisu durante loron neen, maibee loron ba dala hitu mak loron deskansa, loron boot nebee santu. Imi keta servisu iha loron nee. Loron nee mak Nai nia loron Sabdu iha imi nia uma hotu.
Páskua
4Buat sira nee mak Nai nia festa sira, loron boot nebee santu, nebee imi tenki foo sai tuir sira nia tempu. 5Iha loron ba dala sanulu resin haat, iha fulan primeiru, iha tempu rai nakaras, ida nee mak Nai nia páskua.#23:5 Páskua iha sentidu katak ‘lao liu’. Haree Exodu 12:11 hodi lei kona ba loron Páskua. 6Iha loron ba dala sanulu resin lima, iha fulan hanesan, mak Festa Paun Fermentu Laek ba Nai; imi tenki haan paun nebee fermentu la iha too loron hitu. 7Iha loron primeiru imi tenki halo loron boot nebee santu no imi keta halo servisu durante loron nee. 8Maibee imi tenki oferese sakrifísiu ahi nian ba Nai durante loron hitu nee. No imi keta halo servisu baibain.”
Festa Ai Fuan Primeiru
9 Nai koalia ba Moisés, no dehan, 10“Koalia ba ema Israel sira, no dehan ba sira, Bainhira imi tama rai nebee Hau foo ba imi, no imi koa imi nia rezultadu iha nebaa, nunee imi tenki lori futun primeiru hosi imi nia rezultadu ba saserdote. 11No nia sei foti sae futun nee iha Nai nia oin hodi simu hosi imi. Iha loron nebee tuir loron Sabdu, nia sei foti sae buat nee. 12No iha loron nebee imi foti sae futun nee, imi tenki oferese bibi malae oan ida nebee perfeitu, nebee tinan ida, hodi halo sakrifísiu tunu motuk ba Nai. 13No imi sei lori oferta trigu nian nebee trigu diak litru haat ho balu nebee kahur ho mina. Imi sei oferese buat nee ho ahi ba Nai hodi halo morin diak, no mos oferta hemu nian nebee tua uvas litru ida.#23:13 Trigu litru haat ho balu mak ‘efá parte rua hosi sanulu’; no tua uvas litru ida mak ‘hin parte rua hosi sanulu’. 14Imi keta haan paun ka batar, nebee tunu ka nurak, too loron nebee imi lori oferta nee ba imi nia Maromak. Ida nee mak estatutu too tinan ba tinan durante imi nia jerasaun sira iha imi nia uma hotu.
Festa Semana Nian
15Imi tenki sura hosi loron nebee tuir loron Sabdu, hosi loron nebee imi lori futun nebee halo oferta foti sae, sura loron Sabdu hitu kompletu. 16Sura too loron nebee tuir loron Sabdu ba dala hitu, nebee hamutuk loron lima-nulu. Depois imi sei oferese oferta paun foun nian ba Nai. 17Imi tenki lori paun rua hosi imi nia uma sira hodi foti sae, nebee paun nebee halo ho trigu diak litru haat ho balu. Kahur trigu nee ho fermentu no tunu. Buat sira nee mak ai haan primeiru ba Nai. 18No ho paun nee, imi tenki oferese bibi malae oan hitu nebee perfeitu no tinan ida, karau aman ida nebee sei joven, no bibi malae aman rua. Sira sei sai sakrifísiu tunu motuk ba Nai, ho sira nia oferta trigu nian, oferta hemu nian, nebee halo ho ahi, nebee morin diak ba Nai. 19Depois imi sei halo sakrifísiu ho bibi timor oan ida hodi sai sakrifísiu sala nian, no bibi malae oan rua nebee tinan ida hodi sai sakrifísiu dame sira. 20Saserdote nee sei foti sae sakrifísiu sira nee ho paun nebee halo hosi ai haan primeiru hodi sai oferta foti sae nian iha Nai nia oin, hamutuk ho bibi malae oan rua. Buat sira nee sei sai santu ba Nai no foo ba saserdote. 21Iha loron hanesan nee, imi tenki foo sai katak loron nee sei sai loron boot nebee santu ba imi. No imi keta halo servisu. Buat nee sei sai estatutu too tinan ba tinan iha imi nia uma hotu durante imi nia jerasaun sira.
22Bainhira imi koa imi nia rezultadu iha imi nia rai, imi keta foti hotu kedas too imi nia toos ninin bainhira imi koa, no imi keta foti fali buat restu nebee monu hosi imi nia rezultadu. Tenki husik buat sira nee ba ema kiak sira no ba estranjeiru sira. Hau mak Nai, imi nia Maromak.”
Festa Trombeta Sira
23 Nai koalia ba Moisés, no dehan, 24“Koalia ba ema Israel sira, no dehan, Iha fulan hitu, iha loron primeiru iha fulan nee, imi tenki iha loron deskansa,#23:24 Ebreu sabatone, nebee iha fatin seluk tradus katak ‘loron’, maibee signifika katak loron deskansa. nebee huu trombeta sira hodi komemora. Loron boot nee mak santu. 25Imi keta halo servisu baibain, maibee imi tenki oferese sakrifísiu ho ahi ba Nai.”
Loron Halo Dame
26 Nai koalia ba Moisés, no dehan, 27“No mos, iha loron sanulu iha fulan hitu nee, imi sei halao Loron Perdaun. Loron boot nee mak santu ba imi. Imi tenki hatuun aan no oferese sakrifísiu ho ahi ba Nai. 28Imi keta halo servisu iha loron ida nee, tanba loron nee mak Loron Perdaun, hodi hetan perdaun ba imi iha Nai, imi nia Maromak, nia oin. 29See deit nebee la hatuun aan iha loron ida nee, tenki hakotu nia hosi ninia povu nia leet. 30No see deit nebee halo servisu iha loron ida nee, Hau sei halakon nia hosi ninia povu nia leet. 31Imi keta halo servisu ida. No ida nee sei sai estatutu too tinan ba tinan durante imi nia jerasaun sira iha imi nia uma hotu. 32Loron nee mak loron deskansa, no imi tenki hatuun aan hosi rai nakaras iha loron sia iha fulan nee too iha rai nakaras iha loron tuir mai, nunee imi sei selebra loron deskansa nee.”
Festa Baraka Nian
33 Nai koalia ba Moisés, no dehan, 34“Koalia ba ema Israel sira, no dehan, Iha loron sanulu resin lima iha fulan hitu nee mak Festa Baraka nian too loron hitu nebee selebra ba Nai. 35Loron primeiru mak loron boot nebee santu, nunee imi keta halo servisu baibain. 36Durante loron hitu imi tenki oferese sakrifísiu ho ahi ba Nai. Iha loron ba dala ualu imi tenki halao loron boot nebee santu ba imi, no imi tenki oferese sakrifísiu ho ahi ba Nai. Ida nee mak loron importante hodi halibur hamutuk, no imi keta halo servisu baibain.
37Buat sira nee mak festa sira ba Nai, nebee imi tenki foo sai katak loron boot nebee santu, hodi oferese sakrifísiu sira ho ahi ba Nai, sakrifísiu tunu motuk, oferta trigu nian, sakrifísiu seluk, no oferta hemu nian, ida-idak tuir sira nia loron. 38No mos imi tenki halao loron Sabdu sira ba Nai, no foo imi nia prezenti sira, no kumpri imi nia juramentu hotu, no lori imi nia sakrifísiu voluntáriu hotu nebee imi foo ba Nai.
39Iha loron sanulu resin lima iha fulan hitu, bainhira imi koa tiha produsaun hosi imi nia rai, nunee imi tenki halao festa ida ba Nai durante loron hitu. Loron primeiru mak loron deskansa no loron ualu mak loron deskansa. 40Iha loron primeiru, foti sanak sira hosi ai horis diak sira, no tali tahan,#23:40 Liafuan iha Ebreu refere iha jerál ba ai hanesan tali ka nuu ka ai seluk hanesan nee. no ai sanak sira hosi ai boot, no ai mahon#23:40 Ai mahon nee mak Populus euphratica. Haree Salmu 137:2 no nota. besik mota ninin; no imi sei haksolok iha Nai, imi nia Maromak, nia oin durante loron hitu. 41Imi tenki halao festa nee ba Nai durante loron hitu iha tinan nee, no ida nee sei sai estatutu too tinan ba tinan durante imi nia jerasaun sira, no imi sei selebra festa nee iha fulan hitu. 42Imi sei hela iha baraka sira too loron hitu. Ema hotu nebee moris nudar ema Israel tenki hela iha baraka sira, 43hodi imi nia jerasaun sira bele hatene katak Hau halo ema Israel sira hela iha baraka sira bainhira Hau lori sira sai hosi rai Ejitu. Hau mak Nai, imi nia Maromak.”
44Moisés foo sai kona ba Nai nia festa sira nee ba ema Israel sira.
Copyright Kadi Timor. All rights reserved. Portions of scripture can be used without permission for the promotion of God's glory.