Roma 15
15
Ajuda Ema Fraku
1Ita nebee iha kbiit tenki ajuda sira nebee kbiit laek atu lori sira nia difikuldade. Ita lalika buka atu halo haksolok deit ita nia aan rasik. 2Mai ita ida-idak buka atu halo haksolok ita nia maluk, atu halo diak ba nia no hametin nia. 3Tanba Kristu mos la buka atu halo haksolok Ninia aan. Maibee, hanesan ema hakerek nanis ona, “Liafuan aat hosi ema nebee hatete aat ba Ita monu fali ba Hau.”#15:3 Hosi Salmu 69:9. 4Tanba buat hotu nebee ema hakerek nanis ona nee, sira hakerek hodi hanorin ita. Hodi nunee, liu hosi pasiénsia no korajen hosi Eskritura, ita bele hetan esperansa. 5Maromak, nebee iha pasiénsia no foo korajen,#15:5 Gregu paraklesis ho sentidu ‘hakbesik hodi foo kamaan’, iha mos versíkulu 4. Haree João 16:7 no 2 Korinto 1:3-5. bele halo hodi ita moris hamutuk neon ida laran ida, liu hosi Kristu Jesus. 6Nunee ita hamutuk ho lian ida deit atu foo glória ba ita nia Nai Jesus Kristu nia Maromak no Aman. 7Tanba nee, simu malu hanesan Kristu mos simu ita, hodi foo glória ba Maromak.
Ema Jentiu Sira Bele Haksolok
8Tanba hau dehan ba imi katak Kristu sai atan ba sira nebee hetan sirkunsizaun hodi hatudu Maromak nia lia loos. Ida nee hametin promesa nebee Maromak halo ba sira nia bei-ala sira. 9Ida nee akontese hodi ema Jentiu sira bele foo glória ba Maromak tanba Ninia laran luak. Ema hakerek nanis ona,
“Nunee hau sei hahii O iha ema Jentiu sira nia leet,
no hananu ba O nia naran.”#15:9 Hosi Salmu 18:49.
10No ema dehan fali,
“Haksolok ba, Oh ema Jentiu sira, hamutuk ho Ninia povu.”#15:10 Hosi Deuteronómiu 32:43 (Manuskritu Masoretika).
11No ida fali,
“Hahii Nai, ema Jentiu sira hotu,
no povu hotu gaba Nia.”#15:11 Hosi Salmu 117:1.
12No ida fali, Isaias dehan,
“Jessé nia abut sei mai,
no nia sei hamriik hodi ukun ema Jentiu sira.
No ema Jentiu sira sei hetan esperansa iha Nia.”#15:12 Hosi Isaias 11:10. Jessé nia abut mak Jesus, haree Isaias 11:1 no nota.
13Hau harohan katak Maromak Esperansa Nian bele halo imi nakonu ho haksolok hotu no dame iha fiar, atu nunee imi bele sai nakonu liu ho esperansa liu hosi Espíritu Santu nia kbiit.
Paulo Nia Ministériu
14Hau rasik fiar katak imi, hau nia maun-alin sira, mak nakonu ho buat nebee diak no nakonu ho matenek hotu atu imi bele hanorin#15:14 Nee katak foo hanoin ba malu atu kuidadu. malu. 15Maibee hau hakerek ba imi ho aten brani kona ba asuntu balu hodi foo hanoin ba imi. Tanba Maromak foo ona grasa mai hau. 16Nia foo knaar mai hau atu sai Kristu Jesus nia atan ba ema Jentiu sira, hodi bele halo ministériu saserdote nian ba Maromak nia evanjelhu. Nunee Maromak bele simu oferta nebee ema Jentiu sira nee, tanba sira sai santu ona liu hosi Espíritu Santu. 17Nunee, iha Kristu Jesus, hau iha razaun atu gaba hau nia servisu nebee hau halo ba Maromak. 18Tanba hau la brani atu koalia kona ba buat seluk, só deit buat nebee Kristu halo ona liu hosi hau bainhira Nia lori ema Jentiu sira atu halo tuir Nia - ho liafuan no hahalok, 19ho sinál kbiit nian no milagre oi-oin, liu hosi kbiit hosi Maromak nia Espíritu. Atu nunee hosi Jerusalém too iha Ilíriko hau kumpri ona buat hotu kona ba Kristu nia evanjelhu. 20Nunee hau hakaas aan atu haklaken evanjelhu. Maibee hau la haklaken iha fatin nebee ema rona ona Kristu nia naran, hodi hau la harii uma iha ema seluk nia fundasaun. 21Maibee hanesan ema hakerek nanis ona,
“Tanba ema nebee seidauk simu mensajen kona ba Nia sei haree,
no sira nebee seidauk rona liafuan nee sei kompriende.”#15:21 Hosi Isaias 52:15.
Paulo Nia Planu Atu Baa Roma
22Ida nee mak razaun nebee dala barak hau la konsege baa haree imi. 23Maibee agora hau la iha servisu tan iha fatin nee. No durante tinan barak ona hau hakarak tebes atu baa haree imi. 24Hau hakarak haree imi iha hau nia viajen ba Espanha. No bainhira hau haksolok tiha hamutuk ho imi too tempu ruma, hau bele hetan ajuda hosi imi iha hau nia viajen baa nebaa. 25Maibee agora hau baa Jerusalém hodi lori suporta ba santu sira. 26Tanba ema iha Masedónia no Akaia kontenti atu foo kontribuisaun ruma ba ema kiak iha santu sira nia leet iha Jerusalém. 27Tanba sira kontenti atu halo ida nee. No ida nee mak sira nia tusan. Tanba se ema Jentiu sira hola parte ona ho ema Judeu sira iha bensaun espirituál, entaun sira iha obrigasaun atu serví ho bensaun materiál. 28Entaun bainhira hau halo tiha ida nee, no entrega rezultadu nee ba sira, hau sei baa vizita imi iha hau nia viajen ba Espanha. 29No hau hatene duni katak bainhira hau vizita imi, hau sei nakonu ho bensaun#15:29 Mauniskritu balu aumenta ‘hosi evanjelhu’. hosi Kristu.
30Agora hau husu imi ho laran, maun-alin sira, tanba Nai Jesus Kristu nia naran no tanba domin hosi Espíritu, atu hakaas aan hamutuk ho hau iha imi nia orasaun ba Maromak kona ba hau. 31Husu katak Maromak#15:31 Liafuan Gregu la dehan ‘Maromak’. bele salva hau hosi sira nebee la fiar iha Judeia. No husu katak santu sira bele simu hau nia ministériu ba Jerusalém. 32Nunee, tuir Maromak nia hakarak, hau bele baa vizita imi ho laran haksolok no hetan tempu kamaan hamutuk ho imi. 33Hau harohan katak Maromak Dame Nian mak hamutuk ho imi hotu. Amén.
Currently Selected:
Roma 15: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Roma 15
15
Ajuda Ema Fraku
1Ita nebee iha kbiit tenki ajuda sira nebee kbiit laek atu lori sira nia difikuldade. Ita lalika buka atu halo haksolok deit ita nia aan rasik. 2Mai ita ida-idak buka atu halo haksolok ita nia maluk, atu halo diak ba nia no hametin nia. 3Tanba Kristu mos la buka atu halo haksolok Ninia aan. Maibee, hanesan ema hakerek nanis ona, “Liafuan aat hosi ema nebee hatete aat ba Ita monu fali ba Hau.”#15:3 Hosi Salmu 69:9. 4Tanba buat hotu nebee ema hakerek nanis ona nee, sira hakerek hodi hanorin ita. Hodi nunee, liu hosi pasiénsia no korajen hosi Eskritura, ita bele hetan esperansa. 5Maromak, nebee iha pasiénsia no foo korajen,#15:5 Gregu paraklesis ho sentidu ‘hakbesik hodi foo kamaan’, iha mos versíkulu 4. Haree João 16:7 no 2 Korinto 1:3-5. bele halo hodi ita moris hamutuk neon ida laran ida, liu hosi Kristu Jesus. 6Nunee ita hamutuk ho lian ida deit atu foo glória ba ita nia Nai Jesus Kristu nia Maromak no Aman. 7Tanba nee, simu malu hanesan Kristu mos simu ita, hodi foo glória ba Maromak.
Ema Jentiu Sira Bele Haksolok
8Tanba hau dehan ba imi katak Kristu sai atan ba sira nebee hetan sirkunsizaun hodi hatudu Maromak nia lia loos. Ida nee hametin promesa nebee Maromak halo ba sira nia bei-ala sira. 9Ida nee akontese hodi ema Jentiu sira bele foo glória ba Maromak tanba Ninia laran luak. Ema hakerek nanis ona,
“Nunee hau sei hahii O iha ema Jentiu sira nia leet,
no hananu ba O nia naran.”#15:9 Hosi Salmu 18:49.
10No ema dehan fali,
“Haksolok ba, Oh ema Jentiu sira, hamutuk ho Ninia povu.”#15:10 Hosi Deuteronómiu 32:43 (Manuskritu Masoretika).
11No ida fali,
“Hahii Nai, ema Jentiu sira hotu,
no povu hotu gaba Nia.”#15:11 Hosi Salmu 117:1.
12No ida fali, Isaias dehan,
“Jessé nia abut sei mai,
no nia sei hamriik hodi ukun ema Jentiu sira.
No ema Jentiu sira sei hetan esperansa iha Nia.”#15:12 Hosi Isaias 11:10. Jessé nia abut mak Jesus, haree Isaias 11:1 no nota.
13Hau harohan katak Maromak Esperansa Nian bele halo imi nakonu ho haksolok hotu no dame iha fiar, atu nunee imi bele sai nakonu liu ho esperansa liu hosi Espíritu Santu nia kbiit.
Paulo Nia Ministériu
14Hau rasik fiar katak imi, hau nia maun-alin sira, mak nakonu ho buat nebee diak no nakonu ho matenek hotu atu imi bele hanorin#15:14 Nee katak foo hanoin ba malu atu kuidadu. malu. 15Maibee hau hakerek ba imi ho aten brani kona ba asuntu balu hodi foo hanoin ba imi. Tanba Maromak foo ona grasa mai hau. 16Nia foo knaar mai hau atu sai Kristu Jesus nia atan ba ema Jentiu sira, hodi bele halo ministériu saserdote nian ba Maromak nia evanjelhu. Nunee Maromak bele simu oferta nebee ema Jentiu sira nee, tanba sira sai santu ona liu hosi Espíritu Santu. 17Nunee, iha Kristu Jesus, hau iha razaun atu gaba hau nia servisu nebee hau halo ba Maromak. 18Tanba hau la brani atu koalia kona ba buat seluk, só deit buat nebee Kristu halo ona liu hosi hau bainhira Nia lori ema Jentiu sira atu halo tuir Nia - ho liafuan no hahalok, 19ho sinál kbiit nian no milagre oi-oin, liu hosi kbiit hosi Maromak nia Espíritu. Atu nunee hosi Jerusalém too iha Ilíriko hau kumpri ona buat hotu kona ba Kristu nia evanjelhu. 20Nunee hau hakaas aan atu haklaken evanjelhu. Maibee hau la haklaken iha fatin nebee ema rona ona Kristu nia naran, hodi hau la harii uma iha ema seluk nia fundasaun. 21Maibee hanesan ema hakerek nanis ona,
“Tanba ema nebee seidauk simu mensajen kona ba Nia sei haree,
no sira nebee seidauk rona liafuan nee sei kompriende.”#15:21 Hosi Isaias 52:15.
Paulo Nia Planu Atu Baa Roma
22Ida nee mak razaun nebee dala barak hau la konsege baa haree imi. 23Maibee agora hau la iha servisu tan iha fatin nee. No durante tinan barak ona hau hakarak tebes atu baa haree imi. 24Hau hakarak haree imi iha hau nia viajen ba Espanha. No bainhira hau haksolok tiha hamutuk ho imi too tempu ruma, hau bele hetan ajuda hosi imi iha hau nia viajen baa nebaa. 25Maibee agora hau baa Jerusalém hodi lori suporta ba santu sira. 26Tanba ema iha Masedónia no Akaia kontenti atu foo kontribuisaun ruma ba ema kiak iha santu sira nia leet iha Jerusalém. 27Tanba sira kontenti atu halo ida nee. No ida nee mak sira nia tusan. Tanba se ema Jentiu sira hola parte ona ho ema Judeu sira iha bensaun espirituál, entaun sira iha obrigasaun atu serví ho bensaun materiál. 28Entaun bainhira hau halo tiha ida nee, no entrega rezultadu nee ba sira, hau sei baa vizita imi iha hau nia viajen ba Espanha. 29No hau hatene duni katak bainhira hau vizita imi, hau sei nakonu ho bensaun#15:29 Mauniskritu balu aumenta ‘hosi evanjelhu’. hosi Kristu.
30Agora hau husu imi ho laran, maun-alin sira, tanba Nai Jesus Kristu nia naran no tanba domin hosi Espíritu, atu hakaas aan hamutuk ho hau iha imi nia orasaun ba Maromak kona ba hau. 31Husu katak Maromak#15:31 Liafuan Gregu la dehan ‘Maromak’. bele salva hau hosi sira nebee la fiar iha Judeia. No husu katak santu sira bele simu hau nia ministériu ba Jerusalém. 32Nunee, tuir Maromak nia hakarak, hau bele baa vizita imi ho laran haksolok no hetan tempu kamaan hamutuk ho imi. 33Hau harohan katak Maromak Dame Nian mak hamutuk ho imi hotu. Amén.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.