Roma 3
3
Maromak Nia Hahalok Loos
1Entaun ema Judeu sira hetan benefísiu saida? No sirkunsizaun iha folin saida? 2Iha folin boot oi-oin. Liu-liu tanba sira simu liafuan hosi Maromak. 3Maibee oinsaa, se ema Judeu balu la hatudu fidelidade karik? Sira nia hahalok nee sei halakon Maromak nia fidelidade ka? 4La bele! Ema hotu bele sai bosok-teen, maibee Maromak loos hela. Hanesan ema hakerek nanis ona,
“Katak O nia liafuan bele loos,
no O bele manaan bainhira O tesi lia.”#3:4 Hosi Salmu 51:4 (nebee hosi tradusaun Septuaginta).
5Maibee se ita nia hahalok aat hatudu katak Maromak iha hahalok loos, ita sei dehan saida? Karik Maromak la hatudu hahalok loos bainhira Nia hatudu laran hirus ba ita ka? (Hau koalia nudar ema ida.) 6La bele! Se nunee, oinsaa mak Maromak bele tesi lia ba mundu? 7Maibee se karik hau nia liafuan bosok halo ema foo glória tan ba Maromak tanba Ninia lia loos, tanba saa mak hau hetan hela kastigu nudar sala nain? 8No tanba saa mak ita la halo aat hodi buat diak bele akontese? Ema balu koalia aat kona ba ami tanba sira dehan katak ami koalia hanesan nee. Kastigu nebee sira hetan mak loos.
La Iha Ema Ida Nebee Loos
9Nunee oinsaa? Ita ema Judeu diak liu fali sira ka? Lae liu! Tanba ita foin hatudu katak sala ukun ema hotu, inklui ema Judeu sira no ema Jentiu sira. 10Hanesan sira hakerek nanis ona,
“La iha ema ida nebee moris loos, ida mos la iha.
11La iha ema ida nebee kompriende,
la iha ida nebee buka tuir Maromak.
12Sira hotu lao sees ona, hamutuk sira sai folin laek;
la iha ida nebee halo diak,
ida mos la iha.”#3:10-12 Hosi Salmu 14:1-3, 53:1-3.
13“Sira nia kakorok hanesan rate nebee nakloke hela,
sira lohi ho sira nia nanaal.”
“Samea nia veneno mak iha sira nia ibun tutun.”#3:13 Hosi Salmu 5:9 no Salmu 140:3.
14“Sira nia ibun nakonu ho malisan no liafuan moruk.”#3:14 Hosi Salmu 10:7 (tradusaun Septuaginta).
15“Sira nia ain halai atu fakar raan.”#3:15 Hosi Provérbiu 1:16.
16“Sira lao tuir dalan nebee halakon no foo terus.
17Sira la hatene dalan dame nian.”#3:15-17 Haree Isaias 59:7-8.
18“Sira nia matan la hamtauk Maromak.”#3:18 Hosi Salmu 36:1.
19Agora, ita hatene katak saida mak lei dehan, lei nee dehan ba sira nebee iha lei nia okos. Atu nunee ibun hotu sei nonook, no ema hotu iha mundu merese atu simu kastigu iha Maromak nia oin. 20Tanba la iha ema ida nebee sai loos iha Maromak nia oin liu hosi halo tuir lei. Maibee liu hosi lei ita hatene kona ba ita nia sala.
Moris Loos Liu Hosi Fiar
21Maibee agora, moris loos mosu mai hosi Maromak nebee ketak hosi lei. Lei no profeta sira foo sasin kona ba moris loos nee. 22Ema hotu nebee fiar bele hetan moris loos hosi Maromak. Ida nee mai liu hosi fiar iha Jesus Kristu. Ema hotu hanesan deit. 23Tanba ema hotu-hotu halo ona sala, no ita la too Maromak nia glória. 24Maibee ita bele sai loos liu hosi Ninia grasa nebee Nia foo gratis deit. Tanba Nia hola fali ita iha Jesus Kristu.#3:24 Tuir ema Judeu nia kostumi, bainhira ita lakon (karik tanba laen mate ona) ita nia maluk bele ‘hola fali’ ita hodi salva ita hosi terus. Haree Rut 4 no informasaun kona ba ‘hola nain’. 25Maromak tau Jesus nudar sakrifísiu nebee taka ita nia sala nebee ita simu liu hosi fiar iha Jesus nia raan.#3:25 Uluk Maromak foo lei liu hosi Moisés katak saserdote boot tenki oho bibi no fakar raan iha Tenda Enkontru hodi taka ema nia sala atu nunee Maromak la foo kastigu ba sira (Levítiku 16:15-16). Maibee agora, Maromak foo Ninia bibi malae Jesus Kristu atu fakar Ninia raan hodi taka ita nia sala. Agradese ba Maromak! Ida nee hatudu Maromak nia hahalok loos tanba Nia hatudu pasiénsia kona ba sala iha tempu uluk. 26Ida nee mos hatudu Ninia hahalok loos iha tempu agora. Nunee Nia mak loos, no Nia mak Ida nebee halo ema loos nebee fiar iha Jesus.
27Entaun ita bele gaba aan ka? La bele! Ida nee liu hosi lei saida? Liu hosi lei hahalok nian? Lae, maibee liu hosi lei fiar nian.#3:27 Maromak la simu ita tanba ita halo tuir lei (lei hahalok nian), maibee tanba ita fiar Jesus (lei fiar nian). 28Tanba ita hatene ona katak ema sai loos liu hosi fiar, nebee ketak hosi hahalok nebee tuir lei. 29Nia mak Maromak ba ema Judeu sira deit ka? Laos Nia mos Maromak ba ema Jentiu sira? Sin, ba ema Jentiu sira mos. 30Tanba iha Maromak ida deit, nebee sei halo loos sira nebee iha sirkunsizaun liu hosi fiar, no mos sira nebee la iha sirkunsizaun liu hosi fiar. 31Entaun ita halakon lei tanba fiar ka? La bele! Maibee, ita hametin lei.#3:31 Lian Gregu dehan ‘hamriik lei’, nebee ‘halo lei hamriik metin’ ka foo folin ba lei.
Currently Selected:
Roma 3: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Roma 3
3
Maromak Nia Hahalok Loos
1Entaun ema Judeu sira hetan benefísiu saida? No sirkunsizaun iha folin saida? 2Iha folin boot oi-oin. Liu-liu tanba sira simu liafuan hosi Maromak. 3Maibee oinsaa, se ema Judeu balu la hatudu fidelidade karik? Sira nia hahalok nee sei halakon Maromak nia fidelidade ka? 4La bele! Ema hotu bele sai bosok-teen, maibee Maromak loos hela. Hanesan ema hakerek nanis ona,
“Katak O nia liafuan bele loos,
no O bele manaan bainhira O tesi lia.”#3:4 Hosi Salmu 51:4 (nebee hosi tradusaun Septuaginta).
5Maibee se ita nia hahalok aat hatudu katak Maromak iha hahalok loos, ita sei dehan saida? Karik Maromak la hatudu hahalok loos bainhira Nia hatudu laran hirus ba ita ka? (Hau koalia nudar ema ida.) 6La bele! Se nunee, oinsaa mak Maromak bele tesi lia ba mundu? 7Maibee se karik hau nia liafuan bosok halo ema foo glória tan ba Maromak tanba Ninia lia loos, tanba saa mak hau hetan hela kastigu nudar sala nain? 8No tanba saa mak ita la halo aat hodi buat diak bele akontese? Ema balu koalia aat kona ba ami tanba sira dehan katak ami koalia hanesan nee. Kastigu nebee sira hetan mak loos.
La Iha Ema Ida Nebee Loos
9Nunee oinsaa? Ita ema Judeu diak liu fali sira ka? Lae liu! Tanba ita foin hatudu katak sala ukun ema hotu, inklui ema Judeu sira no ema Jentiu sira. 10Hanesan sira hakerek nanis ona,
“La iha ema ida nebee moris loos, ida mos la iha.
11La iha ema ida nebee kompriende,
la iha ida nebee buka tuir Maromak.
12Sira hotu lao sees ona, hamutuk sira sai folin laek;
la iha ida nebee halo diak,
ida mos la iha.”#3:10-12 Hosi Salmu 14:1-3, 53:1-3.
13“Sira nia kakorok hanesan rate nebee nakloke hela,
sira lohi ho sira nia nanaal.”
“Samea nia veneno mak iha sira nia ibun tutun.”#3:13 Hosi Salmu 5:9 no Salmu 140:3.
14“Sira nia ibun nakonu ho malisan no liafuan moruk.”#3:14 Hosi Salmu 10:7 (tradusaun Septuaginta).
15“Sira nia ain halai atu fakar raan.”#3:15 Hosi Provérbiu 1:16.
16“Sira lao tuir dalan nebee halakon no foo terus.
17Sira la hatene dalan dame nian.”#3:15-17 Haree Isaias 59:7-8.
18“Sira nia matan la hamtauk Maromak.”#3:18 Hosi Salmu 36:1.
19Agora, ita hatene katak saida mak lei dehan, lei nee dehan ba sira nebee iha lei nia okos. Atu nunee ibun hotu sei nonook, no ema hotu iha mundu merese atu simu kastigu iha Maromak nia oin. 20Tanba la iha ema ida nebee sai loos iha Maromak nia oin liu hosi halo tuir lei. Maibee liu hosi lei ita hatene kona ba ita nia sala.
Moris Loos Liu Hosi Fiar
21Maibee agora, moris loos mosu mai hosi Maromak nebee ketak hosi lei. Lei no profeta sira foo sasin kona ba moris loos nee. 22Ema hotu nebee fiar bele hetan moris loos hosi Maromak. Ida nee mai liu hosi fiar iha Jesus Kristu. Ema hotu hanesan deit. 23Tanba ema hotu-hotu halo ona sala, no ita la too Maromak nia glória. 24Maibee ita bele sai loos liu hosi Ninia grasa nebee Nia foo gratis deit. Tanba Nia hola fali ita iha Jesus Kristu.#3:24 Tuir ema Judeu nia kostumi, bainhira ita lakon (karik tanba laen mate ona) ita nia maluk bele ‘hola fali’ ita hodi salva ita hosi terus. Haree Rut 4 no informasaun kona ba ‘hola nain’. 25Maromak tau Jesus nudar sakrifísiu nebee taka ita nia sala nebee ita simu liu hosi fiar iha Jesus nia raan.#3:25 Uluk Maromak foo lei liu hosi Moisés katak saserdote boot tenki oho bibi no fakar raan iha Tenda Enkontru hodi taka ema nia sala atu nunee Maromak la foo kastigu ba sira (Levítiku 16:15-16). Maibee agora, Maromak foo Ninia bibi malae Jesus Kristu atu fakar Ninia raan hodi taka ita nia sala. Agradese ba Maromak! Ida nee hatudu Maromak nia hahalok loos tanba Nia hatudu pasiénsia kona ba sala iha tempu uluk. 26Ida nee mos hatudu Ninia hahalok loos iha tempu agora. Nunee Nia mak loos, no Nia mak Ida nebee halo ema loos nebee fiar iha Jesus.
27Entaun ita bele gaba aan ka? La bele! Ida nee liu hosi lei saida? Liu hosi lei hahalok nian? Lae, maibee liu hosi lei fiar nian.#3:27 Maromak la simu ita tanba ita halo tuir lei (lei hahalok nian), maibee tanba ita fiar Jesus (lei fiar nian). 28Tanba ita hatene ona katak ema sai loos liu hosi fiar, nebee ketak hosi hahalok nebee tuir lei. 29Nia mak Maromak ba ema Judeu sira deit ka? Laos Nia mos Maromak ba ema Jentiu sira? Sin, ba ema Jentiu sira mos. 30Tanba iha Maromak ida deit, nebee sei halo loos sira nebee iha sirkunsizaun liu hosi fiar, no mos sira nebee la iha sirkunsizaun liu hosi fiar. 31Entaun ita halakon lei tanba fiar ka? La bele! Maibee, ita hametin lei.#3:31 Lian Gregu dehan ‘hamriik lei’, nebee ‘halo lei hamriik metin’ ka foo folin ba lei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.