Levítiku 8
8
Konsagra Arão No Nia Oan Mane Sira
1 Nai koalia ho Moisés, no dehan, 2“Lori Arão ho ninia oan mane sira, ropa sira nee, mina unsaun, karau aman ida hodi halo sakrifísiu sala nian, bibi malae aman rua no bote ida ho paun nebee la kahur fermentu. 3No halibur komunidade tomak hamutuk iha Tenda Enkontru nia oin.” 4Moisés halo tuir Nai nia orden, no komunidade tomak halibur hamutuk iha odamatan ba Tenda Enkontru.
5Moisés hatete ba komunidade nee, “Nai foo orden ona atu halo tuir ida nee.” 6Moisés lori mai Arão no nia oan mane sira no fasi sira ho bee. 7Depois nia foo hatais Arão ho batina, no kesi sintu iha Arão nia kanotak, no foo hatais nia ho unuk, no tau efode ba nia, no foo hatais sintu tais ba efode, hodi kesi buat nee ba Arão.#8:7 Haree Exodu 28:4 no dezenhu iha nebaa kona ba saserdote nia ropa. 8No nia tau alat hirus matan ba Arão, no hatama Urim no Tumim#8:8 Haree Exodu 28:30 no nota nee. iha alat taka hirus matan nia laran. 9No nia tau turbante ba Arão nia ulun, no iha turbante nia oin nia tau kaebauk osan mean, nebee koroa santu, tuir Nai nia orden ba Moisés.
10Depois Moisés foti mina unsaun no nia foo unsaun ba Tabernakulu no buat hotu iha laran no halo sira santu. 11No nia hisik mina ba altár ba dala hitu, no foo unsaun ba altár nee no sasaan hotu, inklui mos basia fasi no nia tuur fatin, hodi konsagra sira. 12Depois nia fui mina unsaun ba iha Arão nia ulun no foo unsaun ba nia hodi halo nia santu. 13No Moisés lori mai Arão nia oan mane sira no foo hatais sira ho batina sira, no kesi sintu ba sira, no tau xapeu ba sira, tuir Nai nia orden ba Moisés.
14Depois Moisés lori mai karau aman hodi sai sakrifísiu sala nian, no Arão no nia oan mane sira tau sira nia liman ba karau aman nia ulun hodi halo sakrifísiu sala nian. 15No nia oho karau nee no Moisés foti raan nee no kose ba altár nia dikur sira nia sor-sorin ho nia liman fuan, nunee nia hamoos altár nee, no nia fui raan iha altár nia okos no halo altár santu, hodi taka altár nia foer. 16No Moisés foti bokur hotu nebee iha teen boot, bokur nebee taka aten, no rins rua ho sira nia bokur, no Moisés tunu motuk iha altár nia leten. 17Maibee karau aman nee, no nia kulit, nia naan no nia teen, nia lori ba akampamentu liur no tunu motuk, tuir Nai nia orden ba Moisés.
18Depois nia lori mai bibi malae aman hodi halo sakrifísiu tunu motuk, no Arão ho nia oan mane sira tau sira nia liman ba bibi malae aman nia ulun. 19No nia oho bibi malae aman nee no Moisés fakar raan nee ba iha altár nia sorin hotu. 20No nia koa bibi malae aman ba pedasuk sira, no Moisés tunu motuk bibi nia ulun, pedasuk sira no bokur. 21Nia fasi bibi nia teen boot no bibi nia ain iha bee no Moisés tunu motuk bibi malae aman tomak nee iha altár nia leten. Buat nee sai sakrifísiu tunu motuk nebee morin diak, oferta ida nebee halo ho ahi ba Nai, tuir Nai nia orden ba Moisés.
22Depois nia lori mai bibi malae aman ida fali, nebee bibi ordenasaun nian, no Arão ho ninia oan mane sira tau liman ba bibi malae aman nee nia ulun. 23Nia oho bibi nee no Moisés foti raan hosi bibi no kose ba Arão nia tilun tahan ikun iha sorin loos, iha nia liman fuan boot iha liman loos, no iha nia ain fuan boot iha ain loos. 24Nia lori Arão nia oan mane sira, no Moisés kose raan ba sira nia tilun tahan ikun iha sorin loos, iha sira nia liman fuan boot iha liman loos, no iha sira nia ain fuan boot iha ain loos. No Moisés fakar raan iha altár nia sorin hotu. 25Nia foti bokur, ikun bokur, bokur hotu nebee iha teen boot, bokur nebee taka aten, rins rua ho sira nia bokur, no kelen loos. 26No hosi bote nebee iha paun nebee fermentu la iha, nebee iha Nai nia oin, nia foti paun ida nebee fermentu la iha, no paun ida nebee kahur mina, no paun belar ida no tau sira iha bokur no iha kelen loos nia leten. 27Buat hotu nee nia tau iha Arão nia liman, no iha Arão nia oan mane sira nia liman no sira sei foti sae buat hotu nee nudar oferta foti sae iha Nai nia oin. 28Depois Moisés foti oferta nee hosi sira nia liman no tunu iha altár tunu motuk nia leten. Ida nee mak oferta ordenasaun nebee morin diak, oferta nebee halo ho ahi ba Nai. 29Moisés foti naan hirus matan no foti sae nudar oferta foti sae ba Nai, tanba naan nee hosi bibi malae aman nebee bibi ordenasaun nian sai Moisés nian, tuir orden nebee Nai foo ba Moisés.
30Depois Moisés foti mina unsaun balu no raan balu nebee iha altár nia leten no hisik ba Arão, no ba iha Arão nia ropa, ninia oan mane sira no ninia oan mane sira nia ropa nebee hamutuk ho nia. Nunee nia halo santu Arão no ninia ropa, ninia oan mane sira no ninia oan mane sira nia ropa nebee hamutuk ho nia.
31Moisés dehan ba Arão no ninia oan mane sira, “Daan naan iha odamatan ba Tenda Enkontru no haan iha nebaa ho paun hosi bote nebee iha oferta ordenasaun nian, tuir hau nia orden nebee dehan, ‘Arão no nia oan mane sira sei haan buat nee.’ 32No buat nebee sei iha hosi naan no paun nee imi tenki sunu ho ahi. 33Imi keta sai hosi odamatan ba Tenda Enkontru durante loron hitu, too loron ordenasaun nian hotu ona, tanba ita presiza loron hitu hodi halo ordenasaun. 34Nai foo ona orden hodi halo tuir hanesan buat nebee imi halo ohin loron, hodi taka imi nia sala. 35Tanba nee imi tenki hela iha odamatan ba Tenda Enkontru loron-kalan too loron hitu, no halo tuir Nai nia orden hodi imi la mate, hanesan Hau manda ona.” 36Entaun Arão no nia oan mane sira halo tuir Nai nia orden hotu nebee Nia foo liu hosi Moisés.
Currently Selected:
Levítiku 8: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Levítiku 8
8
Konsagra Arão No Nia Oan Mane Sira
1 Nai koalia ho Moisés, no dehan, 2“Lori Arão ho ninia oan mane sira, ropa sira nee, mina unsaun, karau aman ida hodi halo sakrifísiu sala nian, bibi malae aman rua no bote ida ho paun nebee la kahur fermentu. 3No halibur komunidade tomak hamutuk iha Tenda Enkontru nia oin.” 4Moisés halo tuir Nai nia orden, no komunidade tomak halibur hamutuk iha odamatan ba Tenda Enkontru.
5Moisés hatete ba komunidade nee, “Nai foo orden ona atu halo tuir ida nee.” 6Moisés lori mai Arão no nia oan mane sira no fasi sira ho bee. 7Depois nia foo hatais Arão ho batina, no kesi sintu iha Arão nia kanotak, no foo hatais nia ho unuk, no tau efode ba nia, no foo hatais sintu tais ba efode, hodi kesi buat nee ba Arão.#8:7 Haree Exodu 28:4 no dezenhu iha nebaa kona ba saserdote nia ropa. 8No nia tau alat hirus matan ba Arão, no hatama Urim no Tumim#8:8 Haree Exodu 28:30 no nota nee. iha alat taka hirus matan nia laran. 9No nia tau turbante ba Arão nia ulun, no iha turbante nia oin nia tau kaebauk osan mean, nebee koroa santu, tuir Nai nia orden ba Moisés.
10Depois Moisés foti mina unsaun no nia foo unsaun ba Tabernakulu no buat hotu iha laran no halo sira santu. 11No nia hisik mina ba altár ba dala hitu, no foo unsaun ba altár nee no sasaan hotu, inklui mos basia fasi no nia tuur fatin, hodi konsagra sira. 12Depois nia fui mina unsaun ba iha Arão nia ulun no foo unsaun ba nia hodi halo nia santu. 13No Moisés lori mai Arão nia oan mane sira no foo hatais sira ho batina sira, no kesi sintu ba sira, no tau xapeu ba sira, tuir Nai nia orden ba Moisés.
14Depois Moisés lori mai karau aman hodi sai sakrifísiu sala nian, no Arão no nia oan mane sira tau sira nia liman ba karau aman nia ulun hodi halo sakrifísiu sala nian. 15No nia oho karau nee no Moisés foti raan nee no kose ba altár nia dikur sira nia sor-sorin ho nia liman fuan, nunee nia hamoos altár nee, no nia fui raan iha altár nia okos no halo altár santu, hodi taka altár nia foer. 16No Moisés foti bokur hotu nebee iha teen boot, bokur nebee taka aten, no rins rua ho sira nia bokur, no Moisés tunu motuk iha altár nia leten. 17Maibee karau aman nee, no nia kulit, nia naan no nia teen, nia lori ba akampamentu liur no tunu motuk, tuir Nai nia orden ba Moisés.
18Depois nia lori mai bibi malae aman hodi halo sakrifísiu tunu motuk, no Arão ho nia oan mane sira tau sira nia liman ba bibi malae aman nia ulun. 19No nia oho bibi malae aman nee no Moisés fakar raan nee ba iha altár nia sorin hotu. 20No nia koa bibi malae aman ba pedasuk sira, no Moisés tunu motuk bibi nia ulun, pedasuk sira no bokur. 21Nia fasi bibi nia teen boot no bibi nia ain iha bee no Moisés tunu motuk bibi malae aman tomak nee iha altár nia leten. Buat nee sai sakrifísiu tunu motuk nebee morin diak, oferta ida nebee halo ho ahi ba Nai, tuir Nai nia orden ba Moisés.
22Depois nia lori mai bibi malae aman ida fali, nebee bibi ordenasaun nian, no Arão ho ninia oan mane sira tau liman ba bibi malae aman nee nia ulun. 23Nia oho bibi nee no Moisés foti raan hosi bibi no kose ba Arão nia tilun tahan ikun iha sorin loos, iha nia liman fuan boot iha liman loos, no iha nia ain fuan boot iha ain loos. 24Nia lori Arão nia oan mane sira, no Moisés kose raan ba sira nia tilun tahan ikun iha sorin loos, iha sira nia liman fuan boot iha liman loos, no iha sira nia ain fuan boot iha ain loos. No Moisés fakar raan iha altár nia sorin hotu. 25Nia foti bokur, ikun bokur, bokur hotu nebee iha teen boot, bokur nebee taka aten, rins rua ho sira nia bokur, no kelen loos. 26No hosi bote nebee iha paun nebee fermentu la iha, nebee iha Nai nia oin, nia foti paun ida nebee fermentu la iha, no paun ida nebee kahur mina, no paun belar ida no tau sira iha bokur no iha kelen loos nia leten. 27Buat hotu nee nia tau iha Arão nia liman, no iha Arão nia oan mane sira nia liman no sira sei foti sae buat hotu nee nudar oferta foti sae iha Nai nia oin. 28Depois Moisés foti oferta nee hosi sira nia liman no tunu iha altár tunu motuk nia leten. Ida nee mak oferta ordenasaun nebee morin diak, oferta nebee halo ho ahi ba Nai. 29Moisés foti naan hirus matan no foti sae nudar oferta foti sae ba Nai, tanba naan nee hosi bibi malae aman nebee bibi ordenasaun nian sai Moisés nian, tuir orden nebee Nai foo ba Moisés.
30Depois Moisés foti mina unsaun balu no raan balu nebee iha altár nia leten no hisik ba Arão, no ba iha Arão nia ropa, ninia oan mane sira no ninia oan mane sira nia ropa nebee hamutuk ho nia. Nunee nia halo santu Arão no ninia ropa, ninia oan mane sira no ninia oan mane sira nia ropa nebee hamutuk ho nia.
31Moisés dehan ba Arão no ninia oan mane sira, “Daan naan iha odamatan ba Tenda Enkontru no haan iha nebaa ho paun hosi bote nebee iha oferta ordenasaun nian, tuir hau nia orden nebee dehan, ‘Arão no nia oan mane sira sei haan buat nee.’ 32No buat nebee sei iha hosi naan no paun nee imi tenki sunu ho ahi. 33Imi keta sai hosi odamatan ba Tenda Enkontru durante loron hitu, too loron ordenasaun nian hotu ona, tanba ita presiza loron hitu hodi halo ordenasaun. 34Nai foo ona orden hodi halo tuir hanesan buat nebee imi halo ohin loron, hodi taka imi nia sala. 35Tanba nee imi tenki hela iha odamatan ba Tenda Enkontru loron-kalan too loron hitu, no halo tuir Nai nia orden hodi imi la mate, hanesan Hau manda ona.” 36Entaun Arão no nia oan mane sira halo tuir Nai nia orden hotu nebee Nia foo liu hosi Moisés.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.