Levítiku 6
6
Sala Ho Sasaan
1 Nai koalia ba Moisés, no dehan, 2“Se ema ida sala, no nia sala hasoru Nai, no nia bosok ninia maluk kona ba buat ruma nebee simu hodi tau matan ba buat nee, ka nia naok buat ruma ka bosok deit ninia maluk, 3ka se nia hetan buat nebee ema lakon no nia bosok kona ba buat nee no jura falsu; iha buat naran deit hanesan nee nebee ema halo, nia sala. 4Depois, tanba nia sala, no nia halo aat, nunee nia tenki selu fali buat nebee nia hadau, ka buat nebee nia hetan liu hosi bosok, ka buat nebee ema foo ba nia hodi tau matan, ka buat nebee lakon no nia hetan, 5ka kona ba buat nebee nia jura falsu; nia tenki foo fali buat nee no aumenta porsentu rua-nulu, no nia tenki foo fali ba sasaan nee nia nain iha loron nebee nia halo sakrifíisu multa. 6No nia tenki lori ba saserdote nia sakrifíisu multa ba Nai nebee bibi aman ida nebee perfeitu hosi bibi lubun, tuir folin loos, hodi sai sakrifíisu multa. 7Depois saserdote sei taka nia sala iha Nai nia oin, no nia hetan perdaun kona ba buat aat hotu nebee nia halo nee.”
Saserdote No Oferta
8No Nai koalia ba Moisés, no dehan, 9“Foo orden ba Arão no nia oan mane sira, no dehan, Ida nee mak lei kona ba sakrifísiu tunu motuk. Sakrifísiu tunu motuk nee tenki sunu iha altár nia leten kalan tomak too dadeer-saan fali, no ahi iha altár nee tenki lakan iha nebaa. 10Saserdote sei hatais nia ropa nebee halo ho hena linhu, inklui ninia kalsa badak, no nia sei foti ahi kdesan hosi ahi nebee haan hotu tiha sakrifísiu tunu motuk iha altár leten, no nia sei tau ahi kdesan nee iha altár nia sorin. 11Depois nia sei hasai ropa sira nee no hatais fali ropa sira seluk no lori ahi kdesan sai ba akampamentu liur, ba fatin nebee moos. 12Ahi iha altár nia leten tenki lakan hela deit, keta hamate ahi nee. Saserdote sei sunu ai iha altár nee dadeer-dadeer, no tau sakrifísiu tunu motuk, organiza iha nia leten, no nia sei sunu sakrifísiu dame sira nia bokur iha altár leten. 13Ahi sei lakan hela deit iha altár nia leten, nia nunka mate.
14“Ida nee mak lei kona ba oferta trigu nian: Arão nia oan mane sira sei oferese buat nee iha Nai nia oin, iha altár nia oin. 15No nia sei foti trigu uitoan hosi sakrifísiu trigu nian ho nia liman, no mina balu, no insensu hotu nebee iha oferta trigu nia leten, no tunu iha altár nia leten hodi sai morin diak, no foo hanoin ba Nai. 16Arão no nia oan mane sira bele haan oferta trigu restu nee. Sira bele halo paun nebee fermentu la iha no haan iha Fatin Santu, sira tenki haan iha Tenda Enkontru nia Fatin Santu. 17Keta tunu trigu nee ho fermentu. Hau foo ba sira hodi sai sira nia parte hosi Hau nia oferta sira nebee halo ho ahi, nee mak buat nebee santu liu, hanesan sakrifísiu sala nian no sakrífisiu multa nian. 18Mane sira hotu iha Arão nia oan sira nia leet tenki haan buat nee. No ida nee sai estatutu too tinan ba tinan ba imi nia jerasaun sira kona ba oferta sira ba Nai nebee halo ho ahi. Buat hotu nebee kona buat sira nee sei sai santu.”
19 Nai koalia ho Moisés, no dehan, 20“Ida nee mak oferta hosi Arão no nia oan mane sira, nebee sira sei oferese ba Nai iha loron nebee nia simu unsaun: trigu diak kilo ida hodi halo oferta trigu nian, nebee foo baibain, sorin iha dadeer no sorin iha kalan. 21Tenki prepara iha taxu ida ho mina. Tunu tiha mak lori tama, no oferta trigu nia pedasuk sira nee nia sei oferese nudar morin diak ba Nai. 22Saserdote ida hosi Arão nia oan mane sira nebee simu unsaun troka nia sei oferese buat nee ba Nai. Ida nee mak estatutu too tinan ba tinan, no nia tenki tunu motuk too hotu. 23Tanba oferta trigu hotu hosi saserdote sira tenki tunu motuk too hotu, keta haan buat nee.”
24 Nai koalia ba Moisés, no dehan, 25“Koalia ba Arão no nia oan mane sira, no dehan, Ida nee mak lei kona ba sakrifísiu sala nian: Tenki oho sakrifísiu sala nian iha fatin hanesan nebee oho sakrifísiu tunu motuk, iha Nai nia oin, buat nee mak santu liu. 26Saserdote ida nebee oferese buat nee kona ba sala sei haan buat nee. Tenki haan buat nee iha Fatin Santu, iha Tabernakulu Enkontru nia fatin. 27Buat naran deit nebee kona sakrifísiu nee sei sai santu, no bainhira raan nee sei kona ropa naran deit, o tenki fasi buat nebee iha raan nee iha fatin nebee santu. 28Maibee se karik raan nee monu ba sanan rai tenki harahun deit, no se karik nia kona sanan riti tenki kose ho eskova no solur ho bee. 29Mane sira hotu iha saserdote sira nia leet tenki haan buat nee, no buat nee santu liu. 30Maibee keta haan sakrifísiu sala nian nebee foti raan hosi nia hodi lori ba Tenda Enkontru hodi taka sala iha Fatin Santu. Buat nee tenki tunu motuk iha ahi.
Currently Selected:
Levítiku 6: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Levítiku 6
6
Sala Ho Sasaan
1 Nai koalia ba Moisés, no dehan, 2“Se ema ida sala, no nia sala hasoru Nai, no nia bosok ninia maluk kona ba buat ruma nebee simu hodi tau matan ba buat nee, ka nia naok buat ruma ka bosok deit ninia maluk, 3ka se nia hetan buat nebee ema lakon no nia bosok kona ba buat nee no jura falsu; iha buat naran deit hanesan nee nebee ema halo, nia sala. 4Depois, tanba nia sala, no nia halo aat, nunee nia tenki selu fali buat nebee nia hadau, ka buat nebee nia hetan liu hosi bosok, ka buat nebee ema foo ba nia hodi tau matan, ka buat nebee lakon no nia hetan, 5ka kona ba buat nebee nia jura falsu; nia tenki foo fali buat nee no aumenta porsentu rua-nulu, no nia tenki foo fali ba sasaan nee nia nain iha loron nebee nia halo sakrifíisu multa. 6No nia tenki lori ba saserdote nia sakrifíisu multa ba Nai nebee bibi aman ida nebee perfeitu hosi bibi lubun, tuir folin loos, hodi sai sakrifíisu multa. 7Depois saserdote sei taka nia sala iha Nai nia oin, no nia hetan perdaun kona ba buat aat hotu nebee nia halo nee.”
Saserdote No Oferta
8No Nai koalia ba Moisés, no dehan, 9“Foo orden ba Arão no nia oan mane sira, no dehan, Ida nee mak lei kona ba sakrifísiu tunu motuk. Sakrifísiu tunu motuk nee tenki sunu iha altár nia leten kalan tomak too dadeer-saan fali, no ahi iha altár nee tenki lakan iha nebaa. 10Saserdote sei hatais nia ropa nebee halo ho hena linhu, inklui ninia kalsa badak, no nia sei foti ahi kdesan hosi ahi nebee haan hotu tiha sakrifísiu tunu motuk iha altár leten, no nia sei tau ahi kdesan nee iha altár nia sorin. 11Depois nia sei hasai ropa sira nee no hatais fali ropa sira seluk no lori ahi kdesan sai ba akampamentu liur, ba fatin nebee moos. 12Ahi iha altár nia leten tenki lakan hela deit, keta hamate ahi nee. Saserdote sei sunu ai iha altár nee dadeer-dadeer, no tau sakrifísiu tunu motuk, organiza iha nia leten, no nia sei sunu sakrifísiu dame sira nia bokur iha altár leten. 13Ahi sei lakan hela deit iha altár nia leten, nia nunka mate.
14“Ida nee mak lei kona ba oferta trigu nian: Arão nia oan mane sira sei oferese buat nee iha Nai nia oin, iha altár nia oin. 15No nia sei foti trigu uitoan hosi sakrifísiu trigu nian ho nia liman, no mina balu, no insensu hotu nebee iha oferta trigu nia leten, no tunu iha altár nia leten hodi sai morin diak, no foo hanoin ba Nai. 16Arão no nia oan mane sira bele haan oferta trigu restu nee. Sira bele halo paun nebee fermentu la iha no haan iha Fatin Santu, sira tenki haan iha Tenda Enkontru nia Fatin Santu. 17Keta tunu trigu nee ho fermentu. Hau foo ba sira hodi sai sira nia parte hosi Hau nia oferta sira nebee halo ho ahi, nee mak buat nebee santu liu, hanesan sakrifísiu sala nian no sakrífisiu multa nian. 18Mane sira hotu iha Arão nia oan sira nia leet tenki haan buat nee. No ida nee sai estatutu too tinan ba tinan ba imi nia jerasaun sira kona ba oferta sira ba Nai nebee halo ho ahi. Buat hotu nebee kona buat sira nee sei sai santu.”
19 Nai koalia ho Moisés, no dehan, 20“Ida nee mak oferta hosi Arão no nia oan mane sira, nebee sira sei oferese ba Nai iha loron nebee nia simu unsaun: trigu diak kilo ida hodi halo oferta trigu nian, nebee foo baibain, sorin iha dadeer no sorin iha kalan. 21Tenki prepara iha taxu ida ho mina. Tunu tiha mak lori tama, no oferta trigu nia pedasuk sira nee nia sei oferese nudar morin diak ba Nai. 22Saserdote ida hosi Arão nia oan mane sira nebee simu unsaun troka nia sei oferese buat nee ba Nai. Ida nee mak estatutu too tinan ba tinan, no nia tenki tunu motuk too hotu. 23Tanba oferta trigu hotu hosi saserdote sira tenki tunu motuk too hotu, keta haan buat nee.”
24 Nai koalia ba Moisés, no dehan, 25“Koalia ba Arão no nia oan mane sira, no dehan, Ida nee mak lei kona ba sakrifísiu sala nian: Tenki oho sakrifísiu sala nian iha fatin hanesan nebee oho sakrifísiu tunu motuk, iha Nai nia oin, buat nee mak santu liu. 26Saserdote ida nebee oferese buat nee kona ba sala sei haan buat nee. Tenki haan buat nee iha Fatin Santu, iha Tabernakulu Enkontru nia fatin. 27Buat naran deit nebee kona sakrifísiu nee sei sai santu, no bainhira raan nee sei kona ropa naran deit, o tenki fasi buat nebee iha raan nee iha fatin nebee santu. 28Maibee se karik raan nee monu ba sanan rai tenki harahun deit, no se karik nia kona sanan riti tenki kose ho eskova no solur ho bee. 29Mane sira hotu iha saserdote sira nia leet tenki haan buat nee, no buat nee santu liu. 30Maibee keta haan sakrifísiu sala nian nebee foti raan hosi nia hodi lori ba Tenda Enkontru hodi taka sala iha Fatin Santu. Buat nee tenki tunu motuk iha ahi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.